تجمــع المتأخـرات بالحمـل بسبب الــزوج حيــاكم

[So MuCh PaIn]

رد : تجمــع المتأخـرات بالحمـل بسبب الــزوج حيــاكم

صباح الورد عليكم

بيصير لي متزوجه ٦ سنين وعند بنوته حملت فيها بعد سنه ونص من زواجنا ويومتها سبب المشكله كان انعدام بس اخذ علاج وحملت
والحين انعاني من نفس المشكله بس الحاله تحسنت ريلي قام ياخذ كلوميد و عسل طبعا هالمره من كيفه يعالج عمره بس الحمدلله تحسنت حالت حيواناته المنويه والله كريم

وزني ٦٩ ووزنه ٨٢

 

[شموسة كيوت]

رد : رد: رد : رد: تجمــع المتأخـرات بالحمـل بسبب الــزوج حيــاكم

الله يرزقنا جميعا يارب لا اختي العسل الطبيعي تخربه الثلاجه بعدين لاتخلطينه بالملعقه الحديد دوم في العلاج بالعسل لاتستعملين الا الملعقه البلاستك وحتى زوجج يااكل العسل بالملعقه البلاستك
حتى لاحظي محلات العسل يستحدمون الخشب او البلاستك واحنا قال لنا صاحب مزرعة ينتج عسل بس في الاردن والله يوفقنا جميعا:yaaaaaarb::yaaaaaarb::yaaaaaarb:

معقولة!!

الملعقة الحديد ماتنفع؟؟ليش طيب؟؟

انا البارحة خلطتة بالحديد واكلة والحين قبل يروح العمل نفس الحالة

جزاك الله خير حبيبتي ع المعلومة ان شاءاللة اطبقها من اليوم

 

[قلب مغليك]

رد : تجمــع المتأخـرات بالحمـل بسبب الــزوج حيــاكم

الدكتور قالنا ان الأعشاب تخرب مفعول الادويه وهذا زوجي من سمع هالسالفه رفض يأكل عسل وسمعها من دكتور بالراديو ومن دكتور ناهض

 

[%متفائله%]

رد: رد : رد: تجمــع المتأخـرات بالحمـل بسبب الــزوج حيــاكم

سبحان اللة

توني قبل ساعتين سويت الخلطة لزوجي وهيا نفس مكوناتك بس انا زدت عليها حبة سودة

وطلع النخل واول ملعقة اكلها قبل ينام علية بالعافية بس يارب تنفع

بس بسالك متفائلة الخلطة احطها بالثلاجة او برة اخاف تخرب


ربي يرزقك ان شاءاللة

فديت قلبج والله وعفيه عليج بس خل يستمر عليهاا واهم شي عالريج وقبل النوم يااكل قفشه

والله يرزقكم

بخصوص الحبه السوده حبيبتي اهي نفسهااا حبه البركه :eh_s(1):

واكيد تحطينهاا برا لانهااا بتكون بالعسل والعسل ماااايخرب

والله يرزق الجميع

 

[%متفائله%]

رد: رد : تجمــع المتأخـرات بالحمـل بسبب الــزوج حيــاكم

بناااات ازواجكم عند منو يراجعون وجم تكلف مراجعاتهم زوجي مايعرف احد من الدكاتره الزينين بليييز فيدوني

اهلين اختي كول سلو وااااي شهيتيني فيهااا عااد احبهااا

بالنسبه للدكاتره خل اقولج ريلي فيه طبع باايخ ماايثق بالدكاتره فعشان جذي عند كذا دكتور راح

اولهم الكندري بالجابريه طبعن وااايد مشهور وكذا وحده اهنيه مدحته لي وقاله فيك ضعف ولزوجه وبطي والسبب الدوالي بس احتمال نسوي العمليه وهمن مااتنحل الا بالادويه فماراحله لان الي عندي يخاف من العمليات لوووووووووووول

يبي سحر جك بوووم الي الدوالي رايحه:bbbiu:

المهم عقبهااا سمعنا ان الدكتور نااهض حماديه يعالج الدوالي بدون عمليه عااد طيران عنده المهم جان يقول مااينفع ادويه والاحسن تلقيح صناااعي اضمن واختصار للوقت

وقتهاا كان صارلنااا سنه متزوجين وقال شالسالفه ريلي توناا عالتلقيح المهم باااختصار مااايعجبه العجب والله يعين يااارب


واخر واااحد والي ريلي اقتنع بكلامه اهوو عااااادل الحنيان وانصح فيه وانشالله الله يتم عمليته علي خير يااارب

وااااااااي سؤال انااا حاااضر


وعسي ربي يرزق الجميع

 

[%متفائله%]

وااااااااااااي بنات هالتجمع صاااااار بوقته لان صج بحاااجته

امس نزلت علي الدوره والكل يعرف النفسيه لماااتنزل بجي وحالتي حاله

لان صج بحااجه ان نتفائل مع بعض ونساعد بعض نفسيا والله يعينا ان شالله ويرزقنااا بالقريب العاجل

ونصيحه بنات اقرو كتاب اسرار الحريم وايد في نصايح ووصفات لمن تريد الحمل

وبرنامج متكامل لمن تاخر حملهااا وااااااااايد مفيد نصيحه لاااازم تشترونه

 

[Om -TOota]

رد : تجمــع المتأخـرات بالحمـل بسبب الــزوج حيــاكم

الله يرزقكم كلكم يابنات هالقسم عسى ماتخلص السنه الا واعيالكم باحضانكم ياااااااااااااااااااااارب​

 

[رمز الموده]

رد: رد : تجمــع المتأخـرات بالحمـل بسبب الــزوج حيــاكم

الف الف مبروووك لافتتاح التجمع بجد محتاجينه ونواسي بعضنا بعد يعطيج العافيه رموزه يكفي انتي اللي فاتحه التجمع

انا متزوجه سارلي سنه وثلاث شهور وزوجي عنده ضعف شديييد بالحيوانات المنويه رحت ابي اراجع عنده اسامه صالحه للاسف مالقيته والدكتور حسام بدار الشفا نصحني بدكتور مصطفى مادري عاد مارحتله وزوجي يقول بروح لدكتور متخصص بس مايعرف دكاتره شطار وللاسف وزني 93 وزوجي وزنه 69 والحين بسوي ريجيم عشان يمكن اسوي تلقيح شتنصحوني بنات عفيه​

بعد عمري مشكووره والدكتور مصطفى ترى وايد يمدحونه ودي اسوي العمليه عنده انا بعد وعسى الله يرزقج ويرزقنا كلناا :yaaaaaarb:

متزوجة من ثلاث سنين
زوجي عندة ضعفبالحركة
سويت تلقيح مجهري وفشل
وزني 80 وزوجي 95

حبيبتي خلي زوجج ياكل عسل ترى وااايد مفيد للحركه وعسى الله يرزقج طبيعي بدون عمليات

 

[رمز الموده]

هااااااااااااااي حق كل بنات التجمع

والف الف مبروووووووووووك واقول ثينكيووووووووو رمز الموده لان صج بحاجه للتجمع هذا

وان شالله نساعد ونعين بعض يااااااااااارب ويرزقنااا بالقريب العاجل

اول شي انااا صارلي سنتين

وزوجي عنده بطئ بالحركه ولزوجه عاليه ودوالي

وزني 59 واهوو 83

والله يرزقنااا يااااااااارب

وانااا سويت خلطه العسل لزوجي لان وايد مدحوهاااا البنات بس مااحسيت بنتيجه معاه لان زوجي دوالي فمااااااااينفع غير العمليه

والله كريم يسويهااا لان تعبت وانااا احن عليه

خلطه العسل مكوناتهااا

كيلو عسل
2 ملعقه كبيره مطحونه حبه البركه

2 ملعقه كبيره مطحونه حبوب اللقاح

10 غرام غذاء الملكات النحل

ملعقه كبيره مطحونه من كل من المكسرات (((فستق /جوز/لوز/كاجو/صنوبر))

نخلطهااا جيدا وناخذ ملعقه كبيره يوميااا 3 مرات

بنات نصيحه جربوهااا اذا مااانفعت ماااراح تضر

بعد عمري لاشكر على واجب حياتي واسمج عجبني متفائله اي نبي تفاااااؤل دوووووم ياااااااربوعفيه عليج لانج سويتي عسل لانه واايد مفيد بس يبي انتظام ومرتين باليوم ومشكوووووووره على افادتج لخواتج ماااقصرتي ياقلبي عسى ربي يرزقج ويرزقنا ياااااااارب:yaaaaaarb:

 

[رمز الموده]

رد: رد : تجمــع المتأخـرات بالحمـل بسبب الــزوج حيــاكم

انا متزوجه من9 سنوات

موقفه الحمل6سنوات =عمر بنتي الصغيره


ولي تقريبا سنه احاول احمل كل شيئ اخذته من منشطات وابر ومتابعات سونار

بالاخير زوجي حلل ،،طلع معاه دوالي وتشوه بنسبة83% والحين ياخذ علاج


وزني55 وزوجي 90

ارد واقول العسل اذا زوجج مايبي يراجع عن دكتور خليه ياكل عسل وسويله كل يوم قلاص شاي بالزنجبيل ترى زين حتى انتي شربي معاه وعسى الله يرزقج ويرزقناا

1- كم سارلج متزوجه

6 سنين

2- شنو السبب الرئيسي في عقم الزوج ( ضعف او انعدام)
ضعف + تشوهات الحيوانات المنويه

3- اي دكتور راجعتوا وهل تحسنت الحاله او لا
استشاري العقم واطفال الانابيب خالد حموده في بوشهري التخصصي/الحالة تحسنت بفضل الله ثم بفضله وانا حامل بالشهر السابع حاليا

4- كم وزنج وكم وزن زوجج

وزني 62
زوجي 76


ويارب يرزق كل محرومه ويفرحها بالذرية الصالحه قولوا امين

الف الف الف مبروووووووووووووك حياتي وعسى الله يتمم عليييج يااااارب اختي ياريت تعطينا معلومات عن الدكتور وجم كلف العلاج ويزاج الله خيييييييييير :eh_s(7):

صباح الورد عليكم

بيصير لي متزوجه ٦ سنين وعند بنوته حملت فيها بعد سنه ونص من زواجنا ويومتها سبب المشكله كان انعدام بس اخذ علاج وحملت
والحين انعاني من نفس المشكله بس الحاله تحسنت ريلي قام ياخذ كلوميد و عسل طبعا هالمره من كيفه يعالج عمره بس الحمدلله تحسنت حالت حيواناته المنويه والله كريم

وزني ٦٩ ووزنه ٨٢

صباح النور ياهلا
عسى الله يخليلج بنتج بس ليش ماينتظم على العلاج اللي اخذتوه من قبل
والعسل بعد زين وعسى الله يرزقج باخوان وخوات لها يااااارب

 

[So MuCh PaIn]

رد : تجمــع المتأخـرات بالحمـل بسبب الــزوج حيــاكم

مساء الخير .... شلوونكم

متفائله خلج دوووم متفائله لا تكدرين حالج والله بيعوضج ان شاء الله وانا معاج بهالاحساس كل شهر من تنزل الدوره بس ربج كريم ما ينسى عبده

بنات انا ريلي كانت نتيجة تحليله اول شهر صفر ماكو حيوانات منويه كلش كلهم ميتين بس من بعد ما اخذ العسل و كل اسبوع ياخذ حبة كلوميد و قز ابر بس مادري شنو قامت اتحسن حالته والحمدلله قبل جم يوم فحص عددهم صار ٣ مليون والحركه ٦٠٪ لما يقعد راح اسأله شنوو خذا بالضبط وشنوو نوعية العسل ومن وين .... صج العسل رفيجة قايله عنه لانه كان نفس مشكلته والحين مشالله عنده عيال

 

[رمز الموده]

وااااااااااااي بنات هالتجمع صاااااار بوقته لان صج بحاااجته

امس نزلت علي الدوره والكل يعرف النفسيه لماااتنزل بجي وحالتي حاله

لان صج بحااجه ان نتفائل مع بعض ونساعد بعض نفسيا والله يعينا ان شالله ويرزقنااا بالقريب العاجل

ونصيحه بنات اقرو كتاب اسرار الحريم وايد في نصايح ووصفات لمن تريد الحمل

وبرنامج متكامل لمن تاخر حملهااا وااااااااايد مفيد نصيحه لاااازم تشترونه

حبيبتي لاتبجين تفائلي وقولي هذي اخر دوره وان شاء الله ما تييج الا بعد 9 شهور يااااارب

وانتي بالدوره بعد لاتنسين نفسج اكلي اشياء حاره واكل تمره مع رشاد ترى زينه وتقوي المبايض وشربي دارسين ولاتشربين اشياء بارده وان شاء الله يارب اخر دوره


وحبيبتي الكتب وين اخذتيهم اي مكتبه ؟؟ ومشكوووووره على تفاعلج معانا :eh_s(7):

 

[So MuCh PaIn]

رد : تجمــع المتأخـرات بالحمـل بسبب الــزوج حيــاكم

رمز الموده مشكوره على ردج توني انتبه 

اهوو ياخذ ابر بالنادي عشان يجسم مع الحديد فهالابر اللي تعدم الحيوانات المنويه عنده بس اهو تركها ولما يتركها لازم يعالج فعقب ما يبت بنتي رد خذا هالابره مره ثانيه وتوه فكر يعالج واهو خذا نفس الابر اللي خذاها اول مره اللي وصفها له الدكتور بس هالمره من نفسه من غير استشاره وخذا عسل وكلوميد والحمددلله في تحسن حيييل ممتاز قبل ٣ شهور كانت نتيجة الفحص كلها اصفار

 

[رمز الموده]

8
8

اي حبيبتي ترى حبوب اللي ياخذونهم بالنادي مضره وتلعب بالهرمونات ديري بالج خليه يبتعد عنهم وان شاء الله ربي يرزقج ويرزقنااا

 

[رمز الموده]

بناااااااااااااااااات حبيبااااااااااتي اعتبروووا المــوضوع مــوضوعكم ولاتقاااطعون الموضوع نبي تفاعل ونسااااعد بعضنا بليييييييز ومشكوورين اللي تفاعلوا بالموضوع بميزان اعمالكم

 

[الفيروزيه]

موضوووعج حلووو

انابيصير لي انشالله سنتين من زواجي
انالله الحمد سليمه ومن غباااءي اني كنت اعالج نفسي واكل بالحبووب واناا بالاصل سليمه
والحين ماعدت اراجع عند احد لاني اكثر من دكتور قال انتي سليمه ‏
زوجي فيه ضعف
ويعالج حاليا عند دكتور الانصاري

وانشالله في تحسن
زوجي وزنه ‏ كان والحين لله الحمد متن وصار ‏ انا ‏ ‏

ويااااارب احمل لان نفسيتي تعبت حييييل الله المستعان

 

[رمز الموده]

الفيروزيه

عسى الله يرزقج ان شاء الله وخلي زوجج ياكل عسل اصلي ويكثر شرب الزنجبيل ويقلل تدخين اذا يدخن وان شاء الله تحملين ونحمل كلنا يااااارب

 

[%متفائله%]

رد: رد : تجمــع المتأخـرات بالحمـل بسبب الــزوج حيــاكم

مساء الخير .... شلوونكم

متفائله خلج دوووم متفائله لا تكدرين حالج والله بيعوضج ان شاء الله وانا معاج بهالاحساس كل شهر من تنزل الدوره بس ربج كريم ما ينسى عبده

بنات انا ريلي كانت نتيجة تحليله اول شهر صفر ماكو حيوانات منويه كلش كلهم ميتين بس من بعد ما اخذ العسل و كل اسبوع ياخذ حبة كلوميد و قز ابر بس مادري شنو قامت اتحسن حالته والحمدلله قبل جم يوم فحص عددهم صار ٣ مليون والحركه ٦٠٪ لما يقعد راح اسأله شنوو خذا بالضبط وشنوو نوعية العسل ومن وين .... صج العسل رفيجة قايله عنه لانه كان نفس مشكلته والحين مشالله عنده عيال

ان شالله ياااقلبي بس اناا دايمن اول يوم دوره ماااسيطر علي نفسيتي وتكون زيرووو

وعقبهاااا الحمدلله النفسيه عال العال ولله الحمد

وشكوره حبيبتي وعسب الله يرزقناااا يااارب

 

[%متفائله%]

حبيبتي لاتبجين تفائلي وقولي هذي اخر دوره وان شاء الله ما تييج الا بعد 9 شهور يااااارب

وانتي بالدوره بعد لاتنسين نفسج اكلي اشياء حاره واكل تمره مع رشاد ترى زينه وتقوي المبايض وشربي دارسين ولاتشربين اشياء بارده وان شاء الله يارب اخر دوره


وحبيبتي الكتب وين اخذتيهم اي مكتبه ؟؟ ومشكوووووره على تفاعلج معانا :eh_s(7):

\


الله يسمع منج ويرزقني ويرزق كل محروم

ولا الحمدلله صااارلي جم دوره احرص لان طول عمري مبدعه بالدوره خخخخخخخخخخ


والكتاب بكل المكاتب تلقينه وانااا اذكر خذيته من العجيري بس من زمان حتي قبل لا اتزوج

يوم بطلته هذاك اليوم ولا اشوف كاتبين عن الي تاخر الحمل عندهم ووااايد مفيد صراحه

واهووو في خلطات وحركات عنايه بالجسم

وضروري كل بنت يكون عندهااا الكتاب

 

[شموسة كيوت]

رد : رد: رد : رد: تجمــع المتأخـرات بالحمـل بسبب الــزوج حيــاكم

فديت قلبج والله وعفيه عليج بس خل يستمر عليهاا واهم شي عالريج وقبل النوم يااكل قفشه

والله يرزقكم

بخصوص الحبه السوده حبيبتي اهي نفسهااا حبه البركه :eh_s(1):

واكيد تحطينهاا برا لانهااا بتكون بالعسل والعسل ماااايخرب

والله يرزق الجميع

اي حبيبتي نفس بعض حبة البركة هيا حبة السودة

وربي يسهل علينا يارب