تجمع مَوآليِدْ ديسمبّر 2011

[ام الحوراء زينب]

اي صح بنات شنو تطورات عيالكم ؟؟
عليوي بس يمسك الاشياء ويمشي
يغاااااااااااااااااااااااااااااااااااار على ابوه حيل
ممنوع اقعد يم ابوه اذا قعدت يرفسني هههههه
واذا نمت يمهم من يشوفني دشيت الدار بسرعه يصعد فوق ابوه ويلمه عشان لا انام يمهم واذا نمت يحط اصابعه بعيني ويسحب شعري ويطقني بالمميه
عدوه مو ام هههههههههههههههه
واذا احد من اليهال قرب يم ابوه تقوم القيامه اييلهم طيران من اخر الصاله عشان يزفهم ويقعد اهو من يروحون يرجع مكانه يلعب
وطبعا صاير اعصاب اي شي يبي لازم نعطيه ذاك اليوم يبجي يبي شيشه عطيناه بس من غير فحم بس جذي مو مشغله بالاخير مايبيها يبي ريدبول هذا جيل لوووول

 

[قمورة الكويت]

جدول

الحمدلله على سلامتج تقبل الله ان شاءالله حج مبرور وذنب مغفور باذن الله




نعومه
الحمدلله ع السلامه والحمدلله دام استانستوا





كل يوم استقبال الحجاج العايله كلها حاجين هالسنه ماشالله

 

[نـعـومـه]

قوووه شلونكم


الله يسلمكم بنات


كريستاله

اي الجو بدا يصير عجيب الحين مال بر وطلعات بعدين بيصير برد حيل ماتقدرين تطلعين

بنتي فديتها كانت نايمه وشلتها قعدت من نوم وتخزنا انا وابوها خز ومبتسمه


زنوب

مااايشوووف شر مسكين حرارته حيل عاليه عاد الحين موسم امراض

بنتي بعد اخر تطوراتها تمسك شي وتمشي بس شوي خطوتين جذي قبل لاسافر كانت بس توقف وتمسك رديت من السفر لقيتها تمسك وتمشي شوي

 

[نـعـومـه]

شريت حق بنتي بدله على شخصيه الورده من دبي عجيبه شتويه مسوينها مثل شكل الورده يونس قلت بلبسها اذا سويتلها ميلاد او لما تمشي بأذن الله اكت عليها نون بس المشكله لبستها الحين كبرها عدل اخاف على مايصير عمرها سنه الا صغرت

وصج يوم الخميس البيرق والكوت رحت مع امي اشتري لبنتي ملابس شتويه للطلعات وناسه السوق حلوو وملابس اليهال تشوق

 

[نـعـومـه]

وبنتي امس كسرت خاطري بيت يدي ماسكه الطاوله ولا طاخ اطيح على راسها بجت عورت قلبي المشكله سيراميك

 

[نـعـومـه]

بريق وينها ؟

انا قلت يمكن مشغوله بالعيد بس خلص العيد ؟!؟

 

[عنـــآق ..!]

و انتو بصحه و سلامه حبااااااايبي . . ❤
جدووووول . .

الله يعييينج ع العشييييات انا انهد حيلي و انا افتر
عالحجيج
^
تفرغي و قصي لنا قصه








نعووومه . .
حمدلله ع السلامه الله يكتبها لكم السنه
الجايه انشالله . .







مواصله . .

ابي اجيكم شلوووووووون :/ فاصله علي عبي الخبر
????? . .

 

[مواصله]

جالكسي معقد كم مره اكتب ويحذف الرد

زينب سلامته علي مايشوف شر

نعومه الله يعينهم هالجهال ويامالهم من الطيحات وقت اللي يبدون المشي

عناق حياج حبيبتي وانا اشجعج تعالي بتستانسون والجو ماشاءالله يساعد

 

[مواصله]

عناق تدرين انا فاصله هاليومين واخلاقي زفت ابي اهج ابي اسافر حتى لو السودان راضيه وكل ساع اطلع لزوجي مكان ويصكها بوجهي وامد البوز وتطلع الطناقير

 

[مواصله]

تطورات حمود يسوي اللي اقوله بدى يميز الكلام حبيبي

يعني بس اقوله سو باي باي يسوي بيده واذا قلت له طقه يطق هههه

وعنده حركه من زمان يسويها هههه فديته بس يستانس ويعجبه شي يحرك ايدينه جنه يرقص

يموت في ابوه بس يسمغ صوته يحبي جمب الباب ينتظره وطول الوقت يحبي وراه واذا ماعطاه وجه يعطيه ذيك العضه الجامده ههههه

امس قاعد يضحك ويلعب وكان ابوه نايم قام عضه ذيك العضه نقز ابوه ههههه مفترسي الصغير حم

 

[كريستالة قطر]

مرحباً أحلى ديسمبريااات ،، اشلونكم ًوشلون عيالكم. ؟؟
بدت المدارس وبداا الغثى والتعب والهم ،، تطور عموري بدا يوقف بروحه ويخطي خطوتين يا حلوه ،،، أما يلوح بيده لو قلت له باباي يفتح ويسكر يده بسرعه (( ع قولت الفلبينيات )) كلوس أوبن ،،، لحد اللحين قاعده اعلمه يسوي باباي إذا طلعت وحبيبي يرقص ،، كل ما سمع اغنيه رقص ،، مستأنس ع الأغاني ،،، أما ضروس لحد اللحين ولا ضرس صج شيبه ،،، بس حبيبي هادي وايد مش مثل اخوه اللي أكبر ،،

والله يستر عندنا عرس قريب تصوروا ماحد علمني إلا توهم بعد ما طرشوا البطاقات ،، توهقت عدل عدل بداية رحت غوتشي ما لقيت مقاسي كله مقاس سمول ما عندهم ميديم ،، وبعدها رحت فندي ما عندهم كلش ،، اسود ساده ساده لا قصه ولا شئ يفشل ،،، ورحت هيريرا عادين عنده يصلحون لحفلات بس مش للعرس ،،، والسلام رحت له مش ذاك الزود يا اللوان مش حلوه ولا الموديل يلوع الجبد ،،، بشوف بكرا فرساتشي لو ما لقيت خلاص عندي فستان العيد ببلسه ،، ولا اتعب روحي مافي شئ عدل لا قصه ولا موديل ،،، يا ليتني يا ليتني خذت من فرنسا ولا دبي ولا أني مفهيه صج صج تحسفت ،،، الله يعيني بكرا وبعده ع الدواره ،،، ويا رب ألاقي بكرا يا رب ،، تعبت لا ويبيلي كلاش الله المستعان ،،

مواصله / ما شالله تبارك الرحمن يا حلو حركات الشيخ ،، انا من شفته وهو ربي يحفظه ويخليه دمه خفيف ،،، يا رب يا مواصله تجيبين ع راسه تؤم صبيان ،،، يفرحون قلبج ويونسونه ،،، أخباركم مع المدارس ؟؟؟؟

زوبا / طمنيني ع علاوي اشلونه أن شالله أحسن حبيبي ما يشوف شر والله حرارته تخوف مش هينه ؟؟؟

 

[كريستالة قطر]

وين الأمهات حرام عليكم ليش التجمع نايم ،، المهم طمنوني عليكم بريق ،، قموره ،، الجادل ،،، شكشوكه ،، عناق ،، اللولو بالله عليكم طلوا ع الأقل والله أنكم واحشيني

 

[كريستالة قطر]

نعومه / اشلونج ًوشلون جوجو طمنيني عليها أن شالله بخير ،،، ما تشوف شر حبيبتي جوجو ،، الطيحات ع السيرميك مش هينه ربي يحفظها لج ويخليها





بديت اشتري شتوي ،، رحت غاب حلوه لبساتهم خذت ترينيغ الصراحة ادفي عدل زينه لطلعات الزرع والعزبه ،،، وزارا ترينيغ مخمل للبنات حلوين عجبوني اللي عليها ميني ماوس بس،،، ومذركير وبي إتش اس عجبوني كم وحده الصراحه ،، انا الشتوي احب الترينيغ بالذات داخل البيت ولا روحات الزروع والعزب ،،، والبدلات الطلعات والزوارات احبهاا كشخه ،،، افتكيت خذتها كلها من برا ،،،

بديتوا تاخذون شتوي ؟؟؟؟؟؟؟؟

 

[نـعـومـه]

قوووه شلونكم يالنايمين هههه



مواصله

يحليله حمود متعلق بأبوه الله يخليه حقه انا بنتي بعد تصفق بس نبهتيني جنه لها جم يوم ماصفقت ؟!؟!! وباي تسوي


وعلى طاري السفر انا هاليومين فاصله عالبوسه مادري شفيني


كريستاله

بسمله عليه معناته اسبوع اسبوعين ان شاءالله بيمشي

اذكر مرت حماي تقول لولدها جذي يسكر ايده ويفتحها

يحليلهم اليهال يتعلمون كلشي

 

[نـعـومـه]

وذاك اليوم بطت جبدي وحده بالزواره اول مره تشوف بنتي تقول انتي ماتوكلينها !!! يعني مافي شي اسمه كل طفل وزوله !! انا من غبائي سكت مره ثانيه بقول اي صح انا ت ماوكلها عشان ينحرجون


اذكر ولد حماي مامشى الا سنه ونص وحد يعلق عليه ولاشي وحتى ولد حماتي الحين حيل رخو بس مايقولون شي لاحظت ناس تركيزها عالوزن مو صحه

 

[نـعـومـه]

وعلى طاري الاسنان بنتي انت بعد ولاضرس طالعلها!!!

 

[نـعـومـه]

وعلى طاري الاسنان بنتي انت بعد ولاضرس طالعلها!!!

 

[نـعـومـه]

انت = انا

 

[كريستالة قطر]

مراحب ديسمبريات اشلونكم ؟

نعومه / طنشي حبوبه وسمعي من هنيه وطلعيه من هنيه ،، حبيبتي هاذي طبيعيه الناس ما يغيرونها ما عندهم شئ إلا النقد ولا يعجبهم العجب ،، طنشي ،، لو شافوا الياهل صحته زينه قالوا اشمتنه ما يندرا امه شنو تأكله ،،، ويطقونه ذيك العين اللي تبهدله ،، وابشرج لو اكبرت وكتملت أسنانها بتشوفينها شحليلاتها ،،، الله يحفظها اهم شي صحتها وانها تفهم شي ثاني لا تهتمين لا تحرقين قلبج ولا تفتكرين الناس ما يعجبهم العجب

 

[مواصله]

ههههه ياقلبي حلاتهم عيالكم دريد على قولتي

كرستاله يازينج ويازين كلامج ربي يسمع منج

اسم الله عليه ولدج دامه بدي يخطي شجعوه وان شاءالله يمشي هالشهر ذكرني في بنت اخوي نفسه

نعومه الناس يموتون في التفلسف ويامالج لاحقه انا ساعات ارد بس اكثر الاوقات اذ تليقفو

اعطيهم ذيك النظره بنص عين يعني خيييييير!