تجمع مواليد ( مارس & ابريل ) 2014 الله يحفظهم

[fofowa_q8]

مايكبرني غاطه صارلها جم يوم

بعدين تدخل تقول انتو ماقمتو تشاركون نفس قبل

هههههه ياحلوها ام منوعي

 

[حمرة الورد]

ههههههههههه فوفو سبحان الله مهما كان عندج من عيال ولا بنات مع كل طفل جديد تحسين انج ماتعرفين شي هذا قلب الام من خوفها

اي مايكبرني تهاوشني ومختفيه بالسوقه تجهز وقاطه منوعي القرعه

بنات اشتريت السيراميك الستريت حق الشعر وابي بعد واحد ثاني الي تعرف انواع زينه تكتبها

 

[fofowa_q8]

حمره انا اللي عندي براون بس صارله جم سنه

قديم ولي الحين ماشاالله ممتاز

اي والله قلب الام اخيه بس الله ياجرنا ويرزقنا برهم

 

[لما ضاقت]

هلا بنات شلونكم و شلون الكتاكيت

 

[لما ضاقت]

اليوم بديت تمارين المعدة و مستمرة على الجهاز و انشالله تطير الكرشة قبل العيد. البناطيل صارت ما تسكر علي عاد مخليتهم قياس علشان اشوف جسمي يرد مثل قبل و الا لا

 

[لما ضاقت]

على كم ماخذته فوفو و من وين انا ما يلحق علي كل ما اييب سشوار او سيراميك يخترب مت بناتي عادي ابي شي زين

 

[secret name]

السلام عليكم شخباركم
موتلاحضوون اغط وارد
والله انشغلت مع بنتي وولدي واستمرضوا

غير التسوق
وكل ماحسيت اني فاضيه بسولف معاكم الاقي المنتدي معلق >>لازم يشوفون حل ))ولكم ملينا خخخخ

 

[secret name]

وحبيت افيدكم
سالتكم من فتره كنت ابي اسوي بروتين وحمره الحلوه حطت حساب صالون نتوياج مادؤي اذا اسمه صح

وصدفه لقيت وحده بالانستغرام تمدح وحده لبنانيه شغلها نظيف تخصص صبغات وبروتين

والحلو فيها خدمة منازل دشيت حسابها عجبني شغلها وارتحت لها واليوم سويته العصر بس للحين ماغسلته


Ghinwaq8

هذا حسابها اسمها غنوه دشو انستغرامها وجيكو بس بغيت اسالكم االي سوت قبل متي غسلته هي قالت تقدرين اليوم بس افضل باجر

وغير هذا سعرها 90 لجميع طول الشعر

وبس حبيت افيدكم لان كنت حايسه مثلكم نبي حل لشعورنا

 

[حمرة الورد]

نعيما حبيبتي شعرج طويل وشنو جنسيتها اهي بلغينا بالنتايج

 

[حمرة الورد]

هلا بنات شلونكم و شلون الكتاكيت

الحمدلله بخير يالله شدي حيلج

 

[همي رضى خالقي]

سيكرت شلونها الصالونه زينه ولا لا وشنو سويتي اي علاج

 

[حمرة الورد]

سيكرت شغلها شكله حلو بس شكلها فصعه هذا لبسها جايه جذي وجع ان شاء الله شنو هذا

همي بروتين سوت سيكرت

 

[مناوووي]

مساء الوردً
حياتي نصور طهرته اليوم ليزر تطهيره
وكوو سرته ملتهبه شوي
منو تطهير عيالها ليزر تفيدني؟؟؟
كم يوم ويطيب وشنو سوت؟

 

[حمرة الورد]

ماعرف والله جنه حبيبه عيالها ليزر شلون يعني ليزر وشنو يحط ومبروك طهوره نصوري

 

[حبيبة عز]

مناوي

مبروك المعرس

انا طهرتهم ليزر

يحددون الجلدة ويقصونها

طبعا انا خوافه وما ادش ويا عيالي

بس بالبيت احطلهم الكريم وفوقه الواقي المثلث

والبسه الحفاظ

ومرتين باليوم احط غسول بطشت اشطفه

3 أيام يطيب واستمر لي 5 يوم

ولما اروح اجيك مع الدكتور

يقولي شكرا لاهتمامك بنظافة الجرح

بقلبي اقوله لو تدري اني مادري شالسالفه

وامي هي اللي مجابلته هههه

بس

----

حمرة

ذاك اليوم نرفزني دكتور

يقولي ده البيبي الاول ليكي

قلتله لا الثالث

يقول :امال ليه كل الاسئلة ديه

المفروض خلاص تعرفي

تنرفزت وقلتله مافيها شي اتطمن

----

انا اليوم نفسيتي اكس واحمر بعد

انتوا شلونكم

 

[حبيبة عز]

سيكرت

مايشوفون شر عيالج

وان شاء الله تتوفقين بالسوق

ونعيماااا شعراتك الحلوين

-----

لما

انا ودي ابلش رياضه نفسج

اليوم قاعده اطالع رقصة الزومبا

يقولون تنقص من 500 الى 1000 كالوري باليوم

وريلي عنده النادي ممنوووع

ولا ودي اشترك بنادي

----

حمرة

من يوم قلتيلي انه في وحدة باطه جبدج بالمنتدى

وانا كل يوم اشك بوحده

حتى بنفسي شكيت ههههه

وعلى السشوار

انا شريت البيبي ليس مال الكيرلي

بس ماستخدمته لي الحين

ويمدحون سيراميك بيبي ليس

 

[حمرة الورد]

افا حبيبه لا ولا وحده منكم مو بالتجمع فديتج

مايستحي هالدكتور حلوه هذي انا اكتب بورقه واسال وخل احد يعلق شنو يسوي فيه زوجي هههههه يقول انطر احد يعلق وشوفي شيصير شكثر مواقف صارت هههههههه

 

[حبيبة عز]

حمره

ههههه ادري عمري اتغشمر

اصلا صار بينا عشرة وحب

اي والله شفتي هالدكتور يبط الجبد

انا نفسج حمرة

بملاحظات التلفون كل مايطري علي سؤال اكتبه

عشان ما انسى

واسال كل اللي بخاطري

ودكتور سليمان السعد يعطيني وقتي ويسمعني

بس هذا نرفزني يتطنز علي

لا وفي دكتور عنزي بدار الشفا

نسيت شسمه

لما قعدت أسأله قالي اوووه شكثر اسألتكم

سألوني بس الضروري

والباجي واتساب

قلت نعم نعم

والله انا مو دافعه وداشه على استشاري

عشان اكلمك واتساب

شالاستشارة اللي تصير بالواتساب

طبعا هالحجي اتحلطم فيه على ريلي

ماقلته بويه الدكتور

 

[حمرة الورد]

هههههههه حبيبه عنزه خط احمر دربالج

 

[حبيبة عز]

ههههه حمرة انا هذا اللي قاهرني

لاني عنزية خخخخ