تجمع مواليد اغسطس 2013 ( أحلى مواليد )

[حبيبي مالكني]

ام سلطان

عفيه عليج
رضعيه من صدرج عشان يستفيد وتكون عنده مناعة
صج الرضاعة الطبيعية متعبة
بس وايد مفيدة
بس حاولي تعودينه على الطبيعي والصناعي
بس الخوف يتعود على صناعي ويعافي صدرج
انا بنتي ثانية سوت فيني جذيه
كانت تصيح ماتبي صدري
حاولت معاها
بس بالاخير وقفت الطبيعي
يارب سلطان مايكون عنيد ويرضى يرضع من الاثنين

وكريم الميبو وايد زين بس انا كلش ماحب ريحته
عشان جذيه استخدم البيتادين

 

[.:lady bug :.]

بقالي اسبوعين باذن الله يارنون حبي

بس صايره وحام مااكل بخرب شكلي
اميره كملي شد
والله صارلي جم يوم ماشد رد بطني دبلات
جني حامل الحين

بنات طهرو عيالكم بالهادي روعه

بنات سؤال
بنتي لمن اغير حفاضتها
مو دايم مرات
تبجي وتحمر فجاه
وترتاح لابالت مكرم القاري

اوديها الطبيب ام عاديهي نومتها حلوة وتبول عادي
لاني اجيك ع حفاضتها
بس هاليومين لمن اقعدها تبجي بدون سبب

 

[.:lady bug :.]

شوق
هههههههههه مثلي فريت اهناك
بسوي اسناني مسكربه وخاطري بخدود
قاع احط كريمات احس انتفاخ بسيط
بس ابي انتفاخ حلو طبيعي

 

[حبيبي مالكني]

ليدي

لان هاي اول بنت لج
عادي البنات وايد يصير فيهم
هالشي
لما يتبولون تعطيج ذيج الصرخة الي توقف القلب
لاتخافين مع الوقت بخف
انا مريومة حبيبتي مرة او مرتين باليوم تبجي وايد وتحمر اذا الله يعزج ويعز الكل تبولت
استخدمي كريم خفاظ
لان بول البيبي يحرها والمنطقة حساسة
اذا لمس بشرتها يحرها زود
انا استخدم كريم حفاظ جونسن ابيض مغطاته زرقة
وفي ناس يمدحون درابرلين
وناس يمدحون سودو كريم
انا عن نفسي مرتاحة على جونسن
الحمدالله عمره ماسبب حق بناتي طفح حفاظ

 

[.:lady bug :.]

ريحتيني ام الجازي
انا احط سودو كريم
فيها حمار خفيف


بنات
شنو احسن صالو ايسوي لج حمامات مغربيه وتبييض
ودي اسوي برنامج واخليهم ايفركوني

 

[شوق العين]

ليدي

اممممممم انزين احد يقولنااااااا صرنا 3 نبي تبيض اسنان وخدود ههههههه

بالنسبه لحمام البخار احب حمام الشرقيه نظييييييف وحلوو..

انصحج فيه..

بروح لهم ان شاء الله..


بنات انا طلعتي ع 1 عشرره والعيد 15 عشررره

ودي اخلي طلعتي مره وحده بالعيد شرايكم..؟؟

لان بخلي الدوره تنزل باكل حبووب وثاني اسبووع صالون
والطلعه بالعيد احلى .. رااااااايكم.. ؟

 

[يتيمة جابر العز]

انصحكم في قوالب تبيض عياده اسنان انا مجربه حلوو بس لجج يذبحني

ام الجازي بخصوص الرضاعه صاجه نفس كلام اهلي الكل ينصحني بالوضاعه الطبيعيه والله احاول معاه بس هو بطى ينرفز من قلب

اميره جم لج يوم ؟؟ عشان تطلعين ؟؟

والله جنج تدرين ابي اطلع بس ابي خياطي بطيح وارتاااااااااح متى !!

جد الم ذبحني حييييييييييييييييييل يارب ياجرني

 

[يتيمة جابر العز]

شوق اطلعي بالعيد اذا حابه انتي

الا صج بسالكم حوسة الاربعين متى تجي اي يوم بالنفاس؟؟؟

 

[أميره بلا قصور]

صباحووووو


شوق جنج تدرين فيني من امس احسب متا العيد

طلع ١٥ اكتوووبر

انا طلعتي ٣٠ /٩ شلون انت اول عشره وانت والده قبلي حسبتج غلط يمكن

كنت مفكره اطلع بالعيد بس واااايد الفتره بينهم يمكن ١٥ يووم

باذن الله طلعتي بتكون اول عشره وطبعا ع حسب الدوره اذا يت مبجر او متأخر

وحبوب المانع اكليهم يوم ٣٠ من نفاسج توني خذيتهم من دكتووورتي وقالت لي هالحجي

 

[أميره بلا قصور]

يتيمه

اليوم لي ١٣

واي صج الم الخياط يذبح

انا شلته بس لمن الحين في الم بسيط باجي وقاعده اكل مسكنات ومضاد
وبروح اجيك عالجرح هاليومين

اول مايطيح بتحسين بالحياه وخلج عالرضاعه الطبيعي انا ببجري استمريت ارضع طبيعي لمن ٦ شهور وعقب ارضع مكس لمن كمل السنه يعني حتا وانا حامل كنت ارضعه عبادي حبيبي

 

[نرجس 2]

كيفكم بنات شو اخباركم
حبيباتي بدي اسالكم عن كريم حق تشقق الحلمه
شو احسن نوعيه جربتوتها وراح التشقق الله يسعدكم لا تبخلون علي الي تعرف كريم معين تقلي
ربي يتمم نفاسنا على خيرررر
يا رب

 

[N.o.d]

امبيه كل وحده مطلعه شي تبي ترممه لوول
تخيلوا امس دكتوري ق يقولي ﻻ تلبسين حزام اصلا ما يوخر البطن ولا شي
لبسيه اذا عندج مناسبه وماتبين بطنج يبرز بحال كان بطنج عود !!
وقالي الشي الوحيد الي ينزله اكل صحي ورياضه *.*
انا اكلي كله صحي من اول ما ولدت بس الحجي بالرياضه ببلش امشي كل يوم اذا قدرت
بس مع السهر استغفر الله طول النهار مدروخه :/

صج بسالكم
الحين انا اخذ ادويه نفاس بس ما ينزل وياي دم تكرمون الا لما اغسل وشي لا يذكر كانه اخر ايام الدوره
والشغله الثانيه ادويه النفاس تاثر على خروج البيبي اذا كان يرضع من صدري !!

 

[Ranoon]

نود

للحين انا ما شريت حزام
بس شنو تمارين اللي ينصح فيها ؟؟


بنسبة عن دم والله مدري
مرات يجيني جنا دم دورة وخف علي الحمدلله
ودم عادي عندي ما اعرف شلون أوضح او اشرح
لج ،،


أدوية نفاس ورضاعة والله مدري صراحة

 

[حبيبي مالكني]

نرجس

انا قاعده اجرب بهالكريمات حق لحلمة
ومافي فايدة
جربت
دكتارين
وبالمرز
وجربت زيت زيتون
وفازلين
وللحين احلمتي تعورني
الله المستعان

 

[حبيبي مالكني]

نود

انتي شوفي البيبي مالج اذا تحسينه متضرر من ادويتج
يعني كله يصيح وغازات ومايرقد
يعني متضرر
بس اذا مافي شي متغير عليه
الحمدالله استمري بادويتج

بس انتي والدة قيصرية
يعني اصلاً انتي مو محتاجة هالادوية

 

[.:lady bug :.]

انا مره مرتين ارضعها من صدري
احسها مرات يمغصها بطنها حبيبتي


انا طلعتي 14/9 باذن الله
بنطر اخت النفاس عقب اخذ المانع
باكل ياسمين لاني مجربتهم من قبل ومرتاحه لهم

الشرقيه عندهم جلسات تبييض?


القوالب زين سويتيهم يتيمه وجم اطلعو عليج?

 

[يتيمة جابر العز]

ليدي سويتهم ب ١٠٠ بس يبيله وقت بعني اقل شي يبيله اربع مرات

 

[يتيمة جابر العز]

اميره اجل على شورج ناويه اكمل رضاعه طبيعيه ان شاءالله والله ياجرني

ام الحازي انا صدري يقمتني من كثر الحليب الي فيه يعني يتعبني والحمدالله على كل حال

 

[Ranoon]

ليدي

حبوب ياسمين مو زينه ديري بالج
وممنوعه جنا ،،
سوي بحث بجوجل

 

[N.o.d]

اي انا سمعت عن حبوب ياسمين وايد وفيات من وراها !
رنون ما حددلي بس سالته عن مشي قالي حتى ركض تقدرين وتدشين مراثون بعد .

ام جزوي ما ادري حبي بس قالولي ان لازم ادويه عشان ظهري !
وعشان الدم ..

وبالنسببه للبيبي خروجه فرق علي بس الغازات من زمان جذي عادي .بس بطنه يمسك !!