تجمع مواليد سبتمبر (9) 2013

[.. Ro3a ..]

تسلمين الوفيرا الشر ما يجيج
الله يعينج ع الدوره شلون افرازات ودوره اممم

طالعه من الشر قطعه حلا وحوريه
قطعه حلا ديري بالج اخذي شي مضمون للمنع
حوريه واخيرا ارتحتي يالموسوسه ي حلوج

 

[.. Ro3a ..]

ان شاء الله الاحد اطلع مع ان زوجي يقول قعدي بعد
بس انا زهقت برد بيتي ما ارتاح الا فيه سبحان الله ع صغر شقتي الا احبها والقى راحتي فيها
اكثر من بيت اهلي .، بس يقول قعدي ادور شقه ونطلع فيها عشان البنيان بس انا خاطري ارد مبجر

 

[أنين الفجر]

السلام عليكم ورحمة الله وبركاته
شلونكم حبايب قلبي شخبااااركم
والله اشتقت لكم جعلني ما خلا منكم

 

[أنين الفجر]

طالعين من الشر حبايبي انتوا
والله يوفقكم ويجعلكم قرة عين ازواجكم آمين

 

[Aloe Vera]

حيا الله انين
شلونج و شلون بنتج؟

 

[Aloe Vera]

روعه


عارفه شعورج انا اقول ردي شقتج و ان شاء بترتاحين بس خلي احد يساعدج بترتيب الاغراض

 

[noufb]

طالعين من الشششررر ياارب

الحمدالله انا خلصت بعد والعمليه ماتمت كامله هههه الدكتوره مخيطه من قلب وزياده العوار رديت بنت بدون مبالغه وليلحيني احس بعوار لمن اقعد يبييلي وقت قالتلي

انتو شخباركم
دكتورتي لمن قلتلها احنا عزل قالتلي احسنلج من الحبوب والموانع تلعب باعصابج وبضغطج وهرموناتج وخطره والحمدالله مرتاحين على هالطريقه

 

[ٱستۆطنت خٱفقهْ]

مسااااء الخيرات مادري صباااح الخيرات ♡


المهم اخباركم يالجميلات


طالعين من الشرررر

بسألكم اللي ترضع متى تجيهاا اخت النفاس
اليوم كملت شهرر ومادري متى تجي
لمى سفطت جتني عقب شهر
تتوقعون هالمره بعد بتجي عقب شهر !!!!!

 

[.. Ro3a ..]

اهلين انين جزاج الله خير يالغاليه
نوف طالعه من الشر مبرووك ي عروووسه

 

[حوريه ...]

الوفيرا
الله يبارك بعمرج
اي افتكيت هههههههههه
ع التمارين اي كنت اقرا كلامكم عنها واسويها

 

[حوريه ...]

روعه
الشر مايجيج
وسواسيه مع مرتبة الشرف لوووووول
حاسه فيج ع موضوع شقتج انا نفسج سبحان الله تميت بشقتي ويوم عرفه رحت لاهلي
ومع انهم يداروني وماسكين بنتي عني بس مارتحت احسب متا ارد شقتي وترد حياتي الطبيعيه قبل الحمل



انين شخبااارج شلون ولدج وبنيتج

 

[حوريه ...]

نوف
طالعه من الشر حبيبتي
الله يعينكم ع العوار كنت احاتي من هاالموضوع لان كانت تقولي خياطج تمام ومن داخل وبرا خفت لاتكون ضيقتني حيل بس الحمدالله
في عوار بس محتمل ورديت كاني ماولدت ولاانشقيت بس مو بنت لا



استوطنت الشر مايجيج ياقلبي والله مادري عن اخت النفاس للي ترضع

 

[Aloe Vera]

استوطنت


اخت النفاس ممكن ما تيي حق اللي ترضع
انا في بناتي يتلي اخر النفاس بس الحين في ولدي مايتلي كلش

 

[Aloe Vera]

نوف


ذكرتيني بولادتي الثانية طلبت من الدكتورة تسويلي تضييج و امبيه تحسفت قد شعر راسي من العوار اللي شفته مادري جم شهر لين صار الوضع طبيعي و العملية ماااااا تتم كلش كلش شدعوا حتى و انا بنت ماصار جذي

 

[أشبـاهـ المطـر]

صباح الخير

استوطنت انا مرتين جاتني اخت النفاس مادري دوره
عقب الاربعين باسبوع جذي واضطر استخدم مانع
هالمره بشوف


الحين الوفيرا الي جاتج الحين دوره؟
يعني لازم تستخدمين مانع؟

نوف انا ماودي بالموانع الهرمونيه
وزوجي مايرضى بالعزل بعدين صراحه
ممكن يخون ماعنده مشكله لو احمل مااضمنه


بنات امس شربت حليب مع حلبه لان عظامي لالحين
تعورني ابيه بنات مو صج نزل علي دم ولي يومين ينزل بني
عاد قريت من فوائدها انها ادر الطمث

 

[Aloe Vera]

اشباه


انا اسوي منع حتى لو مانزلت الدورة اخاف اعتمد عالرضاعه بس ماحب الهرمونات قلت بركب لولب عادي بعد ٦ شهور عالاقل اظمن رحمي رجع حجمه الطبيعي و اكون نزلت جم كيلو ان شاء الله
و الدكتورة قالتلي هالافرازات يمكن دورة و خذت مسحة تطلع النتيجة بعد ٥ ايام عشان نتاكد مو التهاب

 

[أشبـاهـ المطـر]

نوف انا كنت جدي بولادتي بجري عذاب اول 6 شهور
لدرجه اكررهه هالسالفه واحاتيها المهم لما ولدت بنتي الثانيه
قلت لها مابي مثل خياطتي بجري قالت لي انا بشوف شنو تحتاجين
واسويه وصج كان خيطها مريح ولما طلعت من الاربعين سهالات
اريح من بجري بوايد هالمره الله يستر

 

[أشبـاهـ المطـر]

انا نفسج قلت حتى لو مانزلت بستعمل مانع
امي ماشاء الله ماتنزل معاها تقعد سنه ونص
بدون دوره واحيانا لين تفطم ولدها ماشاء الله
والله شكلي بقوي قلبي واركب لولب وارتاح

 

[Aloe Vera]

اشباه


انا بعد متخوفه من اللولب بس شسوي ماكو شي ثاني
و قلت ايام التبويض بسوي عزل عشان اظمن ما احمل عليه ان شاء الله

 

[Aloe Vera]

اشباه


انا ليش موظفة و البيبي مو ٢٤ ساعه يرضع عشان جذي تنزل الدورة مبجر
حريم اول بس مجابلين عيالهم و يرضعون من قلب