تجمع مَوآليِدْ ديسمبّر 2011

[Lulu_Perla]

ريانة

اسم الله عليه ربي يحفظه لج و يخليه
فديت الضحكة و الله

 

[نـعـومـه]

بريق


نفس حالتي وايد تعبت وحست بس اتذكر انه بجر لازم شي يسوا

عاد حطي صور منيه ههههه



الجادل

شلون
صبغه واي لون

 

[نـعـومـه]

بروق

صج شلون
شعر بنتج ؟ طلع

اذكر قرعتيها بنفس اليوم اللي قصيت شعر بنتي

 

[Lulu_Perla]

هلا نعوومة
اي و الله يتعب القرقيعان بس يستاهلون الصغار


الحمدلله طلع شعرها وايد اهون من اول


نزلي انستقرام و شوفي قرقيعان لولو هناك

 

[!الجادل الصعب!]

اخباركم ؟؟

 

[مواصله]

قوووه شلونكم

امس اجتمعنا وخواتي ونسوان اخواني بيت ابوي وكل وحده جابت قرقيعانها ووزعنا ع الجهال

هذا حمد مشغول يعفس بالقرقيعان

هههههههههه زعلان يبي اللي بيد بنت اخوي

انتو بنات حطولكم كم صوره هنا خنشوووف مو كله بالانستغرام

 

[نـعـومـه]

اليوم غباااار واي ماخلص القرقيعان

بيت يدي عندهم قرقيعان اليوم وتخيلو زوجي قالي غبار ماكو روحه !!!

كلش موراضياطلع اليوم قلتله حرام ماقرقعنا بيت اهل امي

 

[نـعـومـه]

بروق


اي يستاهلون بس انا عن نفسي سنه اليايه بأذن الله بعطي اليهال شي صغير بوك جنطه صغيره او لعبه داخل بطنها حلاو ههههه يعني شي صغير وماينقط عشان اعمل حساب سياره هالسنه اخذتلهم كراتين على شخصيه نفس كرتون وجبات الاطفال بالمطاعم بس على شخصيه وتأذيت ترست سياره جياس اما الكبار كان شغل اوكيه

 

[نـعـومـه]

الجادل ل

ا ناحدي محتاسه بالقرقيعان وتجهيز ولويه والحين
بتفرغ للعيد بشوف لبنتي




مواصله

فديته يهبل بسمله عليه

 

[مواصله]

نعومه حتى احنا عندنا الجو مادري شلون غبار على حر على رطوبه




شوارع الدمام اليوم:

 

[مواصله]

 

[قمورة الكويت]

مواصلهياحلاتهم والله يهبلون ما شاء الله تبارك الله الله يبلغج فيه ي رب












بنات
اللي عندهم ايفون وايباد قبل كنت انزل صور ببرنامج اسمه picup والحين سويت له ابديت وياليتني ما سويت غثيث ما تنزل الصوره ما عرفت له
اذا في برنامج ثاني قولولي عنه

 

[مواصله]

كل عايله مسويه فنتق وحركه يم باب بيتها ماشاءالله عليهم بدعو الله يعطيهم العافيه

اللي جايب سيارة ايسكريم يوزع ع الجهال واللي جايب حصان يركب الجهال يدور فيهم واللي تحني واللي ترسم

ماعرفت اصور عدل زحمه صج قرقيعان الحمدلله الله يعوده علينا وعليكم بصحه وعافيه

 

[مواصله]

حياااتي تسلمين

 

[قمورة الكويت]

خوووش اجواء ماشالله عشان قرقيعان مسوين جذيياحلووو الدمام تهبل شكلي بزوركم بعطلة العيد








شكثر عروس عندنا ورا العيد قاعده ادور موديلات اللي عندها صورة موديل حلو تساعدني وهابين الحين اول يوم فندق وثاني يوم بصاله بلشه كلهم يبيلهم كشخه وصالون احااتي شعري ورا العيد بيتقطع من التساريح ههههههه

 

[مواصله]

يحليله جنه صج قاعد يطقني بالخرخاشه ويصارخ يبيني افتح له حلاوه مصاص كله من خواته عودوه كل شوي حلاوه شكل

وانا قايله مابعطيه هالخرابيط

 

[مواصله]

الله يعينج قموره اكره شي محاتاة العروس ..خلي جيتج مره وحده منها تمشي ومنها تسوق يمقن تلاقين جاهز وتفتكين

 

[نـعـومـه]

واي بنات مقهوره زوجي ماخلاني اروح بيت يدي نقرقع قلتله حرام مسويه ومجهزه يقول رحتي قرقيعان اهلي واهل ابوج !!

انزين اهل امي مالهم رب

المشكله القرقيعان اللي مسويته مادري شسوي فيه !! واسبوع الياي عشر الاواخر مايزورون يكونون لاهين بالصلاه

 

[!الجادل الصعب!]

نعومه عادي خلاص شتسوين
تتواجهون ان شاءلله وتوزعينه


قموره انا الحين بنزله عالايباد واشوف سالفته

مواصله هذا بحديقه والا بالشارع يعني

 

[قمورة الكويت]

[COLOR=#000000 !important]شوفو هذا الحساب صالون نقش عجيييب


يسوي نقش الطيور على الرجل عجيييييييبه
Sisters_beauty_salon
[/COLOR]