%% تجمع وملتقى امهات مواليد 10 و11 (تكملة تجمع حوامل 10و11)%%

[Tangled]

بناااااااااااااااااااااااااااااااااااااات شلونكم وشخباركم

ككاوة ما عليه سكتي انا من كثر ما يتدخلون بعلن الحرب مادري ليه متى بسكت

مرمر عليهم بالعافية يا قلبي اسمالله عليهم انا توني ادري ان من الخامس، شلونج مع الدوام ؟؟؟

ام جود امبيه لا لا زم تشرب حليب بنتج بعدها لا تقطعينها من الحين

مبدعة لج وحشة من زمان ما شفتج

ككاوة اقري على حمادة سب مرات آية الكرسي لمدة اسبوع وان شاء الله بتلاقين فرق وتحسن غير ان حرز حقه فديته قيصر التجمع

 

[Cacawa]

هلا حبيبتي روحي اشلونج ؟
انا كل يوم اقرا عليه بس احس اللي قاعد يصير فيه كله من خالتي حتى يوم طاح بالمستشفى تذكرون ودش العناية اعوذ بالله من الشيطان
اعتقد منها لان يابنات ماتتصورون اشلون شهقت يوم شافتنا بالخيران (مو انا رحت حجزت بالخيران ورحت لهم واهما مايدرون) فيوم دشيت عليهم بالشاليه اشهقة شهقة وعيونها طلعت برا من كثر ماكانت منصدمة

الله كريم


بنات ساعدوني متوهقة نوعا ما
مو يوم الخميس الياي حفلتي وانا شارية نفنوف بس النفنوف اخترب وابي اشتري واحد ثاني وين توصوني اروح ؟
ابي رخيص مابي غالي وتالي يقعد بالكبت

 

[Tangled]

ممممممممممممم مادري والله ككاوة عندج وايد اماكن
عندج ليلى جاليري وعندج مجمع زهرة تلاقين رخيص وغالي ومادري جم يناسبج
وفي وحدة حاطة دعاية فوق صوب الدعايات حاطة رقمها وعندج مممممممم منو بعد اي بيت بالشعب مادري شنو عنوانهم بس حلو شغلهم
وعندج كوست انا مادري شنو نوعية النفنوف اللي تبينه روحي مشاغل يأجرون في من 100 ونتي طالعة

 

[Um Ritaj]

كاكاوة قولي لخالتج ان كثرة الكمام تسرع دقات القلب وتخليه يعرق بسرعه

ومرمر انا ولدي كان ياخذ وقاثي الي جنه اسمه( بالم كورت) بس بعدها ارجعت حساسية الصدر والحين قاعد اعطيه دوا شراب اول مرة استعمله ويخفف الكحه والبلغم اسمه سينكود من اعطيه ولدي توقف الكحه بس ترجع عقب اربه او خمس ساعات

 

[Cacawa]

ام رتاج المشكلة خالتي تدري بهالموضوع لان ولدها الصغير مسكين كان الكمام 24 ساعه عليه استغفر الله العظيم
وعلى بالها ان احمد نفس ولدها كل ماصار شي تقول اي نفس ولدي وبيصير نفس عمه
لاحول ولاقوة الا بالله الله يكافينا الشر

 

[حبيب قلبي]

السلام عليكم بنات
روحى تحبك اشلونج لا يالغاليه ما مسحت ايميلج الاثنين عندى
كاكاوة مايشوف شر ولدج تصدقين عاد انا اليوم اخر يوم لبنتى بالكمام والحمدالله اختفت الكحه بس اليوم وامس اشوفها ردت الكحه
مرمر - تختوخه - ام رتاج اشلونكم ؟

 

[Om !L3$l]

مساكم الله بالخير :eh_s(6):
واااي انا ليش جذي دايما اخر وحده تعرف عن التجمعات :0bee2e8d89:

يالله ماعليه
شلونكم و شلون عيالكم تمام انشالله
و كاكاوه و الله كسرتي خاطري يا نظر عيني بشريني عن ولدج وديتيه والا بعد ؟
امممم هم انا انصحج بدكتور لطفي شمس الدين الي كان بالمواساه قبل ماشالله عليه حده فاهم

 

[Um Ritaj]

هلا والله حبيب قلبي شاخبارج يالغاليه واشون البنوته؟؟؟؟

كاكاوة الله يعينج

 

[Fatima]

قوة بنات شلونكم ولت عليكم وعلى سوالفكم
والله اشتقت لفترة الحمال
عيالي تمام
جسوم دخلته حضانه وصاير اوكي بس قام يلقط كلمات غريبة وبدا يسب شوي شسوي
وشلون افطمه من الممية
لجين اااخ من لجين عيارة وحق ابوها تكون اوكي عندي لا وتجن شوي والنومه للحين ما تحسنت
وان اتعذب توني مداومه ماكو نوم معاها وخدامتي يديدة كلش ما تساعد
الله كريم

 

[Mar Mar]

أم رتاج البلمكورت مو وقائي اهوه علاج الوقائي اصير مثل حبوب اتصير حبة وحدة باليل اسمها سنقلير وااي من كثر ما عابلو اب جنى بنتي قمت أعرف كل الأدويه
روحي تحبك وااااس كل يوم أداوم متأخر بدعت بس حدي تعبانة من الدوام :\ و لولوة أمس بدعت بالنوم كلش مانامت
حبيب قلبي هلا فيج الحمدالله انتي شلونج ؟

 

[Cacawa]

صباح الخير

اشلونكم بنات شخباركم ؟

مرمر شخبارج ؟

فاطيما داومتي جم رقمج خل ادق عليج

احمد اليوم يخلص كورس الكمام مال مستشفى الاحمدي واليوم العصر بوديه حق خالد السعيد ونشوف شيصير

يابعدهم مرمر حياج الله بالتجمع وتسلمين حبيبتي

 

[Mar Mar]

صباح النور اهلا اهلا كاكاوة مايشوف شر حماده حبيبي ذكرني اب جنى بنتي يوم صغيرة ..
بنات منو امفكره تحمل ؟ انا جني ناويه بدعت بس ما ابي فرق وايد بين عيالي ))))

 

[Cacawa]

هلا حبيبتي مرمر انا ودي احمل مرة ثانية بس ماني عارفة متى اقط الحبوب بس ابي احمد يصير ب8 او 9 اشهر على الاقل
وودي اولد بالصيف مابي بالشتا استغفر الله

مرمر ما وصل لج مسج حفلة الاستقبال ؟ ماتبين تيين ؟

 

[Mar Mar]

اي مسج ؟ لا ماوصلني ؟

 

[Cacawa]

الحين ادز لج على الخاص

 

[Um Ritaj]

هلا مرمر

انا ناوية احمل ان شاء الله على شهر 8 بس انطر لمن ينزل وزني مابي احمل وانا زايدة جم كيلو مابي اكرر نفس حمالتي الي طافت

وانا عندي بنتي الكبيرة فرق بينها وبين اختها اربع سنين بس كلش ماكو توافق وكله هواشات وغيره

حلاتهم ورى بعض عشان ما يحسون بالغيرة وبالمرة ارتاح انا لاني ناوية ان شاء الله اوقف حمالة قبل 30 لانهم يقولون متعبه فودي احمل الحين لانه باجيلي 3 سنين وادش عال 30 يمىىىىىىىىىىىىىىىى خلاص ودعنا العشرينات

 

[حور الجنان]

مرحبا بنوتات

شخباركم ؟؟؟

والله لكم وحشه بس لهيت مع تجهيزات عرس اخوي والحمدالله عدا العر على خير وكان احلى من اللي تخيلناه ومرتب وتعبنا طلع بنتيجه

المهم شخبار البزوووره خخخخخخخخخ

تدرون ان ولدي ليلحين ماطعمته الدرن لهيت ويا صدره اللي قعد لي شهرين يالله خف الحمدالله والحين بالخامس ماشي بالسادس

عاد تعوره الدرن اللي بالجتف؟؟؟؟ شنو صار وياكم؟

 

[Om JooD]

مرمر ..كاكاوة..من صجكم؟؟؟؟؟






تو الناس احس؟؟


امس وكلت جود عيش وبطاط وكوسا



ماحبته كلش



خخخخخخخخخخخخخخخخخخخخ


وترجع نفسها غصب غصب ما تبيه


مت من الضحك عليها

اهي اصلا ما تشرب الا 2


بس


حدي شرهانه ابيها تاكل


خل تشرب الحليب اول لوووووووووووووووووووووووول

 

[Fatima]

سلام
امبيه كاكاوه ومرمر وام رتاج من صجكم
سالوني انا ماكلتها بين جسوم ولجين
الفرق الي بينهم سنه و6 اشهر وانا حملت لما جسوم كان عمره تقريبا 9 اشهر
بس والله انا الحين حيل حيل تعبانه لا نوم لا اكل لا مناسبات اجتماعية حتى صالون ماكو
سبحان الله جنهم توم
يبجون مع بعض ويحننون مع بعض ويبوني بنفس الوقت والله امس جسوم مادري شفيه من رديت من ملجة اخوي شافني استانس بعدها قام يبجي من1-3 الصبح ولجين معاه وتبي الحليب اضطرت الخدامه تقوم تمسكها وانا قاعده اهديه عشان ينام لانه من الصبح ما شافني
والله امس قمت ابجي معاه واشهق
والدوام الوحيد مخفف عني لانه اخذ بريك شوي منهم
بس احبهم ما اقدر بس نصيحه خلو فجه بين عيالكم يعني سنتين ونص او 3 عشان واحد يكون معتمد على نفسه والثاني تقتدرين تهتمين فيه
كاكاوه الاسبوع الياي عندي كورس ما راح اكون بمكتبي لما ارج اعطيج خبر

 

[Om !L3$l]

ام جود حبيبتي عادي ترى لمن تتعود انا بنتي جذي اول مابديت اوكلها قامت ترجع بس الحمدلله الحين وايد احسن واذا اكل يديد عليها هم ترجعه بس يومين و تتعود ماشالله عليها

وااااي حتى انا اشتقت حق فترة الحمال بس ما افكر الحين كللللللللللللش لمن اخلص الجامعه وبنتي تكمل سنتين لاني ولدتها فتح بطن وبغيت اروح ملح !