تجمع مواليد ( مارس & ابريل ) 2014 الله يحفظهم

[دلوعة ماماتي 88]

السلام عليكم ورحمة الله وبركاته


انضميت لكم
لله الحمد والمنه ولدت طبيعي بتاريخ ١١ ابريل يوم الجمعه وجبت بنووته
طاحت سرتها خامس يوم


اممممم ومادري بعد شقولكم هههههه

 

[حمرة الورد]

اهلين بنات حياكم الله

بنات بسوي اسناني متى انسب وقت لاني قيصريه وخذيت ابر السيوله اخاف انزف من فيكم جربت ولا اتوكل على الله واسوي

 

[MOOON&M]

حمره والله ما ادري عن التنظيف احس شي سألي دكتورنج


دلوعه انا اليوم طاحت سرت بنتي

همي شلونج وشلون النفاس معاج

 

[همي رضى خالقي]

تمام موون بخير والله اليوم اول يوم اجابل الياهل ليلحين ماشفت شي ههههههه بس حاسه بتعب

وصدري ذابحني يعووووور

 

[MOOON&M]

همي

روحي الطبيب خليهم يشفطون لج الحليب

والله ما ارتحت الا لما شفطته

ترى مو زين تخلينه لا ترتفع حرارتج

 

[live life]

بنات متى المفروض تنزل الدورة قبل لا يخلص الاربعين ولا وراه ؟

لان انا بيصيرلي ٣٠ يوم نفاس واحس بعوار مغص الدوره مع ان الدم وقف وماينزل علي شي

 

[همي رضى خالقي]

مون عندي شفاطه واشفطه بالبيت ارتاح

 

[baa6aa]

السلاااام بنات واخيرا فتح المنتدى معاي

اللي تسال عن تنظيف بشره و هالسوالف احلى شي عجبني بليلى جالري السبا مالهم بالسرداب
وصالون عبير الياسين بعد بس بليلى جالري دلع اكثر
وبعد سبا تايم يسوون

و ديوي اشوة اعجبج انا باجر حاجزه بدكير منكير مع صبار حق الشعر من سبا خدمة منازل بعد بس تخصص اضافر

 

[قرمووشه]

رحت لشقتي
واااااااي زهقت
غسيل الملابس وتنظيف البيت
ويبيلي طبخ
ومجابل بنتي

صج فرق عن بيت الاهل

الله يعيينا

الحمدلله يارب

 

[قرمووشه]

بنات ششلون الرضاعه الطبيعيه معااكم

انا مو كل يوم اشفط بشفاطه

صدري كبير واحس فيه حليب
بس لمن اشفط يطلع بكميه محدده بس

قولولي انتوو ششلون الرضاعه الطبيعيه معاكمم

 

[baa6aa]

الحمدلله ارضعها بس مبين حليبي شويه لانها تصيح يوعانه
فاول ارضعها صدري بعدين اسويلها بالمميه وتسكت
وحتى لمن اشفط قليل اللي يطلع
واشوة تو الناس عالرده *

 

[secret name]

مرحبا يانفوسات
انا ولدت 8 /ابريل
الولي الحين 11 يوم الحمدالله الرضاعه تمام قاعده احاول كثر ماقدر ماعطي ولدي حليب صناعي بس اول الايام التحجر اللي يصير بالصدر انا ماشفطت حطيت فوطه صغير بمااي حااار بس مايحرق
وكمدت صدري فيه لين حسيته خف التحجر ونزل حليب وبلش ولدي يرضع والحمدالله

بس عندي مشكله موترتني الخياط اهو الحمدالله مايعورني بس مستغربه لان بولادتي اللي طافت سويت تجتجميلي عند الدكتوره بريتي بالهادي وكان حيل مشدود وتحسين انج مخيطه وامورج تمام
بس هالمره سويت عند بهواني عالمدح اللي عليه ماقدر احكم عليها توني
بس خياطها من اول يوم ماحس فيه مومشدود مادري هل من شروط التجميلي الشد ولا انا غلطانه ومنو جربت خياط هالدكتوره ؟

 

[dewy twilight]

مووووون


وين شفطتي الحليب ؟؟ شنو قلتيلهم

لان انا صارلي 10 ايام صدري مصخخخر ولما اشفط مايطلع بالمررره
وصخونه وحالتي حااااااله التهاب
وتشقق حلمات
واااااي متعذبه
شكلي بوقف طبيعي )))):

 

[همي رضى خالقي]

الرضاعه الطبيعيه جد واجتهاد خاصه اول ايام صعبه

 

[sara_87]

هلاا بناات شلونكم مع النفااس

انا الحمدالله ولدت تاريخ ١٢ ابريل قيصريه

اليوم صارلي اسبوع من ولادتي وامس طاحت سره ولدي


الصراحه النفااس ممل واكتآآآب الله يصبرنا

 

[همي رضى خالقي]

بنات ششلون الرضاعه الطبيعيه معااكم

انا مو كل يوم اشفط بشفاطه

صدري كبير واحس فيه حليب
بس لمن اشفط يطلع بكميه محدده بس

قولولي انتوو ششلون الرضاعه الطبيعيه معاكمم

اول شي سوي كمادات ماي حار

وشفطي رقم واحد من كل صدر

وعقبها بساعتين هم شفطي من كل صدر

وزيدي قوه الشفط

 

[baa6aa]

بنات ترى الشفط ينشف الحليب لا تتعودون كله تشفطون
الافضل الياهل يرضع وتشفطون الحليب في حاله انكم بتطلعون او نايم وصدركم يعوركم

 

[ليالي العاشقينه]

بنات شلووونكم مع السهررررر .؟

 

[همي رضى خالقي]

السهررر شي اسااسي وكثر مانقدرين ريحي نامي اذا نام البيبي

 

[حمرة الورد]

السهر صار مني وفيني ههههه لازم يارضاعه ياتبديل ملابس ولا حفاظه ولا مساج عشان الغازات الله يعين