تجمع مَوآليِدْ ديسمبّر 2011

[Lulu_Perla]

مسلمة
والله مثل بنتي سبحان الله
اذا اذتها الغازات عطيها اعشاب..
ينسون و حبة حلوة و كمون.. خليهم ينقعون شوي و يفترون بعدين شربيها

ماي غريب يمدحونه بعد بس انا ما جربته
لا تعطينها ماي و سكر نبات اكثر من دكتور قالي مو زين و يسبب غازات

بنتي كل ما عورها بطنها تبجي و ما تسكت الا اذا عطيتها صدري..
و من ترضع احس بعد بلوية و اصوات في بطنها حبيبتي


وديها طبيب اذا ما نفعت معاها الاعشاب

و سدحيها على بطنها.. طلعي ايدها من المهاد و سدحيها على بطنها
و دهني بطنها بزيت زيتون داااااافي و ضغطي عليه شوي مثل المساج
عقب لفيها و دفيها و ان شالله مالها الا العافية


كل العلاجات اللي اعرفها قلت لها لج.. حاسة فيج مريت بمعاناتج
و الله ساعات المها و ابجي احسها تتعذب و تتعب بعد قلبي


ان شالله تخف عليها الغازات و ترتااااااااااح

 

[قطيف]

اهليييييين

بدخل اتشكى من الغازات لقيتكم بنفس المعاناة , بعد عمري ولدي نفس الحالة اليوم الثالث مامشى بطنه !

و غير جذي الشكوى الثانية وحشني النوم !

 

[مابين بعينكك]

بريق علميها عالماي مو كيفها قوليلها غصب طيب لازم اتحبينه
امي كانت اتشرب علاوي بس رقم واحد ماي باليوم كله
رحت بيت مرت اخوي زفوووني قالو لازم تشربينه ورا كل رضعه عشان لايصير بلسانه فطريات وزين حق عيونه وعشان بطنه لاينترس غازات كله حليب موزين

كلام مرت اخوج صح 100٪ ومالكم شغل بالدكاتره اللي يقولون لاتعطون ماي للبيبي ترى اعرف وحده منعت الماي عن بنتها 5 شهور تقريبا صار فيها حول الله يشافيها يارب ولايبلانا وسوت لهاعميله حرام واهيا بو سنه مسكينه لاتسببون على عيالكم
الله سبحانه قال في قرآنه وجعلنا من الماء كل شيء حي

 

[~LiBrA~]

واي توه عطيتها ماي لا تشوفون شنو سوت
عياره تسوي نفسها بترجع ههه
شدعوه عاد مافي طعم مو دوا اهو

بنات جربو حق الغازات تنومون عيالكم علا بطنهم شوي بس لا تغفلون عنهم
توه سدحتها علا بطنها ارتاحت شوي وطخت وسوت 

 

[~LiBrA~]

بنات سؤال

متى راح نرجع ننام مثل باجي الناس

 

[chalmastya]

قووووووووووووووووووووووووووووووووووووووووه شلووووووووووووووووووووووووووووووونكم شخبااااااااركم ............



حبيابي نبدي كل وحده تكتب متى ولدت بالضبط؟؟ وشنو ويابت وشنو سميتوه او سميتوها ...لوووووول انا اعرف الكل تقريبا بتجمعي الغالي شنو يابو شنو سموووووووهم بس يلاااااا نلعب ونشاركـ...,



انا ولدت 8-12 الساعه 11 ونص الظهر :d والحمدالله لك يارب رزقني بأحلاى ولد عبدالمحسن وعسى ربي يبلغني فيه معرس يارب ويرزقني بره ويهديه ياااااااارب وحق الكلللللل ياصبااااااايا

 

[Lulu_Perla]

ليبرا
لووووووووووول ياعلها العافية بنتج الحمدلله ارتاحت و سوتها هههههههههه
و بالنسبة لسؤالج..
??الله اعلم ??

 

[Lulu_Perla]

قطيف
الله يكون بالعون

جربي وحدة من الطرق اللي قلناها و ان شالله تفيد

 

[Lulu_Perla]

جلمستيا
عسى الله يخليلج عبدالمحسن و تشوفينه معرس


انا ولدت يوم ٥/١٢/٢٠١١
الساعه ١٢:٤٧ الظهر بالضبطططططط هههههههههه
ولدت قيصري
و يبت بنتي الحلوة لولوة و نستني تعب القيصرية
ربي يحفظها و يجعلها قرة عين لنا



اللي بعده منووووو..؟؟

 

[~LiBrA~]

هااااي يا سهارى

انا ولدت ١٢-١٢ الساعه ١٢ ونص الظهر ويبت ملاكي الجميله سميتها مَلَك
والده طبيعي



آه ياليل مااطولك

الحلوة قاعده بحضني بالظلمه اطالعها وتطالعني مادري لي متى

 

[ام الحوراء زينب]

الله يخليلكم عيالكم
ولدت تاريخ 21-11-2011
قيصريه
مادري ليش الدكتور ماولدني قبلها بيوم تاريخ عجيب كان لووووووول
ويبت احلى علاوي
ساعه 1 الظهر و25 دقيقه


ليبرااااا الحال من بعضه بس ولدي احسن حاطينه بالنص اشوي يشوفني وشوي يشوف ابوه ونتثاوب ابويهه عشان اندوخه ونخليه يحس انه احنا داااااااايخين

 

[~LiBrA~]

لووول زوبا
والله لو تتثاوبون من اليوم لي باجر اذا مافيه نوم ماراح ينام كلش

 

[ام الحوراء زينب]

ههههههههه والله صاجه ليبرا عنودي بس يبي يبجي

 

[~LiBrA~]

شي غريب والله هاليهال يعني فيها نوم موصله حدها وعيونها كل شوي تسكر بس مقاومه وتتعصر مرات بسبب هالغازات
والله عوار قلب مادري شسوي ماكو شي ماحربته

يالله بهالمطر الي قاعد يطق الحين ان يهدي عيالنا ويجعلهم من البارين والصالحين ويحفظهم من كل شر بحق محمد وآل محمد

بنات ادعو

 

[ام الحوراء زينب]

امييييييييييييييييييييييييييييييين ليبرا
لازم انام وراي قعده الصبح بروح حق دكتوري لانه مكان العمليه قام يحرررررقني ويحكني ويطلع ماي من لقااافتي ودفاشتي استغفرالله ماصدقت خلصت من الحمل والولاده والنفاس ياللي هالعوار يذبح
كنت امخططه اروح الافنيوز عشان عيدميلادي 10-1 ان شاءالله مالت علي وعلى نومتي الخايسه
انا عادي لو انام ساعه اقوم بس ريلي مايقوووووووم لو اموت

 

[ام الحوراء زينب]

هل طفلك الرضيع يصرخ ويبكي باستمرار بدون أيّ سبب ظاهر؟ قد يكون السبب الغازات المفرطة التي غالبا ما تصيب المواليد الجدد. ويعتبر الأطفال المصابون بالغازات تحديا كبيرا للأهل خصوصا الأبوين الجدد لأنهم لا يعرفون شيئا عن عالم طفلهم الصغير.


ويمكن أن يسبب تراكم الغاز في بطن الطفل الرضيع ألم شديد للطفل. فالمولود الجديد لا يملك نظام هضمي مكتملا بعد، مما يجعله عرضة لتراكم الغازات سريعا.


تعتبر حركة الأمعاء المتفجرة، وإخراج الغازات أمر شائعا جدا في المواليد الجدد. ويظهر بعض الأطفال الرضع معاناة أكثر من غيرهم في التعامل مع الغازات. وأحيانا تصبح الغازات أكثر حدة أثناء الليل.


السبب:
يمكن أن يكون سبب تراكم الغازات الرضيع غير مرتبط بالحمية الغذائية. لطالما اعتقدت الأمهات أن تناول الأم المرضعة لبعض أنواع الأطعمة يسبب الغازات. ولكن انتظري فلم يتم تفنيد هذا الاعتقاد بالكامل. فهناك نصيحة لا يمكن تجاهلها بالنسبة للأطعمة التالية، والتي تسبب الغازات للطفل الرضيع وأهمها الملفوف، والقرنبيط، والبطاطا، والفاصوليا وأيّ أطعمة أخرى تعرف أنها تسبب الغازات.







حددي السبب:
سحب هواء أكثر من اللازم: قد يكون سبب الانتفاخ والغازات، ابتلاع الطفل الرضيع للهواء أثناء تناول الحليب. فعملية المص السريعة التي يقوم بها الأطفال الرضع غالبا ما تشجع على سحب الكثير من الهواء.
ويميل الأطفال الذين يتناولون الحليب من القنينة لسحب هواء أكثر مقارنة مع الأطفال الذين يرضعون من الثدي.
حساسية ضد الحليب: يمكن أن تسبب بعض أنواع الحليب الغازات للأطفال، كذلك قد يون السبب عدم تحمل الطفل لمادة اللاكتوز، وأغلب الأطفال الرضع لا يستطيعون هضم حليب البقرة، الذي يصيبهم بالغازات.
استعمال المصّاصة المهدئة أو القناني الفارغة لوقت طويل يمكن أن يؤديا إلى تراكم الغازات.


العلاج:
أفضل علاج للغازات هو تجنب المسببات. غالبا ما تتراجع مشكلة الغازات مع نمو الطفل، واكتمال جهازه الهضمي, في نفس الوقت، قومي بالتالي:


تأكدي من أن الطفل تجشأ بين الوجبات وبعد الانتهاء منها.
استعملي قنينة ملتوية العنق لتخفيف كمية سحب الهواء أثناء الرضاعة.
راقبي الطفل عند استخدام الحليب الصناعي، وقومي بتغيره إذا شعرت انه غير ملائم.


التعامل مع صراخ الطفل المتألم:
حتى إذا كنت تعرفين السبب، حاولي التعامل مع صرخات طفلك المتألم بحذر، ورعاية شديدة.
قومي بحمل الطفل الرضيع قريبا منك، ولفه إلى جهة الأرض بحيث تبقين يدك تحت بطنه، لتسهيل خروج الغازات. استشيري الطبيب حول استعمال الأدوية.
قومي بهز الطفل بلطف بين يديك مع رفعه قليلا، لا تقومي بهز الطفل بقوة أو رميه في الهواء أبدا، لان ذلك يسبب مشاكل دائمة في الدماغ.
قومي بالمشي مع الطفل ستساعد خطواتك على تحريك الغازات في أمعائه، وإخراجها بسهولة.

 

[ام الحوراء زينب]

بنااااااااات
ام مرت اخوي تقولي لمن ارضع علاوي اخليه مثل واقف ومعطيني ظهره عرفتو الحركه اشلون
وامسكه صوب بطنه واشربه مميه تقول احسن حق الغازات

 

[Zayoona"90]

ولدت ٢٠-١٢ يبت بنوته ..

بريق ..

دكتورة بيبيتي امريكيه من طلعت من المستشفى سجلوها بفايلي مااقدر اغيرها و انا ساحبه على كلامها امي زفتني قالتلي لازم ماي عشان لا يصير فيها حول لا سمح الله بعيد الشر عنها ..
و عالخروج الدكتوره قالتلي مو لازم كل يوم تخرج تقول عادي يعني اذا ماخرجت يوم لا تحاتين

بنات الدكتوره تقولي اذا بجت بنتج وتضايقتي ولا زعلتي لازم تردين على المستشفى يحولونج لدكتور نفسي هههههههه لو احنا بالكويت عندنا نفس دكاترة امريكا جان كل الكويتيات بالطب النفسي من عيالهم ههههه


هاا بنات منو اللي تتضايق وتزعل اذا شافت بيبيها يبجي عشان يحولونها

 

[Lulu_Perla]

ههههههههههههههههههه
دكتورة بننتج ماعندها سالفة
هههههههههههههههههههههههههههههههه

 

[miss-_-eng]

بنتي كاسره خاطري رضعتها من صدري بس اول اسبوع وعقب كله سيميلاك ادفانس ودي ارد ارضعها من صدري بس ماتشرب تبجي ماعرف شلون ارضعها عدل اول امي كانت تمسكلي راسها الحين امي مو يمي فما اقدر ارضعها بروحي شسوي كاسره خاطري