تجمع مواليد سبتمبر (9) 2013

[ليلاس "]

شلوووووووونكم
اشتقت لكم ححححححححححيل

 

[Aloe Vera]

السلام عليكم


قاعدة اوكل ولدي عيش مصري افوحة مع تمر و اهرسه ماحب السيريلاك كله مواد كيماوية و سكريات احنا في غنا عنها
انا افضل يكون اكل بيتي و عيالي طبيعي و اورقانك كثر ما اقدر عشان جذي لو تلاحظون انا محافظة عالرضاعة الطبيعية لان اقرو مكونات الحليب الصناعي تتضايقون و هم لاني قاعدة ادرس تغذية الحين و قاعدة تتوضح لي وايد امور عن الاكل التجاري و المصنع

المهم بعد اسبوع ببلش اعطي ولدي الغدا عيش و نوع خضرا ان شاء الله جذي خلال شهر ياكل وجبتين باليوم و بعدها ندخل السناك يكون فاكهه مهروسه لمدة اسبوعين بعدين العشا هم رز و نوع خضار حسب الجدول العمري





ليلاس


هلاوالله و مبروك الحمل و عسى الله يسهل ولادتج

 

[white**angel]

الوفيرا نفسييي ماحب السيريلاك كلش وﻻ افكر اعطي حق بنتي
قاع اسوي نفسج تقريبا ومرات ﻻ اعطيها بس بسكوت اكون مذوبته بحليب
والرضاعه الطبيعه صح كﻻامج جدا جدا مفيدااااااا وحيل كنت حابتها بس ضاق خلقي حليبي ماقام يطلع وقامت تبجي ﻻنها ماتشبع

 

[white**angel]

ليلاس حامل
الف الف مبرووك حبيبتي عسى الله يتمم عليج ويسهل حمله ووﻻدته يارب

 

[حوريه ...]

ليلاس هلا وغلا والله

الف مبروووك حبيبتي وربي يتمم لج ع خير ان شاءالله انتي والعسل قطوه



الوفيرا
بصراحه كل يوم اتعلم منج شي مشكوووره والله يخلي لج عيالج
انا اليوم سلقت بطاط وخلطته مع زبادي وبنتي كانت تحت اخذ زوجي الصحن تحت وانا كنت البس بلحقه
قامت امه تقول مو زين والبنت ماتبيه وكلتها لقمه وقامت بنتي تتافل قالت موزين وتقوم تلم الكلينكسات اللي مسحت فم بنتي فيهم وتقطهم بالصحن
عاد الصحن في اكل احترررريت بس قلت ماعليه بكره ارجع اسوي لها نفسه

 

[Queen of Sadnes]

الوفيرا ماشاء الله عليج حيل تعجبيني واعيه ومهتمه حيل بعيالج ربي يخليهم لج يارب ويبلغج فيهم
انا ولدي مواليد 19/9
والحمد لله اموره تمام
ابي اطلب منج طلب اذا تقدرين تصورين جدول التغذيه وتحطينه هني عشان نستفيد منه
وشكراا

 

[أشبـاهـ المطـر]

شلونكم بنات

مبروك ليلاس الحمل والله يتمم لج على خير
حوريه تو الناس على الروب بنتج صغيره عليه الحين
لا كملت سنه ونص دير بالج

ماشاء الله الوفيرا قاعده استفيد من كلامج
انا هالاسبوع عطيت ولدي صناعي نوفيلاك
صدري مو مثل قبل الله يستر وشعري تساقط
بالهبل شي مو طبيعي احط ايدي على شعري
اشيلها تساقط والحين متضايقه من سالفه الحليب
بس مره باليوم صناعي وياعمري بعدها بطخ وينام
ايده على طول بحلجه وصاير يعرفني انا قبل كنت اعطي
بناتي ميلوبا بالخضار وميلوبا الرز ريوق بليز صوري رايس سيريال
اول اسمع فيه وين تحصلينه

 

[ليلاس "]

هلا فييييييكم حبيايبي
شتقت لكم
ههههههههه لا مو حامل هذااا شريطي الاول للحين ماغيرته مخليته يلا بغيره

 

[ليلاس "]

انا ما اكلت بنتي شي خايفة
ولان كل دكتور يقولي لما تكمل 6 شهور

افضل يعني

 

[تبطي عظم!]

هاااي


شلونكم شخبااركم



اشتقتلكم حوريه ماتشوف شر بنووتج

ليلاس مبرووك الحمال الله يتمم لج على خيير

 

[دلوعه ززوجي]

قوه شخيارررر كم
وناسه اللحين انتوووووا متجمعين.
الحمد لله.
بنات ترا موزين توكل البيبي الحين انطر رو. شوي الحين سمله عليهم صار عمرهم خمس اشهر بس ذوقي. وأبدا من أول السادس
ألف ألف مبروك قطوووه
بعدين بنات بشي بناتي بناتي بحطهم بغرفه برحهم شلووون

 

[Aloe Vera]

ليلاس

ههههه احنا نبارك لج و طلعتي مو حامل يالله ان شاء الله تبشريننا


بنات


راح اصور لكم الجدول اللي عطتني اياه دكتورة عيالي

امبيه ولدي بس يتفل و يقوم بنص الليل يتفل يقعدنا من النوم ههههه

 

[Aloe Vera]

 

[Aloe Vera]

 

[Aloe Vera]

 

[Aloe Vera]

بنات شوفو كل اكله على حسب العمر

 

[Aloe Vera]

اشباه


انا ولدي لمن وديته مراجعة الخمس شهور قالتلي الدكتورة نسرين وزنه مو زين توقت بتقولي اعطيه حليب صناعي بس لا قالتلي بس اعطيه اكل حتى سالت مرة ةانية تاكد قالت بس ازيد اكل و حليب الام طبيعي يقل بهذا العمر
انتي من نفسج عطيتي ولدج صناعي؟ ولا بنائاً على ارشادات الطبيب؟

 

[أشبـاهـ المطـر]

هلا الوفيرا لا والله من نفسي عطيته والحين وقفته
ولدي لالحين بالشهر الرابع والحمدالله وزنه طببعي
انا اتوقع ولدي بدا يسنن راسه حار ويسعبل وايده بحلجه


مشكوره ياقلبي قاعده استفيد من نصايحج وحفظت الصور عندي

 

[أشبـاهـ المطـر]

شلونكم بنات

سبحان الله الامومه غريزه في المراه
اليوم ناويه اطلع وانا اتزهب بشفط لولدي
شفته يطالعني ويطالع خواته واهما يتزهبون لطلعه
قلت باخذ ولدي معاي سبحان الله تعطلنا وردينا متاخر
خيره انه معاي جان الله العالم شبصير فيه وماراح يكفيه
الي شفطته وسلامتكم نصيحه اسمعوا حدسكم واحساسك اذا
كان الموضوع يخص اطفالكم

 

[Aloe Vera]

اي صح كلامج صاجة
انا اصلاً قليل اخلي ولدي و اطلع بس غير اللي اشفطخ عندي بالفريزر حليب حق هالمواقف و صارت جم مرة


تخيلي خذيت اجازة اسبوعين و خلالهم ماعطيت ولدي ممية كلش بس ارضعه من صدري الحين يوم رجعت الدوام رافض يشرب من الممية خير شر الحمدلله ان ياكل ولا جان صج وهقه بس مادري شسالفته جذي فجأة
و صج الدكتورة قالتلي اعطيه الماي و العصير بالكوب المبوز مال البيبيات