تجمع مَوآليِدْ ديسمبّر 2011

[shak!shoka]

نسيت ما قلتلكم معاناتي بهالغيبه

يبت خدامه فلبينيه قعدت عندي يومين تكحكح و بس ماسكه صدرها اخر شي طلعت مريضه و فحصها الطبي مو زين و المكتب قايلها ما تقول تخيلووووو
عما بعينهم
ديروووو بالكم بنات الي تييب خدامه تجيك عليها عدددل

و عقبها يبت سيلانيه بس تتسدح و خلصت زيت الزيتون الي عند امي بس تتدهن قططططع
عيوز منتهيه و مو قادره تشتغل
و امس يبت هنديه اللله يستر

لوعت جبد امي ناطرتني ارد شقتي تبي ابفكه مني و من مسلسل خداماتي الي ماراح ينتهي ! وييييييييييع ويييييع
ابي ارد عزوبيه العب و استانس
انا ويني و وين المسؤوليه و اليهال و الخدم
استغفر الله

 

[اغلى من الغلا]

شك شك اسم الله عليج مالت عليج الله يعطيج طولت العمر بس صج وين مختفيه
زوز انا متخرجه من الحقوق عبط ؟؟؟؟؟ اكيد كونان افا عليج

 

[نـعـومـه]

شكشوكه

وينج غايبه ؟!؟

بنتي انا خليني ساكته بس توه فضحتنا صراااااخ صراخ

ليش مادري

جاي اعشاب ماتحب طبعا اغصبها ماتبي قلت اعطيها يمكن يريح معدتها

عطيتها جاز يمكن فيها غازات بجذي تصرخ

الله يهديها بس

 

[اغلى من الغلا]

قاعده اسولف معاكم وبنتي تحن جان امي تتحول الرجل الاخضر وتعطيني صرخه نقزت والاي باد طاح بالارض
امبي بنتي منون صايره دعله ردت فعلها انها صايره قررررقه ودي اصكها كف
شك شك حتى بنتي تقول اغووووو وتضحك وعندها غمااااازة اتينن الكل يان على غمازتها

 

[shak!shoka]

ههههههه غلوي تخرعين

انا مسويتلي اكاونت بتويتر بس اراقب ريلي

لمن ولدت و قعدت هني ببيت اهلي لقيته حاط صورته الاخ. جان اطرشله وتساب بالحرف الواحد شيل صورتك الي رازها بتويتر و مابيني و بينك كلام لمن القا الصوره تغيرت
تخيلي كان زام ليل زرق من دوامه و ياني مييييت شلون عرفت و يرررقع حدده مستحي هههه
قلتله مو عبالك نفاس و يهال ناسيتك لا يا ماما حاطتك بجدول اعمالي
من يومها تسنع


رياييل ما تيي الا بالعين الحمره

 

[اغلى من الغلا]

كااااك اي عفيه عليج ريلي عنده تاكسي لندن يبي يبيعها جان يحط رقمه بتويتر وراسج دقيت عليه جان اقوله المسخره اللي انت مسويها بتويتر اذا ماتسنعت وشلت رقمك الحين راح اخلي فضيحتك بجلاجل وحياتج سوى دليت حق اكاونته كااااااااك

 

[shak!shoka]

نعومه ،،،
اقري معاناتي مع الخدم ! و عرس اختي .. حدي حاقده عليها ما لقت الا هالوقت تتزوج فيه سخيييفه

لا وامس امي وخالاتي ودو اغراضها بيت ريلها متتتت قههههر ما رحت امي زفتني قالت جابلي عيالج ابرك امبييه والله بجيت حسيت صرت عيوز قاعده عند عيالي لااااااااا


نعومه بنتج صدقيييني فيها شي
من كلامج احسها بس تبجي
جيكي ع حفاظتها ؟ خاااف ملتهب مكان الحفاظه اسم الله عليها

او منغثه من الحليب شيليها و طقطقي ظهرها علشان تطلع الهوا و ترتاح

 

[ام الحوراء زينب]

كاااااااااك غلوي ودي اشوف امج لووووووووووووووووووووول
شكشك حتى علاوي يضحك بس يضحكلي دمه ثقيييييييييل ماطلع على امه ويع صج الماني خخخخخ نادر ما يضحك
وين تبين قريب تقدرين تروحين اي مجمع
غلوي حماج الحسودي الحقود كل مايحاول يقرب يم ريلج سفلي فيه

لووووووول عيل انا طاح حظي ابطل عيني ريلي على سوالف وبعدين اتهاوش وياه
علمته عالفيس بوك دش بروفايلي يقولي اشدعوه 300 وشوي صديق وفي منهم شباب قتله والله ما اعرفهم كلهم حق الالعاب بس
سكت ومن بعدها ماقمت اضيف شباب حتى حق الالعاب
وبالاخير انصدم فيه يكلم وحده زفته ميييييييته علي حسستني انه توم كروز وعذره انها تلعب وياه بوكر
وعنااااااد عليه رديت فتحت باب الاضافات ومن كثر الحنه قطع الفيس بوك
شريتله بي بي
وانصدمت ضايف مليووووووووووون بنت طلعو رفيجات اخوي لعنت خيرهم اثنينهم
ياربي جني اقوله صيع

 

[shak!shoka]

ههههههههههههههههه غلوووي
صراحه هالرياااييل دعععل و تناحه و احيانا غباء

انا خلصت من تويتر ريلي قام يحن بسااافر بساااافر والله يومين ملوووع جبدي

المشكله شيقول ؟ يقول حسي فيني والله تعبان بغير جووو!!!
العن خيرك انت تعبان عيل انا شقوووول
انا مكينه
بقره !!

ما احس

تعبان من شنو كافي ترد الشقه و تنام ٧ ساعات متواصله لا حنه و لا بطيخ

انا ماكله هوااااا و ويهي يخرررع و عيوني ذبلانه ؟؟؟

والله يبط الجبد
لاااااااا. و وين يبي يسافر يقولي ربعي بالدوام رايحين المغرب و يطرشون لي بالوتساب صورهم و حدهم ملزمين اروح لهم !
و عيال خاله بتايلند
يقولي اختاري يا مني يا مناك
طبعا زعلت عليه و سويتله سالفه
اخر شي راح مع ابوه الامارات يخلص جم شغله

بس هم قاهرني و باط جبدي
متحلفه فيه

 

[ام الحوراء زينب]

اي صح نسيت اقولكم ليش الراشد معطين علاوي موعد حق السونار شهر 3 ؟؟؟؟؟؟؟؟؟؟؟؟؟
مو لازم لمن يصير عمره شهر ؟؟؟؟
اوديه السيف اسويله احسن ولا اسمع كلام الراشد وانطر شهر 3
يصير عمره 4 شهور لماذا

 

[ام الحوراء زينب]

شكشوك خو خليه يسافر
الالماني 1-3 يبي يروح تايلاند
انا بساااااااااااااااااااااااااافر
عاد قسما بالله مسكين ريلي صج صج تعب ونفسيته والله تعبانه الله يعطيه العافيه
جابلني من اول حمالي كان يخاف يطلع ويخليني وبالمستشفى نايم عندي 24 ساعه ونفاس مجابلني ومجابل عليوي والحين اهو مجابل عليوي
الله يخليه لي يااارب
لوووووووووول وفوق هذا كله 24 ساعه اتهاوش وياه
ههههههههههههههههههههههههههههههههههههه
صج اني مو كفو
وسفرته الحين هديه راحه واستجمام وانا بهاجر بروح بيت اهل مرت اخوي اعيش عندهم لين يرجع عشان اقزرها عليهم اقط عليوي عليهم وانا اشبع نووووووووووووووووم

 

[shak!shoka]

زوووز لاااا انا لا اشوف بنات افجر فيه ، اسوي مجزررره !

لمن دشيت اكاونته طبعا ما اعرف حق تويتر و لا ادري شالطبخه
لقيت جم بنت مسويتله فلوو كليييته بقشووووره
مع اني ما افهم بس شفت صورة بنات ضربت فيوزاتي
حسيت اني ضحيه و انه خاين
عشت دور و سويت فلم بروحي


لاااا و لو تسمعيني شلون اعاتبه تموتين من الضحك

انا الي ضحيت باحلا ايامي
انا الي يبتلك عيال


امبيه شكوووو!!

جنه محد اييب عيال غيري و جني متزوجه من ٢٠ سنه !! هههههههه

 

[ام الحوراء زينب]

هههههههههههههههههههههههههههههههههههههههههههههههههههههههه يا ام التضحيه
عيل خلاص انا بقوله تنازلت عن عيال ديرتي ضيعت مستقبل ولدي
كااااك لا حرام مسكين ريلي ختولي اهي تموت ماتحصله انا طايح بجبدي موجود خخخخخخخ

 

[shak!shoka]

هديه يروح تايلاند بروحه !!

انتي مو طبيعيه
تركيبتج الجينيه فيها خلل
كروموسوماتج متلخبطه

اصلا انتي ماكو منج اثنين
ناااادره ههههههههههههههههههه


انا اقول بدال تايلاند خليه يروح لمانيا ههههه
ترا حلوه تمشي الحال

ههههههه

 

[ام الحوراء زينب]

كااااك عادي شكشوك 3 مرات راح ويا ربعه
وحتى يوم سافرنا ويا بعض عااادي كان يطلع ويا ربعه خخخخخخخخخ انا اطلع ويا رفيجتي واهلها تحسين وحده ملقوفه
اخوي ريل العراقيه قبل لايتزوج يقولي انا بتزوج وحده مثلج كل شي تاخذه بعبط
اختي ومرت اخوي قليلات الادب يقولونلي ماكله لحم خنزير
هههههههههههههههههههههههه وصج اليوم لمن رجع اخوي من تايلاند اكتشفت اني كنت اكل لحم خنزير من ماك ويييييييع عمه بعينه لوع جبدي

 

[shak!shoka]

هههههههههههههههه الله يقطع بليسج

عاد ماك حبيبي !
ما اسمح حق احد يطعن فيه !

مهما اسمع عنه اشاعات ما اصدق
اعشقه

كا انا جدامج اطفح منه و للحين اغار الحمدالله هههه*

 

[ام الحوراء زينب]

لا شكشك من تايلاند مو ماك اللي اهني لوووووووووووووول

 

[jegrom]

هلاا والله شكشووك وين هالغيبه

يحليلكم لمن تتحلطمون على رياييلكم كلنا صايرين جذي مانتحمل كلمه او تصرف منهم مرات يبطون الجبد بس شنسوي خل نطلع احنا الاحسن


انا كل اهلي مسافرين وانا الوحيده بالديره كل جم يوم مرتزه عند يدتي شسوي من الضيقه حتى مالي خلق اطلع مكان يعفسني عبود

وكربوونه يضحك بس هاليومين كاسر خاطري متأذي من الحلقه طهرناه وليم الحين الحلقه ماطاحت صارله اسبوع

وعلى طاري الفنادق ريلي قبل لا اولد كل شوي يقول بحجز فندق من تطلعين من الاربعين والحين صارلي تقريبا ٥٠ يوم ولاشفت شي ولا في تلميحات احس بردت السالفه وصار مالي خلق

 

[ام الحوراء زينب]

جيقروم وين مطهرته ؟؟؟؟؟؟؟؟؟
طووووووول وايد
حطيله زيت زيتون ونقعي عبود بغسول اي بي سي

 

[jegrom]

طهرته بالراشد مع ان ماتأذى ولا بجى بس طولت ماطاحت قبل يومين صارت مدندله بس قلت اخاف اشلعها خل تطيح بروحها بس ماطاحت واحطله زيت زيتون وميبو بس ماعطوني غسول واول جم يوم امي بخرته بمادري شنو اسمه بس ريحته خايسه