تجمع مواليد اكتوبر و نوفمبر 2013 ،،،، احلى امهات واحلى مواليد

[Om_HoBi]

انزين شسويتو مع رياييلكم
شلون نومة الليل و اذا اهو دوام

وااايد احاتي مادري شسوي
قاعده اقول حق ريلي اخذ اول اسبوع اجازه

 

[Öm àlkeek]

السلام عليكم رديتلكم بعد غياااب طوييييل
شلووونكم ومبرووك مايبتووو

 

[Model Look]

شلونكم بنات

وااي من زمان عنكم ولهت عليكم

انا طلعت من الاربعين سيده سافرت مع ريلي وحسيت غيرت جو واستانسنا حييل

احمداني مع اخته حيل متعبيني الله يصلحهم

كله يطق اخته ويحذف السيارات على راسها ويدوس ريلها ويدهن ويها ويفقص عيونها

واذا قلت له ليش يضحك حيل واقوله شوفني يغمض عينه ويضحك مره حبسته بحباسه قام يحذفني بكور ويتفل علي

اسم الله عليه حيل شطانته زادت

وبنتي ماقضيت اذونها بحاول هالاسبوع

والحين جو مرض اليهال مراضى وحايسه معاهم

 

[Heaven Light]

قوة بنات الحمدلله على سلامتكم
بغيت اسأل منو تستخدم للبيبي حليب اس 26 غولد ..احس يسوي غازات ويمسك البطن
وشنو احسن حليب؟

 

[mrs.inona]

السلام عليييكم


مبرووووووووك للجمييع

وانا ولدت بشهر 10 يبت بنووته

 

[Dana2012]

بناااااات شلونكم شخباركم

من زمااااان عنكم
شكلكم لاهين مع بيبياتكم الله يحفظهم
ماكو وقت حق شي

طريتوا في بالي قلت اسال واسلم عليكم

ان شاءالله كلكم تكونون بصحه وعافيه

 

[unknown1988]

صباح الخير
غاطين غطه عن المنتدى صج لاهين مع اليهال ♥


شخباركم ؟ و شلون عيالكم شنو التطورات ؟؟؟

يعقوب نومته عفسه الاخ مره عدل مره مختربه و امشينه على مزاجه سهر ?

ابي اعدلها نومة الليل فيها عافيه حقه تتعدل يومين و يرد يخربها ?


دانه شلونج ان شاءالله بخير ؟؟

 

[tota77]

صبااح الخير امهااات لكم وحشه والله .. شلونكم عساكم بخير وشلون عيالكم


من زمان عنكم فديتكم :**

 

[Ririi]

هاي صديقاتي
وحشتوووووووني وحشتوني
شخباركم شلون بيبياتكم
حبيت اطمن عليكم
أمواه أحبكم

 

[Ririi]

مساعده صديقاتي قاعدة افكر اقطع الرضاعه شنو تنصحوني اي حليب استخدم
محتاره كل مااروح رف الحليب الصناعي اقلب بهالقواطي وامشي

 

[unknown1988]

ريري امس اقول بدزلج رساله اسأل عنج ��

شوفي انا استخدمت اس 26 ريحته مستحيله وسوا حق يعقوب غازات وااايد و غير هذا لما اغسل المميه احس دهن يقطر منها


واااايد دسم


جان احول حق نان اصلا احبه من قبل خفيف وايد و من عمر يمكن حتا احنا شربناه ��

ارتاح عليه يعقوب خفيف واااايد جنه حليب من صدري حاطته بمميه هالشي ريحني .. و منتجات نستله كلها زينه

جربيه اهو اكثر حليب مناسب حق ( اغلب ) اليهال .. قلييييل اللي ما يضبط معاهم ..

 

[Dana2012]

بناااااااات صديقااااااااتي شلونكم وشلون عيالكم ؟؟؟


بديتوا تأكلونهم؟؟؟


عفيه اللي بدت تقولي شنو بديتوا فيه؟؟


:eh_s(10):

 

[Ririi]

صديقاتي شخباركم شلون كتاكيتكم
مشكوره أنون انا الحمدلله كملت ٦ اشهر كله رضاعه طبيعية بس الحين قطعت ودخلت الصناعي وعطيته ابتاميل نصحوني فيه والحمد لله الأمور طيبه
هلا دندوش انا بلشت اكل من اول الشهر السادس عطيته جزر وكوسه وقرع كل نوع بروح واسويله محلبيه تمر بالعيش المصري بعدين قمت أخلط كوسه مع جزر او قرع مع كوسه وعيش مصري بعدين دخلت الافوكادو وعصير البرتقال مخفف بالماي وروب بس أشيل الطبقة اللي فوق الدكتور قالي شيلي الطبقه اللي فوق وعطيه وناويه هالشهر ادخل الدياي ان شاءالله
بنات بلشت تجهيزات حق القرقيعان ورمضان ابي أفكار الله يبلغنا رمضان يارب

 

[Om_HoBi]

السلام عليكم
انا من تجمع ديسمبر و بنتي كملت 5 اشهر
و دشيت اشوف شلون بديتو اكل مع عيالكم

انا بنتي اعطيها صناعي بس شربت مني بالاربعين و كان كله شفط بعدها ابتاميل و اهو احسن حليب و يمدحونه وايد
و طبعا اللي بتغير من حليب لي حليب لازم خلال اليوم تعطي رضعات من الحليبين مره جذي مره جذي ليما الجسم يتقبل شوي عشان ما يتلخبط و يسوي امساك او اسهال


ريري
تو الناس عالدياي داشه بقوه
خل الياهل يتعود على اكل معين اول الخضار اول وجبه غدا مده اسبوعين بعدها وجبه خضار و وجبه فاكهه
و تنوعين و تخلطين
و العيش هم اللي ينباع مثل السيريلاك هم وجبه و في ناس تبدي فيه اول

البروتينات الدياي و اللحم يمكن الشهر 8 او 9 ماني متأكده بس الاكيد مو 6 او 7

انا من زمان احط بسكوت فارليز مع الحليب حق بنتي كسره صغيره و مو دايما
و جربت بالقفشه نفس الحليبه اعطيها كله اتفله
فبعرف هال بالشهر 6 الياهل يتقبل الاكل بالقفشه ؟
اهلي يبون اوكلها من الشهر 4 و من حنتهم قلت اجرب القفشه بس و ليلحين ماتعرف تبطل حلجها يعني بالمميه عادي بس قفشه لا



و السؤال الثاني عيالكم سننو ؟ انا بنتي من زمان ذابحتنا بالسعابيل و الاييد بالحلج و اللسان تلحس وايد ههه و الحين لاحظت تحط لسانها بلثتها اللي تحت فالظاهر بدايه

 

[86روعـه]

ماشالله انا وين كنت عن هالتجمع امبيييه غيبوووبه
كل عام وانتم بخير سبحان الله طحت عليه فجاة ترا محد قالي عنه كلللش
شلووونكم وشلون بيبياتكم مشووو والا بعد
اتوقع محد بيرد لانه الموضوع حده قديم لووول

 

[86روعـه]

اب
اب
اب
ياليت التقي فيكم اهني ونرد نتشااااارك

 

[~Rou7~]

هلا والله روعه انا بنتي توها مشت لها اقل من شهر جننتني اربع شهور تحبي
ع طول كنت البسها طويل ماصدقت ع الله مشت الله يخليهم ويصلحهم

 

[MiSs .SwEeT]

بنات ضيفووا بالانستغرام وشوفوا بضاعتها للاطفال
baby_moon_q8

 

[86روعـه]

rou7
شلووونج
انا تمام الحمدلله
وابشرج انا الحين حامل لي ٤ شهور
وبنتي ما مشت للحين مادري شسوي فيها
وبعد ما توقف بروحها لازم تمسك شي قنفه /كرسي
وجذي
ياااااارب اشوفها تمشي يارب


لاتنسين تطعيم السنه وبعد فيه بو سنه ونص الي يقولون يتعبهم
والله يعيننا ويخليهم لنا

 

[~Rou7~]

ع البركه الحمل روعه الله يتمملج بخير ان شاءالله
الله يعينج تعب والله وبنتج صغيره يلا خيره ان شاءالله