تجمع مواليد ( مارس & ابريل ) 2014 الله يحفظهم

[Q8_QT]

مناوي



مايشوف شر ولدج

 

[fofowa_q8]

مناوي مايشوف شر وليدج شفيها سرته؟

ليش ماطاحت؟!

انا ان شاالله بطهر عبادين الاسبوع الياي

اذا خلصت امتحاني

 

[Q8_QT]

بنات

ليش ماطهرتوهم وانتوا بالمستشفى احسن وايد
حاولوا ماتتأخرون كل ماطولتوا تصير صعبة ويتألم اكثر

 

[fofowa_q8]

كيوت انا مارضو يطهرونه بالمستشفى

كان تعبان براسه ورمه من الولادة قالو

لازم يكمل شهر عالاقل

 

[sara_87]

سارة امبيه دقيت حده لزحمه
ماكة حجز الا تاريخ 19 او 18

اي مواعيده زحمه

انا حجزت قبلها باسبوع

 

[خوخه89]

مرحبا

احلى الايام اللي جمعتنا واحنا حوامل سكرو التجمع حسيت اني بصيح وانا اتذكر ايامنا الاولى وخوفنا والنساه والترجيع والتشكي وعقب كلن يبي يعرف نوع الجنين وعقب بدينا تجهيزاتنا وعقب ننطر ولادتنا والطرق الانتحاريه

سويتها فلم صح

بس والله قلبي عورني ههههه ليش سكروه

 

[MOOON&M]

اي والله خوخه حتى انا زعلت ان صكروه

صج اني بالبدايه كنت متابعه بصمت بس استفدت منكم حييييل


والله بنات لي درجه تحلمت فيكم

حلم يضحك والله ههههههه


تحلمت ان كلنا بالتجمع تعرفنا على بعض وشفنا بعض

وكل وحده فينا ملكة جمال هههههههه شكو هالحلم ما ادري

اهم شي ان كللللللللكم كنتوا ايه من الجمال طبعا انا معاكم بعد


كل ما اتذكر الحلم اضحك

 

[fofowa_q8]

اي والله انا بعد ضاق خلقي حيل وقاعده اتذكر

التجمع من البداية من اول ماحللنا.. صح مون

انتي ماكنتي مشاركتنا من البداية

وناسه خوش حلم عاد انا كل وحده حاطة لها

صورة في بالي على اي اساس مادري

 

[secret name]

وبوبلشنا فراره بالسوق
وه اخيرا لاعت جبدي من قعدة البيت مع نفاسي اللي قبل كنت عالاقل اطلع جم مره اتعشا او اتغدا برا
هالمره ولدي عسر مايسكت احاتيه مقدر اخليه بس الحمدالله لاحظت قبل لايتم الشهر بدا يطخ ويعدل شوي نومته بالليل الحين اطلع ونا مرتاحه

ببس بنات مابي اطول بالسوق وافتر بغيت مشغل حلو وذرب ابيلي بدله استقبال وحده كافيه لان بسافر وورانا رمضان لاحقه عالبدل والتشري
شنو تنصحوني فيه ؟

 

[خوخه89]

مون اهم شي انه احنا ملكات جمال وهدا شي لاشك فيه خخخخخ

فوفو تخيلي بنات التجمع يرجعون ويحملون مع بعض وناسه ولو اني ما اظن بنتم متيمعين وايد اشوف البنات لاهيين وانا اولهم

سيكرت نيم انتي جم صار لج نفاس ؟

الاربعاء اللي راح نفس هالوقت كنت في غرفه الولاده لالالا مابي اتذكر ههههههه

بقولكم بنتي بطنها كله يعورها وغازات ومغص شسوي لها

 

[secret name]

اناالحيتن لي شهر 29 يوم

خوخه بنتج اسم الله عليها شنو حليبها اذا سيميلاك ترا قوي عالياهل انا عيالي سيميلاك مع ان اللي حواليني ماينصحوني فيه واذوني غير حليب عيالج ترا يسبب مغص انا عندت اهو بالبدايه مغص تتفادينه مع البابوتج والينسون لين يتعود عليه الياهل شهر شهرين وشوفي صحة البيبي تهبل ماشالله

بساذتا حسيتي الاعشاب مافادت معاها يمكن ماناسبها عطيها 26 هم حلو بعد -

 

[مناوووي]

مرحبا
مساء الورد
ابوه مارضى يطهره اول الايام

خذيت له موعد تاريخ 17 عند اشرف بالسلاام
الله يسهل
فوفو طاحت سرته باليوم 11
وقبل يومين تخرع جنها ملتهبه

 

[مناوووي]

وديته امس عطوني كريم مضاد مرتين فاليوم وعطوني مراجعه بعد العلاج
حددت استقبالي جمعه وسبت ان شاءالله هالاسبوع
ابي اخلص وارتاح
بنتي تعبانه وحراره ٣٩ توصل
وقوق هذا الغيره

 

[مآيكبرني نك]

مرحبآ ،

صديقآتي وحشتوني وحده وحده :*

حمرره محدهآ عسى غيبتها خير ♡

فؤفؤ وام مريم برد عليكم هنيه بمآ ان التجمع تسكر

اكتشفت ان الي عنده مب امسآك ، احسه يتألم لين مايتبرز

يعني مايتبرز بسهوله ، وعادي بطنه يمشيه

اليؤم سؤيت له منقؤع الكمون وبجوف عسى خير ..

ملاحظه الاغلبيه يعطونه حليب صناعي ! ليش ؟

انا والله شكلي بعد بحول لنه حليبي شؤي ومايشبع حبيبي

فيه حد يآه اكتئاب النفاس وﻻ انآ بس

 

[ام مريم ورحمة]

سلامة ولدج مناوي وسلامة البنوتة الله يشافيهم يارب
مايكبرني حتى علاوي ولدي جذي مو امساك بس يتعصر لين ما يخرج انا اعطيه صناعي ويا صدري بس شكلي باوقف الطبيعي لان وايد قليل يخلص في دقيقتين ويقعد يعضعض في الحلمة ويبجي والله اكل ريحان واشرب شمر واكل رهش وماكو فايدة حليبي قليل
اما الاكتئاب عادي جدا انا بعد الولادة كله يحوشني اكتئاب بس هالمرة ساعدني الاوميجا 3 والله *** سبحان الله جربيهم ما يكبرني وايد مفيد

 

[ward-ward]

مررررحبا صديقاتي العزيزات ملكات الجمال ظاق خلقي اول ماتسكر التجمع قلت بلقاهم بالهتجمع اشتقت لسوالفكم ًوانا قالو باجر اخر يوم اذا مارلدت يدخلوووني مادري طلق صناعي والحمدالله علي كل حال وعسالله يجيبلي الطلق الطبيعي اليوم واولد بالسلامة ادعولي بنات اول مرة اعوشر جذي في عيالي ماصار جذي والحمدالله علي كل حال

 

[MOOON&M]

ورد

عسى الله يسهل عليج ان شاءالله وتبشرينا بالولاده السهله الطبيعيه ياارب

 

[Q8_QT]

ورد




حبيبتي الله يسهل عليج ويقومج بالسلامة




مناوي

مايشوفون شر عيالج وزين سويتي حددتي الاستقبال عشان ترتاحين



مايكبرني


ماي التمر بعد زين اذا مافاده الكمون عطيه



خوخة


عطيها اعشاب عندج الكمون واليانسون زين ولا كراوية وحبة حلوة



حمرة مالها حس من زمان عسى المانع خير وووايد بنات بعد فاقدينهم من غير شر

 

[fofowa_q8]

سيكرت مااعرف والله مشاغل حق بدل استقبال

كله اشتري جاهز



خوخه المغص والغازات شي طبيعي بهالعمر

انا حتى لما ارضعه بس طبيعي يصير فيه غازات

بس انا مستغربه بنات شلون تعطون البيبي

اعشاب وماي تمر ترا معدته توها صغيرة ماتتحمل

ولازم مايشرب الا الحليب حتى ذاك اليوم يوم

وديت عبادي مراجعته سالني الدكتور تعطينه اعشاب

او ماي تمر قلت له لا قال ممتاز لان غلط اي شي يدش

معدة البيبي غير الحليب.. وعطاني حق الغازات

دوا اسمه بونيسان احسه شويه فاد معاه بس هم

الغازات تاذيه مسكين ويقعد يبجي ويتعصر

 

[fofowa_q8]

مناوي سلامته والله يشافيه يارب وسلامة بنوتج

حبيبتي ترا في يهال يستمرضون من الغيره


مايكبرني عشان جذي اقولج استغربت يوم تقولين

فيه امساك واهو يرضع طبيعي المفروض العكس

وبالنسبة للتعصر عااادي اهو يتعصر مو لان امساك

بان العضلة توها ضعيفة فتلقينه يبذل جهد

على مايخرج طبيعي ترا لاتحاتين.. وبالنسبة للحليب

عطيه صناعي رضعتين بالليل منها ينام عالاقل ساعتين

ونص ولا ٣ وانتي تنامين ترتاحين ومنها يتعود عالمميه

سبحان الله طلعتي او اضطريتي تخلينه عند امج

او لا سمح الله صرتي مريضه الا متعود عالصناعي

بس نصيحة لاتكثرين خليهم رضعتين باليوم

عشان لا يقل حليبج


ام مريم حرام توقفين رضاعه ولاتقولين مايكفيه

الحليب صدقيني يكفي بس كل ساعتين حطيه

على صدرج حتى لو مو يوعان خليه يمص عشان

يدر صدرج واذا طافو ساعتين ومارضا يرضع شقطي

الحليب بجذي تعطين اشارات حق صدرج ان البيبي محتاج

يرضع كل ساعتين وراح يزيد الحليب..

وسوي لج مطاره حطي فيها مغلي الشمر وكراويه

وينسون وكمون وقشر قهوة وزنجبيل وخليها يمج

وقعدي شربي منها طول اليوم منها تدر الحليب

ومنها تضعف وتخفف الكرشه.. وهم شربي ماي وايد

وعصاير فرش خصوصا الجزر يزيد الحليب

وعندج بعد الشوفان فضيع والخضار الورقيه

والتمر والرهش .. حرام تحرمون عيالكم من هالنعمة

عالاقل رضعو لي عمر ٦ شهور ادري تعب حيل

بس كل شي باجره وعشان صحتهم فديتهم