%% تجمع وملتقى امهات مواليد 10 و11 (تكملة تجمع حوامل 10و11)%%

[Brounzi_girlly]

عليج بالعافية نعومة شلون البيبي الحين؟

 

[Tangled]

قوة بنات

بنتي مو مفكرة انها تقعد بس تبي تقحص بدراجتها

وسافرت عنها اسبوع ولما رديت اشوه تذكرتني ما نستني

هههههههههههههههههههههههههههه ام رتاج الحمدلله على سلامتج وخليها تقحص بس نصيحة حاولي قطيها بالارض وشوفي انا زين العابدين يتعسر ويبجي بس اخليه اقاوم نفسي والله ليه ما اسمالله عليه نوعا ما خف البجي ليه قطيه عالارض اعدله من واحد ليه الخمس خلاص مل بس احسن من اول اول ما يمديني اعد الا بجى

مسا الخير يا احلى بنات آنا لهيت شوي الأيام الي فاتت عندي استقبال وحايسة معاه
ابشركم وسن أمس شق ضرسها واخيرا
طبعا ماتحبي تزحف بس يحلالي بس لي الحين شهيتها ضعيفة وااايد نتوفة
المهم اخباركم انتوو روحي اشتقت لج انت وزيون
وكاكاوة قطعت
ام طلولي
حبيب قلبي
فطومة
ناعمة وبسبوس
وتختوخ حبيبتي مادري ولدت ولا بعد؟

بعد عمري والله برونزية نون نون طلع حق وسون سنون .. نون نون طلع حق وسون سنون بعد قلبي ان شاء الله نشوفها عروس يارب وشوفي اذا وزنها طبيعي لا تحاتين ان شاء الله ما عليها الا كل عافية قبل التسنين وخلاله الياهل يفقد شهيته وبعدين وكليها لو غصب لقميها او عطيها الاكل على دفعات صغيرة انا جذي قاعدة اسوي مع ولدي كل شوي اعطيه لقمتين 3 لقمات احيانا ما ياكل وبس عالممية بس اغصبه حت ىلو تفل الاكل لأن صار ضعيف اسمالله عليه ضلوعه طلعت بس دام ان وزنه طبيعي الحمدلله وناطرة

هاي بنات شخباركم


شخباركم ياقلبي وحده وحده مشتاقه لكم كتيييييير سافرت عنكم جم يوم توني رديت الاربعاء رحت دبي ثلاث ايام غروب ماتشوفين شر ان شاء الله

الحمدلله عالسلامة ناعمة عسى استانستي ؟؟ وشلون دبي ؟؟ وبشري شلونج مع الحمال ؟؟؟ ونتي ما قلتي شنو يبتي قبل هالحمال ؟؟؟


حبيب قلبي شلون لولو ؟؟؟؟؟؟؟؟؟؟؟؟ بشري عنها عروستنا ؟؟؟

 

[حبيب قلبي]

السلام عليكم وناسه واخيرا انتعش التجمع اييه جذية همتكم
برونز مبروك ضروس وسون ولا تحاتين دام صحتها زينه الحمدالله وخليها جذيه عن العين .
ناعمة العود اشلونج وشلون الثقل معاج متى ولادتج ان شاء الله؟ ولا تقطعين بشرينا اذا ولدتى .
روحى تحبك لولو الحمدالله بخير بس لى الحين لا سننت ولا حبة بصراحه انا مقصرة ماحطها بالارض لان اختها تغار منها ومن تشوفها على الارض تركض وطيح عليها وشوفي عاد نصيب لولو من الطيحة وين .. والله يضحكون هاليهال عليهم حركات .

 

[هجووورة]

انا قديمة ولدي ريال بس مو حيل وهو من مواليد 20\11 بس العيب لوحيد في هالمواليد في شهر 11



العصبية

 

[Om JooD]

انا جودي تحبي وتروح الدار الثانية وروح اجيبها وهاذي قصتنا طووووووووووول اليوم


خخخخخخخخخخخخخخخخخ

شقت لها سن وحده بس وصايرة عسرة بالنووووووووووووم حيييل وكل شوي تقعد ما ادري يمكن لان هدت المصاصة

 

[Um Ritaj]

انا جودي تحبي وتروح الدار الثانية وروح اجيبها وهاذي قصتنا طووووووووووول اليوم


خخخخخخخخخخخخخخخخخ

شقت لها سن وحده بس وصايرة عسرة بالنووووووووووووم حيييل وكل شوي تقعد ما ادري يمكن لان هدت المصاصة

هلا ام جوود تصدقين حتى انا بنتي صايرة عسرة بالنوم وكل شوي قاعدة علي!!!

وبنتي تزحف على مدارها واحاتيها لما تحبي اخاف عليها من الدرج

 

[حبيب قلبي]

صباح الخير بنات اشلونكم
ام جود اشلونج
ام رتاج اشلونج
واى على العسارة بالنومه لولو ماادرى شنو سالفتها صار لها يومين على هالحال والله مايمدينى انسدح على الفراش الا وبجت وارد واقوم لها وانطرها تنام بعدين احط راسي ابي انام ترد تبجى وعلى هالحال طول الليل امس بغيت ابجى ابي انام ماقدرت . الله يهديهم ان شاء الله

 

[Brounzi_girlly]

مسا الخير يا احلى بنات شخباركم روحي حبيبتي شخبارج
حبيب قلبي
ام رتاج
ام جود كل البنات آنا وسونة صايرة عسرة اضاهر من التسنين
الله يعينا

 

[حبيب قلبي]

اهلين برونزيه شخبارج ماادرى شنو سالفتهم الظاهر فترة تسنين عند عيالنا علشان جذية صايرين عسرين

 

[Brounzi_girlly]

هلا فيج حبيب قلبي اي اضاهر وآنا بنتي تعلمت على الشيل من الخادمة وميننتنا يلا كل شي يهون على شان خاطرهم

 

[حبيب قلبي]

هلا فيج حبيب قلبي اي اضاهر وآنا بنتي تعلمت على الشيل من الخادمة وميننتنا يلا كل شي يهون على شان خاطرهم

ياحياتى الله يخليهم ان شاء الله ويصلحهم

 

[cutey]

سلام شلونكم شخباركم
انا حسون ولدي سنن والحين بيطلعونله الاسنان الي على جنب
للحينه ما حبا بس يزحف ويقلب كسلان
الله يخليه لي ويخليلكم عيالكم
قاعد ازهب حق القرقيعان من الحين لأنه حزتها مالي خلق حتى حق العيد شريتلي و شريتله

 

[Om JooD]

بنات اثارينا نفس الحالة

الله يعينا ودي انام نومه سنعه

 

[ناعمه العود]

الله يسلمكم بنات ومشكورين
والله دبي تهبل شحلاتها بس حدها ثلاث ايام بس


انا الحين بالسادس والثقل ااااه يالثقل الله يعينا يارب واكيد اذا ولدت ابي ابلغكم

 

[Um Ritaj]

هلا والله

حبيب قلبي

برونزية غيرل

ناعمة العود عسى ربي يسهل ولادتج وتولدين طبيعي

بنات خدامتي اكتشفت ان ريان طلعلها ضرسين فوق

<--------من كثر ما تقطينها عالخدامة

وانا شريت لبنوتي للعيد وباقيلها القرقيعان

ابي اخلص منها علشان افضى لبناتي الكبار

 

[حبيب قلبي]

ناعمة العود الله يسهل عليج يارب
ام رتاج ههههه ضرسين بعد مو واحد وماتدرين عنها هههه
انا لى الحين ماسويت شي حق العيد وكل يوم باجر ودى اطلب لهم من برا وكتكوتى هذا اول عيد لها بس ماراح اسويلها قرقيعان مالى خلق

 

[Um Ritaj]

هلا حبيب قلبي

لو راده علي ما اسويلهم قرقيعان كافي خساير العيد ووراه المدرسة :0bee2e8d89:

بس اذا شافو قرايبنا وبنات جيرانا لابسين قرقيعان اكيد بيزنطوني

بس كنت مفكرة ما اسويلهم قرقيعان هالسنة لانه مو مصادف المدرسة وكنت بالبسهم ملابس العام بس اخاف يحزنون ويحز بخاطرهم

اهم شي يكونون مستانسين :krkrkr:

وعلى طاري الطلب من برى ترى الاغلبية ما يطلعلج نفس الي بالصورة

 

[حبيب قلبي]

هلا ام رتاج لا الملابس عادى اشتريلهم بس خبة القرقيعان وفناتق كلش مالى خلق ولا مفكرة اسوى اصلا انا احب الشي القديم واحبهم يدورون بالفريج ويقرقعون حالهم حالنا علشان يحسون بطعمه القرقيعان .
ويييه كلش عاد مو وقته اطلبه ويطلع لى غير ياربي ماحب افرارة السوق والبضاعه كلها متكررة وين نروح ؟

 

[Tangled]

السلالالالالالالالالالالالالام علكم انا يييييييييت مشتاقتلكم موت موت مووووووووووووووت حبايب قلبي
شلون عيالكم الحلوين ؟؟

انا طلبت حق زين العابدين والحمدلله .. فري تالنت موقع موقع ماركة ماركة بس كله أشياء عادية مع انهم حلوين بس مو مال عيد وخاصة ان هذا اول عيد حق حبيب قلبي نور عيون أمه ===> قصدي اللي مطلع عيون أمه

المهم والقرقيعان الفكرة موجودة ولله الحمد بس ناطرين التمويل من الحجي .. قلت ماني مسوية شي وايد ولا خبة وكنت اب شي مفيد
يزاها الله خير وحدة ويانا بالمنتدى حطت صور كل قرقيعان عيالها مادري أي موضوع المهم شفت لي فكرة واييد مفيدة اللي اهي صندوق فه جيس الحلاو والككاو ويمه شرييط قرآن او دعاء وقرآن صغييير .. عاد انا ان شاء الله نويت اسوي جذي

بس تال ماني مسوية بس خلاص اول قرقعان وخلصنا .. وبيكوز ولدي بجري فلازم اسويله شي
انا طلع له ضرس ثاني يا حلاته صارو جنهم قطعتين توست اسمالله عليه
وااي صاير عسر وما يقعد بالحضن وان حطيته بالكرسي يقلب الدنيا والله احس قاعدة أحس بارهاق وتعب والله يعيني ليه كبر شوية بعد


برونزية شلون وسن ؟؟ حبيب قلبي شلون لولو الصغييرة ؟؟

ام رتاج الله يعينج على قولة أمي هم البنات للممات

ككاوة شلون حبيبتي ؟؟؟ وشلون قيصر التجمع

ام طلال شخبار اليهال ؟؟ وشلون جود ؟؟

ام جود ؟؟ شلونج ؟؟ وبشري عن جود عسى ما تحن تبي مصاصتها ؟؟

ناعمة العود بعد قلبي كاسرة خاطري الله يعينج عالثقل واااااي السادس وما ادراك ما السادس

امس بيت خالي يقولون لي حملي استغفر الله ضاق خلقي مادري ليش احس مو مستعدة بس اللي الله كاتبه ان شاء الله يصير

 

[Brounzi_girlly]

هلا والله بروحي الغالية شلونكم بنات كلكم وحدة وحدة ىنا وسونتي قامت تحبي وشق لها ضرس واحد خخخ (عيوزة)
على طاري القرقيعان لي الحين مافكرت
ودي اشتري لهم حق العيد من الحين وافتك