&^ تجمـع مـراجعــات مستـشفــى الأمـومــه ^&

[alhabibah]

رد: راس البيبي فوق!!!

وين ولدتي؟

ولدت بالهادي عند د. بهواني

 

[koko~4]

رد: راس البيبي فوق!!!

انا مثلك كان الراس فوق وشغالت اهلى اندنوسيا قالت لي بيقولون لك عمليه بس انتي لا تستعجلين
وفعلن نفس الشي قالو عمليه بس انا مااستعجلت ووقت الولاده سبحان الله تحرك في غرفة الولاده ونزل بقدرت قادر من
راسه الحمد لله الي ساعدني

 

[koko~4]

رد: راس البيبي فوق!!!

الله يرزقكم كلكم وانا منكم بالولاده الطبيعيه ان شالله



حبيبتي عن تجربه طولي بالسجود حيل منها تتعدل وضعية البيبي ومنها ادعي ربج
وثانياً بعد كل صلاة اخذي لج فره وانتي تحبيين عشان يثبت راسه تحت


دعواتكم لي اولد طبيعي ياااارب

انا مع كلامهااا:eh_s(15):

 

[Fmzg]

رد: راس البيبي فوق!!!

شوفي حبيبتي انا نفس قصتج بس انا في بجري وولدت عند معصومة مخصيد قيصري والسبب انها مقعدي ويوم الولادة بنتي اصعدت فوق فالدكتورة قالتلي اقدر اولدج طبيعي بس البيبي صعد لونازل الحوض عادي وانا ياهل من اصل عشر حريم تاذى وتوفى وقبل ولادتي رحت حق خالدة المجيبل ماقدرت تلف الياهل لاني بجر والماي قل ووسعتني كنت باول التاسع عشان اولد طبيعي وبالفعل ياني الطلق وحالتي حالة وكانت راح تسحب البيبي بحديدة اذا تعسرت الولادة اوكي هذا كلام خالدة معصومة رحتلها وانا علي الطلق لانه زوجي مارضى خالدة تولدني وقالتلي الياهل فوق وراح اولدج قيصري اذا الياهل بالحوض عادي انا وايد مولدة طبيعي من ريلهم هذا صار معاي ولو بنتي كانت نازلة الحوض كنت اولد طبيعي ولا اني اتأذى القيصرية لانها تلوع الجبد العوار يذبح اختي ولدت ولدها الثاني من ريله بمستشفى الصباح وكاهو شزينه بسابع الحين و بحمالها الثالث توأم واحد منهم نزل من ريله عند معصومة مخصيد عادي جدا والولد الحين بالروضه مافيه شي وصديقتي المصرية توأم مع اخوها اتقول اسحبوه من ريله يعني لازم تسألين استشاري شاطر ومتخصص ولاتخافين عادي اذا الياها نازل الحوض ووزنه زين مثل الماي اولدونج طبيعي انا في ولادتي الثانية ولدت طبيعي وفرق بين الطبيعي والقيصرية والله الطبيعي ارحم وايد والحمدالله

 

[raneen]

دقيت عليهم قالتلي الي بالرسبشن انه الولاده الحين عليها عرضين عرض الخصم على الولاده الطبيعيه اهي كانت اب 500...
والعرضين ...

العرض الاول ..خصم 25%...بشرط دفع المبلغ كامل ...بدون دفعات والي اهو 375 دينار...

العرض الثاني ...خصم 20%..دفع المبلغ على اقساط بس المهم قبل الولاده ...ويكون 400 دينار ...


** وهذا العرض غير شامل...

* اذا كانت ولادتج مو ابشفت الدكتور او الدكتوره الي تبينها اتولدج ..واذا تبين الخفاره ماتدفعين شي ...واذا عندج احد معين تبينه وماكان شفته تدفعين 50 دينار..

* الخياط التجميلي الداخلي والخارجي ((( التضيييق ))) تدفعين 80 دينار ....

* الدكتور محسن سعره غير عن الدكاتره والمستشفى وياخذ بروحه 350 دينار...

ملاحظه .....





الخياط الي يخيطونه بعد الولاده الطبيعيه يكون تجميلي بس ...... مو تضييج ....


هذا الكلام مو من عندي ..دقيت عليهم توني وسالتهم....وان شاءالله اكون فدتكم حبيباتي ...

حبيبتي اقتبست لج الكلام الي كتبته عن عرضهم ..... وحياج الله باي وقت ... وأي سؤال عندج سألي لان لا انا ولا البنات ان شاءالله انقصر .... حبوبه ....

 

[raneen]

غلاهم ....

ياقلبي مشكوره عالدعوه الحلوه ..... والله يثبت حملج تسع شعور .... ويقر عينج ابشوفة ضناج ......

 

[raneen]

اب اب

 

[أإلع ـشق دلع ـهـأإ]

بنآت بسآلكم

اذا راجعتم عند الدكتوره وتشوفون السوناار تدخلون زوجج ولآ لآ

آنآ ودي آدخل زوجي معآي يشوف البيبي بالسونآر بس مآشفت احد دخلت زوجهآ معآهآ استحيت ادخل زوجي 

 

[بعد الغروب]

اي حبيبتي عادي يدخل زوجج معاج خليه يشوف البيبي ويسأل الدكتوره عادي كل الحريم يدخلون أزواجهم خليه يستانس يسمع صوت نبض ترى شعور حلو

 

[raneen]

حبيبتي اكيد دخلي ريليج معاج ...

خليه يشوف ...البيبي يسمع دقات قلبه .... تره هالشي سبحان الله يحرك شعور حلو داخله ... وداخل كل انسان ... ويقربكم اكثر من بعض ...

ومالج شغل بالي مادخل ريلها ... هههههه....

 

[raneen]

هههههه توني اقره بدليتي ..... تسع شعور = تسع شهور ....

 

[raneen]

وعاد تدرين انا مستحيل مادخله معاي حتى بالمراجعه العاديه ... عشان يحس بالمسؤوليه ... ويحس انه جزء من حمال لين الولاده والتربيه ...

 

[هيللو كيتي]

السلام عليكم

شلونكم

بشررو رنين وفراوله شصار وياكم ؟؟

رحت للمستشفي راجعت من كم يوم وصراحه حلوو وشرح كله من المدخل لين الغرف..
والوان حدها راقيه ومريحه ..

وهذي صور للغرف مصورتهم اختي خوخه بتجمعنا مواليد شهر ٦ وانا سيفتهم وحبيت احطهم هني بعد اذنها..
لان انا ماصورت فوني كان طافي.،،
وكل الشكر لهاااا..

هذي الغرفه العاديه..

هذي الغرفة الديلوكس..

وهذا مطبخها التحضيري..

وهذي الغرفه VIP

وهذا الحمام عزكم الله .. بكل الغرف نفس الشكل واعتقد مع تغيير بالالوان بس ..

وسلامتكم..

من تصوير : خوخهW تجمع مواليد شهر ٦ ..

نقلتها لكم : هيللو كيتي ..


*

 

[هيللو كيتي]

وهذا رابط المستشفي وموقعهم الالكتروني..

وفيه مقطع فيديو للمستشفى..
http://www.alomoomahospital.com/with_fl/html/index.html

وهذي اسعارهم ..
مع ملاحظة ان سعر دكتور محسن طلبه يختلف عن الباقي..
فاستفسروا من الرسبيشن احسن..
وكل فترة عندهم عروض وخصومات..

،.،.،...

ومن الخدمات الموجودة..

ستار بوكس كافيه..

مذركير..

محل ورود..

 

[raneen]

اي يعطيج الف عافيه هيلو كيتي .... ذكرتيني ابولادتي انا خذيت الغرفه العاديه ... ولون حمامها عزكم الله سكري بدل الابيض...وبدل الاحمر لون .بني محروق ....

والاسعار هذي قبل الخصومات ..... ومشكوره على نقل الصور ....

وانا الحمدلله بعد يومين بدش الاسبوع الثاني من التاسع ... وقاعد يحوشني ألم دوره مع شد يكون ليه تحت ... والله كريم .....

 

[هيللو كيتي]

العفو حبيبتي والشكر لخوخه علي تصويرها..

اي لان انا اللي دشيتها الغرفه حمامها كان بدل الاحمر موف ..

وبرايي ان الغرف اللي تطل علي الشارع اشرح من اللي جبالهم .. حسيت جذي..


والله يسهل عليج يارب وايسر امورج..

ولاتنسين تبلغينا بتجربتج وتبشرينا بولادتج والله يهوون عليج

 

[هيللو كيتي]

ايي والاسعار هذي الاساسيه للمستشفي ..
لان عروضهم تختلف بين فترة وفترة..

وانا دكتوري محسن فسعرة غير..

بس سألتهم قبل جم يوم قالولي :

650 العاديه ..
1200 الديلوكس..
1700 ال في اي بي..
هالاسعار بعد الخصم.. مع حساب د. محسن

 

[ام الحلوين77]

بنات منو الي ولد بالمستشفي ماكو اخبار يديدة

وتنصحون اولد فية والا اولد برويال حياة

 

[••غـلآًهْـم••]

بنات تقدرون تشوفون البيبي بالشاشه عندكم ولالا؟


رويال حياه زرت وحده فيه الشاشه اللي عندها محطوطه علي البيبي 24 ساعه

 

[raneen]

هيللو كاتي حبيبتي الله يسمع منج ... واكيد بسدح تجربتي اهني ... باذن الله ...
بس ان شاءالله البيبي يلف وعاولد طبيعي ...
يارب ...



ام الحلوين حبيبتي ... في بنات اولدو وحطو تجاربهم قبل 3صفحات ... وانا حطيت تجربة مرت عمي ...



غلاهم هذي الخدمه انا ماشفتها بالغرفه العاديه ... وماعندي علم عن باجي الغرف اذا في او لأ ....


وصح الكتور محسن حسابه غير عن المستشفى وينشمل بالخصومات ....