تجمع مَوآليِدْ ديسمبّر 2011

[مواصله]

بسأل الطبيب اذا يصير اغير حليبه يقولون لازم شوي شوي تغيرونه

تبطي الله يبارك فيج

 

[مواصله]

اليوم طهرنا حمود الحمدلله عور قلبي بس يوووم لابد منه وعدى

 

[ام الحوراء زينب]

مبروووك قطيف وفراشه
مواصله حليب علاوي سيميلاك
حبيبي لاتحاتين ان شاءالله بالكثير يومين بس وبعدين عادي
شلون التطهير شاش ولا حلقه ولا ليزر

اليوم الدكتور شاف ولدي ولا يقول ماشاءالله تطهيره ممتاز اللي مطهره فنان ههههههه وانا اصلا كنت احاتي مطهرينه غلط

 

[أم راشد المطيري]

مبروك حق كل اللي ولدوا ويتربون بعزكم يااارب

وانتم السابقون ونحن اللاحقون

 

[قطيف]

الله يسلمكم يارب

اليوم احتمال اطهر ولدي و الله يستر ان شاء الله , و بالنسبة للحليب عطيته سيميلاك و اشوفه زين بس انا مركزة على الطبيعي و اعطيه سكر نبات مع حلبة و امي تسوي له يانسون و علشان الصفرة اللي فيه سوت له خيار الشمبر و اختي امس جابت له جلوكووز علشان الصفرة بعد

و اخباركم مع السهر و افلام آخر الليل !!

 

[MOOON&M]

الف الف مبرووووووك التجمع


نصيحه دهنوا عيالكم بزيت زيتون وملح

حريم كبار شكثر انصحوني فيها

يقولون علشان اذا انجرح يلتإم الجرح بسرعه

وبعد راح يطيح جلد البطن بسرعه وتصير بشرته تهببببل

والشعر دهنوه بعد ومشطوه العكس علشان القشره تروح


وتطلعون بالسلامه من النفاس

 

[مواصله]

الله يبارك فيكم

زينب طهار ولدي شاش

طهرناه الاثنين الصبح وتميت كل يوم انقعه بماي دافي واصب عليه زيت زيتون على حجي الطبيب

والحمدلله اليوم طاحت الشاشه ،،شافته امي قالت لي ماشاءالله طهاره مرتب

 

[مواصله]

انا ادهنه بزيت بيبي اويل وشوي فازلين واصلا مااقدر ادهنه عدل ولا اخذ راحتي لان بررررد

 

[ام الحوراء زينب]

ألحمدلله مواصله مبروك دش الاسلام ههههههههههههههههههههه كل مايطهرون بيبي اقولهم نفس الجمله يقولون ليش عبالي شنو دينه قبل هههه
مون انا بعد ودي ادهن بزيت زيتون وملح بس شسوي برد اخاف افصخه على طول اسبحه وبعدين احطله بيبي اويل

 

[الحالمه]

امهات وين اطهر ولدي ابي أحسن شيء
انا عيالي اللي قبل عند المخيزيم بس اللحين مايطهر
وابي دكتوور ثقه اطهر وليدي عنده

 

[ام الحوراء زينب]

الحالمه انا طهرته بالراشد ويوم وديته السيف عند دكتور ياسر يقول اللي مطهره ماشاءالله فنان

 

[mayesalreem]

صباح الخير مامات

الحمدلله ولدت بالسلامه صارلي ٦ ايام

احس حدي حايسه بين البيبي و بين نفاسي و الوالده الله يخليها معاي بس لاني بجريه كل شي يديد علي..

الحين بسالكم بنات

انا امي قالتلي بس نامي ع ظهرج ،، و اذا بغيت اقوم وايد صعب علي لازم اقلب على جنبي بعدين ارفع نفسي لان عندي عوار باخر الظهر

هل العوار هذا طبيعي ؟؟
و انتو بس تنامون ع ظهركم؟؟ يعني ما تتحركون حركتكم العاديه؟؟ لا تنسون الببي و مجابله

بليز ابي الكل يرد علي لان حدي خايفه

 

[ام الحوراء زينب]

ميس الريم الحمدلله على سلامتج
انتي والده طبيعي ولا قيصري
انا ولدت قيصري وعادي انام على جميع الجهات
انا مثلج بجريه وحدي دايخه وياه
انا وريلي انعابل فيه وامي مرات اتساعدنا
والحمدلله امشين الامور

 

[أم راشد المطيري]

مبروك لكل مواليد شهر ديسمبر والفال لي

 

[mayesalreem]

لا انا طبيعي بس عوار ظهري ذابحني

ما اقدر انام الليل و ضايق خلقي

الله يسهل

شنو اقدر اسوي يقلل الالم

 

[mayesalreem]

امهات كل وحده تقول اشلون تنظف جرحها
شنو تستخدم

انا عطوني مرهم اللي عليه صوره اسد ..

و ليلحين ما شفت شسو فيني من تحت اخاق اشوف

بس اغسل و احط المرهم

 

[mayesalreem]

Up up up

 

[mayesalreem]

امهات وينكم ؟؟

حلو التجمع لا ينام

 

[مواصله]

mayesalreem انا بعد مثلج ماقدر انسدح على ظهري عندي اخر فقره عوار موطبيعي

مادري طبيعي من بعد الحمال والولاده او لا ،،نومتي كله على جنب

استخدم للجرح مرهم ميبو يقول الصيدلي انه احسن شيئ حق التئام جرح الولاده

بس ليما الحين ماطاحت الخيوط مع ان صار لي من ولدت 28يوم

 

[ام الحوراء زينب]

ميس الريم انا ولادتي قيصريه
انظف الجرح بمره احسن شي