تجمع مواليد سبتمبر (9) 2013

[Aloe Vera]

اشباه

ماتشوفون شر



مون


المحل الفرنسي بمجمع زهرة
و ماماز اند باباز بالافنيوز

 

[أشبـاهـ المطـر]

مون المحل الفرنسي موجود بالافنيوز
يم ارستو كيدز ويم لحظه من فضلك

الوفيرا الشرر مايجيكم ان شاء الله
ما امداني مستانسه اني طهرت نزل علي دم المغرب
بس صليت المغرب مادري الحين انا طهرت ولا لا
اليوم ل37

 

[حوريه ...]

روعه اي شريت لها باندات الوان واشكال بنتي بسم الله عليها شعرها يهبل
بس ماشريت فساتين بصراحه الجو بارد وهي صغيره توها عليهم الحين كله افرولات كامله مع باندات



وديت بنتي دكتور عيون متخصص طلع التهاب بالملتحمه صرف لها قطره وجل وبعد اسبوع موعد ثاني
ياربي يشافيها حبيبتي

 

[حوريه ...]

بنات انا من طلعت من الاربعين احس بتعب بس قلت يمكن ارهاق

بس بنات احس راسي يفتر فيني مادري شلون وجعه

نغزات برجولي توجعني بلحظتها وتختفي تقريباً ثانيتين بس ماتطول

اليوم عروق راسي من ورا ذبحتني خفت لاتكون جلطه قعدت ابكي واروح للمستشفا وبالطريق اوصي زوجي ع بنتي اقوله امانه برقبتك
واذا تزوجت ودها لامي لاتخليها عند مرتك
شفت المورووووت يازين العافيه يابنات

شافو الضغط قالوا زين قالت الدكتوره شد عضلي وعطتني مسكن

معقوله تكون من حبوب منع الحمل
الدكتوره تقول ممكن اي وممكن لا مو اكيد تكون الحبوب السبب

عاد زوجي حلف علي اقطها عادي اقطها وانا ماكملتها

 

[Aloe Vera]

حورية


ديري بالج على نفسج
ماتدرين يمكن من الحبوب و يمكن لأ
انا مرة صار فيني شد عضلي بصدري من قوته عبالي ازمة قلبية و اروح المستشفى و اسوي تخطيط قلب كلشي سليم ! الحمدلله!
بس ظل هالعوار يمكن سنة بعدين راح
انتي ريحي نفسج

 

[طيبة83]

قطعة حلا

ولدج توه لحمه طري ما كمل الشهر تجوينه؟!!!

والله حرام

وام عايد هذي مادري شسمها يبيلها يسجنونها

 

[Aloe Vera]

اشباه

صج على المسحة اللي خذوها مادقو علي معناته سليمة مافيني شي
قالتلي الدكتورة يدقون اذا في شي و يحتاج علاج

عاد انا اقول الظاهر هذيج كانت دورة و الله اعلم
بس ليش امس نزل علي دم مرة ثانية و وقف

 

[قطعة حلا2]

ألكي بالنار الرسول قايل عنه فعادي

ولدي صياح ولايرضع زين

وعقب الكوي ألحمدالله تحسن حاله

ؤقبل ماينام بالليل

صراحه حسيت بفرق ولله الحمد

ؤقبل كان يطالع فوق

ؤالحين طبيعي

..

الوقيرا

نزل علي دم عقب عرس أختي عبالي دوره يومين ووقف

ونزل علي أمس ووقف

أنا للحين أرضع ولدي صح صدري خفيف بس قاعده اشرب حليب وماي

ورد خفيف

فمادري ناويه أسوي تحليل شامل ولفيتأمين دال

ولهرمون الحليب إذا مرتفع معناته مو دوره

للحين مانزلت علي الدوره ولي طالعه شهر و 10 إيام

عادي ؤلا

 

[.. Ro3a ..]

امبيه قطعه حلا الكي عبالي ولدج سرته فيها شي وجوه
اما عشان يبجي كل الاطفال جذي عسرين وكلهم بالبدايه ما ينامون ولا يرضعون عدل
يبي لهم فتره عشان يتعودون ومحد لجأ للكي
صح الرسول صلى الله عليه وسلم قال عادي
بس هم قال وانهى امتي عن الكي
وقال بعد ما احب ان اكتوي
باب الكي واسع صح جائز بس مو سيده نلجأ له
ولد صغير لحمه طري تجوينه والله رحمته
وهذي المره شنو قالت السبب ؟؟
عشان جذي ما احب اروح حق حريم
انا رحت حق ثنتين معروفات ع مستوى شعبيات وحده سنيه ووحده شيعيه
قبل لا احمل ببنتي كان مدح عليهم بسوالف الحمال ورحت لهم مابي اتكلم فيهم بس من عقبها حرمت اروح حق حريم

 

[.. Ro3a ..]

انا ولدي وديته الطبيب عشان صدره عطوني علاج
وطلع عنده ارتجاع عكسي صج يرجع وااااايد يمكن كل رضعته
وفيه اسهال غيروا حليبته عطوني حليب خاص للارتجاع

 

[noufb]

بنات شنو بعني كي

ما احب هالحريم يمشون عالخبره بس المفروض تجارب ودراسات واي مادري شلون تجازفون

 

[حوريه ...]

قطعه انا بنتي كله تطالع فوق وع بالي طبيعي

بس عمتها تقولي بنتج ليه تطالع فوق اكيد فيها شي شككتني

 

[حوريه ...]

الو فيرا

انا لي كم يوم اشوف افراز بني ينزل مع البول الله يكرمج واقول شكلي اوسوس مافيني شي

يمكن يتروالي لان مافي شي باللبس

بس اليوم لبست الفوط اليوميه وطولت كان عندنا عشا ف تميت مده مارحت الحمام واخر الليل جيت ابدل الا جد افراز بني مادري ليش

انا مااحس لابحكه ولاريحه بس هالافرازات والحبوب باقي عليهم 5 او 4 ايام وتخلص

متا تنزل الدوره عقب الحبوب وهالافرازات من شنو بنات مامرت عليكم

 

[حوريه ...]

الو فيرا طيب من شنو جاج العوار ماعرفتي السبب

امي تقول برد كله تفصخين والجو بارد

 

[noufb]

امبيه قريت عن الكي انصدمت من حديث الرسول صلى الله عليه وسلم ومن اللي قريته انه خلو الكي اخر شي كلش اذا ماكو علاج يعني مو مستحب الكي شلون طاوعج قلبج يمه يمه قلبي عورني

 

[أمـ مبارك]

السلام عليكم شلونكم شخباركم


قطعه. حلا

ولدج نفس ولدي قبل كل بجي بجي بجي ومايرضع

وقالولي لازم كي بس كلش مارحت ولا سويته


واخر شي طلع فيه حساسيه من الحليب البقري



ولمن شريتله حليب هالي من البروتين البقري اللهم لك الحكد صار يرضع ومايبجي وولا شي


وطبعا هالحليب بكل انواع الحليب لكن مكتوب علي

 

[أمـ مبارك]

امبيه المنتدي مدري شفيه



المهم اخذتله حليب خالي من البروتين البقري اللي اهوا مكتوب علي علبه الحليب ( ha


وكنت استخدمله نان ha

وماشااء الله من شرباه واهوا لا يبكي ويرضع وينام واللهم لك الحمد





انتي اخذي لولدج هالحليب وبتدعيلي باذن الله







روعه سلامته الحلو

وامبيه الارتجاع كثر


لان بولدج ووبولد شيطونه و تبطي عظم و في بنت فطامي


بس مالهم شر وهالارتجاع تري اول 6 شهور بعدين الحمدالله يصير زين

 

[.. Ro3a ..]

الله يسلمج ام مبارك
لا تشوفينه يرجع الرضعه كلها ويرضع وايد وهم يرجع وفوق هذا عصقوول يضحك
ما سمن منصدمه منه حيييل حييييل نتفه حييييل ضعيف لا تشوفين عظيماته تخرع ):
ببجي
جربت سيميلاك العادي يرجع واسهال
خذيت سيميلاك كمفرت نفس السالفه
لين قالي دكتور انه فيه ارتجاع والحليب يطلع برا ما يستفيد منه
وعطاني سيميلاك للارتجاع وان شاء الله يسمن

 

[Aloe Vera]

شخباركم بنات


انا الحمدلله وضعي زين و ولدي زين الحمدلله
بعد اسبوعين ارجع الدوام نص دوام بس ماااااودي
و الاربعا ان شاء الله بودي ولدي تطعيم الشهرين واااااي لا الله يعينه حبيبي




حورية

انا عوار بطني بس وقت الافرازات صج عبالي دورة بس شدعوة كل اسبوعين دورة
و بعدين خفيفة الافرازات بس مثل الدورة على بدايتها
استغفر الله ودي تصير حالتي طبيعية
يا تنزل الدورة بشكل طبيبي
او ماتنزل كلش لين تخف رضاعتي

 

[Aloe Vera]

حورية


الدورة تنزل بعد ماتخلصين الحبوب و ساعات قبل شوي
و عادي بنتج تطالع فوق انا بنتي الكبيرة و ولدي جذي