تجمع مواليد ( مارس & ابريل ) 2014 الله يحفظهم

[Q8_QT]

مساء الخير


ام مريم



سرتها طاحت بس كان في جزء باقي ناط شوي ورطب طرشت ريلي الصيدلية عشان البودر عطوه حزام يربط فوق السرة والحمدالله دخلت ونشفت شوي بس بعد في جزء رطب يوم السبت موعد مراجعتها وبشوف شيقولي الطبيب



لما ضاقت

حتى انا ولدي امتحانات بس دخلته معهد قبل لا اولد لانه اسم الله عليه عسر بالدراسة ويتعبني ومع لوية النفاس وياهلين صغار مالي خلق صراخ وحنة وياه فدخلته معهد بس باطين جبدي الواجبات وخصوصا العربي لااازم انبههم عليها الله ياجرنا بس

 

[قرة عيونه]

حبيبتي ام مريم ماتفقدين غالي

والله حيل مشتاقتلكم بس كلش ماعندي وقت حتى انام الحين اشوه قمت اخليه عند امي الصبح واريح شوي ولا قبل لا ليل ولا نهار انام

ولهيت بالتجهيز باقيلي اسبوعين ان شاء الله واطلع

ابشركم طاحت الحلقه الحمدلله وطهارته حلوه الله يحفظه

 

[قرة عيونه]

لايف انا كمام والحمدلله ماحسيت بشيء ناويه كل ولاداتي ان شاءالله كمام بالعرف

 

[Q8_QT]

صباح الخير امهات



ابي اسألكم عن الحليب والبامبرز شنو تستعملون انا الحليب نوفولاك والبامبرز لابيرو
وشنو تستخدمون للغازات والامساك انا ينسون وكمون كافي ولا في شي احسن ؟ واللوشن والشامبو يعني ست الحمام كله استعمل سيباميد بس ودي اغيره ابي شي احلى

 

[dewy twilight]

Q8 qt


انا استخدم هملايا اعشاب اكتبه الدكتور بالشفا
والحفاظات بامبرز
والشامبو الست كامل سيباميد علساس طبي

والحليب سيميلاك كومفورت كمساعد
شكلله حليبي بيخلص وصدري يعوووورني من الشفط واي الم

 

[Q8_QT]

dewy twilight


ئي الشفط يذبح مجربته والسيميلاك ماناسب عيالي يسوي غازات جايدة وامساك مااحبه

 

[حمرة الورد]

بنات ولدي مو راضي يرضع مني حده ضايق خلقي

 

[ام مريم ورحمة]

حمرة بللي الحلمة بشوية ماي وقربيها من حلجه خليها تلامس شفايفه واشربي يانسون واااايد يخلي ريحة الحليب وطعمه حلو للياهل والله لو تشوفيني اول ايام تقولين هذي تسوي اغراء للياهل مو تبي ترضعه هههههههههههههههههههههههههه

 

[ام مريم ورحمة]

كيوت انا بعد سيميلاك ما يناسب عيالي سبحان الله ما ظبط مع اي واحد فيهم غالبا اس26 جولد او نان 1 يمشي وياهم

 

[حمرة الورد]

ام مريوم كان يرضع بس لما طلعت البيت تعبت وعطيته المميه جنه مايبي الله يستر منه راسه يابس

قيصريات متى خذيتو ادويه النفاس

 

[ام مريم ورحمة]

والله حمرة انا كنت مجهزة تمر للنفاس مسويته ويا حب رشاد وكمون وفلفل ابيض وسمن اخذ منه ويا حليب حار الصبح وقهوة قشر جايبتها من ام خالد واشرب شمر وايد عادي خذيتهم بعد ما رديت البيت وحب الرشاد وايد زين للامساك

 

[حمرة الورد]

مشكوره ام علاوي وتطلعين عروس ان شاء الله من النفاس

 

[ام مريم ورحمة]

ههههههههه حبيبتي حمرة وياج ان شاء الله نطلع يميع عرايس يا قلبي

 

[MOOON&M]

السلام عليكم


انضميت لكم


الحمدلله ربي رزقني ببنوته بولاده طبيعيه

تاريخ 10 ابريل



الي والدين طبيعي بسألكم عن الخياط

ابيه يطيح بسرعه اهو وسرة البيبي

هالشغلتين الي خايفه منهم

 

[ام مريم ورحمة]

موون
انا في ولاداتي السابقة الطبيعية كان الخيط يطيح على اليوم 12 او 15 لاني كنت استخدم تشطيف ماء وملح بمقدار ملعقة اكل ملح في لتر ماء وسبحان الله ما كنت استخدم غيره والجرح الحمد لله يطيب بسرعة وتطيح الغرز وللسر استخدمي مسحات الكحول اعصريها فوق السر مع كل غيار حفاظ

 

[live life]

الحمدلله عالسلامه مووون

الخياط انا كنت اغسل بمنقوع المره وانشف المنطقه عدل والحمدلله عقب اسبوعين وجم يوم بديت احس ان الخيوط ذابوا بس مو متأكده ليما الحين

والسر ما حطيت له اي شي وطاح بروحه الحمدلله


بنات طهرت ولدي بعد روحي احسه يتألم خصوصا لمن اغير له الحفاظه والدكتور قالي احط فازلين عليه بس واحطه بماي دافي وانشفه عدل بسس

ابي يطيب بسرعه

انا تقريبا وقف الدم من اليوم ١٢ قاعده اشرب اعشاب بس ماكو شي ينزل

اللهم افرازات عادي بنات ولا لا

 

[MOOON&M]

الله يسلمكم بنات

بجرب وبشوف ان شاءالله يطيح بسرعه

لان استقبالي احتمال تاريخ 25 وما ابي اتأذى من الخياط

 

[حمرة الورد]

الحمدلله عالسلامه مووون

الخياط انا كنت اغسل بمنقوع المره وانشف المنطقه عدل والحمدلله عقب اسبوعين وجم يوم بديت احس ان الخيوط ذابوا بس مو متأكده ليما الحين

والسر ما حطيت له اي شي وطاح بروحه الحمدلله


بنات طهرت ولدي بعد روحي احسه يتألم خصوصا لمن اغير له الحفاظه والدكتور قالي احط فازلين عليه بس واحطه بماي دافي وانشفه عدل بسس

ابي يطيب بسرعه

انا تقريبا وقف الدم من اليوم 12 قاعده اشرب اعشاب بس ماكو شي ينزل

اللهم افرازات عادي بنات ولا لا

شنو نوع التطعيم لان انا ولدي قالي فازلين ومايحوشه ماي عشر ايام والحمدلله طهوره زين

 

[Q8_QT]

ام مريم ورحمة




انا كنت آكل تمرة ورشاد مع زبدة بس قالولي موزين اول النفاس قالولي آخذها آخر 20 يوم او 10 ايام
تهقين ارد آخذهم مرة ثانية



حمرة


ادوية النفاس من طلعت من المستشفى



ابي اسأل متى اوقف الادوية لان مفكرة اتنفس بشقتي على رابع اسبوع واحتمال اكمل شهر واطلع فمتوهقة متى اوقفهم ؟؟

 

[Q8_QT]

الحمدلله عالسلامه مووون

الخياط انا كنت اغسل بمنقوع المره وانشف المنطقه عدل والحمدلله عقب اسبوعين وجم يوم بديت احس ان الخيوط ذابوا بس مو متأكده ليما الحين

والسر ما حطيت له اي شي وطاح بروحه الحمدلله


بنات طهرت ولدي بعد روحي احسه يتألم خصوصا لمن اغير له الحفاظه والدكتور قالي احط فازلين عليه بس واحطه بماي دافي وانشفه عدل بسس

ابي يطيب بسرعه

انا تقريبا وقف الدم من اليوم ١٢ قاعده اشرب اعشاب بس ماكو شي ينزل

اللهم افرازات عادي بنات ولا لا

انا لي الحين ماطهرت بكمل 20 يوم عقب باجر مستغربة ليش ماطهرت لي الحين