&^ تجمـع مـراجعــات مستـشفــى الأمـومــه ^&

[أأأميرة الورد]

رفع

 

[منااووي]

مشكوووره مناي وهناااي الله يهون علينا اجمعين ان شااءالله

 

[غلاي غير]

شخباركم بنات
مافي احد ولد ليما الحين
اخت فايز شخبارهاااا

 

[ام علاوي وعزوز]

رحت امس المستشفى وحجزت غرفه وفتكيت
اخذت العادية بـ 350 اهي بالاساس بـ500 والعرض لي نخاية شهر 4

 

[أأأميرة الورد]

حتى أنا حجزت عندهم الغرفة العادية ب 350 دينار
الله يسهل علينا ونولد بالسلامة
يااااااااااااااارب

 

[أأأميرة الورد]

رفع

 

[أأأميرة الورد]

رفع

 

[ام علاوي وعزوز]

امين يارب ويسهل على كل حامل

 

[أأأميرة الورد]

امين يارب ويسهل على كل حامل

الله يسمع منج ونولد بالسلامة ونشوف البيبي بصحة وعافية
ياااااااااااااااااااارب

 

[أأأميرة الورد]

رفع

 

[ارو وكندر]

شخباركم حبيباتي شدعوه ليش ماتسالون وخاصتا فراوله ومناي
المهم ولدت ولله الحمد والمنه بمستشفي الامومه 20/3
قبل كل شي انا اراجع عند دكتور محمود سيد ووايد زين وعلي اساس لولد عنده الهم حسيت بعوار رحت طواري بس كان فاضي فدخلت وحصلت دكتوره الهنديه سراجا فحصتني ياحليها ايدها ماحسيت فيها كلش بس عيبها ماتكلم عربي وايد فقالت لي 2 ونص سانتي المهمر رجعت بعد يومين والا دكتوره عبير يما نصيحه البجريه لاتفحص عندها والله مابي اخرعكم بس قمت اصارخ اقولها شوي شوي وزوجي قاعد ورا الستاره يقولها ولاده من عواري وتحط اصابعها وطقطق داخل ولا 3 سانتي رجعت خمس الفير بعد عوا ر صار اييني كل 10 دقايق ومره ربع ساعه وصار عندي اسهال عزكن الله رحت سويت ينسون ومعاه دارسين وشوي زنجبيل وشربت واكلت صمونه جبن كيري وكل هذا علشان لااروح وتفحصني عبير رحت ولقيتها وتقولي انتي تاني ماتحملتي العوار وانا رديت عليها وانتي دكتوره من المغرب لي الفير موجوده ولاتفحصني ويما عوار اصابعها والله العظيم كانه طلوق وقتلها ودموعي ع خدي عفيا دكتوره شوي شوي وتقولي خلاص روحي ولاده4 سانتي اخذتني السستر والله السسترات روعه بكل المعاني ماعده وحده عن العيادات مصريه ضعيفه انا اقول اللي اعرفه مااشهر ولا شي بس هذي تجربتي
خذتني سستر الطواري وقالتلي لاتخافين انا معاج صارت تعرفني ووصت سسترات الولاده علي وتقولي مدام تببن شي قبل لااروح ومسكينه راحت وانا خايفه حدي وياحلاتهم يسلمون وشلونج مدام وتعلمني طريقه البوش والمراحل للولاده وعطتني حقنه وبعدها رحت وفرغت وارتحت وحطولي درب وعلي السبع تييني عبير لا لالا وتقولي ها عامله ايه وتقعد ع السرير ولاكلمه وتبط الماي يما عوار مثل الدوره واقوي من ايدها زين قولي شي تكلمي لا تشتغل فيني ولاعطتني خبر وحطت القسطره للبول عزكم الله وانا ميته من العوار ومسكينه السستر ماسكه ايدي وتمسح ولا راحت دكتوره قتلها اسوت عاد قالت لي ولا اذا علي الدكتوره مادريت وعطوني الكمام بس انا مابيه قتلها خففيه لاني كنت خايفه من قصه اختي بسبت انها خدرت من الكمام طلقها بردت وضغطت ع راس بنتها وتوفت الله يرحمها ولا تجربون اللي جربتها وكانت والده بالحكومي
المهم راحوا شفت السسترات واييوني ستترات يدد ويعرفون بانفسهم وان احنا بنكون معاج
وعلي 8 يت عبيروافحصت وياخرابي العن من الطلق اللي كنت احس فيه اصابعها وادخل حيل ورحمي موراضي يفتح بعدني4 ونص بس والله تعبت من العوار والطلق اشوف التخطيط يرتفع اقوم احط الكمام بس مايعطيني نتيجه لاني قتلها قصري عليه حيل يعني مااحس فيه الا لما يروح العوار هههع ويما الساعه حاطينها ع الطوف والوقت يمشي بطي دخل زوجي وتطمن علي
وبعدها خلص دوام عبير وتييني الهنديه سيراجا وتفحصني والله العظيم حطت اصابعها وطلعتها ولا حسيت فيها صج فرق
قتلهم وين دكتوري قالوا يداوم 11 وانتي بجريه بطولين وصارت 11 وايي دكتوري ويتطمن بس لقاني جثه هامده من التعب وويهي احمر فخاف وقالهم شوفوا حرارتها. بس انا اترجاه دكتور عفيا تعبت ييولي معليش تحملي واساله متي اولد ولايقوم يفحصني وعوار ايده اخف من عبير والله صرت بقاله الكل فحص ويمي وحده اسمعها تصارخ وبعدها سمعت صوت الياهل يبجي واهي دخلت معاي وقلت يارب سهل علي مثل ماسهلت عليها ع الوحده ونصً فتحت عشره سانتي وياني دكتور ويشوف التخطيط ويقولي يالله الحين ولاده وانا اقوله دكتور شسوي ويعلمني واقوله عفيا ابي البنوته ساعدوني ويقولي الله معاكي
وهم ماولدت يت د سراجا ولبست لبسها وانا استغربت اهي شكو انا د محمود ابيه المهم من العوار ماقلت شي ولااييني الدكتور ويقول شدي حيلك خلصي ادفعي يرفعون ريولي ودكتوره. قبالهم والدكتور عند بطني يضغط وانا ادفع ومافي يقولي خلصي بروح اتغدا اقوله دكتور عفيا مااحس بطلق صج الطلق برد حيييل ومااحس بعوار كلش واهنيه السسترات والدكتورين خايفين ويقول يالله البنت تعبت لازم تتدفعين طلع الدكتور وضلت الدكتوره وييت وحده سستر مصريه وسالتني وقتلها انا من 3 سنين ونص انتظر هالبنت عفيا ساعديني ولاتقولي انتي نفسي ومسكينه شافت التخطيط وتقول اذا حسيتي بعوار نفس الخروج ادفعي رالدكتوره سراجا ناطره وانا ادفع وتقولي قود قود مسكينه ياحليلها تحسينها خايفه عليج والسستر ودكتورت البيبي كلهم عند بطني يضغطون لان شعر البنوته طلع وانا الطلقه راحت واقولها مااحس بشي وخروا عني وريحوني واترجاهم حلجي نشف ابي ماي ولايبللون كلنكس ويمسحون شفايفي والله صرت مجاعه شوي واكل الكلنكس من خمس الفير لي 2 ابظهر وانا موشاربه شي لانهم خافوا قيصري
وبعدها قالت د سراجا يالله مدام بوش والسستر المصريه يالله هذي طلقه قويه وانا ادعي يامخلص النفس من النفس خلصني والسستر تضغط حيل ع بطني وطلعت بنتي الحمدالله والشكر واقولها وين البيبي ومابجيت انا خفت واخترعت حيل والدكتور يقولي ليش تبجين وانا ارد دكتور مابجت يقولي عادي دي دموع فرح ويما سمعتها بجت وانا خريت من حيلي وابجي واقولهم عطوني اياها خل اشوفها
واهم قاعدين يوزنونها ويفحصون فيها وانا يخيطون فيني وبعدها خذوها للحضانه وانا بعد ساعتين طلعوني لغرفتي حجزتها400 لان تكون شامله سونار الحوض ومادري شنو يعني تفرق عن اللي 350 ورحت ولقيت امي واختي والسسترات بقوا يبدلولي بس انا مارضيت الا انها تحطلي كريم والبخاخ
وثاني يوم مرتني دكتوره وشافت الخياط وسالتها عن تقولي كل شي اوكي واليوم اللي بعده. ايي دكتور محمود وتطمن علي وعلي البيبي وسلم ويقولي الحمدالله صج انتي تعبتي ويعطيك العافيه ويقول خوفتيني عليكي اوي
الخلاصه
السسترات رعايتهم وايد روعه
اكلهم مو طبيعي
اي هدوني بوكيه ورد
يبدلون للياهل ومتي مابقيتيه يابوه ايوون يتطمون ويعطون علاجي بوقته ويسالونج عن الاكل اللي تبينه
وايوون يسالوني تبين حمام علشان كريم يحطونه لي
وبعد بعد بس تعبت اكتب بس لعيونكن لاني كنت ادور تجارب
بس نصيحه لاتخلونهم يحطون لكم القسطره للبول لاني لي اليوم وانا اموت من العوار لما اروح الحمام سويت تحليل طلع الجرح ملتهب
وفي جرثومه وتعالجت عندهم واخذت ابر وعلاج 60 دينار وهم ماكوا فايده امس رحت الصباح وعطوني حبوب وكريم
واما ع خياط اقولكم النتيجه بعد الاربعين هههههه شسوي مادري اهو خياط سراجا زين ولا لا مادري بس يارب يكون صح انا مو تجميلي عادي
المهم طلعت من المستشفي وهدونا كيكتين لي ولزوجي يمي يمي ع طعمها مو طبيعي اول مره اكل اكل نظيف جذي
وطلع الحساب 450 لان التطعيم ب5 اتوقع وطلبت تحليل لان عيون بنتي صفرا وطلع فيها بوصفار ومادري شنو بعد
وسلامتكم
وادعوا ان ربي يبارك لي بنتي ويحفظها من كل شر وعين وحسد ويشافيها لي
ويشافيني من الالتهاب واكون بعين زوجي ملكه جمال من كلو كلو
اي تري في مراجعه لج وللبيبي بعد اسبوع مجانا
واي استفسار انا حاظره واذا مارديت تعالوا. خاص

الخلاصه *

 

[أأأميرة الورد]

كلووووووووووووووووووووش
الحمدلله على سلامتج ارو وكندر والف مبروك البنوتة يارب
تتربى بعز ابوها
والله انج على بالي بس قلت أكيد غيرت عن الامومة بأخر لحظة
المهم صج ريحتيني الله يريح قلبج انا مو مرتاحة لعبير خلاص بإذن الله بولد عند الدكتورة الهندية
اكره الفحص وهذي على قولتج تعور لايبه الهندية أبرك
ومة ثانية الففففففففففف مبروك والله يجعلها من الذرية الصالحة

 

[أأأميرة الورد]

رفع

 

[أأأميرة الورد]

رفع

 

[ارو وكندر]

الله يبارك فيج حبيبتي
انا مااذم عبير ولاجربتها ولاده لكن عيبها ماتشرحلج وتخليج ع عماج وهذا اللي صار معاي واللي اكدلي ان جرحي التهب ورحت ولقيتها بالطواري فقامت وشافت جرحي وانا غرزه طاحت من كثر حركتيً ومراجعتي لبنتي فقامت الاخت وبطلت وقطعت الخيوط من غير ماتقولي وانا اسالها دكتوره يعور تقولي استحملي ولما خلصت قتلها ليش دكتوره اخاف يتبطل واصير وسيعه تقولي ماتخفيش عادي خياطج كان شاد والله حرتني وبالبيت امي زفتني تقولي انتي بجريه ليش بطلوا الجرح وكان لي ١٦ يوم والده
والله انا احاتي سالفت خياطي انشالله مااكون وسيعه ولا اخترب
واذا ع فحصها صج كان يعور بشكل مو طبيعي يما والله الولاده ارحم من اصابعها وكلش يوم بطت الماي وانا اطرشً بالزفه واقولها جم تقولي بعدج اما الهنديه لو فحصت تقولي جم سانتي وتهون علي ولما قتلها عوار عطتني مسكن وتقولي شمي الكمام
وهذي تجربتي وقلتها بكل صراحه وكل دكاتره ماقصروا
وانتي يامناي وهناي فكري ع راحتج انا عرضت تجربتي بكل تفاصيلها
والفال لج لما ترتاحين يارب

 

[أأأميرة الورد]

حياتي ارو وكندر انا ما أقول انج تذمين عبير
بس انا مو مرتاحه لها لاني دخلت عندها مرتين مراجعة
احس يالله تاخذين الكلام منها
الولادة بروحها تعب ومحاتاة ودج احد يريحج ونفسيته حلوة
وإذا على الخياط عادي ياقلبي كل المستشفيات الخاصة يعطون الوالدة
موعد بعد 10 أيام علشان اهم يبطلون الخياط
و16 يوم اتوقع زين للجرح
بس انتي الحين خليج على أدوية النفاس وأكلي عدل
وتدفي وإذا صار لج شهر استخدمي التحاميل
خلي الدكتورة تصرف لج تحاميل علشان تنظفج عدل وتنشفج
وان شاء الله تكونين أحلى عروس بطلعة من نفاسج
الله يعطيج العافية ما قصرتي على ذكر تجربتج
في ميزان أعمالج بإذن الله

 

[أأأميرة الورد]

رفع

 

[أأأميرة الورد]

رفع

 

[أأأميرة الورد]

رفع

 

[منااووي]

ارو وكندر

الف مبروك والحمدالله عالسلامه


والله يعطيج العافيه على كتابة تجربتج


واخيرا في وحده اكتبت تجربتها لنا اهني