تجمع مَوآليِدْ ديسمبّر 2011

[مواصله]

نسيت ما قلتلكم معاناتي بهالغيبه

يبت خدامه فلبينيه قعدت عندي يومين تكحكح و بس ماسكه صدرها اخر شي طلعت مريضه و فحصها الطبي مو زين و المكتب قايلها ما تقول تخيلووووو
عما بعينهم
ديروووو بالكم بنات الي تييب خدامه تجيك عليها عدددل

و عقبها يبت سيلانيه بس تتسدح و خلصت زيت الزيتون الي عند امي بس تتدهن قططططع
عيوز منتهيه و مو قادره تشتغل
و امس يبت هنديه اللله يستر

لوعت جبد امي ناطرتني ارد شقتي تبي ابفكه مني و من مسلسل خداماتي الي ماراح ينتهي ! وييييييييييع ويييييع
ابي ارد عزوبيه العب و استانس
انا ويني و وين المسؤوليه و اليهال و الخدم
استغفر الله

:krkrkr: شنو هالحظ مووو من صجج

 

[مواصله]

بنتي خربت مخططاتي

كنت بروح السوق الصبح اتسوق بس حضرتها للحينها قاعده تصرخ تصرخ وتسكت وترد تحن وتصرخ

وللحين قاعده مادري شفيها !!! بجذي شكلي ماراح اروح مكان مانمت شي

يمكن طبعها بنتج حنانه بس احسن وديها طبيب اطفال يمكن متضايقه من شيئ

بطنها والا سرتها اسم الله عليها وانتو مو حاسين فيها

 

[jegrom]

على طاري التويتر لاتعورون راسكم بس اذا المرحله وصلت لقلة ادب وصور اهني ناشبوهم مع ان الحين مع التطور والايفون والبلاك بيري وياكثر البرامج ماراح تخلصون


نعومه روحي السوق بليل وكثر مانروح السوق مانخلص

 

[مواصله]

اغلى حتى ولدي غمازاته ماشاء الله تهببل توني صورتهم قبل شوي خخخخ شوي واحط صورته

 

[jegrom]

شكشوكه حطي صورة صبغتج ووين صبغتي

ودي اصبغ ومحتاره مابي لون يكبرني

 

[jegrom]

ودي مثل الي تطلع بعرب ايدول المذيعه مادري شسمها لون شعرها غريب ومادري وين يضبطونه

 

[فلافل وبطاط]

قاعده اشوف حلقة وبنات وبس .. لاتطوفكم

 

[shak!shoka]

جيقروم صبغت ببريجيت الي بفندق سفير الفنطاس

احط الصوره بس ناطره اختي لان البرنامج موجود بفونها

 

[jegrom]

ثاانكس وناطرين الصوره 

 

[اللولو الغالي]

قود لاك عناق
ان شاء الله النتيجه حلووووه

جنكم شهيتوني بالصبغ ادري مالي قلب عالصبغات
لا وناويه احط حنه اشووه ما حطيت جنه تحوس ببالي فكرة الصبغ 

 

[فلافل وبطاط]

بنات بسكم ترا شيشتوني وبنتي تبجي لي الصبح
ما نمنا ... وحضرتي قاطتها على اختي الصغيره و
سويت لي اكاونت بتويتر ..

لقيت ريلي بس فاضي اكاونته امصفر اكيد حاط له ثاني
مجهوول ...

 

[shak!shoka]

ههههههههه فلافل شسوينا فيج ؟!

عاد الحين تعالي اكتشفي اكاونته الثاني خخخخ

 

[مواصله]

:d






:d


































مايشبهني حبيبي كوووبي بست من ابوه

 

[مواصله]

دقيقه وبحذف الصور << ماتقلد على بريق

 

[اللولو الغالي]

امبي فلافل
مو من صجج لا تشكين تتعبين

بنات والله نصيحه
انا كنت اتغافله وافتش جهازه وصراحه كنت القى شغلات على ايام النوكيا بعد
وكنت اتعب وابجي ونتهاوش وهو كل همه ليش تفتشين جهازي
ما يهمه شنو لقيت
كانت خياتي مأساااااة
وربي القى بلاوي
وتعبت حتى بين على عافيتي وحياتي صارت سوووده
واللع واللع من عطيته طاف وقمت انغز فيه بحسابه عند ربه
وانه مو هامني وماراح افتش وراه
واذا لقيت شي بالغلط لو بالغلط اخر يوم بيني وبينه وفي غيره الف رجال هههههه<<< مصدقه روحي
قمت اعبي راسه بهالحجي
واجيب له سالفة فلانه وعلانه مع رجلها
احسه طخ
واحس العيال بعد طخخوه وكبر
والخافي اعظم

بس المهم المهم
اني انا ارتحت لما بطلت اراقبه وافتش وراه*

 

[shak!shoka]

مواصله ما شفنا شي !

اللولو ،،، جم سنه لج متزوجه ؟
انا ٤ سنين بس للحين فيني فضول و شطانه مااا اقدر امسك نفسي
حتى اهوا يقولي متى تكبرين
انا ما اتهاوش بس اتناقش معاه و انشف ريجه ههههه و ما ازعل و لا ابجي الا اذا موضوع كبييير و الحمدالله الحمدالله ما صدت شي جايد و انشالله ما اصيد

 

[ام الحوراء زينب]

زوز انا رايحه تايلاند ٤ مرااااات فيهااااا بلاااااااوي بلاااااااوي فيها خفس مووووصج >>>>>>>نوعي اشيش
والله انا كنت اطلع مع اخوي واخوي ماشالله عليه مزيون وقسما بالله يلحقونه وانا معاه ياعيالة الكلب نطروا خل اوخر عنه والله ايون يمه يورونه صور بنات مفصخين سلط ملط يقولون له come today وانا اصرخ عليهم go to the hill ههههههههه

كااااااااك غلوي ادري رحتلها هههههههههههههههههههههه
عادي خو اللي يبي الخراب موجود حتى اهني
عجبتني go to the hill
كاااااااااااااك

 

[ام الحوراء زينب]

مسااء الخير

شكشوكه هلاااااا ومرحبا بالغاليه
وين غاطه؟!



بنات اشوف موضوع نقاشكم تويتر
الحمد لله زوجي ما يعرف شي بالتكنولوجيا
مع ان انا عندي مبدأ ان المحترم محترم لو يوصل للفضاء
واللي عنده سوالف لو على تلفون فراار القديم

بس انا عندي اكاونت وكل اضافاتي والفلوز شعر وبسسسس
واللي يسوي لي فلور وصورته او تغريداته فيها انه اسوي له بلوك
وترى فيه مشايخ ودكاتره وكتاب وشعار انا ماشفت شي غلط منه
ومستفيده حيييييييل منه
عاد زوجي ماكان يدري لانه قفل بهالسوالف حتى على ايام الماسنجر كان يسوي لي مشاكل مع انه كله اسولف مع رفيجاتي اللي فرقنا الزمن عن بعض وجدامه بعد
ولما درى عن اكاونتي بالتويتر قال ماله داعي مسحيه
طنش قلت له اوكي بس ما مسحته

بس اخذوها نصيحه المحترم محترم ماله شغل تويتر
ترى في الف برنامح والف طريقه غير تويتر يحصلون فيه اللي يبونه

اي والله
صاجه
بس ماحبيت تويتر كلش

 

[ام الحوراء زينب]

لووووووول فلفول قصو عليج
صج حريم
شحلاتي ماتعب نفسي وياه
كل شي اخليه يسويه على راااااااااااااحته الا الخيانه فيه خيرررررررر خل يجرب ويشوف زينب شتسوي

 

[فلافل وبطاط]

بنات انا ريلي ادري عنده مصايب سوووووده
اكتشفتها اول زواجنا وهم نفس اللولو حملت
وهديت له البيت ومشاكل واكل بنفسي ..
كل هذا لما كنت انبش وادور من وراه والله تعبت

وبعدها قمت اتووب وابتعد عن الفضول والطبع
الخايس اللي تعبني .. وقمت اقط نغزات واذكره
بربه .. وان مابي احاسبك في اللي يحاسبك وياخذ
حقي منك وفي اللي يمهل ولا يهمل ..

والله بنات دام الريال زين ومو مقصر بحقي وحق بيتي
وعيالي ... مابي منه شي .. مو معنى هذا اني اهمله
لا طبعاً ،، بشطارتي كسبته ..

بس اعوذ بالله من ابليس امس اختي اتحجى وصدف دخلت
هني وعروس بعد كاتبه جان اتشيش ...