&^ تجمـع مـراجعــات مستـشفــى الأمـومــه ^&

[raneen]

وبنات سالو اي سؤال يخطر افبالكم انا ان شاءالله عندي مراجعه بعد اسبوعين ... وابي اسيا وان شاءالله اتكون زينه مثل عبير ...

 

[Om-azooz]

نصيييحه يااا خواتي لحد يرووح لمستشفى الامومه افشل دكاتره عندهم مرت حمااي اولدت عندهم ووالعبوا فيها لعب عقب ما اولدت ووخيوطها تخيلووا شنوو سووا فيها سوولها تنظيفات تخيلووا والدكتوره مدت ايدها ووهي مخيطه اقسم. بالله العبووا فيها لعب ولا تحليل الحمل عندهم بنت عمي حللت عندهم قالووها مو حاامل ووالبنت ترجع وولوعه قالوا عاادي هذي الشغله تصير بالانسان العاادي وطاحت على زوجها بنفس اليوم الي حللت فيه عند مستشفى الامومه وودها للحكومه ووحللووها طلعت حامل ووالحين جاابت وولد وواصلا الدكاتره الي عندهم فاشليين حيييل ووكم ووحده من رفيجاتي ذامييينه نصيحه لحد يرووح له وانتوا بكيفكم

 

[raneen]

حبيبتي ام عزوز ....

مشكوره على النصيحه وجزاج الله خير ....
بس بقولج شغله ...مابيج تتضايقين مني واذا تضايقتي انا اعتذر مقدما ....

هذي الحركه سووته لي الدكتوره ثاني يوم من ولادتي وكنت امخيطه ودخلت ايدها جنها ابتفحص عشان اتشوف اذا في بعد وصخ او لا ... وماحسيت اب ولا شي ....

ودام اهي ماعجبتها المستشفى شكوا اولدت فيها دامهم غلطانين ابتحاليلها .... وتره كل مستشفـــــــــــــى فيها الزين والشين والواحد اهو ونصيبه وكل واحد تساهيله من رب العالمين ...

وفي شي ثاني تره الناس الي بالمستشفى بشر وماهم معصومين عن الغلط .... يعني انا الله يشهد على ابحمالي الي طاف كنت حامل وانا كنت امسافره دبي وماكنت ادري اني حامل ... بس تاخرت الدوره وقلت خلني احلل وحللت بالامارات وطلعت حامل بس الخط خفيف ....ثاني يوم رحت المستشفى بسوي سونار عشان اشوف جم لي لاني فيني تكيس والدوره بالاشهر ماتييني ...
وله اتقوله انتي مو حامل منو قالج ...ههههههه مع اني كنت حاااااامل ...
سونار سويت سونار واتقولي انتي مو حامل ... جان اقولها انا سويت تحليل منزلي وعرفت ... جان اتقولي مافي ... قمت عند نفس المستشفى سويت تحليل بول عز الله القاري ...ونطرنه انا وريلي بالمستشفى وطلعت نتيجة التحليل ... جان اتقولي مافي حمل ...انا اهني ينيت ... ودشلج على دكتوره اماراتيه جزاها الله خير ...وقتلها سالفتي جان اتقولي روحي حللي بالمختبر تحليل دم وتعالي وحللت ونطرنه بعد ساعه يابو التحليل وله اتقولي في هرمون حمل بس خفيف تعالي بعد 3 ايام عشان انعيده وانتاكد ...وفعلا رديت بعد 3 ايام وطلعت حامل ....هههههه وبعدها بيومين رديت الديره ...
مع العلم انه المستشفى من اروع مايكون وخالتي امسويه فيها عمليه اهناك وكلنه عارفين هالمستشفى عدل ...بس سبحان الله الامور ماتيسرت معاي بالاول ...
فقصدي من كلامي انه التساهيل على رب العامين .. والله يشهد انه الدكتوره عبير الي ولدتني ماشفتها الا مره وحده قبل الولاده يوم حجزت وقتلها ابيج اتولديني مع انه في بنات اهني ذامينها ... واتعور بالفحص .... وكله طلع اخرطي لاتعور ولاشي ...

بس في بنات يحاولون يطردون العين ...وفي منهم من تحاول اتخلي الشي الزين بس حقها .... وتاكدي من كلامي لان مافي داعي اجذب عليج ...
وانتي لوماطبيتج وخوفج من الكلام الي سمعتيه جان ماقلتي لنه ... بس تره هم ديري بالج لان في بنات مايبون الشي الزين بس حق نفسهم ...حتى لو كانت هالشغله خياط او اي شي ...جنه رح يخسرون شي ... مو محد داري عنهم والله بس سبحان الله كل واحد ونفسيته ...

زين سأليها الحين قوليلها شلونه الخياط زين وله لأ وجم غرزه ,,,,, لانه الحين يخيطون نظام كبس الي مافي غرز يبينون ..شوفيها شتقولج ... ومنو الي ولدتها ؟؟

وتقبلي مروري واتمنى ماتضايقين من كلامي .....
واتمنى كلكم ماتضايقون من ردي ....

 

[Om-azooz]

لا حبيبتي raneen اشدعوووه ليش ازعل من كلامج هذي وجه نظرج بس الي اعرفهم الي راحلووووه خمسه كلهم قضاء الله وقدره شسالفه المستشفى جديد ما عندهم دكاتره زييينه الي تبي ترووح للخاص تروح السلام او دار الشفاالجديد عااد انا ما رحت لخااص خفت اذا الوحده اتعبت عندهم يحولونها للحكوومه يقعدون بس يطالبون بالفلووس قلت اولد بحكومي احسن وانا بجر والله اشووف الحكومه مااافيه شي هذا رايي من وجهه نظري

 

[.. BNT ..]

صج ام عزوز الناس مابيعطونج الصج
والحينه المستشفي تطور وااايد ترا وااايد ناس ولدو ومدحوه
هم الاطبا تغيرووووو بالذات الحينه صار عليه دوس وايد
وترا للتساهيل والتعاسير بيد الله ••• الله يسهل علينا يارب

انزين رنين عفيه اهيه حق شنو تكشف عليج وانتي مخيطه
يه ماخلصو شبااقي شتدور بعد واااي الله يهداها ام عزوز
صج خرعتني لووووول

 

[raneen]

حبيبتي بنت ..لاتخافين ...والله ماتحسين ابشي والله العظيم الله يشهد على كلامي لاتخافين كلش ...والله مافي اكثر مني خوافه واحاتي ... بس الله يشهد علي اني ماحسيت ابشي ...

هذا الفحص الله يسلمج لازم يسوونه عشان يتاكدون انه مافي وضخ نظفتي عدل والي قاعد ينزل منج دم جنه دم دوره طبيعي ...
لان وقت الولاده اهي خلت ايدها ونظفت عدل الله يذكرها بالخير الدكتوره عبير ...
يت ثاني يوم افغصت بطني وتره ماتدخل ايدها كلها ههههه اتحط اصبعها واتقولج اخذي نسم ... لان انتي طول الوقت اتكونين نايمه فيبون يشوفون الدوم شلونه الي ينزل في وصخ وله لا>>> انتي وقت الدوره من تكونيين قاعده ماتزل الدوره عدل مرات ...بس توقفيت اتقوم اتصب صح وله لا...
فما بالج توج والده و وصخ ودم 9 شهور داخلج ...فهذا لصالحكم تره لان بالفاس مرح تتعبون وايد ...والحمدلله كان مافيني وصخ ...وكنت لمن ادش الحمام عزكم الله ... ينزل دم عادي ... باجهاضي بالصباح ... اجهضت بالثامن مثل ماتدرون... والله العظيم ... انه ينزل مني قطع كبيره دم متخثر ... بس اقول الله يسامحهم على الي سووه فني ...مع انه اكلهم لذيذ <<< يوعانه الاخت ههههههههههه

فلااااااااا تخافون والله ...ماكوا الا العافيه ....واذا ماتبيتها تفحصج سهله ... قولي لها مابي ,,,هههههههههه وانتهى الموضوع ..

الله يسهل عليكم جميعا ...

 

[.. BNT ..]

الله يريح بالج ويرزقج ماتمنين ويسخرج ملائكة السما وعبيده بالارض ،،
لاهنتي رنونه

 

[شوق روحي-305-]

انا اختي والده قبل اسبوووعين
وطبيعي خذت ٣ تبديلات
و٣ تبانات

وحفااض لها هي لان حفااضهم موكبير حييييل
ورحنا. شرينا لها من الجمعيه اللي جيسته من برا بيضا وعليه صوره بيبي
هو حفاااااض نسائي طبعاً بس انه كبير وراااهي
واختي اقعد يووومين بالمستشفئ

 

[توحه1]

مشكوره شوق على الافاده عند منوا اولدت
واشلون الخياط وكم كلفها كامل ونوع الغرفه شنوا ؟؟؟؟؟؟؟؟؟
الله يعافيج كتبيلنا قصتها بالتفصيل اذا امكن

 

[شووووشن]

شووق الحمدلله على سلامتها
زيين اختج خذت ابرة ظهرررررررررر

 

[ام عفاف الكويت]

حبايبي ماتدرون شنو هو العرض الجديد الحالي لامومه ؟
ودي اعرف بجم القيصريه

 

[توحه1]

الطبيعي 350 واقامه يومين والغرفه عاديه

القيصريه 620 والغرفه عاديه ووالاقامه3 ايام

 

[هلاويين]

تكفووووون شلون الخياطة عندهم

 

[دلولة الحلوة]

قصة ولادتى مستشفى الامومه

شلونكم بنات الحمدلله ولدت صارلى 10 ايام والحمدلله التساهيل من الله انا ولدت عند محسن طلبه والحمدلله صج تعبت بالولاده بس عنايتهم وكماهم ريحنى شوي انا اموري من دخات الساعه وحده الظهر كل شى كان تمام بس بعدين وقف الرحم علي خمسه سانتى وصعد الجاهل فوق بس الحمدلله الله سهلها والدكتور محسن ماقصر زوشاطر والسسترات قمه بالروعه والخدمه والغرف صراحه المستشفي حلو وطلعت ولادتى مع الدكتور 740 دينار غرفه عاديه بس

 

[توحه1]

رد: قصة ولادتى مستشفى الامومه

ليش ٧٤٠ فص فصي اكثر وكم غيار للبيبي وشنوا وديتي معاج وماستخدمتيه ومنوا دخل معاج غرفة الولاده وقعد لمن ولدتي ووووو وايد اساله عندي كنت تراجعين عنده مقبل ولا لا

 

[توحه1]

رد: قصة ولادتى مستشفى الامومه

الف مبروك ماجاكم والفال لنا نولد ونقوم بالسلامه

 

[سنو - وايت]

رد: قصة ولادتى مستشفى الامومه

الحمدلله على السلامة ومبروك ماياج والفال لنا جميعا الله يسهل علينا

 

[miss_whitemocha]

رد: قصة ولادتى مستشفى الامومه

الف مبرووووك يا حبيبتي والفال لنا انشالله

 

[مابين بعينكك]

رد: قصة ولادتى مستشفى الامومه

الحمدلله عاى سلامتج,,
شنو يعني لمن وقف فتح الرحم ولدج قيصريه ؟؟؟

 

[توحه1]

اب اب اب اب