تجمع مواليد سبتمبر (9) 2013

[أشبـاهـ المطـر]

السلام عليكم شلونكم
ان شاء الله يطلع ردي

 

[Aloe Vera]

وعليكم السلام و رحمة الله



تبطي عظم


شلونج شخبارج؟؟؟؟
حبوب المانع مشكلة انا جربتهم مرة ٣ شهور و مرة شهرين ساعات اتعب ساعات لا




اشباه


شلونج و شلون ولدج؟

 

[تبطي عظم!]

الوفيرا

الحمد لله بخيير انتي شلونج وشلون ولدج مع الارتجاع!

علي الحمد لله راح منه يالله لك الحمد بس الدكتور قالي ماراح نوقف العلاج لين يصير عمره ٥ شهور يقول علشان نتطمن انه راح تماماً

ووزنه زاد يالله لك الحمد وصار طبيعي نفس وزن الاطفال الي بعمره حدي استانست وكل مااتذكر شكله لمن ولدته تخنقني العبره واحمد ربي

الي خلاه لي وشافاه


والله يشافي عيالكم ياارب


حوريه القناه الدمعيه عادي اغلب الاطفال تحوشهم نهار ولدي كان فيه ونفس كلام الدكتور قالي اذا ماراحت مع التدليك عمليه بعد السنه وعمليه بسيطه ماتخوف


بس الحمد لله راحت علطول مع التدليك يمكن ماكملت شهر الا راحت الحمد لله


قطعة حلا ولدج نفس ولدي معاه لحميه بس قالي طبيعي كل انسان فيه لحميه مايقيمون الصغار الا اذا كل ماكبر تضايقه اكثر حزتها يراقبونه ويحددون اذا عمليه او لا

 

[Aloe Vera]

تبطي



الحمدلله ولدي راح منه الارتجاع و نزلت فراشة خليته شوي مرتفع مو وايد نفس اول
و الحمدلله على سلامة ولدج الله يحفظه

 

[قطعة حلا2]

أن شألله يطلع ردي ؤلا يطير مثل غيره

شخباركم فديتكم شلون البيبيات وصحتهم

لج وحشه تبطي عاد لاتقطعين زورينا ):

ألحمدالله على سلامة ولدج
ولحمية ولدي بشيلها له لأنه مايتنفس عدل ويطلع صوت واهو نايم مزعج

الوفيرا أشباه حوريه
باقي البنات

شخباركم

أن شألله تأقلمتوا ع الوضع

ألحمدالله كل شهر أحس براحه أكثر واتأقلم ع الوضع

لمن تمتيت 3 أشهر

شعري يتساقط مع أني ماقطعت الفيتامينات لأني للحين أرضع

استعربت يتساقط بكثره قالت أمي أي طبيعي هالشي

كنت مستأنسه قبل ؤلاشعره طيح

هالحين كل مكان شعري

المناطق اللي كانت غامج فتحت حيل

وسويت ليزر عقب ماراح الكلف

وبصراحه مااكل ماناع ع العزل أحس إريح بوايد ؤلاتحاتين >>جذابه كل يوم أحاتي ههههههههههههه

بنات سويت تحليل طلع عندي
fsh 9
lh14

يعني شنو مافهمته

لأيكون فيني تكيس

موعدي عند دكتوري الثلاثاء بس حاشني فضول أعرف

طبعا عقب الولاده أحس بألم بأسناني

ؤالحين تلج علي بما أني رحت للدكتور ؤقالي مافيني شيء

هل من الرضاعه يا أهل الرضاعه

وفي شيء محزني حيل

عقب الولاده أنا وزوجي كلش متنافرين

وأخباركم

 

[Aloe Vera]

هلا والله قطعة حلا


شلونج و شخبارج؟


اي طيح الشعر طبيعي لو شتسوين بس لاتخافين رتح يرجع نفس قبل الحمل و يثبت عليه
انا بعد شعري قام يطيح وايد بس ادري عادي و مو متضايقة

و على عوار الضروس اخذي فيتاميناتج و الكالسيوم ة الفيتامين دال و بس اهتمي فيهم بس

 

[Aloe Vera]

انا بالعادة اسوي فحوصات و تحاليل بعد ما افطم عيالي بجم شهر
مع الرضاعه الهرمونات ليلحين مو مستقرة

 

[M!Ss Smart]

صباح الخييييير يا احلى قرووب ان شاءالله كلبوووكم بخير والبيبيات بخير
ايوبي يسلم على خالاته ههههه ويقولكم ماما مارضعتني من حليبها

متحسفه بس جد مالي خلق مع انه فيني حليب بس مايدر وايد يادوب نص رقم وحزات اقل

 

[أشبـاهـ المطـر]

مساء الخير


الي سالتني عن زينب
خياطتها توب ضيجتني حيل
الموضوع صار متعب والشكل مثل البنت
بس الحين خف الالم شوي مادري يتهيا لي
ولا صج خف

وانصح فيها دكتوره صبوره ومي مستعجله
ويارررب يطلع الرد المنتدى صاير مليق يضيق الخلق

 

[أشبـاهـ المطـر]

واخيرررررا

شلونكم شخباركم تو طعمت ولدي
وصراخ مو طبيعي الله يشافيه يارب
سويت له كماادات عطيته ادول انا احب
اطعمهم اول العصر جذي احسن يمر اليوم
بسررعه احسن من الصبح يقعد يلعوزني

 

[أشبـاهـ المطـر]

تبطي والوفيرا الحمدالله على سلامه اعيالكم
قطعه الحمدالله مساله الاستقرار بسرعه تاقلمنا
لاني مو بجر انا الحين ملعوزتني بنتي مع انها كبيره
بس صاير نومها خفيف وتاذيني بالليل صج ماقلت لكم
عنقزت بعد وعنقزها كان قوي الحمدالله ع كل حال
تشوهت بس شنسوي

 

[shayto0oNa]

هههههههههههه


روعه متتت ضحك دكتورج شاطر بس يروج لسيميلاك <<<<< ههههههه حسستيني يروج مخدرات ههههههه



شخباركم بنات قطعة عنكم وايد انشغلت مع عيالي


ملاحظه كله تسولفون عن امراض وجذي خل نتكلم عن النمو <<<<< اهم شي النمو ههههه


يعني شلون اخلي ولدي يقلب

عيالكم يمسون الالعاب والعضاضه ولا للحين ؟؟؟


متى نبدا نوكل عيالنا ؟؟؟

تطلعون عيالكم الحين ولا لا ؟؟؟


بنات اللي ولدها فيه امساك تحط مع الرضعه مرتين باليوم ايزيلاكس بمبي انا تعبت مع الامساك تعبت لدرجه ولدي قعدت شهر تقريبا ما اخرج يممما عذبني وتعذب بس بجي طووول اليوم ولاينام وماخليت شي ماسويته سكر نبات وكمون وينسون وبابونج وماي تمر وتحاميل مانفع ولاشي معاه الا ايزي ليكس بمبي ولاتحاتون اهو اعشاب وبلاك بيري روحو الصيدليه وسالوو

 

[shayto0oNa]

يمسكون *

 

[دلوعه ززوجي]

صباح الورد بنات شفيناااااااااا كلنا البيبيات ا تعبونه بالحمل وبعد الحمل
يارب. أنا الحين خلص أحس صارت مسؤولة. عن بنوتين يهبلون ن قلبي يعورني إذا رحت عند أهلي لازم أخذ وحده منهم
وصارت ما احب اطلع من البيت منو نفسي

 

[Aloe Vera]

شيطونة

ولدي ثلاث شهور الا اسبوع و ما قلب بس انا ماخليه وايد على بطنها المفروض كل يوم اخليه يلعب على بطنه بس انا مو حريصة
و ليلحين مايمسك شي من نفسه
انا لازم احط اللعبة في ايده

 

[.. Ro3a ..]

اهلين شيطووونه
ضحكتيني هههه والله صج يروج له الظاهر ياخذ عموله عشان يمشي سوووقه ههههه

النمو عادي لا تستعجلين ع البيبي عطيه وقته وتوهم صغار

ع الاكل الصحي من ست شهور
بس امهاتنا من ٤ شهور
انا بنتي رحت حق البروفيسور خالد السعيد
قالي اوكلها من ٤ شهور
بس حدد لي اللي تاكله سيريلاك عيش ( ارز )
مو قمح مو زين ما يهضمونه بهالعمر
وتفاح مسلوق و مهروس وخضار مسلوقه
بس هالاشياء
هم في دكتور فايز بمستشفى الهادي قالي نفس الكلام
وانا عطيتها بس ما كنت اعطيها يوميا لا بين فتره وفتره عشان تتقبل الاكل وما تكرهه

 

[a7la.moon]

مرحبا ياحلوين

بنات انا بنتي اليوم جتها حراره فجأه مادري من شنو ..

وعن حركه البييي

صايره ترفع رجولها تمسك ايدينها مع بعض لما ابطل المهاد اخليها تلعب تلاقينها متحركه من مكانها بس حاليا هذي حركاتها

 

[a7la.moon]

مرحبا ياحلوين

بنات انا بنتي اليوم جتها حراره فجأه مادري من شنو ..

وعن حركه البييي

صايره ترفع رجولها تمسك ايدينها مع بعض لما ابطل المهاد اخليها تلعب تلاقينها متحركه من مكانها بس حاليا هذي حركاتها

 

[أشبـاهـ المطـر]

شلونكم بنات
غطيت المنتدى مايحبني
كله يعلق معاي وانا انشغلت
الفتره الي طافت حاشنني احتقان بالثدي
وارتفعت حرارتي قالولي لازم مضاد وكمادات
ورديت اعابل بالكريمات الحمدالله احسن الحين

وولدي عنقز فديته يكسر الخاطر
ولدي يتحرك يفتح مهاده ولاقلبته يرفع راسه
بس توه صغير شهرين واسبوع مادري هالويك اند
اخذه معاي البر او اقعده خايفه عليه من البرد ودي
اقعد ماروح بس بناتي بحنون لين اروح

 

[قطعة حلا2]

المنتدى يغث كل رد يطيره

شخباركم وينكم غاطين

المهم بنات اسمعوا ششسار

الى الان مانزلت الدوره وهرمون الحليب طبيعي عندي ولدي بس بو ساعتين يرضعاو ثلاث بس

فغريبه مانزلت

المهم بنات ولدي يقلب ويمسك

وعهالجواء تعبان ومنشل

انتوا شخباركم