تجمع مواليد سبتمبر واكتوبر2014 حياااكم امهاات

[بدون بس مغتربه]

الحين اخيرا صرت ام ...

انا عندي مشكله بالرضاعه والحين ارضعه اصطناعي بس مايطلع حليب مني لان مارضعته واجرب ارضعه بليل مايرضع صار مايعجبه..

 

[قلب زوجي وولدي]

السلام عليكم


شلونكم أمهات اخبار بيبياتكم ☺

للي ظهرها يعورها هذه من الولاده مالها شغل ابرة الظهر
انا مو ماخذه الابره وظهري يعورني لانه كان ثقل وراح

أنا للحين أرضع ولدي طبيعي وطبعا معاه صناعي مساعد لازم
بس ملاحظه هالايام الحليب قل وولدي ما عاد يطول بالرضاعه الطبيعيه مثل قبل
ويبجي شنو أسوي ألحين عشان يشبع قبل لا يرفض صدري ويتعود عالصناعي


بدون توه البيبي ما مداه يفرق من أول جم يوم عادي طبيعي خليه يستفيد اشوي
اهو يمكن مو عارف يمسك الحلمه فانتي ساعديه

 

[بدون بس مغتربه]

قلب زوجي وولدي ... صار له الحين اسبوع علصناعي وتعود ... وانا بعد ماعندي طاقه بعد الولاده النزيف وفقر دم عندي حيل تعبانه.. حتى بطلت احاول معاه... لان من البدايه ماكان يدر وكنت كله مزدوحه اول ايام مننوع اقعد على حيلي كنت.. فماكان اكو شي يساعدني او يساعده. ...
انا الحين احس عظامي تعورني وكلش مافي طاقه عندي ...


المهم سمعت يقولون كل مايرضع منج كل مادر اكثر لان الياهل يقولون هني يسوي طلبيه وكل طلبيه توصل بعد ثلاث ايام يعني ينتج حليب حق الرضعه الجايه. .. فقللي الصناعي وخلي ياخذ من صدرج اكثر وكثر سوائل ... طبعا طلعت وايد معلومات عن الرضاعه بس مو لاقيه حل حق نفسي ... موفقين

 

[اهذريبك~]

مرحبا شلونكم امهات

شخباركم مع النونو و السهر

متى يتعدل نومة بنات اشتقت للنوم ابي انام مثل قبل هههههه

 

[لوولوو_88]

السلام بنات شلونكم ؟؟

انا لهيت مع البيبي و الحياة اليديده .. تعبت بالنفاس وايد نفسيا بس الحمدلله من طلعت من الاربعين ارتحت واااايد ..

 

[المشتاقة لجنة]

سلامتج لولو ياقلبي من التعب الاغلب يتعب من النفاس
طلعت من الشرياقلبي

شخبار النونو

اهذريبك كلنا اشتقنا لنوم

اه ماسمعتي بلي يقولون مافي نوم بعد اليوم خخخخخ

انا بنوتي للحين فيها ابو صفار شوي باين ببشرتها صارعمرها شهرين اسم الله عليها ويحفظها لي
بس بنات بليل احس نفسها يتغير مادري شلون اوصفلكم هل هذا الشي طبيعي
بسألكم بعد شنو تعطون عيالكم الحين غير الحليب انا للحين ولاشي
ودي اعطيها تمرة داخل الرضعه بس قلت اخليها للاربع شهور ان شاء الله
تخيلوا صار فيني نزيف داخلي من العمليه تحلول لكيس داخل الرحم ملتهب فيه سائل
وسوتلي دكتورتي تنظيفات وعطتني ادوية ومضاد حيوي بالوريد
بعد اسبوع من استخدامي لواحد من الادوية يعني بعد ماخلصته قريت الرشته تخيلوا طلع مايصير للمرضع تاخذه والدكتورة تقول عادي اخذيه ورضعي مايأثر
الحمدلله ربي ستر وعدت على خير
الدكاتر حشاكم صايرين حمييير بجد اكتشفت انهم ياخذون شهايد من غير دراسه بالفلوس بسسسس
ويلعبون بالناس لعب
استغفر الله واتوب اليه

 

[mi corazon]

السلام عليكم
مبروك للأمهات وربي يبارك في البيبيات

لولو شلونج مع الأمومة ،؟

انا للأسف استسهلت الموضوع وريت للدوام وولدي الحين عمره خمس شهور تحسفت ماخليته
يكمل ست وارجع

المهم بنات اللي مدرسه خل تعلمني شلون توفق بين بيتها وريلها والبيبي و الدوام؟

انا حياتي تغيرت كلش.. زوجي وايد يلومني وقام يبتعد بسبة ان وقتي اغلبه لسند وقل اهتمامي بنفسي

والله ماكو وقت وان لقيت وقت استغله علشان أخذ غفوه ارتاح.. صج والله وايد متعب الوضع للمدرسات

ماقدر اي بشغلي للبيت نفس قبل ومحد يقدر

ف اللي تعرف مدرسه او اهي مدرسه و ام تفيدني

 

[لوولوو_88]

السلام بنات شلونكم

لكم وحشة لهينا مع الدنيا و الامومه ♡

كرزون حياتي شلونج انا بخير و الامومه اتهبل و انا نفسج برد لدوامي و ولدي ماشي آب 5 شهور ما كمل بس مو بيدي

و الله يعيني على الحياة مع الدوام

 

[تولة مسك030]

ماشاء الله

شخباركم امهاات
ولدي اللحين عمري 5 شهور
ربي يحفظه

 

[بدون بس مغتربه]

هلاا بتاات شلونكم وشخباركم
ولدي مثل عمر عيالكم تقريبا بس الحين انا حامل بالثاني ورجعت على نفس المنوال والعذاب . T_t

 

[أمورته]

هلا لولو وبدون وتوله وكل بنات تجمع لكم وحشششسه ي احلى امهات
الف مبروك الحمال بدون وربي يسهل عليج
منو حملت بنات غير بدووون ربي يتمم عليكم يارب
طبعا غطيت طول هالفترة لان انا الي مجابله بنتي ماعندي خدامه ولا احد يساعدني فيها
فتشوفوني كله مجابلتها فديتهاااا

 

[الفوز حلو]

وينكم بناااات اشتقت لسوالفكم
ولدي كمل ٨شهور

 

[لوولوو_88]

سلام بنات شلونكم وحشتوني والله ..

مبروووك بدون ربي اتمم عليج حبيبتي ..

شخبار عيالكم و اخر تطوراتهم ..

 

[لوولوو_88]

ولدي كمل 10 شهور ��

 

[اهذريبك~]

ياحلوكم والله احلى تجمع اشقتنا والله اشقتنا



الايام تركض ركاض والحلو صار يمشي و يبربر بالحجي فديته حبيبي

 

[لوولوو_88]

السلام بنات شلووونكم ولهانه عليكم .. العموم اختفى طمنونا عنكم

ولدي كمل سنه و 7 شهور .. بدت الشطانه و السوالف و الشخصيه تبين ..

بنات طمنوني عفيا عليكم ربي يحفظكم و يحفظ عيالكم

 

[مـهـــابــــه]

اهلين بنات شلونكم شلون عيالكم له وحشة هالتجمع والله

 

[أمورته]

اي والله لكم وحشه كلكم حبايبي

��������