تجمع مواليد اكتوبر 2012 .... حياكم اكتوبريات

[اسبــانيــة]

املي لقيت كتيب مو طبيعي روعه عند عيادة الدكتوره دلال السالم بالجابرية

اسم الكتيب ربيع الرضاعه الطبيعيه

هذي الصفحة تفيدج وتفيد البنات

http://i.imgur.com/XErId.jpg

 

[اسبــانيــة]

ميش تاخذين المانع باليوم ٣٥

 

[اسبــانيــة]

وترا الرضاعه الطبيعيه تحافظ عالوزن من الزياده بس

 

[اسبــانيــة]

وللعلم بنات ترا هرمون الحليب يزيد بالليل ف نصيحة لا تعطينه رضعه صناعي بالليل لا رضعوو اعيالكم بالليل

هذا كله من الكتيب فيه شغلات مفيده اذا تبون اصوره لكم قولولي

 

[بنت الاحلام]

انا من شوي رضعتها طبيعي وطولت بس احسها ماشبعت عطيها بعده ممه

 

[اسبــانيــة]

واذا بتعرفون حليبكم يشبع ولدج ولا لا لاحظي حفاظته يقولج اذا مرت ٣ ساعات وبال خلال هالثلاث ساعات يعني حليبج اوكي يشبعه

اما انتي ياللي حليبج مايدر ومايشبع ولدج كثري من الرضاعه الطبيعيه بالليل لان هرمون الحليب ينشط بالليل ف يساعد انه يدره لج

وخلي ولدج بصدر واحد كثر ما يبي خليه يمص عادي

ولما تشوفينه نام ومرتخي تعرفين انه شبع

لان حليبج يثقل بعد ١٠ دقايق من الرضاعه ف يقولج لو شبع من صدر واحد كافي مو شرط الاثنين

 

[بنت الاحلام]

انا ببد جدول العنايه بس اكمل 10 ايام لحد الحين تعبانه

حق جسمي ووجهي

بنات تنصوحوني بالرداده

او المساج

ومهمه ولا مو شي مهم مادري

 

[اسبــانيــة]

هذا الفهرس مال الكتيب

http://i.imgur.com/rJbqM.jpg

 

[اسبــانيــة]

المساج مو ضروري بنت الاحلام اتوقع الرداده اللي مهمة عالاقل تردلج عظامج

انا يبت وحدة للمساج وكانت التجربة فاشله جدا وتحسفت يبت وحده للمساج (يبتها من المعهد الصيني)

 

[بنت الاحلام]

طيب وشلون اعرف رداده سنعه ماعندي تجربه وجم يوم

 

[جِراحُ الغَرام]

اسبانيه
خوش معلومات ، انا قبل لا اطلع من المستشفى عطوني بروشور عن الرضاعه الطبيعيه وفيه هالنعلومات

واللي بييب رداده عليكم بالعافيه انا لا هالحمل ولا اللي قبله يبت لان قيصريه ماينفع رداده

 

[جِراحُ الغَرام]

بنات شرايكم
الاسبوع الياي يوصل زوجي صج بعدي بالنفاس بس فكرت لو اغير شوي من لوكي لان من حملت وانا مالي خلق عمري وصار له شهرين غايب ويرجع وانا بالنفاس شكلي كئيب ، فمادري هل اصبغ واقص شعري اجقبل لايوصل والا اخليها بعد الاربعين؟

 

[بنت الاحلام]

لا جراح صبري لبعد الاربعين احلي شي

 

[جِراحُ الغَرام]

بنت الحلام
نزلي موضوع يمكن يفيدونج البنات ، انا للاسف قيصريه فما ينفع
ومادري ودي اغير لو شي بسيط ، بس المشكله مايمدي وفوق هذا ماعندي هدووووم بجاماتي موقدي يعني صج صج شيرفظيع والمشكله مو متنانه وايد لان بعض الملابس اللي اخر حمالي لبستهم مو قدي الحين

 

[منونتي]

اسبانيه ثانكس ع المعلومات

بنت الاحلام صاجه جراح نزلي موضوع يمكن يفيدونج البنات


جراح انا لو منج ما اسوي لوك لوك
بس عالاقل اتزكرت
يعني اروح اخذلي جم بجامه كيوت ع جم دراعه فيها كشخه ع بيتوتيه
و اضبط شعري برفعه.حلوه ع تراجي صغار
و هالله هالله بالنعومه
و العطور الناعمه بس حلوه

 

[منونتي]

ع طاري ضيقه الخلق

استغفرالله ما جنه عيد
تهاوشت مع ريلي و بجيت
و ظهري و الخياط اذبحوني

ي رب يهون علينا باجي النفاس


20.

 

[Galb.sh]

اي والله ضيقة خلق وماجنه عيد هم انا قاعده مع بنوتي بالبيت وتعبانه اليوم اليوم كله بحضني
بس الحمدلله اختي معاي نفاس ف شوي مهون علي
وبخاطري اصبغ شعري قبل لايرد ريلي من الحج ..
باقيلي ٩ ايام واخلص الاربعين ))))))

 

[أم غايب]

شلونكم بنات
اليوم يوم متعب وديت بنتي بيت حمولتي و بيت يدتي مسكينة مو متعودة عاللوية تقعد تبجي و استعسرت و هم بطنها عورها حبيبتي و انا ما عرفت اكل قلبي عليها و احس حليبي قل اليوم ماكو اكل عدل
والي نرفزني عقب ما ينقص ظهري علشان انومها و اهي ترتاح حبيبتي ايونج نبيها نبي نقعدها تكفون شنو بتستفيدون تلعب تسولف بتشوفوون عينها و وراها بتبطل حلجها و بنتعب انا معاها بس انا ما عطيت ويه صراحة بنتي مو لعبة

 

[جِراحُ الغَرام]

منونتي
والله خوش افكار بس يبيلي ادبر احد يمسك ولدي لما اروح السوق
وييييي ليش ؟ حبيبتي اهم شي انج ماتتضايقين ترى انتي بنفاس يعني موناقصه ضيقة خلق قطي بحر واذا ترضعين لاترضعين وانتي زعلانه او تبجين ترى ياثر

قلب
زين عندج احد معاج انا كنت بروحي بالبيت والله ، يالله الحمدلله قرروا باجر ايون عشا ، شوي خل اغير جو
وطام انج قريب تخلصين نفاس سوي اللي تبين قبل لا يرجع زوجج بالسلامه

٢٩

 

[أملي بعد الله]

يسلموووو إسبانية فديتج
اليوم يوم متعب الصبح كنت بروحي انا وبنتي لين العصر وبعدها بدا الكرف والتعب
ظهري عورني من القعدة مجابل الضيوف وبنتي مسكينة تغير عليها الجو ومنزعجة مانامت عدل
>_<
شكله بيطلع علي اخر الليل