**تجمـع ... اشلوون نعلم اعيالناا يتركون الحفاظ ويتعلموون لحمااااام .. وخصوصا البجريات

["*آآآنؤؤؤقهـ*"]

للحين ماقدرت عليهاااا

بنتي عنيده حيل تغلبني بكل شي

بصبر عليهاا وان شاءالله خير

 

[حمرة الورد]

الحمدلله سهاله مع عيالي والحين مبلشه الحمام والمميه قطعتها

 

[Bio_reem]

انا ولدي كمل ٣ سنوات توه وعندي مشكله بتعليمه الحمام
لانه مايحب يدخل الحمام حتى عشان يغسل ايده الا بالغصب، الشي الوحيد اللي يدخل له بهدوء عشان يسبح
وشغله ثانيه مايرضى يقعد على الكرسي كلشششش اقول له بس اقعد دقيقه ونقوم ينحاش، مع انه احس انه يقدر يحس بنفسه قبل لايسويها

احد مر بطفل عنيد وتعلم؟

 

[^ lamooosh ^]

صباح الخير

بنات متي احسن عمر نقطع المميه
واحسن عمر ابلش فيه تعليم علي الحمام

 

["*آآآنؤؤؤقهـ*"]

حمدلله ياربي

الحين بنتي الحفاظ بس البسهاا حزت النوووم بالليل


وتعودت ع الحمام ولو ان للحين مرات تسويعا ع نفسها

بس ميخالف هذا الياهل مو بسسسرعه يتعود

بنتي شهر 5تكمل 4سنين

 

[ملح الكون]

خوش موضوع بنتي عمرها سنتين و3 شهور ودي اعلمها بس مالي خلق حمل وحام وثقل.. ان شاء الله بس ارتفع هاليومين عجبتني طريقه الاخت كل ساعه ع الحمام .. وان شاء الله تضبط معاها..

 

[قلب زوجي وولدي]

أنا الحمدالله ولدي الاول تعلم عالحمام وبلشت معاه من سنه ونص

وكااااان عنيد حيييييييل جربت معاه طرق وايد وما فاد مرات اشد معاه ومرات أرخي

وما نفعت معاه الا طريقه وحده ما لبسته لا بامبرز ولا النايلون خليته جم مره يسويها

على نفسه بعدين أقوله شفت شلون وصخت نفسك مو حلو وريحتك مو حلوه مشاءالله اهني

استوعب صح وتعلم لانه البامبرز والنايلون ما يخليه يتعلم يشوف ما وصخ نفسه وعادي

وسويت هالطريقه معاه يوم صار عمره سنتين وبعمر سنتين ونص قطعت عنه الممه بالليل

أخذ مني اسبوع على ما تاقلم وما بديت معاه على تعليم الليل الا من شهر لانه كان الجو بارد

مرات يسويها ومرات يروح الحمام وطبعا عادي عندي ما ف ي شيء يكون بسهوله

وألحين مبلشه مع ولدي الثاني سنه و7 شهور نفس طريقة أخوه وان شاءالله تنفع معاه

 

[om 7amoodi]

انا ولدي سنتين و 7 شهور يكسر خاطري لانه ضعيف مابي اقطع المميه مدام يشرب الحليب :eh_s(22):

والحمام توني مبلشه فيه بس عالخفيف ما بلشت بجد بس بالبيت نقط الحفاظه و برا البسه ووقت النوم البسه بس ليلحين ما يعرف بروحه لازم كل ساعه نوديه الحمام

 

["*آآآنؤؤؤقهـ*"]

صدقوني طفل عن طفل يفرق


شوفي الحين حمدلله بنتي لها الحين3شهر قاطتها

وارتحت وخدامه ماشيه معاها الحمدلله

والحين بحاول اعودها ع بليل ولو انها صعبه شوي

بس بحطلها شرشف النايلون ..

الياهل اذا خفف من المميه تسهل قطت حفاظ

لان المميه هي اللي تخليهم يسونها وايد


حاول اول شي تقطعون الممه

 

[زين ودلال]

الحمدلله انا قطعت المميه منها والحفاظه نهائيا حتى وقت النوم عمرها ٣ ونص

والحين ببدي مع ولدي عمره سنتين بس احسه ماراح يستوعب ودي ابدي معاه عالاقل سنتين ونص الصبيان دعل بهالسوالف مو نفس البنات ما شاء الله

 

[زين ودلال]

وسوائل عقب الساعه ٧ بليل ما اعطيها

وقبل لا تنام احرص عليها تدش الحمام

جم مره تخورها وتسوي بفراشها بس حرام توها ماتقدر تتحكم عدل

 

["*آآآنؤؤؤقهـ*"]

الله يعييييينج دلووله

الصبي مو نفس البنت تسايسينها

الولد شفهمه بس حاولي ماعليييج بتعلم قريب

وبنتي لا للحيني بليل حفاظ شسووي خليهت بنطر

شوي عليهاا

 

[كتكوته حبيبي]

السلام عليكم
انا ولدي عمره سنه وست شهور وشاريتله سراويل نايلون والي على فوطه من مذركير وعندي نونيتين وحده على دب والثانيه عاديه وولدي يحب الماي والحمام وودي ابدي اعلمه بس موعارفه شلون ابدي معاه اهوا مايشرب مميه يرضع طبيعي الحمدالله بس الحين بفطمه لاني حامل وراح اعلمه يشرب بقلاص بس المشكله لما يشرب حليب صناعي او عصير بسرعه حفاظته تنترس بول بس لما يشرب بس حليب طبيعي ومره وحده عصير تبقى وقت اطول شلون شسوي ابي اعلمه قبل اولد

 

["*آآآنؤؤؤقهـ*"]

الله يحفظهم يارب


انا للحين متازمه من حفاطة الليل

بس احسها توها يبيلها ...

 

[لما ضاقت]

بنضم لكم عندي ياهل عمره سنتين و اربع اشهر ليما الحين يلبس حفاظ خذته كم مرة الحمام بس ليما الحين ما يعرف يحسب الحمام لعب و المشكلةًانه عندي بيبي و عيالي كلهم صغار فمو قادرة اتفرغ عدل بس لازم احس خلاص عمر مناسب للحمام

 

[لما ضاقت]

انوقة صدمتيني من اول ما دشيت المنتدى و انا احسب ان ما عندك عيال احسب عندك مشاكل بالانجاب اسم الله عليك و كل يوم ادعيلك بالحمل لما دخلت هالتجمع مت ضحك على نفسي الطاهر ملتبس علي الموضوع

 

["*آآآنؤؤؤقهـ*"]

هلا حبيتي

ههههههه لا عندي بنوته ربي يحفظهااا

ويخليلج ماعندج

 

["*آآآنؤؤؤقهـ*"]

صاجه انا تاخرت عقب بنتي

والحمدلله

 

["*آآآنؤؤؤقهـ*"]

تو الناس عليه ولدج عطيه سنه قدامراح يتعود

يتفهم وتقدرين عليييه

 

["*آآآنؤؤؤقهـ*"]

ولدي الحين عمره سنتين

متأزمه ودي اعلمه مبجر يقطع الحفاظ