تجمع مَوآليِدْ ديسمبّر 2011

[shak!shoka]

عما

حركات الخدم هاذي تقهرني


ختولي قولي حق ريلج غيرت رايها ماتبي تسافر
و. قوليلها بس ارد سافري انتي وعساج ما رديتي ههههه
اتفقي بينج و بينها




الرياييل والله يبطون الجبد
مخهم اعاقه دائمه استغفرالله




قلبي مترووووووسه
توني متهاوشه مع المعقد الي عندي


ويع ويع وييييييع

 

[!الجادل الصعب!]

بريق
كلميه بالهداوة
اختج مستحيل تتخلا عن خدامتها اسلوعين وشغلها وزوجها عشان انتو
تسافرون


شالمشكله نطر لين تردون وتذلف باللي م يحفظها

 

[نـعـومـه]

بريق

ههههه يعني خلاص بتستغنين عن لولو هههه

اقولج بس حاولي ماتهاوشين مع زوجج عشان زفت الخخدم رفيجتي تهاوشت مع زوجها هوووشه كييره عشان خدامه حرااام

وانتي قولي لخدامتج شحقه تسوين تحليل من الفلبين سوي بالكويت !!!

اذا بتخلين بنتج صعبه صح يا خدامتج او سستر تيي جني سامعه سيتر تيي من ٨ صبح لي ٨ بليل شهر ١٠٠ دينار مادري عاد

 

[منااووي]

الحمدالله على سلامتج الجادل

 

[!الجادل الصعب!]

الله يسلمكم




مواصله وينج فقدناج

 

[ام الحوراء زينب]

مس يوووووو
مواصله مسكينه قاطعين عنهم المنتدى هناك

انا لاهيه النومه معفوسه انام الساعه 6 الفير نقوم 10 ونرد 12 انام لي 3 يعني المخ يتصدددددددددددددع
وساعه 5 ونص او 6 انطلع عليوي مكان يلعب او نتمشى
ونرجع 11 بليل واقعد اعدل غرفتي
قاعده اسوي جرد عالغرفه من داومت ما عدلتها ولا شفت شنو ابي وشنو مابي بس اشتري واقط بالدار والحين انترست جياس وطلعت شكثررررر اغراض ملوت علاوي وشكثر صوابين وكريمات وهالسوالف
قاعده احط كل الاغراض بجياس وكراتين وحاطتهم الحين مؤقت بالغرفه لي باجر بطلعهم واوديهم غرفة علاوي واشوف اهناك شنو ابي وشنو مابي احذف او اتبرع
بروح سيتي ستارز ودايسو وايكيا اشتري اغراض حق التخزين وهالسوالف
غرفتي باختصار الداخل مفقود الخارج مولود لووووووووووووووووووول
صارلي 3 ايام للحين ماخلصت
اليوم بس طلعت ادراج علاوي وغسلتهم وعقمتهم ومسحتهم بكلونيا ورتبت الحفاظات والحليب والكريمات والصوابين وتبانات وهالسوالف
وفضيت التسريحه كلها
وامس شلت كل الملابس ملوتي وقطيتهم بالجياس وباقي بعد كثرهم وباقي ملابس ريلي وعلاوي
لاعت جبدي يقولي مكافأتج اللي تطلبينها ان خلصتي هالجرد لووول
قتله مبدئيا عيني على 200 اشتري اغراض تخزين وبعدين افكر شنو ابي
مأساااااااااااااااة كنت بصورها بس كرهت نفسي من شفتها
هذا عيب الدوام ما اعدل اول باول

 

[!الجادل الصعب!]

لا تذكريني للحين مارديت شقتي بعدلبنا والعفسه وررراي شغل

 

[shak!shoka]

جدول الله يعينج بس عفيا عليج خلصتيها قبل رمضان زين سويتي

عيل مثل حظي استغفرالله

ريلي شااالع قلبي والله غاثني دعله !

مو راضي يتلحلح كان عندنا مجااال بس يسمع الكلام دايما انا ما افهم واهو العبقري*

 

[عنـــآق ..!]

شكشككك . .

نفس آلعنيييد اللي عندي تكرمووون
كارهته حيييييييييييل آلله يعييييين . .

 

[Lulu_Perla]

عما

حركات الخدم هاذي تقهرني


ختولي قولي حق ريلج غيرت رايها ماتبي تسافر
و. قوليلها بس ارد سافري انتي وعساج ما رديتي ههههه
اتفقي بينج و بينها




الرياييل والله يبطون الجبد
مخهم اعاقه دائمه استغفرالله




قلبي مترووووووسه
توني متهاوشه مع المعقد الي عندي


ويع ويع وييييييع

و هذا بالضبططططططططططططططط اللي بيصير
بس انا خايفة من روحتها تعودت عليها و تعودت على بنتي و شغلي و بنتي وايد تحبها و هي وااااااااااااااااايد زينة و مريحتني
اذا يتني وحدة ثانية يديدة علي بتطفرني و انا حده مو وقته اغير خدم الحين مالي خلق

بريق
كلميه بالهداوة
اختج مستحيل تتخلا عن خدامتها اسلوعين وشغلها وزوجها عشان انتو
تسافرون


شالمشكله نطر لين تردون وتذلف باللي م يحفظها

الحمدلله تمت على خير.. هو ماكان يبي يتهاوش انا اللي طلعت زيراني على قفلته و تنرفزت لووووووووووووووووووووووووووووووول
مو اذا اذلفت انا اللي بتوهق الله يحفظها و ترجع لي بالسلامة :eh_s(1):

بريق

ههههه يعني خلاص بتستغنين عن لولو هههه

اقولج بس حاولي ماتهاوشين مع زوجج عشان زفت الخخدم رفيجتي تهاوشت مع زوجها هوووشه كييره عشان خدامه حرااام

وانتي قولي لخدامتج شحقه تسوين تحليل من الفلبين سوي بالكويت !!!

اذا بتخلين بنتج صعبه صح يا خدامتج او سستر تيي جني سامعه سيتر تيي من 8 صبح لي 8 بليل شهر 100 دينار مادري عاد

:krkrkr:
حرااااااااااااااااااااااااااااااااااااااااااااااااااااااااااااااام عليج شنو باستغني عنها..!!! :bbbiu:
هذا عيوني المركبة

بسوي لخدامتي تحليل هني و بطمنها على روحها
اللي حسيته منها انها مو جذابة و صج انا معتمدة عليها بوايد اشياء هي جامعية و مثقفة و ذكية و ماعندها خرابيط و تلفونات
واااااااااايد مريحتني و مهتمة بلولو وااااايد هالشي اللي مخليني اتحسف عليها


توني اكلمها عن سفرتها و فهمتها اني بسافر و ابيها تقعد مع بنتي لين ارجع و تسافر اهي
قالت مدام اذا انتي تبيني ارجع انا ابي ارجع
بقلبي قلت و الله ماااااتدرين انا امسكها بايدي و ضروسي ما تتطوف هالخدامة

 

[Lulu_Perla]

انا كنت معزمة اغير صالتي
بس بخليها لين ارجع من السفر
جووووووووووووووووووووووووووووووووووود اطلع من الشقة و اشتري صالة يديدة << احلام الفقارة ببلاش

 

[منـــاي]

زينبوووووووووووووووووووووه انتي هنيييييييييييييييييييي

بناتو انا ولدت تاريخ 27-12وولدي للحين ما يحبي ولا شوي عادي ؟

 

[!الجادل الصعب!]

اخيرا انتعش التجمع ههههههه

بريق

الحمدلله حليتي الامور بعقل مثل عادتج &#55357;&#56856;



شكشك و عناق
عسى ماشر شفيكم مطنقرين
بالتفاهم يمشي مع المتنحين شتسونن الله يعينكم


شكشك
اصلا شغلها ما يستاه اسبوعين بس بس هو نقعها شهر وزود
كلها فتحه باب حمام وتغيير سيراميك
وسالفة الصبغ نرزفزنا فيها الصفاغ الله لا يوفقه علا شغل اي كلام الي سواه بالاخير

الحين يقول ماراح ادق علي يعدلها ه ان دقيت ارتكبت فيه جريمه


تنح العجمي

 

[ام الحوراء زينب]

بوووووووووبووووووووو ياخوفي باجر اقوم من النوم الاقيج بويهي انتي وعيالج لوووووووووووووووووووووووووول
عادي عليوي اكبر من حسون للحين مايحبي بالغصب بالطق والعقاب يزحف زحفه وحده ويذلج عليها


لحظه لحظه تذكرت هذولي رفيجاتي من الحمال خير نعم شتبين الدخله بفلوس

 

[chalmastya]

السلام عليكم بناااااااااااااااات ضايعه وحايسة وصج صج حييييييل متضايقة فيدووووووووووني تكفووون ؟؟؟





بنااات انا مو اخر مره سالفة عمي ومرته والخدامة البيت تتطلب ممن خدامتي؟؟؟ كانت خدامة البيت اللي تحت فوق صوب شقتي قتلها تعالي شوفيي حبيبتي تبين خدامتي مو مشكله بس قوليلي قبلها انا اقدر ولالاء لازم تقوليلي ردت علي وقالت هذه مو صالة انتي ودري انتي نعم ؟؟؟ قلت وين ما اقعد فيها الصالة مو مالتي ؟؟؟؟ ردت some time u will take <نعمممم للعلم الصالة برا شقتي قلت لاء مو مالي المهم قلتها شوفي تبين شي قوليلي .. بعد ساعه دق تليفوووني والا حماااتي ؟؟ بالاسلوب هذا وصرراخ تعالي اناااا مو متفقين انا الصالة والدري على خدامتج قلت محد قالي ولا نطق حتن ريلي مايدرري قالت ماعلينا انا اوقولج اللحين قتلها ام ...... لو قايليلي على عيني وراسي بس جني المسبه تخخطون على خدامة انا ولدي صغير لو يمشي ويعرف يتصرف ميخالف قالت هي انتي ولا اللي تحت مو راضين اتشيليون بيت قتلها لحظة لحظة ام فلان اناا الحمدالله شايله شقتي قالت اهلج خواتج مو شايلين بيت حمولتهم قالت لاء طبعا محد له شغل الا في بيته قالت وبنات خالتج قتلها هم بعد ؟؟؟؟ قالت حرام عليكم انتي ولا اليي تحت مو راضين اتشيون بيت اناااا شايلة بيت حمولتي وبيتي وبيت اهلي شنو ؟؟؟انتي؟ عودتي مرت ابوج على جذي قتلها انتي يايتي لي فوق عندي وقلتيلي انا ما نقولج ولانلوومج عندج بيت وياهل بس انا اكلم مرت ابوي كيفها خت تولي , لما يتاني فوق هذا ردتي علي بالتليفون انا براضيج وبراضيها محد له شغل بالبيت انا خلاص قلت نعم ؟؟؟ شكو انا تراضيني انا اعتقد اللي تحت تزوجت واحد كبير ووووعارفه انه عنده بيت ولازم تهتم فيه شنو دوري انا ؟؟؟؟ ردت انتي مسكيه هذي دلوعه قلت نعم ؟؟؟ مالي شغل الا في بيتي وقامت تصرخ قلتها يلا مع السلامة .. المهم ريلي كان يدق غلي بعدها كلمتها ماكنت ابي اقولها حن علي لما قتلها قالي مالج شغل الخدامة لج ويايبها حق ولدي ومالج شغل لاتتضايقين .. بس هالكلام اللي طخننني فيهه بعدها ارتحت من كلامه وصكرت الموضوع وعادي رحت بدق على ريلي ابي شغله من الجمعية ولااااا ويتنج ويتنج ويتنج اخر شي مايرد ولا يايني البيت يقولي شوفي انتي تمسككين البيت اللي تحت واللي تحت مالها شغل انا جم مرة قايلج من قبل لا يتزوج ابوويي تغير كلامه من هالسوسة اخته قتلها مالي شغل اوولا وثانيا ودني بيت اهلي وطق عليهم الباب وقولهم بنتكم ماتبي تمسك بيت اهلي تحت شنو اسوي ؟؟؟ شوف شنو يردون عليكك ؟؟؟


صدمني للعم حماتي هذي ( خدامتين ) وينامون عندها فوق يشقتها علشان المشاكل مع اللي تحت واهيا بنفسها اتقووووول ....



وانا اللي صادمني بعد زووجي اطرشلها وحده مسجاتت مو راضية تهده واهوا احس بداي معاها ؟؟ شسوي ضقت من هالبيت ومشاكله وكل ابوهم مثل المرة يحب سوالف الحريم ويفر ويغير كلامه اما بناته مايقدرلهم كلش تعبتتتتتتتت حيل بالوظيفه وتدخلهم بكل صغيرة كبيره احس انتي بديت اكره زوووجي منهم صج تعبااانه حتى لما اطبخ حق زوجي مطبخي انا صغير مو حاطيالي مدخنه بس شفاط مثل الحمام اهله طبخي تحت عشان الريحه شكوووو قتلها ما ارتاح الا بشقتي ؟؟؟؟؟؟؟؟؟؟؟؟ عطوووووووووووووووووووووووووني حل تعبت بديت صج اكره زوجييي يخطط ابوه بحياتنا يقوله سو جذي سو جذي خلاااااااص اللي خلاني اكره زياده انه ما قام يصلي كلش كلش ويخاف خوف من ابوه يجذب ويقوله صليت وين صليت وانت معاي ماتركته دقيقة وحده بالمجمع علي الدوره ؟؟؟ سوري بس صج مقهوووووووووورة حييييييييييييل ومتضايقه فيدوني انا اللحين نايمه في بيت اهلي بروح زوارتهم وارجع انام دوام زوجي بلييل اليوم بعد تعبت حيييييييييييييييييييييل حييييييييييييل


شسوي فيدووووووووووووووووووووووووني

 

[shak!shoka]

جالامستيا <<< اسمج حده صعب
هذا اولا




ثانيا


ما فهمت شي ههههه
بس الواضح انها تدخلات من حماتج ع الخدامه يبونها تشارك في تنظيف البيت ؟؟

هاذي حلها بسييييط
خدامتج تقعد عندج من اول ما تفتح عيونها من النوم تتريق و تعتكف بشقتج و اتفقي معاها اي احد يتكلم تقول عندي شغل
و تمثل جدام ريلج اذا صار موجود طلعيلها ملابس خليها تسفطهم ،، تنظف المطبخ و تمسحه
تمسك الولد و تلاعبه او توكله

حتى اذا تمثييييييييل بس اتفقي معاها


لااااا تنزل تحت الا وقت نومتها
محد له شغل و مجد يحاسبها لان عذرها معاها خو ما تهد شغل معزبتها و تجابل البيت السعيد !!

و انتي حبيبتي اتصالاتهم لا تردين عليها واايد معطتهم وايد و تناقشينهم و خذا الي جرأهم عليج


انا والله بعض المرات اسمع باب شقتي يطق و ادري هذيل وحده من حمواتي فاضيه وتبي تسولف و تدوخني اطنش ما ارد او الف فوطه ع جسمي ع ابو قاعده اتسبح و اطلع لها

لا تحتكين فيهم والله الحموله كل ما تساهلتي و شلتي الحدود يتجرأون و يأذونج و يدخون راسج



هذا خدامة ولدج و شقتج محد له حق يطلبها و يعطيها شغل الا بستأذان منج و موافقه






و وظيفتج كلمي ابوج يكلم ريلج

دامه من النوع الي يسمع حق اهله و جل يوم يغير كلامه هذا راح يتعبج. وما تاخذين منه لا حق ولا باطل

كلام رياييل يوقفه عند حده







عاد انا بروحي شايشه و مسويه انتفاضه. و قاعده فبيت اهلي ناطرتهم يردون من السفر و يتفاهمون مع الرجل الاخضر الي عندي

ما ادوي الظاهر عندهم موسم فرد عضلات قطيعه



رياييل العازه بس منظر لا فود ولا زود *

 

[chalmastya]

شكشوكه ((( اولا ابوي متوفي الله يرحمه يارب


شكشووكه انا تعبت معاه ماله كلمه معاي مااادري وفوق المشكله اللحين وحده تكلمه وشفت الواتس اب وجم مره اول مره شفته واجته توقعي شنو قالي لما اتشوفين اكلمها ذيج الساعه كلميني شفته مكالمه اهيا اللي داقه حسبي الله عليها انا مشكلتي حيل اخش بقلبي واوصل المشكله لاحد اللي كاره حياتي معاها وفوق هذا اهله يتحكمون حتى اتفه الاشياء غسالة ماتصعد فوق , يعني مادري بالضبط اسوي كارهته حييييييييييييييييل

 

[نـعـومـه]

جالمستيا

الوحده اللي اطرش مسجات اخذي رقمها ودقي قووليلها اذا اتصلتي مره ثانيه او كلمتي زوجي اودي رقمج المخفر واشتكي عليج

مجرد تهديد وبنخاف

 

[نـعـومـه]

قووووه بنات


شلووونكم


بريق

ويييي اذا خدامتج جذي زينه حرام عيل تمسكي يها ويمكن صح صج بترد !!! انشاءالله ترد
اهم شي الخدامه تكون زينه مع الياهل

 

[نـعـومـه]

زوبا


واي نفسي بيتي لويه من الاغراض الزايده موقادرره اعزم احد بسبه هالشي



مناوي

من صجج ولاتتغشمرين!!! ماكمل ٧ شهور وتبينه يحبي!!

انا بنتي يبتها نفس هالتاريخ للحين ماتقعداذا وللدج يقعد خلاص اموره طبيعيه