%% تجمع وملتقى امهات مواليد 10 و11 (تكملة تجمع حوامل 10و11)%%

[Cacawa]

ههههه شكله جذيه

 

[تختوخه22]

سلام عليكم يالغاليات

شخباركم وضوح صايره مزعجه وايد كله تبي احد يسولف معاها

وانا مع الحمال مالي خلق صايره

وليلحينها ماسننت

 

[Cacawa]

هلا تختوخه
الله يعينج واليهال يبون اللي يسولف معاهم ويقولج اذا سولفتي مع ولدج ولا بنتج يطلعون اذكية والله اعلم هذا اللي سمعته

 

[تختوخه22]

هلا وغلا بكاكاوه

اي صح كلامج ينمي قدرات العقل

شخبار وليدج شنو مسويه معاه

 

[Cacawa]

احمداني دان داني اسم الله عليه صاير يعرف لا بغيت اطلع واهده عند الخدامة ولا عند ابوه
وحدي مستانسة منه من جذيه ودي اييب ياهل ثاني احس اني استانست على اليهال
بس تعب الحمال مشكلة الله يعين

 

[Mar Mar]

صباح الخير بغيت ارفع الموضوع ما ابييه وايد بعيد

 

[Cacawa]

صباح النور

اشلونج مرمر ؟ شكله كل يوم الصبح بس انا وياج ؟

اليوم داومت متاخر راحت علي نومة والشغل اشكثره مقعديني مكان السكرتيرة لوعة جبد استغفر الله

 

[Tangled]

سلام عليكم بنات

امبيه مرمر انا ودي بتوأم واي يا حلاتهم بس اخاف يخلون زين العابدين بروحه ويلعبون بروحهم لووووول
ككاوة الحمدلله طمنتينا على حمادين مشالله دكتور خالد روعة وانشالله على نهاية الاسبوع يروح كل شي من حمادة
تختوخة الله يعينج واي انا زين العابدين يبجي ويحن من اقرب يمه يسكت ولازم سوالف وقرقة اسمالله عليه احطه جدام التلفزيون شوية ويمل مع ان قناة براعم تهبل والرسوم المتحركة اللي يحطونهم وايد حلوين وفيهم سوالف تونس بس يمل حبيبي من القعدة
واااااااااي حلات القزم ريوله مو قادرة توصل الارض بالدراي

 

[Cacawa]

صباح الخير

اشلونكم بنات ؟

روحي احمد بدا اسم الله عليه يرجع قري بالدراي ههه ولا على جنب

 

[Um Ritaj]

انا بنتي سننت بدري بس مسكينه تعورها لثتها

و ما حطيتها بالدراجه لان شقتي كلها درج فاخاف تحيط

ومن كثر ما احطها على الارض قامت تحبي لورا لانها تعودت تحرك اطرافها

مرمر جربي الدكتور هبه عند عيادة ماجده اليتامى قبل ما تروحين للفوزية القطان

يقولون شاطرة بسوالف التوم

انا كان ودي احمل بتوم بعدين ترددت خفت اتوهق بتربيتهم لان اخوي الله يخليله اعياله عندهم توم واشوف تعبانين حيل معاهم

ومرمر مشكور انج قلتينا عن الدكتور عبدالله عويد وديت بنتي عنده والحمد لله خفت الكحه وطلع معاها التهاب بالاذن

تختوخة هلا وغلا اسفرت وانورت شاخبارج وشمسويه؟؟

 

[Um Ritaj]

هلا كاكاوة

صباحج نور

الله يخليلج احمداني

 

[Cacawa]

هلا ام رتاج

الحمدالله على سلامة بنتج هالكحه مأذية اليهال مساكين

احمد بعده مايحبي بس احطه على بطنه ويحرك ايده وريوله يبي يتحرك بس بالدراي اسم الله عليه يرجع قري

 

[Cacawa]

الله يسلمج بعد عمري

 

[Tangled]

هههههههههههههههههههههه اي هم انا اسمالله عليه زين العابدين بدا يرجع قري واي ثلم قلبه حبيبي وليدي صار ريال
ام رتاج سلامتها لورا شحلات اسمها اسمالله عليها ما عليها الا كل عافية
تختوخة شلونج مع اليهال عمري ؟؟؟

بنات ساعدوني انا قطعت ولدي من القماط (( المهاد)) بس ذابحني واهو نايم يتقلب وينام على ويهها واخاف عليه يختنق وما غير كل شوي قاعدة اطل عليه شسوي ؟

 

[Cacawa]

شخبارج روحي

مادري بس بنتها مو اسمها لورا قصدها لى ورا ههههههه مادري هذا اللي فهمته

وبالنسبة حق القماط بس خلاص الحين الياهل يبدي يقلب بنومته ساعات ينام على جنب ولا على بطنه حرام لاتمهدينه الله لا يقوله يختنق
وانتي راح تتعبين ماراح تنامين عدل بس لاتمهدينه

 

[Um Ritaj]

يا حليلج يا روحي تحبك هههههههههه

قصدج لورا خليل هههههههه

انا قصدي لي ورا ( للوراء ) backword

بنتي اسمها ريان

اما على المهاد فانا من شفت بنتي تتقلب ما صرت امهدها خفت تنقلب وما يخليها المهاد تفك نفسها

 

[Cacawa]

اشلونج ام رتاج ؟

 

[مبدعة]

hi all
شخباركم

من زمان عنكم

روحي تحبك

في شغله حق الياهل ينام عليها و يصير على جوانبه مثل مخدتين علشان ما يتقلب او يتغير اتجاهه وايد عجيبه و انا بنتي للحين امهدها لانها ترتاح و تنام عدل مع المهاد اسم الله عليها ما احسه يضايقها

 

[Cacawa]

هلا مبدعه شخبارج ؟ وش الدنيا فيج ؟
اشلون بنتج ؟ وصج اختج اشلونها شخبارها ؟ سلمي عليها وايد

اسم الله عليها اذا ماتقلب زين لها المهاد بس اذا الياهل يقلب لازم ماتمهدينه عشان لايقلب ومايقدر يقلب نفسه ويختنق الله لا يقوله رفيجة خالتي جذي ولدها توفى - اسم الله على عيالنا وعيال الجميع - كانت امهدته وقلب على ويهه وماقدر يتحرك ويرفع نفسه وتوفى الله يرحمه وهذا يومه

 

[حبيب قلبي]

السلام عليكم بنات اشلونكم
من زمان عنكم لاب توبي اخترب ومن جم يوم استلمته
شخباركم بنات وشلون عيالكم ؟