تجمع مواليد ( مارس & ابريل ) 2014 الله يحفظهم

[مآيكبرني نك]

هلا بط بط

انتي الوحيده اللي محركه التجمع الين الحين

هآ بشري عندج اخبار حلوة مني ولا منآك ��

 

[baa6aa]

ههههههههه لا حبيبتي انتي صامدووووون في وجه الريح
بنتي حيل متعلقه فيني و تغار بشكل خيالي
فلاغيه سالفه الحمل حاليا الين تكمل 3 سنوات حزتها نتفاهم هههههه

 

[Miss-LuLu]

السلام عليكم
شلونكم بنات وشلون عيالكم

ودي اسوي جدول حق ولدي الهيه بشي

شتسوون ويا عيالكم بوقت فراغكم

 

[lawyara]

هلا بنات شلونكم
ناويه ان شاء الله اروح تركيا بعد شهر و باخذ بنتي معاي خايفه من الحوسه هالعمر ما تبي احد يمسكها بس ما اقدر اسافر عنها

 

[baa6aa]

اهلين لولو

صراحه انا شاريه حق بنتي سوالف التعليم المبكر كتب حيوانات و ارقام و احرف و العاب جذي و نقعد نلعب و اعلمها عليهم
و بنفس الوقت مرات اذا ودي اغير طبعا نروح العاب اخليها تغير جو

وفي عندج نوادي صيفيه و حمام سباحه و اشياء جذي اذا تبين
بس دوري وتحصلين الاغلب مسوين برامج و في اماكن لازم وجودج مع الياهل تشاركينه


lawyara
اهم شي طولي بالج و بالمطار لا تحكرين بنتج خليها تحوس تطلع حرتها بالحركة بدل حكره الطياره و فوق هذا ضبطي نومتها وقت الطياره عشان ترتاحين شوي من اللوية
وجهزي معاج بالجنطة اللي بيدج كل شي تحبه من لعبه ، ككاو ، بطاط ، اكل ، ايباد عشان تلهى فيهم شوية
و في عندج الحزام اللي ينربط عليها و يتعلق بيدج عشان ما تنحاش بعيد عنج
و كثر ما خليتيها تحوس كثر ما يطيح اللي براسها و تالي بتنام احلى و اطول نومة عصر و نومة ليل
واذا رجعتي الفندق خلي السبوح بليل عشان تغرق بنومتها
نصيحه من مجربة مرتين مع ياهل

 

[Q8_QT]

هلا بنات شلونكم لكم وحشة

بطة ومايكبرني و lawyara


شخباركم وشلون عيالكم


lawyara


الله يعينج السفر بهالعمر متعب اهم شي المسافة موبعيدة تكون واخذي معاج اشياء بالطيارة تتسلى فيهم والعربانة ضروووورية بالسفر اخذي الخفيفة مالت مذركير عندج نقلتها وشيلتها مو متعبة وان شاءالله تستانسون وصج نسيت اقولج ضروري هناك يكون معاج جنطة حطي فيها بساكيت وبطاط اذا ياعت تعطينها وخلي معاج كلينكس مبلل او بخاخ صغير فيه ماي عشان تمسحين ايدها ولا تنظفين ويها لي وضخت

 

[Q8_QT]

بنات



ابي دكتور اطفال زين حق متابعة النمو والتغذية منو تنصحوني ؟؟ انا كنت ابي الدكتورة ريم قنواتي بس مادري وينها احد يعرف عيادتها؟؟

 

[baa6aa]

هلا كويت وين الغيبة

انا اللي اعرفه المدح اكثر شي على السعيد و المخيزيم
بس صراحه ماعرفهم و لا رحت لهم ولا مرة

 

[حمرة الورد]

سلام شلونكم ياحلوين

 

[Miss-LuLu]

اقتباس:
المشاركة الأصلية كتبت بواسطة lawyara
هلا بنات شلونكم
ناويه ان شاء الله اروح تركيا بعد شهر و باخذ بنتي معاي خايفه من الحوسه هالعمر ما تبي احد يمسكها بس ما اقدر اسافر عنها

حسب السفرة اذا بتسافرين انتي وريلج انصحج ماتاخذينها

اما اذا ويا الاهل اخذيها وراعي سالفه الاكل والنوم والعربانه اهم شي

 

[Miss-LuLu]

بطه ولدي توه صغير على هالسوالف حتى حجي مايتحجى بس ماما وبابا

هالعمر بس يحوس يحوس ههههه ودي اعلمه بس صغير مايركز

 

[baa6aa]

بالعكس لولو لا تقولين جذي ترى الياهل يعرف و يفهم
انا بنتي معاها بهالسوالف من كانت صغيره
كنت اقرا لها على طول ما اوقف كل يوم لين اسم الله عليها بروحها تردد الكلمات اذا شافت الكتب
وعندج الاغاني الانقليزية تعليمية في احرف و ارقام و هالسوالف تحبهم منها ترقص و منها عرفت منهم الارقام
فطولي بالج و الحين احسن عمر الياهل يلقط كل شي لا تستهينين بولدج

 

[baa6aa]

اهلين حمره وين هالغيبة

 

[baa6aa]

بنااات قريت بتجمع الحوامل ان فوفو ولدت الحمدلله و يابت ولد

الف مبروك والحمدلله على سلامتهاا و يتربى بعزهم يارب

 

[Q8_QT]

هلا والله بطة لهيت والله ويا اليهال


اي المخيزيم اعرفه بس انا ابي متابعة نمو وتغذية ينفع حق هالامور ؟ انا بغيت ريم لانها مؤلفة كتاب عن تغذية الطفل وحيل حلو كتابها
عموما انا لقيت اكاونتها بالانستجرام افتحت عيادة مكانها ببنيد القار يم مستشفى السلام وخذت موعد الاحد ان شاءالله

 

[Q8_QT]

بنااات قريت بتجمع الحوامل ان فوفو ولدت الحمدلله و يابت ولد

الف مبروك والحمدلله على سلامتهاا و يتربى بعزهم يارب

ماشاء الله

ألف مبروك فوفو ويتربى بعزكم ان شاءالله

 

[baa6aa]

اي زين حصلتيها
ورفيجتي راجعت عند دكتور احمد الخباز هم كانت تبي تجيك على نمو بنتها موجود بمزايا

 

[Q8_QT]

اي عرفته

 

[حمرة الورد]

هلا فيج ياقلبي
فوفو الحمدلله على السلامه ومبروك البيبي

 

[خوخه89]

شخباركم بنات لكم وحشه والله