تجمع مواليد وامهات شهر ديسمبر 2013 .. أحلى المواليد

[Om_HoBi]

​

السلام عليكم

بما اني كنت من تجمع مواليد ديسمبر
حبيت اسوي موضوع يكون في تجمع حق امهات ديسمبر من 1 لي 31/12

عيالنا كلهم قد بعض و انشالله نتشارك بكل المواضيع اللي تخصهم من ولادتهم ليما يكبرون الله يحفظهم

مناقشات
اسئله
استشارات
مشاكل
حلول

كل شي تبونه انشالله تلاقونه :rerrerek:


و حياكم الله :ggdw:

 

[بشـاير]

يعطيج العافيه ام هووبي
انا ولدت ١٠/١٢
بنوته
بصراحه محتاجين هالتجمع بلنسبه لي بجر وعليميه
في اشياء كثيره احس اني لين الحين جاهله فيها

ان شاء الله نستفيد من هالتجمع نفس تجمع مواليد ديسمبر

 

[بشـاير]

يعطيج العافيه ام هووبي
انا ولدت 10/12
بنوته
بصراحه محتاجين هالتجمع بلنسبه لي بجر وعليميه
في اشياء كثيره احس اني لين الحين جاهله فيها

ان شاء الله نستفيد من هالتجمع نفس تجمع مواليد ديسمبر

 

[كيميائيه]

مبروك افتتاح التجمع
انا ولدت 6-12 وجبت بنوته
وبجر قاعده اتعلم عليها
يوم نفسيتي مرتاحه وصابره عليها
ويوم ابجي وحالتي حاله
الله يسهل

 

[^ lamooosh ^]

صبح صبح

يا فيديت العنوننين انا


انا ولدت ١٦ /١٢ ويبت ولد
طبعا الثاني
خلصت تريننق ببجري بنتي هههه
بس نفسكم والله لان مافي فرق وايد بينهم سنه وشهرين عمر بنتي
وحياتي معوره قلبي يمكن اصعب شي شون انسق بينهم


المهم
مشكوره ام هوبي


وكيميائيه هونيها لاتبجيني مو زين والبيبي يحس
وهم بعد طبيعي التفسيه والله
وايدشي تحتاجينه وتمرين فيه تعالي فضفضي
واذا قدرت بساعدج
بس اهتمي بنفسج واللع وخلي الكل حولج
لا تضيقين خلقج كلش حبيبتي


وبشاير
عادي اخذيها تريننق نفسي ببجري
تعلمت عليها وعادي الحياة سعيده ههههه

 

[سيكولوجية]

مبروك التجمع

وانا يبت بنوته بتاريخ 11-12-2013

وبجر وقاعده اتعلم شوي شوي

بليل معاناه صرت اكرهه

صج مسؤوليه

 

[كيميائيه]

حبيبتي لاموش واكثر من خوات

سيكولوجيه حده مسئوليه الله يعيين

 

[قاعدة على الشط]

السلام عليكم
خوووووووش تجمع يعطيك العافية أم هوبي
أنا يبت في 12/12 صج طوفت موعدي بأسبوع بس النتيجة تاريخ حلو وبنت مزيونه

​

هههههههه
أنا مو بجر بس جني بجر كل شئ ناسيته ولدي الله يحفظه بالروضه
بحاول أتذكر معاكم وأحاول أفيد واستفيد
حبيت التجمع معاكم في مواليد ديسمبر وان شاء تجمعنا هذا يكون احلى

 

[بشـاير]

بنات شلونكم ويا الرضاعه
الوجبه الاساسيه عندي سميلاك وصدري ابراء ذمه
بنتي ماتشرب الا نص رضعه واذا شربت رجعته كله
والله احيانا من القهر ودي اسطرها يكفي بطيئه بلرضاعه عقب كل هالوقت ترجعه

 

[بشـاير]

بنات شلونكم ويا الرضاعه
الوجبه الاساسيه عندي سميلاك وصدري ابراء ذمه
بنتي ماتشرب الا نص رضعه واذا شربت رجعته كله
والله احيانا من القهر ودي اسطرها يكفي بطيئه بلرضاعه عقب كل هالوقت ترجعه

 

[PuPa^^SWeeT]

هلا بنات شلونكم



انا وياكم ولدت ١٣/١٢



الحمدلله


وان شالله التجمع فيه الفايدة والاستفادة لنا كلنا

 

[((shoOoshoOo))]

انا ولدت ب ١٤ /١٢
وصج محتاجه هالتجمع

ان شالله نتعلم بسرعه عالبيبي

 

[Om_HoBi]

بوبا سويت انتي معاي ولدتي نفس التاريخ 13

بشاير ليش ماتشفطين الطبيعي احسن
انا على كثر ماحنيت برضع و برضع امي تزفني لا تقعدين تتحجين جدام الناس و اقولها ليش يعني مو شي يديد خو حليبي و برضع ههه و صج النتيجه اول يومين مستشفى ماقدرت من الخياط و هم صدري حلمته داشه و ماعرف امسك بنتي و ارضع
و حاولت اشفط الماده الصفرا و شربتها الحمدلله
و بس ظليت ليلحين بس اشفط و صج لاعت جبدي بس موفره مصاريف الحليب هههه


انا ابي اصحاب الخبره بالرضاعه الطبيعيه
اول شي من المعروف ان حليب الام مجزأ اول شفطات ماي بعدين بروتين بعدين دهون و الدهون اهي اللي خلاص تشبع البيبي عشان جذي الياهل يتعب من اول جم شفطه و مايشبع لأن يشرب الماي بس

المهم الحليب يزيد لكا نفضيه و يزيد كميته حسب البيبي و احتياجه
وانا قاعد اشفط بشفاط الكتروني الصدرين مع بعض و تقريبا ثلث او نص ساعه و اخلص افضيه
و مشكلتي ان صدري ينترررررس و يعورني و يضايقني لازم اشفطه فمقسمه الشفط الفير و الظهر و بالليل
و الحمدلله اللهم زيد و بارك بكل شفطه فيها تكفي 4 لي 5 مرات
بس بعرف هل راح يزيد بعد لأن لما ينترس يتعبني صج اقوم من النوم بس عشان اشفط افتك
و ناويه اذا صار وايد اخش منه بالفريزر لأن احس بيي يوم بتلوع حبدي صج و بخليه ينشف فعالاقل يكون في مخزون
لأن مو معقوله بشفط لي جم شهر انا ماكملت اسبوعين و زهقت

و ناطره اشوف الاخت تكبر و جود تشرب من صدري

 

[Om_HoBi]

نيي حق الموضوع الاهم
بنات شنو بتسوون عشان لا تحملون
انا احس استغفر الله استغفر الله اذا حملت بتيني ازمه نفسيه
حمالي لي السابع كان خفيف بس كرهت النساة و كان بالصيف و هم حرام ريلي ما استانس فيني عقب 3 اشهر زواج حملت
و من الثامن بلش الثقل و كرهت روحي بالتاسع و مع الطلق بعد و الولاده والحين الاربعين صج صج مابي احمل

انا مفكره اركب لولب لأن ابي اوقف سنتين ثلاث لما انا اقرر ابي احمل مابي انصدم ههه
و مابي حبوب اخاف تأثر على جسمي لأن في ناس تمتنهم و هم تعفس الهرمونات و النفسيه فكلش مابي نفسيتي بعد بدون حمال هم تنعفس

دكتورتي قالتلي لولب اركبه بالاربعين بس خايفه من طريقة تركيبه جنه بالبطه و احس يعور

 

[بشـاير]

بس محد جرب الشفط ومدحه يخرب الجسم
ولي جم يوم مارضعتها بلمرا وصدري ما يعورني نفس بداية الايام احس كان يحتقن
مورم وكبير ويابس والمسه يعورني

بلنسبه للحمل انا ماراح اخذ حبوب ولا شي بلبدايه موانع طبيعيه
ماعندي مانع احمل لان انا قاعده بلبيت بروحي
لا شغله ولا مشغله ،،

 

[بشـاير]

بس محد جرب الشفط ومدحه يخرب الجسم
ولي جم يوم مارضعتها بلمرا وصدري ما يعورني نفس بداية الايام احس كان يحتقن
مورم وكبير ويابس والمسه يعورني بس الحين لا احسه عادي
بلنسبه للحمل انا ماراح اخذ حبوب ولا شي بلبدايه موانع طبيعيه
ماعندي مانع احمل لان انا قاعده بلبيت بروحي
لا شغله ولا مشغله ،،

 

[كيميائيه]

ام هوبي

انا نفسج ماكو احد مادرا اتي برضع
وطول الحمال كانت حلمتي بارزه بس ولدت دشت
بس بالمستشفى ساعدوني وايد
وخلوها ترضع وحلمتي داشه

اهم شي بالرضاعه طولة البال .
حطيها على صدرج ختشم ريحتج وبترضع
طبعا المميه اسهل لها
بس حاولي معاهت يمكن تتقبل
وكل ماكبرت راح ترضع عدل

 

[كيميائيه]

بشاير
شنسةي بعد مضطرين نشفط
الله يخلي المساج والكريمات يرد الجسم بعدين ههههه

بنتي كاسره خاطري
صاارلها جم يوم ماخرجت وانتو بكرامه
وخشمها مصكر تكح وتعاطس
انا عديتها معاي احتقان

قالي الدكتور اذا قعدت بعد ماخرجت راح نعطيها تحاميل
وانا ماودي التخاميل ودي تخرج طبيعي

 

[Om_HoBi]

ماعتقد الشفط يخرب الجسم
و بالعكس الرضاعه تضعف وتنزل الوزن عشان جذي تستفيدين انج تشفطين و منها بنتج تشرب طبيعي
انا واايد ضعفت الحمدلله جسمي متغير وايد و بعد مع الصدر العود مسويلي جسم هههه
ناطره اشوف الدكتوره و اقيس وزني بشوف جم نزلت


بشاير دامج بالبيت جابلي بنتج ربيها عدل بعدين يبي غيرها
خل تاخذ حقها لا تحملين بسرعه حرام

 

[Om_HoBi]

الخياط يعووور مادري شفيه رد يعورني و قاعد اخذ مسكن اولفن
انا الدكتوره كتبتلي بيتادين و مرهمين بس المادري احط المرهمين مع بعض و لا واحد الصبح واحد بالليل
لأن اهو مرتين باليوم
انا احطهم مع بعض عقب البيتادين

اليوم بزياده يعوور و سبحت و عورني زياده اوووف