تجمع مَوآليِدْ ديسمبّر 2011

[نـعـومـه]

سبحان الله الياهل والشايب نفس الشي !! لي مرضو يحنون عدل

بنتي مومريضه واااااي صايره حدها عسره امس غبت لانها مريضه وشكلي بغيب اليوم بعد

 

[قمورة الكويت]

مشكووووووووووووره جدول
ان شاء الله اليوم بدق على المرا واخذ منها
الله يعطيج العافيه

 

[قمورة الكويت]

مواصله
الشررر ما يجيج يا عمري
انا مووو صداع عوار بصوب واحد مبين داشني هوا اتسبح واقعد ع التكييف

 

[قمورة الكويت]

نعومه

ماتشوف شر حبيبتي الجو بادي يبررد هالايام

 

[غرقانه]

ارحبو


اشتقت لكم حبايبي حييييل بس من زمان مو داشة المنتدى

حبيت امر اسلم عليكم

اكيييد فاكرني

وحبيت ابشركم اني حامل

ادري مبجر تو ولدي ماكمل ١٠ شهور بس

قلت ايب واحد ويصرون ثنين وارتاح جم سنة جدام

منو خربتها مثلي وحملت

 

[نـعـومـه]

غرقانه

وين مغبره هههههه

مبرووووووووووووك الحمل الله يتمم عليج عاد توني سألت اذا في احد يفكر بالحمل !!

عندنا فلافل بس حامل

 

[نـعـومـه]

قموره

الشر ماييج حبيبتي

 

[!الجادل الصعب!]

غرقانه لاخربتيها ولا شي هذا رزق من الله والله يتمم عليج
انتي تدرسين صح.؟


نعومه
الله يعينج ويشافيها ربي
انا الشهرين الي فاتو كله مراضا وابوهم فوقهم بعد
الحمدلله علا كل حال صخاين ولا شي جايد



مواصله
نعيما القص هههههه انا افكر اقصقص من شعري بس ماراح اقصره حيل
يمكن مدرج او شي جذي الحين كله طوله واحد عاد قبل بموت ويصير طوله مع القذله
بس مليت
من ارد من الحج باذن الله باقصه
رحلتنا يوم الاثنين الظهر باذن الله دعواتكم


قموره
اخبارج ؟

 

[غرقانه]

اي ادرس بكلية التربية الاساسية

هذا ثالث كورس لي

الله يبارك فيكم يارب

وعقبال كل محروم يارب

 

[غرقانه]

ياختي مغبرة بالامومة و بالكلية والبيت وسافرت عند اهلي قعدت عندهم شهر

ياختي وربي الدنيا تشغل

بس دعواتي لكم دائما ان الله يسعدكم ويوفقكم يارب

 

[غرقانه]

الله يتمم عليج حجتج يا الجادل يارب دعواتك لنا

ان الله يكتب لنا حجه بالسنة الياي يارب

الله يسهلج دربج موفقه ياقلبي

 

[مواصله]

الله يتقبل منل ومنكم صالح الاعمال ويسهل اموركم

غرقانه مبروك وربي يتمم عليج

نعومه اي حلو الفلم بس مزاجي للكوميدي اكثر من الاكشن

 

[مواصله]

امس بالليل احاول انوم حمود ساعتين ثلاث موراضي ينام بس يصرخ ومن قلب اخر شي فتحت حفاظته الا ياقلبي صلخ مو التهاب بدلتله وحطيت له كريم

ياللع نام الفجر وكل ساعتين يقوم يصرخ معور قلبي

واليوم زاد مو قادر حتى يقعد بس يصرخ واللي مطينها الاسهال اللي موراضي يفج بيصير له 3اسابيع

اول مره يجيه التهاب شديد لهدرجه

ا

 

[غرقانه]

مواصلة حبيبتي

استخدمي لولدج كريم بباثين بلس

استخدمته لولدي صابه تزلخ بجلده
وربي ما كمل اسبوع الا وتشافى

والحمدلله معاد رجعت له

اهم شي قبل تلبسيه البامبرز

لازم المنطقة تكون ناشفه لان الرطوبة تسبب
الالتهاب والاسهال يزيد الطين بالله

اذا قعد على هذي الحال غيري له الحليب

اللي مال الاسهال فترة بس

لكمل سنة غيريه له

اتمنى اكون افدتج

مايشوف شر ياقلبي

 

[عنـــآق ..!]

^

هآلووووو . .
آلسلآم علييييييكم و رحمه آلله . .
شخباركممم جنه الانتسقراااام طيح
كويتيات هههههههههههههههه . .





مس يوووو كلكم والله و تحلطمنا وتشكينا
و دلعنآ . .



بأذن الله برد اهني بقوووووه انشاللله . .


جوجووووو . .

تروحيييين و تردين بالسلامه
الله يكتبهآ لج انشالله . .



قمورآ . .

يمكن فري اسم الله عليج انا راسي اذا
ضغطت بقوه عليه ابجي والله بس مالي
خلق لطب شعبي يبي لها خلطه ريحتها
تبط الراس �� . .

 

[كريستالة قطر]

مرحباً ديسمبريات اللحين مرتين اكتب من جالكسي ويوم دخلت بالايفون ما لقيت اللي كتبته الظاهر ما عرفت له لحد اللحين ،،،

اشلونكم كلكم وشلون عيالكم ؟؟؟؟ والله لكم وحشه اول امس رجعت من دبي ولله الحمد يا زين دبي برد قلبي يوم رحت لها الجو وايد حلو والشوبينغ احلى واحلى وهالايام المولات مفتوحه اربع وعشرين ساعه رحت الخميس ورجعت الاثنين


الجادل / ربي يسهل امورج ويتقبل منج صالح الاعمال ،،، وتروحين وترجعين بالف سلامه وربي يكتب لنا ع السنه الجايه الحج وما يشوفون شر عيالج وابوعيالج ،،، عساج جهزتي للحج وخلصتي امورج ؟؟؟


غرقانه / الف الف الف مبروك والله يتممه لج ع خير ،،، وزين زين سويتي حملتي اللحين جيبيهم ورا بعض وبعدها ع كيفج اهتمي بعمرج ،،،، الحمدلله كلهم رزق ويارب يجي اخو لولدج يونسه

نعومه / إشلونج حبيبتي وشلون بنتج طمنيني عليها ؟؟؟ والفلم اللي قلتي عنه رحت له يجننننننن يجنننننن بس ما رحت الجزء الاول بس اللي عرفته انه انتقم من اللي أختطفوا بنته مادري صح ولا لا ،،، صج احلى فلم أكشن دخلته هاللمرا والتصوير من تركيا ،،،

مواصله / فديته حمودي ما يشوف شر ،،، لازم تروحين لدكتور وتستخدمين له مرهم يرتاح ،،، انتي شلونج وشلون البنات بشري جهزتيهم للعيد ؟؟؟؟

وزوبا / الحمدلله ع سلامتج والحاله اللي فيج اكتئاب ،،، تحسين مالج نفس لأي شي وغير الضيقات انا مريت بهالشي ،، ولله الحمد اجتزت هالمرحله ،، انا طبيعي يجيني بعد كل ولاده بعد ثلاث شهور من الولاده يطق علي ،،، اعرف روحي ،، انتي طلعي كل يوم وغيري جو مع صديقاتج وان شالله يروح عنج ولا تنسين قولي الاذكار وقري قران بيخف عليج وان شالله ما تشوفين شر ،، وسلمي ع أغلي وفلفوله وايد


باقي الحلوات : بريق ،، اللولو ،، وقموره اشلونكم وشلون عيالكم ؟؟؟

 

[كريستالة قطر]

عناق / إشلونج حبوبه ؟؟؟؟ عناق انا أخربط بينج وبين غرقانه لحد اللحين ؟؟؟

انتي شلونج وشلون عيالج ؟؟؟؟؟

 

[مواصله]

كرستاله الحمدلله ع السلامه وعليكم بالعافيه ياقلبي

غرقانه تو اليوم وديناه الطواري لان وانا ابدله شفت اخراجه مخلوط بشوية دم

اخذو تحاليل وقالو النتيجه المغرب تطلع وكتب لي على مرهم زنك اوكسيد وقلت له انا استخدم له اليكا ام

قالي ممتاز استمري يومين ويخف ان شاءالله
بس هالاسهال اللي مبهدله موب راضي يوقف تعب حبيبي وتعبني معاه

 

[مواصله]

تو طلعنا من الطوارئ..اكتبوله تنويم رجعت البيت اجهز الشنطه..دعواتكم بنات
ادري انه بيتبهدل وبيجنني معاه

 

[مواصله]

قال الدكتور مبين معاه بالتحليل صديد والتهاب ويخافون يأثر ع الكلى بعد

غير الاسهال أللي طول معاه قالو لازم يوقفونه موب زين يطول اكثر


باي