تجمع مواليد سبتمبر (9) 2013

[تبطي عظم!]

علشان جذي يقولون الي ماتتنفس عدل

اخت النفاس فرصتها وزياده عليهم دورتين عقبها ترد بنت بنوت




بقولكم تجربة امي

لمن جابت اخوي الي اصغر مني دخلت غيبوبه ثاني يوم عقب الولاده وقعدة غيبوبه ٣٦ يوم

يعني لا نفاس ولا بطيخ على الدربات عايشه كانت


تقول صحيت ولمن طلعت البيت تنفست ٤٠ يوم نفاس جديد مع انه خالص نفاسها

تقول والله والله اني بنت بنوت مع انه خياطها ٧ غرز كان مفتوح ردو خاطوها مره ثانيه لان تبطلت الغرز من عدم الحركه


يعني بنات الي تطلع من الاربعين وتحس نفسها مو اوكي

عادي عيدي نفاسج ٤٠ يوم مره ثانيه بس انتبهي لاغلاطج شنو كانت وتردين لان امي تقول الرحم توه طري عادي

 

[الشيخه فطامي]

وايت انجل طالعه من الشر

بنات اظافري تكسرو شنو استخدم لهم

مارديتو علي عل شريط البطن حق الغازات شلون نلفه منو استخدمته

 

[تبطي عظم!]

الشيخه فطامي

تكسر الاظافر نقص فيتامينات تغذي عددل

شريط الغازات ماعرفه والله

 

[noufb]

السلام عليكم

بنات انصحكم بحبو بيريون حق التساقط يوقف التساقط اليوم بلشت فيه وبلشت بالحبوب اللي تنزل الدم
بشرتي مختربه وطالعتلي نمش مادري من وين استغفر الله
واليوم ببلش مشي عالجهاز وببدي اكل صحي وبوخر عن الخرابيط
رحت السوق ماعرف شنو اشتري ورديت مادري الجو كل ماله ويبرد وانا باقيلي ٢٠يوم فبنطر بعد ١٠ايام واشتري السوق كله بوالطو

 

[noufb]

اي صج بنات انا شعري اسود قبل سنه صابغته اسود الحين بشقرر بصير شقره وبسوي كولاجبن او كيراتين وين تنصحوني بصالون مضمون

 

[Aloe Vera]

فطامي


مادري شنو تقصدين بحزام السرة ؟!
ماعرف طريقة الاستخدام






تبطي


قصة امج خرعتني.. اهي ليش دخلت غيبوبة؟
الحمدلله الله حفظها لكم

 

[Aloe Vera]

نوف



وعليكم السلام

زين تسوين تهتمين بنفسج
و ديزي بالج من الجو ترا هوا و برد صاير
انا طلعت اليوم و لبست بناتي جاكيتات خفيفة

 

[Aloe Vera]

حورية


التحاميل تنظف و تطهر مالها شغل بالخياط

 

[white**angel]

حبااايبي تسلمووون

عاد انا ماصدقت اخلص نفاس برد شقتي استغفرالله احسه هم وانزااااح

فطامي على تكسر الازافر شربي حليب مووووطبيعي يقويهم حييييييل وروحي الصيدليه اشتري مقوي لهم

 

[Aloe Vera]

نوف


ماعرف صالون مضمون
لاني ماجربت لاكيراتين و لا كولاجين
بس وحدة كوافيرة قالتلي الكولاجين احسن لان مايغير شكل الشعر الطبيعي سواء ناعم او كيرلي بس يخليه صحي

 

[قطعة حلا2]

بنات حاليا قاع آصبغ شعري

إذا طلع واو قلت لكم وين واذا لا همن بقولكم وين ههههههههههههه

حوريه شعري خفيف بس حلو التغيير واسود وآنا بيضا

بس ريلي ميت على الأشقر

فعشان جذي حبيت أغير

خصوصا أني برد لشقتي عقب شهرين يعني مو عقب آل40

منها يرد رحمي وارتاح ومنها فرصه أركب لولب

ومنها يتشفق

فحاليا مهتمه بالرياضه واكلي كله بر

وونزني خف بس باقيلي 5 كيلو أوصل ل 50

ألحمدالله ماتوقعت إرد مثل قبل خصوصا أني زايده 20 كيلو

وافتكيت منهم ملابس ماتشريت انطر أطيح آل 5 وعقبها يسير خير

نفاسي خربوظي ومادري إذا ؤسيعه ؤلا

بعوضها بالدوره

لأني مسويه رجيم والكل ساخط علي ههههههههههههه

بس أهم شيء جسمي وصححتي مافكرت كلش بهالموضوع لأني أجوف انه أهم شيء تآكلين اللي تشتهين وماتجوعين

وآنا مطبقه هالشي فمادري

أحس النفاس كيئب بسبة الخوف من الخوا تخافين من كل شيء وتحاتين

ادعواتكم مائحترق شعري

 

[أشبـاهـ المطـر]

قطعه طالعه من الشر
ليش بتطلعين عقب شهرين انتي ترضعين
يمكن ماتنزل دوره لج مادري انا نفاسي بجري ماطلعت وطنقر زوجي
علي حيل حسفني قد شعر راسي نصيحه اطلعي لزوجج وطيحي هالخمس كيلو عنده

 

[أشبـاهـ المطـر]

وانا زدت اسبوع واستحيت اطلع لشقتي خصوصا حمولتي كانوا
مسوين استقبال بعد طلعتي باسبوع واستحيت اطلع قبلها وعصب وانا صج مالي شغل
بس كنت حيل مستحيه من حمولتي لاويوم رجعت يوم ونزلت الدوره حقد علي ههههههه

 

[تبطي عظم!]

الوفيرا

ماكو سبب جذي دخلت غيبوبه مايدرون من شنو كان عمرها ٢١



قطعة حلا

شهرين حيل واجد وزوجج راضي انا كنت بزيد يومين فضحني هههههه

 

[Aloe Vera]

قطعة حلا


شهرين وااااايد حرام عليج
انا حتى اربعين يوم مو مقتنعة فيها
نظام علاقتي مع زوجي ماتصلح معاه هالحركات هههه
ومبروك نزول وزنج
انا باقيلي ١٠ كيلو ليلحين
نزلت ٤ بالولادة و ٣ بعدين الله يعين يا رب

 

[Aloe Vera]

انا بصراحة بالنفاس ما اخاف من شي غير البرد
لان تحوشني حالات استبرد واي احس اني بموت من الرجفة و القشعريرة
و ليلحين خايفة من البرد معني خففت لبسي شوي
اليوم لي ٢٦ يوم ليلحين البس دلاغات صوف
بس ماقمت البس روب شتوي كل وقت

 

[Mayoon]

قطعه حلا وايد شهرين اشلون رضى ريلج انا يوم زيادة يفضحنى
بس هلمرة لان شقتى قاعد ابنيها فمجبورة انى ماارد بيتى وسفر مااقدر وريلي نظامه مايحب فنادق فمادرى شبسوى
مرات اتحسف اتشرى قمصان نوم وبجايم اقول اخليهم لاقبل لارجع بيتى عقب شهرين وشي ومرات اقول يمكن تصير معجزة واسافر فخل ازهب احسن

 

[أشبـاهـ المطـر]

نوف انا احتمال اصبغ واسوي كولاجين عند عبير
لها اكاونت بالانستغرام تصبغ لحصه اللوغاني بس ودي
اعرف اسعارها انا ابيها لانها تجي البيت وانا ودي شغلي
يكون بالبيت احسن مالي خلق لصوالين

 

[أشبـاهـ المطـر]

نوف انا اطلع ان شاء الله 9/11 وناويه اجهز شتوي باذن الله
لي ولبناتي ولودي بفصل له دشداشه شتويه واذا زوجي ربي هداه
وداني عمره بشتري لولدي دقله من هناك سوق مكه عجيب ياحلوها وياحلو طاريها

 

[أشبـاهـ المطـر]

الوفيرا الحين لارضعته بصدري اليسار الم يحتمل
اليمين ابيه جنه يرضعني بسكاكين

واليوم بعد مارضعني شد رحمي علي ماهدني
واحس حراره جسمي ارتفعت ماقدر اوقف طفيت التكيف
حطيت بطانيه علي اون من الالم كليت مسكنين وحبتين فحم
والحمدالله خف الالم انا الحين خايفه لايرجع لي شربت مره والله كريم


استغفر الله ماذكر صار فيني جذي قبل والله كنت ابي الرادده هونت خيره ماترد
ياربي تعدي هللاسبوعبن على خير يارب