تجمع مَوآليِدْ ديسمبّر 2011

[ام الحوراء زينب]

سلااااااااااااااام شلونكم يالربع

يبلكم اليوم جم فكره بما انه المخ اشتغل
امس كنا بكويت ماجيك قاعدين بره ماشاءالله الجو يهبل
والعشا لذيذ جان يفكر المخ شوي ههههههههههههههه

قررت اسوي عيدميلاد علاوي بحديقه عامه او حديقه بيت خالتي
ويكون الاكل من الباربكيو احلى من المطعم ملينا من المطاعم استغفرالله
اشتريله كيكه ونروح عالاقل مكان مفتوح اليهال يلعبون على راحتهم وعليوي ياكل الزرع على راحته ههههههه
مادري المخ واقف

 

[مواصله]

هههه زينب اليوم حمود بعد قاعد ياكل زرع الكورنيش ماااء ماااء

خوش فكره والجو يساعد توكلي على الله ورتبي امورج من الحين


قموره حمدالله ع سلامة ولدج عاد الصدر غثيث يطول علاج الكمام الله يشفيه


عناق زين طليتي كل عام وانتي بخير حبيبتي

 

[مواصله]

عناق مالها شر بنتج والله يعينهم هالصغار ويعينا معاهم صج المرض يعس البيت كله

حمود اشوه توه اليوم بدى يمسك بطنه والترجيع وقف من ثاني العيد الحمدلله مابغى حبيبي


شهرين مريض توه بدى يفج منه المرض

 

[مواصله]

مريومه كل عام وانتي بخير

 

[مريوم الجميله]

بنات بنتي معاه سهال مو طبيعي
يعني 4 ساعات اربع مرات ابدل لها
أنا اخاف يجيها جفاف

اوديتها لدكتور وقال طبيعي عشانها تبي تسنن
بس اهي تحطمني مايمديها تاكل ولا تشرب الا سوتها
انتوا عيالكم نفس بنتي ولا لاء

علموني شسوي

 

[مواصله]

مالها شر مسكينه. .ويمكن من التسنين والجو. .وغيري لهارضاعتها اخذيلها قزاز انظف لها

ولدي تم شهرين اسهال شديد وكنت كل يومين اوديه الطوارئ واخر شي صار ينزل مع الاسهال دم قوة الاسهال امعاءه تجرحت وصار يرجع نوافير حيييييل تبهدل ماخف الا قبل يومين

انتي بدلي حليبها اخذي حليب مخصص للاسهال من الصيدليه وخلطيه بالتدريج مع حليبها عشان تتقبلع

وخليج متابعتها مع الدكاتره كل يومين ثلاثه لاتخلينها

المفروض يسولها تحاليل يتأكد اذا هالاسهال من فايروس او لأ وانتي شربيها سوايل عشان مايجيها جفاف

وحاولي تعطينها روب وموز وبطاطس مهروس زين للبطن غصبيها حتى لو ماتحب اقل شي ملعقتين باليوم

 

[مواصله]

ودي اسوي حفلة حمد بشاليه بس كلش ماحد مشجعني يقولون لي سويه فبيت شلج بالكلافه ههه مادري اطاوعهم واخلي فلوس الشاليه

اروح فيهم فندق انا وزوجي ولزقتنا حمود مادري محتاره

واللي مرددني انه الجو بدي يبرد والمسبح مكشوف اخاف يستمرضون الجهال من ورى حفلة حمود اممممم حايره

 

[نـعـومـه]

احم احم

رديت بالسلامه

شلونكم

وصلت الصبح نمت ريحت لانه امس نمت 2 ونص 3 الا وقمنا 5 بسرعه بدلنا واخذنا تكسي يودينا مطار الشارجه وغفيت بطياره من التعب

الحمدالله كانت سفره حلوه وخيره مااخذت بنتي لانه احنا غصب شلنا عمرنا من الفندق لي التكسي ومرات المترو ومن مجمع لي مجمع ومطاعم ولويه ونرد الفندق مانبي الا الفراش لانه بيومها نروح كذا مكان وغير الجياس اللي بيدنا يعني لويه وتعب يبيله نكون خفاف بس وناسه وديره حلوه ومطوره

 

[نـعـومـه]

وماشاءالله جونا ابرد من جوهم بفرق

 

[مواصله]

ااحمدلله ع السلامه نعومه وعليكم بالعافيه ياقلبي

 

[مواصله]

 

[مواصله]

شكلكم داومتو اليوم

احنا دوامات الدوائر الحكوميه والمدارس السبت

 

[نـعـومـه]

وينكم مالكم حس !!

مواصله احنا دوامنا من امس !!!! قطر جنه اسبوع الياي احنا مادري شفينا مجتهدين !! بس نصهم غابو ههههههه شارع فاضي

 

[!الجادل الصعب!]

اخباركم بنات

انا مزحومه بالعشيات والاستقبالات




عيدكم مبارك متاخر جمييييعا

 

[كريستالة قطر]

عيدكم مبارك ديسمبريات ،،، اعذروني من رديت من السفر أحس أني مضغوطة عيد وتعدل البيت وغير العيد والزوارات والأهل ولويه امس خلصت الزوارات الله يعين باجي اللي ردوا بالسلامة من الحج


الجادل ألف الحمدلله ع سلامتج حبيبتي ربي يتقبل طاعاتج وحجتج أن شاء الله ،،، ويا رب يكتبها لنا ع السنه الجايه

نعومه / الحمدلله ع سلامتج ،،، صج دبي بلاد متطوره ما شالله وونيسه وشرحه يا ليت الدوحة نفسها ،،، ودبي ما ينشبع منها ،،، صاجه والله كانت معاناتنا الأكياس وعقب عرفت انه المحلات هم يوصلونا الفندق ،، وحبيت دبي مول كلشي فيه وفندقنا جنب دبي مول وكنا نمشي وغير المنظر والنافوره الراقصة والكوفيات والمطاعم صج صج رووووعه ،،، وبعد ودي أروح لها هالمره مع عيالي الكبار والصغار اخليهم عند امي ،،

مواصله / الحمدلله ع سلامت حمودي حبيبي الله يحفظه لج من كل شر

وباقي الامهات الحلوات / بريق وقموره وعناق وشكشوكه واللولو وأم حسين نسيت اسمها وأم علاوي زوبا اشلونكم ًوشلون عيالكم ًوشلون العيد معاكم

 

[نـعـومـه]

الجادل




تقبل الله طاااااعتج حجيه والحمدالله على السلامه شلون صحتج ؟ وجم طلعت عليكم التكلفه


كريستاله

اي والله حلوه ومطوره ونافوره حسافه رحتلها بس ماشفت الا عرضين لانه كل نص ساعه عرض وعندنا بس ٤ ايام نبي نحلل الديره والقريه العالميه توووونس تحسين انج بالعالم كله

بس تبين الصراحه اذا في سفره ثانيه افضل اروح مكان ثاني احب اغير

خاطري بتركيا بس بنحاول نخفف سفرات لانه ودنا نحج يقولي زوجي لاحقه عالسفر الحج اهم وكل ماله ويصعب وصح كلامه

 

[مواصله]

الجادل الحمدلله ع السلامه وتقبل الله اعمالكم

كريستاله اهلين حبيبتي كل عام وانتي بخير

 

[سلاسل ذهبيه]

حلوه سوالفكم انا عشان قاعده بروحي اقرا سوالفكم اتسلى ياحليلكم

 

[كريستالة قطر]

مرحباً ديسمبريات اشلونكم ؟؟؟ امس عندنا عشا الحجاج والبوفيه برا الجو يجنننن ما توقعته ،،، توقعت انه حر حتئ تضايقت انه البوفيه برا بس الحمدلله الجو خيال ،،

نعومه / صاج زوجج اهم شئ الحج ،، ولنا نيه السنه الجايه بنروح الحج ،،، أن شالله ربي يكتب لنا كلنا نحج
وما خبرتينا بنتج اول ما شافتج شنو سوت ؟؟؟ انا ولدي تم يطالع فيني لين لين ما استوعب أني امه ،، وتم جالس بحضني ولا يبي يقوم ،،،

وين البنات اللولو ،، وبريق ،، لهم فتره ما دخلوا ،، عسئ المانع خير

زوبا / فرصه تسوين حفلة علاوي برا الجو صار روعه وكل شوي يصير احلئ توكلي ع الله وسويه برا ،،

قمورا / اشلون فهادي أن شالله أحسن ؟؟؟ عموري اللحين ثاني أسبوع وهو ع البخاخ لا تحاتين ،،بالذات الصدر يطول ،، ما يشوف شر حبيبي ،، الله يحفظه ويخليه

مريومه / عليج برز ابيض مع روب ،، أو بطاطس مسلوق ،، وحتئ ماية الرز يمدحونه حطي برضاعة بنتج وعطيها يمسك البطن ،، والشوربه بعد كويسه لها ،، وإذا طول الإسهال رجعي وديها المستشفئ عشان يغيرون لها الحليب ،، ما تشوف شر حبيبتي

 

[ام الحوراء زينب]

السلام عليكم
الحمدلله على السلامه جدول ويتقبل الله اعمالج حبيبتي
الحمدلله على السلامه نعومه

شلونكم صبايا
علاوي من امس طايح مريض حرارته 40 واللعينه موراضيه تنزل
تحاميل - كمادات - سباحه - ادول انزلت شوي صارت 39.6
توه بالغصب نام ناطرته يقوم بنقع دلاغات بخل ابيض والبسه مالي غير هالحل
وعلى عيدميلاده قررت اسوي مبجر يمكن اسبوع الياي لانه 15-11 محرم