تجمع "يالله نعلم عيالنا يقطون الحفاضه و يروحون الحمام"

[mariam_q8]

السلام عليكم :68_asmilies-com:
انا ولدي بيصير ٢.٥ قريب و ابي اعلمه عالحمام و مابي امل و ابي تشجيع ف ياريت ادشون وياي و نشارك بعض بالخطوات والنصايح و حتى الي ماتبي ادش بالتجمع تحط طريقتها واشلون علمت عيالها وياااااارب يتعلم ولدي قريب :yaaaaaarb:

 

[بربيره]

موضوعج وايد حلو و مفيد انشالله تلاقين تفاعل من العضوات

اب اب

حسافه بنتي للحين صغيرونه سنه و نص ولا جن صج كيفت عالموضوع

 

[ام الحلوااات]

بــنــتـــي نــفـــس عــمــــر بــنــتـــج ونـــاويــــه اعـــلــمــهـــا الــحـــمــــااام بـــس مـــأجـــلــــه الــفــكــــرة 3 شــهـــور لـــيــن تــعـــــدي فــتــــرة الــبـــــرد لانـــه وااايـــــــد يــحــتـــاجــــــون الــحـــمــــام ​

 

[صدفه نسيتك]

بنتي عمرها 3 سنين بالضبط ليومكم هذا تبول على ملابسها

 

[ام ناصر 2009]

وانااااا معاكم ودي اعلم ولدي مو ؤاضي بس يبجي
واجلتها لبعد الشتاء برد عليه الحين

 

[غرور الريم]

انا بنتي بسم الله عليها تعلمت بسرعه بديت معاها 2/5والحمدالله تعلمت
تقريبا اوشهرين معاناه اما ولدي علمته يدخل الحماإم نفس عمر اخته بس شنووو هبل فيني
وماكان عندي خدامه يعني فوق الست مرات يخيس ع ملاابسه وانا كل شوي ادخل الحماإام واذا شرب شي اقعد شويه
ووديه الحماإام لين صار عمره ثلااث سنين وحمدالله في تقدم بس يبييله متابعه
وع فكره اغلبيه يقولون ان البنت اشطر واذكى من الولد وانه تتعلم بسرعه

 

[غرور الريم]

اييه تذكرت ان كنت شاريه لبنت نونيه ع شكل سياره ورديه
ههههه وكل شوي دخله الحماإام بنفسهاإاإاإا عشان النونيه

 

[:: Diva ::]

انا ولدي عمره سنتين ينفع و لا مبجر ؟

 

[ريكاتو]

انا بعد بقطع البامبرز بس الحين برد الجو عقب الشتا انشالله ابلش بس المشكله بيصر عمره 3 سنين شهر 4 جني وايد تاخرت عليه

 

[donutoo]

انا بلشت مع بنتي صار لي تقريبا 6 شهور
عمرها سنتين و4 شهور الله يحفظها , شريت لها نونية اذا قعدت عليها تطلع موسيقى وعلى سيارة
جربت معاها كل الطرق من تشجيع وتصفيق وهدايا بس تعاند بهالشغلة بالذات
تكره الحمام بشكل مو طبيعي
بس للحيني قاعدة احاول معاها والله كريم

 

[q8 83]

انا ولدي عمره 3 سنين تقريبا لي الحين ما كمل بالضبط

و توني مخلصه موضوع الحفاضه و الحمدلله قطها

عندي نصايح مهممممممممممه لكم

1 - لازم تطولين بالج لابعد حد و لاتزفين البيبي لو حتى يسويها جدام الناس خلج عاااادي بس قوليله ماما ليش ماقلت لي بسلوب عادي

2- لازم يكون في مكافأة بعد دخلت الحمام عشان يتشجع يقولج بروح الحمام

3- لاتقطين البامبرز عنه و تتعبين معاه فترة و بعدين تردين تلبسينه اياها جم يوم متواصل ترى يصير اصعب من قبل و ما بقطها بسهوله لان راح يرجع يتعلق فيها اكثر من قبل لانها اسرع و اريح من الحمام

4 - حاولي ما تلبسين البيبي بامبرز الا وكت نومة الليل و حتى اذا كنتي بتطلعين حاولي كل شوي بالطلعه تودينه و اذا كان لابد منها لبسيه البامبرز الي على شكل سروال و فهميه ان هذا صرواااال مو بامبرز عشان يحاول ما يسويها فيه على قد ما يقدر

5- ترى العمليه تاخذ وكت و تختلف من طفل لي الثاني بس عن تجربه كل ما كان اصغر كل ما تعلم اسرع

6- شغليله فيديوات اطفال قاعدين يسونها بالنونيه و قوليله شوف الاطفال الحلوين يسونها بالحمام مو بلابسهم عشان يتشجع و يتشوق يسويها بالحمام و الفيديوات تقلينها باليوتيوب الاجانب يعطون عيالهم قصص و يخلونهم بالحمام على راحتهم لحد ما يسونها

7- توقعي ان راح يسويها بأأأأأأأأأأأأأأأأأأأي مكان بس لازم روحج تكون رياضيه جدا تخيلوا مره سواها و انا بايكيا و مرتين بالجمعيه و تعالي غسليه و بدلي كل ملابسه حتى الجوتي و انتي بكرامه >>> مأساة

8 - حطي بجنطة البيبي اكثر من غيار و جوتي احتياط و كلنكس ديتول و اجياس للملابس الوصخه وبامبرز بو صروال احتياط عشان اذا مكان بعيد او ما توفر فيه حمام بسهوله


لاتحسون ان الموضوع معقد الطفل يحتاج ياخذ وكته عشان يتعلم بس طولي بالج لا تعصبين عليه عشان ما يتعقد و يكره الشغله و كل ما كان بالج طويل كل ما تعلم اسرع و قط بامبرزة الليل اسرع

و مووووفقين

 

[الـفـجـر الـبـعـيـد]

انا ولدي عمره 2 ونص لما كنت بأجازة امومه حاولت اعلمه على الحمام
وانتوا بكرامه بس مااااااافي استجابة ما يكره الحمام بس ما يتحكم بنفسه
نهاااااائيا ولما يسويها يقولي فرديت على الحفاظة قلت لماا يكمل 3سنين برجع اعلمه

عرفت ان اليهال يختلفون من واحد للثاني البنات سبحان الله يتعلمون اسرع
والصبيان شوي يتأخرون

 

[kokim]

انا معكم عمر ابني سنه و 7 شهور حاسه حالي متاخره امي من كمل السنه وهي مصره اعلمه على حمام لانه احنا عسنه و شهرين كنا نروح الحمام وانتو بكرامه

 

[ملاك ^ الحب]

انا بنتي 3 سنوات بصراحه توني علمتها صارلي تقريبا شهرين

اول شي


خلي بالج طويييييييييييييييييييييييييل معا الياهل

ثاني شي

ديري بالج تطقينه او تزفينه على الحمام اذا سوا شي على نفسه قوليله ميخالف بس مره ثانيه روح الحمام

اتبعي معاه اسلوب خلاص انت كبير انت صرت ريال شوف فلان شلون يروح الحمام لانه اهو كبير ونفس الشي حق البنت

ثالث شي

اقولكم شنو سويت معا بنتي

رحت بو اميه وشريت العاب واستيكرات وايد وتلوين ومن سنتر بوينت

وكل ما تدخل الحمام اعطيها استيكر تلزقه على الافرنجي ( عزكم الله ) هذي حق البوله

وحق الكبيره بس تسوي بالحمام اعطيها تلوين او لعبه

صج اذتني شوي على ما تحكمت في نفسها وساعات تبول على ملابسها

قمت شسويت رحت سنتر بوينت شريت السروال النايلون الي من داخل خام ومن بره نايلون وعلمتها ان هذا صروال ديري بالج تبولين فيه الحمد الله تعلمت

 

[أم راشد المطيري]

انا ولدي عمر سنة وشهرين وقاعدة اعلمة

وبالي طويل وياة لانة صغير

 

[فديت ولدي]

ولدى سنتين وثلاث شهور
اجلتها لبعد الشتاء

 

[نهر الكوثر]

الله يعين ولدي بيكمل الثلاث ولاتعلم صارلي سنه وياه بس اول شهرين قريب البرد فقطعت الين خلص البرد والحين بندخل في البرد وهو على ماهو عليه لكن بكمل حتى في البرد لاني تأذيت منه وعلما انهو متأخر في الكلام

 

[سموره 87]

مريووووووومي شخبارج وشخبار سليمان فديته

بالنسبه حق بنتي كبر سليمان للحين ماعلمتها عالحمام مع ان اسم الله عليها اذا فيها تقولي ماما حمام بس مفكره اعلمها بعد الشتا *

 

[فلافل وبطاط]

انا بنتي عمرها سنه و4 شهور .. اليوم فتحت الموضوع مع الوالده
قالت نطري عليها اتكمل السنتين تو الناس على بو سنه ... عالاقل
اتكلم عدل تفهمني واتقولي اذا بتدش الحمام ،، مو الحين غصب
افجج طلاسم حجيها ...

موفقين مع عيالكم .. لي عوده لما تكمل بنتي سنتين واستفيد من
تجاربكم ...

 

[مرايــــــــم]

انا بنتي عمرها سنتين وان شاء الله بعلمها بعد
الشتاء

حاولت اعلمها وقطيت البامبرز وقعدت 3 ساعات
الله يعزكم ماراحت الحمام
وكله تبجي
فاجليت الموضوع لي بعد الشتا