تجمع مَوآليِدْ ديسمبّر 2011

[كريستالة قطر]

مراحب أمهات اشلونكم ؟؟؟

الحمدلله طمنتونيي ع فلفوله ،،، الله يسهل ويهون عليها ،،،


نعومه / فديتهاا جوجو حركاتهم اللحين تونس ،، وكل شوي يتعلمون حركه ،، الله يخليها لج ويحفظها وتجيبين ع رأسها ولد يا رب ،، ومواصلة تجيب تؤم صبيان ،،، يونسون حمودي ،،

الجادل / ما يشوف شر عبادي ،،، الله يحفظ لج عيالج ويخليهم لج ،،
أخبار خدامتج ؟؟؟؟


وباقي الأمهات بريق وينج قطعتي ؟؟؟

 

[مواصله]

تسلمين ياقلبي ع الدعوه الحلوه ويرزقج ربي ماتتمنين

 

[مواصله]

زينب كل عام وعلي بألف خير جنه عيد ميلاده بالتاريخ الهجري اليوم صح

 

[نـعـومـه]

كريستاله

اي والله بريق ماقامت ادش مثل اول حيل خفت

ياويلج اذا قطعتي

 

[كريستالة قطر]

مرحباً ديسمبريااات اشلونكم ؟؟

نعومه / انا لاصقه بهالتجمع ،، وان شالله ما اقطع،،، مالي غيركم

علاوي كمل سنه ؟؟؟ ما شالله كل عام وعلاوي بخير ،،،

مواصله / الحمدلله ع سلامتج خبرينا عن سفرتج وعن البحرين ؟؟؟؟ أن شالله استانستواا ؟؟؟
جهزتي شتوي للعيال ؟؟؟

الجادل وبريق وقموره واللولو اشلونكم ؟؟؟

 

[مواصله]

الله يسلمج كرستاله بس البحرين كلش مو سفر نص ساعه و واصلين بس اجراءات الجسر ساعات تاخذ نص ساعه او ساعه

رحنا نحوس وشفنا فلم ورجعنا بس كلش حدها كئيبه غير قبل. .الدبابات والرشاشات والمدرعات مووزعه بكل شارع رئيسي والشوارع الفرعيه مطوقه ومسكرينها تخيلي حتى مجمع سيتي سنتر لما جينا بندخله حاطين تفتيش نفس حركة المطارات بس شافونا سعوديين مافتشو

معورين قلبي عسى ربي يفرج عنهم

 

[مواصله]

شتانا هالسنه شكله متأخر جهزت للبنات مع اغراض العيد قطنيات اجمام طويله بس مو ثقيله بنطر يجي البرد الصجي واخذ لهم من البضاعه الجديده

 

[مواصله]

حمد يوم الاربعا يكمل السنه اهو واخته نفس اليوم

سارا تكمل 9سنوات بسويلها حفلة تكليف وبعزم صديقاتها

حمود باخذ له كيكه وبروح بيت اهلي وقت متأخر يكون ابوي واخواني خلصو دواماتهم

 

[مواصله]

الا بسألكم بخصوص الانستغرام في ناس من جماعتنا مسوين لي فلو وانا سويت لهم فلوينج بس اللي شفتهم ع الصامت لا صوره لا رد لا لايك عطيتها انفلو

يبين عندهم :-\

 

[نـعـومـه]

كريستاله


فديييييتج من مؤسسين التجمع انتي اذكرج مع مجموعه من البنات اول الناس عقبها بعدين انضم معانا بنات ثانين خووش بنات ياحلوها من ايام


مواصله

الحمدالله على السلامه

عورتي قلبي صج البحرين خلاص مومثل قبل بس ان شاءالله ترد عاد واحد من اهلنا راحلها بالعيد وصادف حزتها مظاهرات ولويه وصراخ وغير القنابل مسيله دموع مادري شسمها واهوه ومرته رجعو ديره يكحكحون وصدرهم تعب

 

[كريستالة قطر]

مرحباا ديسمبريات ،، اشلونكم ؟؟؟

مواصله / والله البحرين كاسره خاطري يا رب يفرجها عليهم ربي ويحفظ البحرين واهلها ،،، والله ينصرهم ويحفظ شيوخهم ،،، انا كلللش ما زرتهاا خاطري ،،، أنزين مواصله اشرايج بالدوحة زرتي الكويت والبحرين تعالوا زورونا وأنا بتكفل بالباقي ،،،

وكل عام حمودي وسارا بألف خير حبايبي العمر كله وربي يبلغج فيهم ،،، بس مواصله شنو حفله التكليف ؟؟؟


نعومه / افتتاح التجمع صحيح تقريباً كنت توني محلله ودريت أني حامل ،، وكنت بعد بتجمع إنجاب الذكر ،، وسبحان الله قبل كنت مع مواصله وبعدها بالصدفة لقيتها بتجمع الديسمبريات ،، يا حلوها من أيام كانت أيام ما تنسي ولا البنات بعد ،،، ومثل ما خبرتج ما يقطعني عنكم إلا الشديد القوي ،،

نعومه ومواصلة عندكم ألبي بي ؟؟؟ خلونا نتواصل ؟؟؟


يا ربي خايفه هالمره تاريخ ١١ / ١١ موعد الدوره بس متلخبطه علي مرا جاتني يوم كنت في دبي ١١/١٠ سبعة ايام ،، وبعدها بأسبوع نزلت علي يومين خيوط وبعدها بأسبوعين ثلاثة أيام بس خيوط خفيفه ،، ونقطعت،،
خوفي انه بوادر حمل قبل حمالي بعمر شهر جاتني كذا مرا لين حملت فيه بس هاللمرا نفس الشي ،، غريبه هاللمرا الرضاعه الطبيعية ما عطتني مانع ولا العد ولا حتى برا ،،، يا ليتني حطيت لولب وزوجي ما يدري ،، والله أني متحسفه وفي نفس الوقت مش مستعده ،، وعمور واخوه صغار كافي أني ميته تعب مع امراضهم وصدورهم اشلون لو بحمل ،، مرا أقول بخاطري خيره ويكون آخر بيبي وبوقف خلاص واتفرغ لنفسي وطلعاتي مع رفيجاتي ومرا أخاف وتجيني ضيقات لا صارت ولا ستوت ،، ولي يومين مطنقره ع زوجي أني طاوعته ما سويت أشعه بظهري عشان اللولب ،، والله مادري هاللمرا كلللش مش متقبله المهم بخليها ع الله ولا بحلل ولا شي ،، خوفي من الضيقاتً والمحاتاه والسكر والنزيف والمواعيد الخايسه واللوعه والنساة ،،، والكآبة والضيقات والثقل. ، والله والله أني خااااايفه ومنقبض صدري ،،، ما اعرف لو حالتي طبيعيه يمكن أتقبل بس حالتي أبد ووضعي كلش ما يسمح ،، والله أني متحسفه وخايفه ،، الله يستر بستره ،،،، ع الأقل لو انتظرت عمور سنتين ع الأقل ،،، امحق رضاعه مرا ثانيه لا ارضع ولا اتعب نفسي انا ارضع عشان المانع بس ،، تعبت نفسي مع هالصبي ع الفاضي تم أربعة أيام بعد ما رجعت من السفر عايف صدري وبالموت علمته عليه ،، وفي دبي عاف صدري وبالموت بالموت وصار ما يرضع إلا مرتين بسسسسس ،،، يمكن ومن جذيه ما عطاني مانع عن الحمل ،،،




اليوم خذيت لي فستان رمادي فاتح وبسيط بس راقي ،،، وفتكيت ،، خلصت اهم شي باقي أخذ لي طقم وكلاش ،،، واجيب العبي من دبي ،، الله يعيني بكرا وبعد بكرا بنشغل ،،

مواصله / أثرا ما كملت ملابس العيال خذيت لهم لبسات بس ما كملت باقي الصبيان والبنات شي بسيط ،،،

نعومه / جهزتي لبنتج وخذتي لها للشتا ؟؟؟

 

[كريستالة قطر]

الا بسألكم بخصوص الانستغرام في ناس من جماعتنا مسوين لي فلو وانا سويت لهم فلوينج بس اللي شفتهم ع الصامت لا صوره لا رد لا لايك عطيتها انفلو

يبين عندهم :-\

مواصله لو خبرتج عن شي بتموتين علي من الضحك،،، الانستغرام لحد اللحين ما اعرف له عدل ،،، ولا اعرف ايش فائدة فولو ،،، و يا ليتني اعرف كنت افدتج

 

[نـعـومـه]

كريستاله

انا من ربع الواتس اب عههههه ماعندي بلاك بيري

وبخصوص سالفه الحمل انتي ترضعين صح ماتقدرين اي مانع بس موشرط ترضعين مانع !! انا رضعت بنتي وماكانت تيلي دوره بس بدون احراج المانع كان ديوركس اظمن واحسن من الحبوب لاني كنت ارضع اخاف موزين حق بنتي بس الحين فطمت خلاص ومادري شكلي بستمر على نفس المانع

ورايي حللي تشجعي لازم تعرفين الا حامل ولا لا ومالومج اذا ماتبين تحملين ويطلع حمل بس هم اعتبريها خيره وحتى لو حملتي عالاقل كمل سنه مو 5 شهور ولا 4

طمنينا

 

[مواصله]

حياتي كرستاله جنج تدرين حيل بخاطري اروح قطر وان شاءالله ربي يكتب لي ازورها

اخر مره رحت لها وانا حامل في بنتي قيل 8سنين

حفلة التكليف هذي نسويها للبنت اذا كملت ال9سنين تكون مكلفه وملتزمه بالحجاب والصلاة وتكون محاسبه عليها من الناحيه الشرعيه

نسويلها الحفله ونعزم رفيجاتها يصفقون ويفرحون لها ونلبسها احرام الصلاة ونكب الحلاوه عليها ههه يعني من هالكلام

 

[مواصله]

كرستكعستاله انتي من شهرين يمكن توسوسين ع الحمال الله يستر

شوفي مافي حل غير انج تنطرين موعدها وحللي دم وان شاء الله مو حامل

بس لازم تاجذين مانع مضمون حبوب مثلا اخذي اخف نوع

واذا حامل كتبة ربج شتسوين بعد

مثل ماقالت نعومه اقلها عمور قريب السنه مو توه بو3 شهور او4

 

[مواصله]

عندي لا واتساب ولا ب ب غير هالمنتدى والانستغرام ماعرفما

 

[مواصله]

ما*

 

[نـعـومـه]

كريستاله

على طاري قطر

عندنا عرس بقطر عطله الربيع ودي اروح بس استحي ناس ماعرفهم :$



مواصله

واااي واتس اب اهم شي شلون ماحطيتي

 

[نـعـومـه]

مواصله

تصدقين احنا بعد عايلتنا اهل امي بس اذاوحده من بناتنا تحجبت كل وحده تعطيها هديه ومرات يكتون عليها نون يعني حلاو بي طبعا موالكل مرااات

 

[نـعـومـه]

بي = بس