تجمــع المتأخـرات بالحمـل بسبب الــزوج حيــاكم

[*ريما*]

الله يرزقكم جميعا بالذرية الصالحة يارب
انا حبيت ادخل وادعي لكم

 

[حبيبه خالها]

حبيبه خالها

نصيحه خلي زوجج يستمر عالعسل ثلاث شهو مرتين او ثلاث مرات باليوم مع الخلطه اللي اهي الحبه البركه وطلح النخيل وجنسنج وحبوب اللقاح وملكات غذاء النحل واااااايد بيفيده

حبيبتي بسألج زوجج لمن سوى تفتيش عنده خلايا ولا لا؟؟


ولاتتضايقين كل شي له علاج

مشكوره حبيبتي ع تفاعلج معاي
بس احس الدكتور مو فاهم لانه ماقال لزوجي اي شي
بس قاله مالقينا شي اخذ هالعلاج ورد بعد 3 شهور

 

[So MuCh PaIn]

مشكورة رمز المودة على ردج قلبي 

 

[So MuCh PaIn]

بنات اليوم رحت المستوصف وكلمت الدكتوره قالتلي انتي ليش اتعابلين بعمرج دام المشكله مو منج انتي بس يبي تحليلج وتحليل ريلج وراح نحولكم تسوون تلقيح صناعي وذا ما فاد طفل انابيب
منوو منكم جرب التلقيح الصناعي بالحكومه ويطول من ناحية المواعيد

 

[رمز الموده]

So MuCh PaIn

لا والله ماعمري سويته بس انتي سويه ان شاء الله يرزقكم ماتدرين بس ماعليج من كلام الدكتوره اهتمي بنفسج بوقت الدوره لان الرحم اهو اللي يمسك البيبي واذا كان قوي يثبت بعد الله سبحانه وتعالى ربي يرزقج ويرزقنا كلنا

 

[رمز الموده]

مشكوره حبيبتي ع تفاعلج معاي
بس احس الدكتور مو فاهم لانه ماقال لزوجي اي شي
بس قاله مالقينا شي اخذ هالعلاج ورد بعد 3 شهور

العفو حبيبتي واحنا ماحطينا التجمع الا عشان نفيد بعض حياتي
بس مادري وينهم البنات مالهم حس :bbbiu:

ولاتحاتين حبيبتي وايد اخذي العلاج اللي عطاه الدكتور وبروكسيد وايد يمدحونه زوجي ياخذه

وكل يوم عالريق انا اسوي لزوجي زنجبيل وبردقوش واشرب انا وياه اذا كانت الدوره علي واااايد زين وخلي زوجج يقرا سورة البقره يوميا والله مفعولها احسن من العلاج نفسه

 

[So MuCh PaIn]

بعد عمري رمز المودة انشالله ما تعدي هالايام ووحده وورا وحده تبشرنا بحمالها

انتي شصار عليج شلون اموركم

 

[رمز الموده]

انا الحين ريلي ياخذ عسل من ابو طلال مدحته الاخت خنساء يزاها الله خيير

ومه بروكسيد بلس ويشرب بردقوش ومداومين على الاستغفار عشان ودنا نروح لمستشفى رويال حياة عند الفريق البلجيكي والله كريم ان شاء الله يرزقنا كلنا يااااارب

 

[سمسومه الحبوبه]

مرحبا حبيباتي
وشلون النفسيات عساها عال العال
نزلت علي الدوره ذا الأسبوع والحمدلله النفسيه ما تأثرت الوضع عادي
وزوجي هاذاني احايل فيه كل يوم عشان يروح ياخذ موعد وكل يوم بكره وبكره تعبان والي بعده حر واللي بعده مشوار مالي خلق
الله يعين لان لازم هو يروح يسوي تحاليل الدم والسائل المنوي بعدين اروح انا اشوف نتائج فحوصاتي لان الدكتوره طلبت منا فحوصات مع بعض وانا طيران سويتها من شهر محرم طبعا سوتلي اشعة صبغه وتحاليل دم وتقول لين صارت فحوصاتكم تمام نسويلكم تلقيح صناعي وانا انتظره الله يهديه

 

[منور الإماراتية]

الله يشاافي رياااااييلــكم شفاااءاا ما بعده سقمــأأ

والله يفرحكم ويبشركم بالذريه الصالحه والليمه والمعاافااه

 

[So MuCh PaIn]

صباح الفل والياسمين

رمز المودة ... الله كريم وعسى ربي يوفقكم ويرزكم الذرية الصالحة قريب

سمسومة الحبوبة ... حايلي فيه عشان يروح يحلل وربي يهديه لج ان شاء الله من نفسه يروح من غير حنه يارب

منور ... تسلمين قلبي عالدعاء ... بشرينا عنج

 

[om-s3oodi]

السلام عليكم :

1- كم سارلج متزوجه

7 أشهر ..

2- شنو السبب الرئيسي في عقم الزوج ( ضعف او انعدام)

ضعف .. لزوجة عالية ..

3- اي دكتور راجعتوا وهل تحسنت الحاله او لا

أمس يبت التحاليل .. وليلحين ما راجعنا مكان .. لأنه مو ناوين .. إلا عقب ما أنكمل السنة .. بس اليوم بروح الطبيبة وبجوف شتقول ؟

4- كم وزنج وكم وزن زوجج

آنا 62 .. وريلي تقريباً 80 !

...

الحمدلله على كل حال .. آنا ببلش معاه حقي وحقه عسل .. وأعشاب .. لا تنسون بنات الجرجير والكافيار والروبيان .. وبداوم عالبقرة والإستغفار .. أهم شي ..

جان ربي كتب لنا حمل بهالـ 6 أشهر .. الحمدلله .. جان تمينا السنة ماكو بيبي .. بنبلش علاج المستشفيات .. بإذن الله ..

و إن شاء الله خير يارب ..

لا تقنطون من رحمة ربكم بنات .. قولوا الحمدلله .. :eh_s(7):

 

[So MuCh PaIn]

ونعم بالله

بس بغيت اسالج ام سعودي انتي سويتي تحاليل لروحج اسفه عالسؤال

ترى العسل وفيتامين e وايد زينين حق ريلج وربي يكتب لكم الذرية الصالحة

 

[om-s3oodi]

ونعم بالله

بس بغيت اسالج ام سعودي انتي سويتي تحاليل لروحج اسفه عالسؤال

ترى العسل وفيتامين e وايد زينين حق ريلج وربي يكتب لكم الذرية الصالحة

إي سويت ثاني يوم الدورة ..

الحمدلله كل شي تمام تقريباً .. آنا اللي قريت التقرير .. واليوم بآخذ التقريرين وبجوف الدكتورة ..

وقبل الدورة سويت سونار داخلي وخارجي .. والحمدلله الدكتورة قالت لي كل شي تمام ..

بس عقب الزواج تخربطت الدورة .. ونظمتها ..

عآد قلت حق ريلي .. أنعرف من البداية وين المشكلة ونعالجها .. وأقتنع .. فـ سوينا أثنينا التحاليل .. و الحمدلله على كل حال ..

اللهم آميييييييين أجمعين .. ما قصرتي حبوبة :eh_s(7):

 

[So MuCh PaIn]

الحمدلله قلبي انه كل شي عندج اوكي ... وزين ما سويتي انكم تحلون مشكلتكم من الحين وربج كريم يا قلبي

 

[om-s3oodi]

الحمدلله قلبي انه كل شي عندج اوكي ... وزين ما سويتي انكم تحلون مشكلتكم من الحين وربج كريم يا قلبي

إي والله الحمدلله ..

الله كريم ..

وعسى ربي يشافي زوجج إن شاء الله .. ويرزقج بالذرية الصالحة عااااجلاً غير آجل يارب العالمين .. :eh_s(7):

 

[So MuCh PaIn]

مشكوره قلبي عالدعوة 

 

[شموسة كيوت]

كيفكم بنات التجمع

ربي يرزقكم جميعا الذرية وانا معكم هذا الشهر يارب ومانحتاج المستشفيات

 

[So MuCh PaIn]

هلا بعد عمري شموسه وينج هاليومين فديتج .. الله يسمع منج يا قلبي

 

[So MuCh PaIn]

صباح الورد

كول سلو وينها ما تبين ؟؟؟


عالعموم امس رحت عند الدكتور وشاف تحليل ريلي وقالنا لا تلفون عالدكاتره ولا تعبون روحكم انتو يبيلكم وسيله مساعده للحمل و رشحلنا طفل الانابيب عند سعد زغلول ... صدمني بالكلام بس سبحان الله مافي شي بعيد عن ربنا .،.. بنات منوو سامع عنه