%% تجمع وملتقى امهات مواليد 10 و11 (تكملة تجمع حوامل 10و11)%%

[Um Ritaj]

صباح الخير

بنتي ذبلانه حيل واذبحتها الكحه والنشلة والتسنين كله في وقت واحد

لا ترضع ولا تنام خنت حيلي

واعيونها من التعب ما تقدر تبطلها مسكينة تكسر الخاطر

بنات وين عيادة خالد السعيد او اسمه محمد السعيدو ما تدرون اذا يبطل اليوم؟؟

 

[Fatima]

اهلين ام رتاج
انا انصحج وديها عند فهد المخيزيم عن تجربة ما اعرف خالد السعيد بس اسمعهم يمدحونه
رقمه 25352205
وكل يوم امبطل ما عدا الجمعه والله يشافيها ويعينج على مرضها

 

[Om JooD]

يابعدهم..تهقين جذي عيل بعطيها بعد شوي وبشوف


كاكاوه ومرمر..سمعوا نصيحة فطوم


اصلا انا شفت مرت اخوي متعذبه مع عيالها ملعوزينها جايبتهم ورى بعض

 

[حبيب قلبي]

السلام عليكم بنات اشلونكم
فاطيما اشلونج ولهنا عليج وشغلتينى على ولدج اشلونه الحين؟
يابعدهم مرمر ؟ سورى ماعرفتج انتى مغيرة النك
كاكاوة اشلونج وشلون احمد
مرمر تونى ادرى ان اسن=م بنتج لولوه عاشت الاسامى مثل اسم بنتى
ام رتاج هلاوغلا
والله بنات بالنسبه للحمال محد مرتاح انا فرق بين عيالى بصراحه تعب ولاتحطون بالكم ترتاخون العيال اسم الله عليهم ماوراهم راحه

 

[Tangled]

السلام عليكم بسم الله نبتدي وحدة وحدة بالدور كلكم غاليات على قلبي فديتكم

حبيب قلبي فديتج يا ام سلوم مسحي ايميلي وطن لأن مبيوق وخليني عالثاني بس ما يتني اضافة لحد الحين طمنيني عن لولوة ؟
ككاوة حبي شلونج وشلون حمادة ما ادق عليج ادري فيج لاهية انشالله اشوفج يوم الخميس بإذن الله ونشوف باجي البنات .. يا مجرمة بتطقينها حملة نطري يالخاينة
مرمر ماتشوف شر بنوتج جنى ان شاء الله الله يعينج يارب ويعين كل ام موظفة انا احمد ربي ليل ونهار اني ربة منزل لووول حلوة ربة منزل ها ؟ لأن اسم الله على زين العابدين اشسمالله عليه بادي يسنن واخذي حنة وتنرفز غير اسمالله عليه اسهال وشهيته مسدودة صاير عنونو حبيبي ان شاء الله فترة وتعدي يارب انتي وككاوة بتخونون ؟ وتحملون شوفوا ترا انا ريلي قايللي ماكو حمال الا بعد خمس سنوات لا تخلوني ابيعها واحمل

ام جود حبيبتي ضيقتي خلقي على بنوتج بس ميخالف ترا فقارة اليهال مالهم الا الحنة والبجي الله يعينهم مو شوية التسنين عساها العافية يارب ماتشوف شر وترا الكحة سبتها التسنين في يهال يكحون وفي يهال يسهلون عزج الله

ام رتاج ومرمر وككاوة انا من رايي

 

[Tangled]

ام رتاج ومرمر وككاوة من رايي جان تبون تحملون يبا الله وياكم
سبحان الله كل واحد له نظرة بهالموضوع .. انا رفيجتي صغيرة بس يابت عيالها ورا بعض لأن نظرتها ان اليهال ورا بعض راحة وبعدين كله مع بعض المصرف والتربية والمجابل وغير جذي جابلت جسمها
مشالله نساتها وولادتها سهلة غير ان الكل يساعد معاها .. لكن انا ماعندي مشكلة بس ريلي ما يساعد عشان جذي ماجلتها على قولتهم ودي بس الهوا ضدي لووووول
اتمنالكم كل خير يارب .. وان شاء الله نشوف عيالنا معاريس وعروسات

فطامة شلونج وشخبارج طمنينا عن جسوم حبيبي ان شاء الله الحين احسن وشنو صار عليه ؟؟
لجين شلونها ؟ الله يعينج يقولون الياهل عالتعود عوديها تنام عال 12 يعني خليها قاعدة لاعبيها لا تخلينها تنام عشان ماكو ما تصول الساعه 12 الا اهي نعسانة ،،

منو بعد ما سلمت عليه منو ؟؟ ممم منو ؟؟ عموما كلكم حبيبياتي اللي ما سلمت عليه يسامحني

 

[Mar Mar]

صباح الخير على الجميع انا انشاءالله ناوية أحمل شهر 8 الصراحة انا مجربة الأثنين بين جنى و علي 1 و شهر و بين علي و لولوة 3 سنين مو حلو والله مادري يعني جنى و علي ماشاءالله عليهم على قلب واحد و احس لولوة ضايعة بالطوشه فلازم اييبلها يا اخت او اخو بس انزل 6 او 10 كيلو و احمل انشاءالله

 

[Cacawa]

بسم الله اشفيكم كليتونا :dddds:

انا بعد لازم اضعف 10 كيلو وقلت انشالله اذا كمل احمد سنة ابي احمل يعني على شهر 9 ولا 10
والصراحه ابي اييب يهال وبعدين اجابل روحي اذا بييب واجابل روحي وارد اييب مرة ثانية كل شي يخترب
لا لا لا الاحسن اييب ورا بعض وبعدين افضى حق روحي ومابقى شي على ال30 عشان باجر بس اتعب على تربيتهم

امس وديت احمد حق خالد السعيد ام رتاج عيادته بالجابرية دار البراء
الصراحة خوش دكتور وفهمني وتخيلو قالي الدوا اللي كانو معطينه احمد من مستشفى الاحمدي قال لي مايسوي شي وقلت له صح لاني ماشفت اي تحسن والحمدالله عطى احمد علاج مكثف قال لي راح تتعبين معاه هالاسبوع بس انشالله خلال هالاسبوع راح تروح عنه هالحساسية تخيلو طلعت حساسية بخشمه واهيا اللي عافسته

وصج من امس بليل مع الكمام والقطرات والشراب الحمد لله رب العالمين راحت الخرخشه والشهقه راحت حسيت بفرق كبير حتى خدامتي حست بالفرق تقول ماما احمد احسن من امس وعطانا موعد الاسبوع الياي عشان يعطيه علاج وقائي والله كريم

 

[Mar Mar]

حبيبي مايشوف شر مشكله هل حساسية انا عانييت مع جنى بس الحمدالله على كل حال اشوه الحين لما صار عمرها 4 سنوات احسه خفت الحساسية شوي

 

[Cacawa]

الحمدالله

اشلون عيالج مرمر ؟ واشلون الدوام ؟

 

[Mar Mar]

والله الحمدالله زينين و الدوام بروحي قاعدة :\ ماكو شغل .. انتي شلونج شخبارج ؟
أهم شي قاعدة آكل تفاحة دوااا مو تفاحة :\

 

[Cacawa]

ههههه انا تمام اليوم قاعده مكان السكرتيرة والشغل خايس
الله يعين
وعليج بالعافية التفاحه انا الحين بتريق فطاير

 

[Cacawa]

ابي اضعف واكل فطاير هههه

 

[Mar Mar]

لوووووووووووول بالعافية انا بعد شكلي بخورة الحين و آكل كاكاو شكاي لا رجيم ولا شيء بس أخلص تبييض أسناني بحمل هيهيهيهي عاد اتصدقين كاكاوة انا مفكرة اقول حق دكتورتي ابي توأم حتى زوجي قاعد احن بس خايفة اصيرون اكثر من 2 جذي صج اتوهق عاد

 

[Cacawa]

لوووووووووووول صح خوفج تتوهقين
انتي تراجعين عند منو ؟

 

[Mar Mar]

عند د.فوزيه القطان

 

[Cacawa]

اها انزين اشلون تسويلج تلقيح ولا بس تعطيج منشط ؟

 

[Mar Mar]

والله مادري لازم اسأل أول ودي أعرف شلون تهقين تلقيح ؟

 

[Cacawa]

اممم مادري

 

[Mar Mar]

كاكاوة شكله بس انا وياج امداوميين صح ؟؟