تجمــع المتأخـرات بالحمـل بسبب الــزوج حيــاكم

[ملكه بطيبتي]

مرحبا يا اخواتي سوف انضم لكم
متزوجه لي 4 سنوات زوجي عنده ضعف في الحيوانات المنويه
نراجع حاليا عند دكتور شاطر مره اسمه هشام عرب في جده
قال بسوي تلقيح صناعي شهر 8 واعطى زوجي فتامين
الله يسهل ان شاء الله متوكله على الله

 

[@الليدي لين@]

ملكه حياج الله بين خواتج

الله يشافي ريلج وتحملين ياااارب

 

[~{.. روج احمر]

مافي نتايج مبشره يابنات .. يالله نبي نتفائل

بخصوص البنات الي ازواجهم عندهم حيوانات منويه

بس الحركه صفر .. وشو السبب ؟؟؟

 

[ms.dlw3h]

هذي منقوله لعيونكم.

الله يرزقني وياكم ان شاءالله


حضروا ورقة وقلم واكتبوا هذه الوصفة التي أعطاني اياها طبيب استشاري في مركز طبي شهير بجدة بعد ان كشف على زوجي وتقرر أن لديه ضعف في الحيوانات المنوية (العدد والحركة معا) ويرفض أن يكتب علاج طبي قبل استعمال هذه الوصفه ويقول بأنها أفادت الكثييييييير .... أحدهم زادت الحيوانات المنوية من 150ألف الى 50 مليون خلال 3 أشهر !!
وأحدهم زادت حركة الحيوانات من 5% الى 55% ........ والاخر زادت كمية السائل المنوي المقذوف من 2ملم الى 8ملم
وزوجي يستخدمها الان وسيحلل بعد كم أسبوع باذن الله وسنرى النتيجة ولكن من المقادير تعرف أن لاهناك ضرر أبدا
الخلطة كالتالي ::
كيلو عسل ... يفضل أن يكون أصلي ... وحتى مايباع بالبقالات ممكن يمشي الحال !!
2ملعقة كبيره حبة البركة مطحونة ناعم
2 ملعقة كبيرة حبوب اللقاح ...( موجودة عند أي عطار وفي بوادي النحل ممتازه جدا)
10جرام غذاء ملكات النحل ....(على نوعين بودرة وعادة مايكون مغشوش وسائل مثل الشحم ويحتاج ثلاجة وهذا المطلوب وعلى فكر ةهو غالي شوي ويأتي بالجرامات ولايباع الا بعلب صغيره أنا أخذته من وادي النحل 10جرام ب50ريال وهي كافية جدا)
ملعقه كبيره مطحونه من كل من المكسرات بأنواعها ولكن يجب ألاتكون مملحة أو محمصة ... اطلبها نية وقل للعطار أريدها للطبخ ... مثال( فستق + جوز + لوز + كاجو + صنوبر ....الخ )

اخلطها جيدا وخذ ملعقة كبيرة يوميا ثلاث مرات
وسترى النتائج مبهرة باذن الله عزوجل .... كما أن الخلطة بها من الفوائد لباقي أعضاء الجسم مافيها..
أدعو للجميع بالصحة والذرية الصالحة وأتمنى من كل من قرأ موضوعي الدعاء لي بالذرية .



بعدها بشهر كاااااااااااااااااااان ردها

السلام عليكم ورحمة الله
تعقيبا على موضوعي السابق ..
وهذا الرابط لكل من لم يقرأه

.............................. ........................

اليوم أحضرت لكم نتيجة تحليل زوجي وبعد شهر واحد فقط من استخدامه
قولوا ماشاء الله

عدد الحيوانات المنوية في الملم الواحد :
سابقا: 4مليون .... والان: 108 ملايين ..
الحمدلله

الحركة: سابقا: 5% ... والان 60%الحمدلله

الحيوانات المشوهه (الغيرنافعة)
سابقا:45% .... والان 30%
الحمدلله
في بعض الأمور ماتغيرت كثير مثل الحيوانات المشوهة والكسولة لكن يظل في تحسن ملحوظ والحمدلله وحده



والله يااخوان الفرحة ماتسعني أنا وزوجي وماتتخيلون كيف شكرنا الدكتور
وعقبال ماأحمل ان شاء الله

كلمة للجميع: لاتستهين بالعسل والله ان زوجي كان يرفض خلطةالعسل وبعد الحاحي وافق على مضض
والان يشكرني في كل لحظة ودقيقة ... وحاسس بتأنيب الضمير انه هو من حرمني من الاطفال طيلة 5سنوات الماضية.
.............................. ......................

 

[@الليدي لين@]

مس دلوعه يزاج الله اللللللللللللف خير والله خلتيني اتفاااااائل

 

[غروه]

وانا بعد تقبلوني معكم
11سنه زواج
العدد عند زوجي 250الف
الوزن زوجي126
وزني انا 96
ونراجع الدكتور الحسن مستشفى التخصصي الرياض
وقرر لنا طفل انابيب
ولاكن ينتظرو وزني ينزل وانا طفشت
وزني مو راضي ينزل
لي اربع شهور نازلة 3 كيلو بس

 

[@الليدي لين@]

غروه شدددي على نفسج وضعفي هالجم شهر لي رمضان حاولي انج توصلين للوزن المطلوب وان شاء الله تسوين العمليه على خير واتيبين تواائم يااااارب

 

[@الليدي لين@]

مافي نتايج مبشره يابنات .. يالله نبي نتفائل

بخصوص البنات الي ازواجهم عندهم حيوانات منويه

بس الحركه صفر .. وشو السبب ؟؟؟

ريلي عنده ضعف بالحركه السبب كان دوالي وسوا العمليه ولي الحين الضعف ماادري ليش




الله يشااافيهم

 

[حبي زوجي فديته]

بنات ريلي سوا عملية الدوالي وصار المني 3 مليون

والشهر هذا استخدم عسل الفايز خالته
انتكست
لاحول ولاقوة الا بالله

انا سمعت من البنات انه وايد هالعسل الفايز زين الله =يسامحها اللي قالت لي

صار2 مليون والحركة10


اللهم اجرني في مصيبتي

 

[@الليدي لين@]

حبي زوجي ان شاء الله ربي يشاافي زوجج ويصير فوق الميه مليون ياارب وتحملين طبيعي
ويمكن مايصير يتخذ العسل مع الادويه ماادري الصراحه شنو السبب بس افضل اشتري عسل طبيعي وسوي الخلطه اللي قالو عنها البنات انا اشوف انه احسن من انج تشترين خلطه من عندهم ..ماعندي شي اقولج بس ياااااربي ماتمر سنه على عمليته الا وانتي حامل

 

[@الليدي لين@]

استغفر الله العظيم واتوب اليه


رب انعم علينا بالذرية الصااالحه

 

[&هند&]

الليدي لين متى زوجج سوى العملية ؟؟؟ وهل كان ضعيف من اول شي ولا فاجاه صار فية ضعف وسوى العملية ،،،

 

[@الليدي لين@]

ريلي قبل مانتزوج كان فاحص اخوه قاله احسن افحص وجذي ولما فحص وده النتيجه للدكتور يقراها له وضحك الدكتور يقووله انته شفييك اشتبيي يااعمي رووح خلللف مافيك شي @@



هند سمعي قصتي عقب ماتزوجنا صارت سنه وماحملت وريلي مافكر يفحص لانه فاحص من قبل ،،بس دكتورتي قالت لازم يفحص بالاول واشوف النتيجه ولما فحص صددددمه شفنا العدد ٨ مليون الدكتوره انصدمت ،،،،اقل من عشره مليون عقم وبين عشره لي عشرين ضعف جذي قالو حق ريلي

وفحص وجذي وطلع وياه دوالي يقول للدكتور انا بالضبط قبل عشر او ١١ شهر فاحص ومافيني شي بس سبحان الله ماندري ليش

وسوا العمليه شهر خمسه السنه اللي فاتت الحين صار سنه اول شي زاد العدد والحين رد نزل حييل *

 

[@الليدي لين@]

وانتي هند شنو فيه ريلج

 

[عالمي المجنون]

الله يرزقكم يارب

وتشوفون ضناكم بحضونكم

 

[&هند&]

انا حملت من اول شهر ومافيني شي وهو مافيه شي بس اجهضت بدا زوجي يصير فيه ضعف بالانتصاب وبعدين قالو الهرمونات معتفسه عنده وسوى تحليل المني وكان كل شي طبيعي وبعد 6 اشهر سوى التحليل العدد2 مليون راح للدكتوره وقاله فيك دوالي وقبل فترة سوى العملية وطبعا الي لعب بهرموناته هي الفيتامينات الي ياخذهم من النادي وانا اشك انها فينامينات لان الدكتور قاله هذي الي سوت فيك جذي وتميت سنة من اجهضت للحين ما حملت ،،،،،،،
والله يرزقنا الذرية الصالحة وشافي ازواجنا

 

[سمسومه الحبوبه]

الله يرزقنا من حيث لا نحتسب
اليوم زوجي راح وسوا تحليل السائل المنوي وبعد اسبوع بتطلع نتائجنا كلنا
الله يسمعني خير يارب

 

[دآنة آلرشآيده]

عسى ربي يرزقكم بالذريهـ الصالحهـ
ويحقق آمآنيكم ​

 

[@الليدي لين@]

هند ان شاء الله يزيد العدد حيل ويتشافي في ناس بعد العمليه بجم شهر اتبين معاهم مو علي طول

سمسومه ان شاء الله خييير الله يرزقج ياااارب وتفرحين


دانه مشكووره والله يسهل عليج وتولدين طبيعي ان شاء الله ،،الله يجعله من الذريه الصالحه ياارب

 

[حبي زوجي فديته]

ليدي دكتور ريلي قال انه عمليه الدوالي اذا مابين الحين بعد سنتين صج كلامه انا اللي اعرفه سنه والله كريم


يااارب تنعم علينا بالتوم الصالحين