تجمع مَوآليِدْ ديسمبّر 2011

[مواصله]

اواخيرا امس رحت السوق وخميت ملابس للعيال ولما جيت بحاسب قالي مبلغ وقدره ههههه اتخضيت ماحسبت حسابي

مع انه عندي بطاقة الصراف بس مابي اطير فلوسي وراي عرس و مليون شي. .قلت له لحظه ورديت كم قطعه فشييله خخ

 

[نـعـومـه]

قوووه

باركولي بنتي وقفت هنهه صارلها جم يوم

بس طبعا مو ٢٤ ساعه بين فتره وفتره بس موبروحها تكون ماسكه شي

 

[نـعـومـه]

كريستاله

بس صح قالو لازم اخليها ساعه كامله بدون حفاظه تتهوا



مواصله


هههههه هذي دايما تصير اخم وحزه الحساب تيلي صدمه من السعر

 

[!الجادل الصعب!]

باك


اخباركم بنات ؟
قطعت عنكم بسبة ظروفي والله يعين
سعود وديناه الفجر الطواري وحطو له كمام وثاني يوم عبادي نفس الشي
التهاب القصبه الهوائيه يالله ياخذون نفس حبايبي

والحين كلهم عالمضادات والله يعين

الخدامه الي جبتها زوينه بس نيباليه واشك انها بوذيه
والكل قام يفتي ان حرام و م يجوز وانا متردده ؟


بسأل لي شيخ واشوف .. مو معقوله بحج وانا مسويه شي ادري انه غلط ..!




اخباركم انتو ؟!

نعومه
م تشوف شر الحلوه
عبادي بعد بادي يوقف عالاثاث ويمشي شوي ويطيح وهو ماسك الاثاث



مواصله
اي عادي تصير باحسن العوايل هههههههه



كريستاله
لبا قلبج .. شخبارج انتي واخبار الحلو وخواته واخوه؟

 

[!الجادل الصعب!]

اللولو

فعلا ازمه .. تشوفيني متوتره علا طول واحاتي انهم حراميه
او وصخين

 

[كريستالة قطر]

الجادل / فديتهم عيالج ما يشوفون شر ،، يختي مادري اشفيه هالجو عيالي لحد اللحين مزكمين يخلصون من دوا ويكتب لهم الدكتور ع دوا غير ،، والله هاليهال يكسرون الخاطر ع قولت اختي هناء هع هع ،،،

الجادل ما اقول الا الله يعطيج خيرها ويكفيج شرهااا ان شالله تطلع زينه ولا تخيب ظنج ،، الجادل ما جربتي فلبينيه مسلمه ،، انا جبت وحده حق عمر أشوفها ماشي حالها ،، جربتي تجيبين منهم ؟؟؟؟؟؟؟؟؟ ،،

 

[كريستالة قطر]

بريق / ما شالله شحلات الصور ،، ما كملت الصراحه بخليها للسهره اتفرج ع راحتي ،، وما شالله ع الشيخه اللولو ما شالله عليها تجنننن ،، عليها حركات حلوه هي وما شاالله ع ولد مواصله ما شالله عليها ،،،، الله يحفظهم ويخليهم لكم ،،، ويحفظ عيال تجمعنا كلهم

 

[كريستالة قطر]

مواصله / ما تدرين عني ،،، انا نفس الشي ،، مريت باكثر من موقف ،،، عاااااااادي عااااادي ،، فديتج لو تدرين عني كنتي تموتين من الضحك خليها ع الله ،،، بناتي يعلقون علي ويضحكون ،، شوفي صرت مطنزه عندهم ،،

 

[نـعـومـه]

الجادل

ماراح افتي بس جنه جنه مايجوز بوذيه مادري تأكدي

والله يرزقح باحسن خدامه

وماااايشوووووفوووون شر عيالج واي هالشهر يخوف مع ان الجو عقب ال 10 حلو بس جو امراض الله يشفيهم

 

[كريستالة قطر]

قوووه

باركولي بنتي وقفت هنهه صارلها جم يوم

بس طبعا مو 24 ساعه بين فتره وفتره بس موبروحها تكون ماسكه شي

فديت جوجو الله يحفظها ويخليها لج ،،، ان شالله بعد شهر بتشوفينها بروحها توقف ،، شيبتي بس يمسك ويوقف ،، من شهر ،، ولحد اللحين ما في اي تطور

 

[كريستالة قطر]

نعومه / قبل يوم كنت صغيره عند نا خدامه هنديه تعبد البقر ،، لو شفتيها اذا ماتت بقرتنا شسوي تموتين عليها من الضحك تنتف شعرها وتصرخ وتراكض ورا البيت تقولين جنها في ماراثون ،،، وتضرب وتكفخ روحها ،، والله كنت استانس من تموت بقرتنا اروح أبشرها بس عشان أشوفها شسوي ،، واحيانا اجذب عليها ،،، والله صج ذكريات يحليلج يا مانيه ،،،

اتهقين من اي ناحيه حرام توني ادري من هالشي ؟؟؟؟؟ انزين المسيحيات بعد حرام ؟؟؟ ولا تقصدون في مكه حرام ؟؟؟؟؟ انا اللي اعرفه بس مكه حرام غير المسلمين ،،، انا عندي سيرلانكيه مسيحيه حرام بعد ؟؟؟

 

[نـعـومـه]

كريستاله

ولدج يعتبر زين حق عمره واللي يقولج ولد حماتي بعد 10 ايام يكمل سنه حتى مايحبي بس يقعد !!!

امبيه تضحك ههههههه والله جهل تبجين وتعبدين البقره !!؟؟؟

امبيه مادري ليش ومادري اذا اكيد حرام ولادلا !!

انا خدامتي مسيحيه بس خايفه تكون بوذيه

 

[نـعـومـه]

امبيه صار موقف بيت خالتي بوزت عليهم هههههه

دقيقه واقولكم الموقف

 

[Lulu_Perla]

قوة بنات
خدامتي البقرة كشتت فيني و مراح ترجع
و انا حده نفسيتي تعبانة

صايرة مافيني حيل و حدي مو نشيظة مادري شسوي بروحي شكلي بشرب ريد بول هههههههههههه


اختي تكلمني بالواس اب و تطخخني
الله كريم

*


شكو مايجوز خدامة بوذية..؟؟؟؟؟؟؟؟
اقصد شكو ديانتها بالموضوع..؟؟؟

انا مرة سمعت ان ما يصير تتكشفين جدام الخدامة اذا هي مو مسلمة بس مادري صج او لا
اذا صج يا حسرتي انا ماخذة راحتي بشقتي و خدامتي اللي ذلفت شبعت من سيقاني هههههههههههههههه

 

[Lulu_Perla]

بنتي كملت 10 شهور..
و ليلحين ما قالت ماما

 

[!الجادل الصعب!]

كريستاله

يجوز المسيحيه لانها من اهل الكتاب

اما البوذيهويقولون حرام ومادري والله




بريق الله يعينج
دوري بالمكاتب بعد شتسوين
لقيت فلبينيات ب ١٠٠٠ ..!
كفالة مكتب !!
مستخفين ع الاسعار.



نعومه ناطرين الموقف ههههههه

 

[نـعـومـه]

بروق

وييي ليش !! اختي جذي وحده من خدمها قالت اكيد بيي اكييييد اخر شي مايت ولاترد عالمكالمات وبعد ٣ سنين من السالفه لقوها تشتغل بروضه !

اي انا سمعت البوذيه مايصير بس لازم اتأكد عدل

وترا البوذيه ماتاكل لا لحم ولا دياي هنيه راح تكتشفون انها بوذيه

عادي موشرط ولد حماي عمره سنه و١٠ شهور ماسمعته يقول ماما ولا بابا

يحلوها لولو شلونها شنو تطوراتها ؟؟

اللي عندي قامت تصفق عههههه




الجادل


اوووله فلبينيه ١٠٠٠ وايد بصراحه !! اكثر من معاشي هههههه

 

[قمورة الكويت]

شخباركم



الجادل
الله يعينج ع الفراره والتوتر هالايام
البوذيه حرااااااااااام يا بنات تحرم عليج جنها رجال لازم تتغطين عنها
بس اللي من اهل الكتاب عادي اللي عندهم ديانه المسيحيين وغيرهم

والله عاد النيباليه زينه ما عمري سمعت عنهم شي موزين الله يسخرها لج يارب




بريق
موووو من صجها خدامتج ليش غبيه رافسه النعمه وين تحصل دلع مثل جذي ماكو الا بيبي واحد ولا شغل ولامشغله
الله يعينج احرقيها اتصالات

 

[كريستالة قطر]

هلا ديسمبريات اشلونكم ؟؟؟

بريق / انا بقرتي سافرت قبل رمضان بشهر ،، وقالت في شهر ٩ بتيجي،،، والجلبه قصت علي ولا جات واللي عرفته من خدامتي انه بتنخطب ،، ويمكن مالها نيه والظاهر انه عندها عرض بتشتغل مع أختها اللي في الكويت ،،، اقول بخاطري انا ما اخليها لا تطبخ ولا شي بس تكوي وتنظف الصاله وترتب اغراض البنات وتؤدي البنات المدرسه بسسسسس حتى تنظيف الحمامات والحوش والطباخ والبيبي موزعته ع الخدامات وهي اكثر وحده مريحتها ،،، بشوف لها مهله شهر ١١ لو ما جات ع طول بطلب ،،، مشكله انه بناتي متعلمين عليها ومربيه بنتي الصغيره من كانت في رسبشن لين الصف الخامس ،، وطول هالمده ما شافت اهلها ،، ويوم حنت فجأة قلت لها من تسكر المدارس بسفرج ،،، وسفرتها ع طول ،، شوفيها خونت فيني ،، حسبي الله عليها صج كانت غرفة البنات وملابسهم مرتبه وكسسوارت الشعر كلشي مرتب اللحين اعلم الخدامه الثانيه وشكلها مالها نفس ومخربطه بلبس البنات اللحين انا اللي كله بغرفتهم اصفط ثيابهم واغراضهم ،،، ولا اللحق


الجادل / توني اعرف بديانه البوذيه وع فكررا وزين علمتوني اشلون اكشفهم ،، والله يرزقج ويسخرلج الخدامه ويعطيج خيرها ويكفيج شرها

نعومه / حنا مشتاقين نسمع سالفتج وما خبرتينا بالموقف اللي مريتي فيه ،،
طمنينا ع جوجو اشلونها اللحين ان شالله خف عليها ؟؟؟

قمورا / بشري لقيتي لج فستان ؟؟؟

مواصله / حبيبتي إشلونج وشلون صرتي ان شالله احسن ؟؟؟

وين البنات شكشوكه واللولو وعناق ؟؟؟؟ وزوبا الله يرجعها بالسلامه

 

[كريستالة قطر]

ديسمبريات عندكم خبر عن فلفوله ،، شخبارها ؟؟ اللي ع تواصل معاها الله يخليكم خلها تدخل اطمنا عليها ؟؟؟؟

واغلى والله هالبنت واحشتني يا حبي لها ،، والله كانت موسعه صدورنا يا حلو سوالفها