%% تجمع وملتقى امهات مواليد 10 و11 (تكملة تجمع حوامل 10و11)%%

[Tangled]

السلام عليكم حبيباتي شلونكم ؟؟ حدكم خقيتوا عن التجمع الله يعينكم الدنيا صيف والكل لاهي ومحد له خلق احد الجو ما يساعد بصراحة

ام رتاج لا تحاتين جان ما وديتيها ترا من التسنين الاذن تحك الياهل والله يعينج

ام جودي شلونج عمري ؟؟؟؟ تصدقين انا ولدي لما سافرت تقريبا من 3 شهور سافرت اربع ايام ورديت ما يعرفني واي حتى بجيت قلت واي ولدي نساني ... وتصدقين ليومج ما يقط عمره الا على امي بعد اليدة غير .. وسكتي من قريت موضوعج ان اسمالله عليها جود قطعت المصاصة ودي اقطعه وحدي تحمست بس لما يحن اقول واي خليها تفكني من الحنة

ناعمه الله يسهل عليج حبيبتي شلونج مع الثقل ؟؟؟ ووين ناوية تولدين ؟؟؟ استفسري عن اي شي ترا احنا بدعنا بهالسوالف وتشاركنا بوايد امور كانت احلى ايام مع البنات كنا اغلبنا نسهر سوالف وضحك واستفسارات عن التوزيعات والاستقبال والككاو ولبس البيبي واي حنيت حق ذيج الايام فاي شي تبين احنا حاضرين

برونزيا مبروك على وسن الفال حق زين يحبي وحق اللي عيالكم .. اهو لحد الحين بوضع الاستعداد فديته

 

[Om JooD]

روحي..والله انا الحين ارتحت ما ادري ليش ماكنت حابة المصاصة وكنت خايفة تتعلق فيها بس اشوه نستها الحمدالله

واحسن الحين واهم اصغار يتركونها ينسونها اسرع

 

[ناعمه العود]

ماتقصرين حبيب قلبي والله
انا ناويه اولد باذن الله بالراشد عشان دكتوري هناك ابي كفر كشخه للمستشفى وين احصله مابي سوق عادي لان كلهم يتشابهون انا فاره عليهم

 

[حبيب قلبي]

صباح الخير بنات اشلونكم
واى لولو صايرة حنه مو طبيعيه قاعده اقول يمكن من التسنين بس ابيه مانى متحملتها خصوصا بليل ماتخلينى انام لو اجازة تهون بس اداوم مصدعه وفينى نوم الله يعينا

 

[أسيرة قلبه]

أهليييين بنات شلونكم

اكيييد ما عرفتوني و لا تتذكروني

انا اغط اغط اغط و اطلع مره وحده يوم يومين و ارد اغط اغط اغط هههههههههه

مو مني من العيال اسم الله عليهم

انا ضحى بنتي كملت تسع شهوور و ما طلعلها و لا ضرس عاادي؟؟؟؟

 

[Um Ritaj]

أهليييين بنات شلونكم

اكيييد ما عرفتوني و لا تتذكروني

انا اغط اغط اغط و اطلع مره وحده يوم يومين و ارد اغط اغط اغط هههههههههه

مو مني من العيال اسم الله عليهم

انا ضحى بنتي كملت تسع شهوور و ما طلعلها و لا ضرس عاادي؟؟؟؟

حدها بنتج كسووووووووووووووولة ولا سن واحد على الاقل؟؟؟

 

[Tangled]

روحي..والله انا الحين ارتحت ما ادري ليش ماكنت حابة المصاصة وكنت خايفة تتعلق فيها بس اشوه نستها الحمدالله

واحسن الحين واهم اصغار يتركونها ينسونها اسرع

تصدقين انا ودي وايد وايد ودي وعلى قولتج واهما صغار ما يفطنون عليها غير لما يكونون كبار واسمالله عليهم يعرفونها عدل راح احاول بس انا اللي يصبرني عليها انها بس حق النوم وتفكني من الحنة اسمالله عليه زين العابدين صاير حنان بطريقة عجيبة وما اقول الا الله يعينه امي تقول التسنين مو هين

ماتقصرين حبيب قلبي والله
انا ناويه اولد باذن الله بالراشد عشان دكتوري هناك ابي كفر كشخه للمستشفى وين احصله مابي سوق عادي لان كلهم يتشابهون انا فاره عليهم

انا انا روحي تحبك خوو .. مممممممم شوفي انا شريت كفر عادي والله ولزقت عليه لوووووووول احب هالسوالف بس جان تبين عندج دبنهامز انا بنت خالتي خذت منهم واحد لونه بيج مع كوشياته كامل خذته طلع عليها ب 154 وعلى الزوايا بالشوارفسكي كتبت حرف ولدها طلع اينن واه والكفر اصلا وايد وايد راقي و شوفي المول تلاقين في بنات حلوة تصاميمهم او بقسم الولادة وامراض النسا في بنات يحطون صور كفراتهم راسليهم اذا ياجرونه او يبون يبيعونه لأن نصيحتي لج حرام تشترينه غالي وتالي ما تستفيدين منه وايد ونتي وكيفج عاد

أهليييين بنات شلونكم

اكيييد ما عرفتوني و لا تتذكروني

انا اغط اغط اغط و اطلع مره وحده يوم يومين و ارد اغط اغط اغط هههههههههه

مو مني من العيال اسم الله عليهم

انا ضحى بنتي كملت تسع شهوور و ما طلعلها و لا ضرس عاادي؟؟؟؟

يا حلاتها سلم قلبها ضحاوي .. اسيرة لا ما نسيناج يا قلبي وترا عادي مردها بتسنن في يهال تسنن متاخر عادي
وفي يهال لا مبجر رفيجتي ولدت معاي تبارك الرحمن ولدها بالشهر الرابع سنن يعني مو شرط في يهال حارين اسمالله عليهم وفي يهال باردين الله يحفظهم بس يقولون اللي يسنن متاخر يمشي بسرعة

والله يعينج عالعيال ياقلبي

 

[ناعمه العود]

صاجه روحي تحبك

بس انا الكفر ناويه اشتريه نفرين عشان اوديه المصبغه واوديه بيتي
لان احنا نظامنا غرفه للحوسه اذا يانا احد يعني مراح يصير بالكفر شي بس اذا ياني احد رحت انسدحت فيه وغرفه اذا مافي احد
يعني الي متعودينن عليهم كل يوم نشوفهم وميانه واهلي بس
بشتري نفر ونص بس زوين شوي يعني يبيلي كفرين

 

[Brounzi_girlly]

مسا الخير شلونكم يا بنات مع الويك إند وشلون الكتاكيت وسونتي العيوزة شق ضرسها الثاني

بس مضيقة خلقي شهيتها زيرووووو
تخيلو تلبس لي الحين من 3-6 والاندروير من 0-3 تضيق الخلق

 

[Tangled]

عادي برونزي لا تحاتين هذي فترة تسنين وشي طبيعي الياهل يفقد شهيته واذا حدج تحاتيها سوي لها تحاليل شاملة مع اني ما انصح اذا ما كانت الاعراض واضحة او خطيرة يعني مثل نحافة شديدة وفقدان شهية قوي لن يسحبون منها دم واهي مو ناقصة

شوفي نصيحتي انج تخلين الوجبة مالتها على مرتين عشان تاكلها وخلي فترة زمنية بينهم
وكليها فاكهة ترا اغلب اليهال يحبون الفاكهة لنها باردة وحلوة .. حطي قطعة بطيخ صغيرة قطعة تفاح موزة شوية عصير برتقال وبالخلاطة يصير كوكتيل ويحبونه انا بنت ييرانا علمتني اول شي كان زيون ما يحبه الحين نوعا ما استساغه لان هم انا زيون شهيته زيرو ما يكال كلش ملش عايش عالحليب لا ونص الممية لعب وتلقمط او عالسيريلاك وما يكمله لانه ينغث .. اول شي كان ضايق خلقي عليه يوم وديته الدكتور قاللي ظاهريا مافيه شي ووزنه مناسب ولدج عوده ناعم راقبيه واهتمي بالاكل وخلي اكله وجبات صغيرة
نفس الوضع لحد الحين ما ياكل بس امي تقول لو لقمه ةوهذا اللي انا متبعته والحمدلله على كل حال

 

[++The DuchesS++]

شخباركم امهات التجمع
اليوم طرى على بالي ايام قبل النسات واللوعه وييييي

يمكن اغلبكم مو عارفني انا غفراااااان بس مغيره النك لاسباب امنيه لوووووول
انا كنت المفروض اولد بشهر 10 بس ولدت مبجر شهر 8

عيالي الحمدلله وايد تحسنوا عن قبل اسم الله عليهم
طلعت ضروسهم الحمدلله بس للحين ما احس انهم يشدون حق الوقفه

 

[Om JooD]

روحي..الحنه لابد منها ومو طبيعية بعد

اسيرة قلبه..عادي ترى احسن عشان تمشي اسرع

برونزي..نفس جودي بالضبط وانا ناوية ان شاء الله من باجر اعطيها سمسم مطحون ابيها تفز شويه عالافل

ومقاساتها تتسنع

غفران..الله يحفظهم لج ان شالله ولا تستعجلين عالوقفة ترى توهم عنونيين

 

[Brounzi_girlly]

مسا الخير بنات واااي وسونتي تكره شي اسمه قفشة وصلت مرحلة اخدعها بالمصاصة وادعس القمة بحلجهااا
ام جود شلونج عليج بالعافية على السفرة ميخالف سافري استانسي وخلي بنوتج لو خذيتيها تيننج
روحي اي والله صاجة التحاليل مو زينة حق اليهال
نعومة حبيبتي شلونج مع الثقل
غفران شلونج وشلون عيالج الحلوين
بنات ماكو اخبار عن تختوخ ولدت لأ
ام رتوجة شخبارج
حبيب قلبي شلون لولوتي؟
ام طلولي كاكاوة بسبوس فطومة وينكم غطيتوووو؟؟؟

 

[++The DuchesS++]

ام جود


الله يسلمج حبوبه
ادري انه تو الناس
بس متى المفروض الياهل يبدي يخطي ؟؟





برونزي

الحمدلله الله يسلمج
انتي شخبارج ؟؟
واشلون البنوتات ؟؟

 

[Cacawa]

السلام عليكم اشلونكم بنات ؟ شخباركم ؟

ادري صار لي دهر ما ادري عنكم والصراحة ما ادري عن النت خير شر
احس اني لهيت مع احمد ومع هالدنيا


شخباركم انتو عساكم بخير وشخبار عيالكم

 

[Om JooD]

غفران..انا اشوف اعيال اخوي قبل وكنت الاجظهم في منهم يمشون على 11 شهر يعني قبل لا يتمون السنه وفي وبعضهم

سنه وشهر او شهرين

 

[++The DuchesS++]

ام جود



يقولون على حسب كل ياهل
متشوقه اشوفهم يمشوون لووووول
امي تقول لاحقه على التكسر والتخمط واللويه

 

[Tangled]

غفران هلا وغلا نورتينا مرة اخرى
اي اذكر انتي ولدتي مبجر مبروك النك اليديد ... شلون الحلوين ؟؟؟

والله على طاري المشي ترا وايد ناس عيالهم يمشون مبجر سبحان الله من ياهل ليه ياهل تفرق انا اختي الكبيرة يوم كان ياهل امي تقول مشت بال 10 شهور اسمالله عليها لوووول عمرها 34 الحين

ومو شرط

واي زين العابدين اليوم مصخن والخشم مسكر الظاهر مال الدلخة والطلعة برة حر وداخل الوحدات تشتغل .. حاشه هوا الظاهر ديروا بالكم على عيالكم ..

بنـــــــــــــــات في تنزيلات ب

[/URL][/IMG]

وايد اشياء حلوة بصراحة لا تروح عليكم المقاسات

 

[Om JooD]

غفران.صاجة امج لاحقة حبيبتي



روحي..شوقتيني بس انطر معاش بعلي العزيز..لمتى تنزيلاتهم؟؟

 

[حبيب قلبي]

السلام عليكم
اشلونكم بنات شخباركم
غفران وكاكاوة نورتو التجمع شخباركم
برونزية واسيرة قلبه وام جود شخباركم وشخبار عيالكم
لولو حبيبتى سخونه وخشمها مسكر وكحه كل لانى طلعتها بالحوش اشويه