تجمع مواليد اغسطس 2013 ( أحلى مواليد )

[نرجس 2]

كل عام وانتو واوعيالكم بالف خير
كان النت فاصل عندي
وما صدقت افوت اطمن عليكم
الله يجعل ايامنا كلها عيد
ايه والله بسمة البيبي تاخد العقل
اكتب لكم وانا برهومه ببكي اقوم اشوفه حرام

 

[pяiήcєşš]

وانتي بخييير نرجسس شخبارج وشلونج مع العيد ؟؟


بنات التجمع للحينكم معيدين الظاهر ما خلصت اجازتكم خخخخخخخخ



وووينكم صحصحوووا شوووي

 

[بدويه 88]

هلا والله كل عاام وانتو بخير شخباركم عساكم زينين والبيبيات كيفهم انا اذكر سالفة هالرمد في بنتي الثانيه وكانت ادمع كثير بس الحمد لله مع الوقت بدت تخف لاتحاتين مافي شي ان شاء الله

 

[.:lady bug :.]

ياحلو برهوم
سولفو بنات ليش اختفيتو

طعمتوهم بو شهرين
انا للحين

 

[بدويه 88]

لا انا للحين مطعمته باقي يكمل شهرين بتاريخ ٢/١١ان شاء الله

 

[Ranoon]

شلونكم ؟ ادري غبت عنكم !!


شلون بيبيات بوشهرين
الله يخليهم ،، بطعم ولدي
والله يعين !!
شنو نصائح عقب تطعيم ؟؟


وحبيت اسأل متى اشتري
كرسي يقعد عليه يتحرك خفيف ؟
ومتى اقط زهمولة عنه عقب ٣ شهور او متى ؟؟؟

 

[.:lady bug :.]

هلا رنو شلونج قلب
الكرسي شريته من الاربعين عادي
اصلن الحين يستانس عليه خليه يقعد وحطي طيور الجنه بيببي وبيستاااانس
ونصائح عقب التطعيم
والله جنه هالعمر نعطيهم ادول والله ناسيه
بس يوم كامل ونتي تكمدين المكان بماي من الحنفيه
بس ديري بالج لايدشه برد قعدي بمكان دافي عليه

 

[.:lady bug :.]

وانا من طلعت من الاربعين وانا مااربطها بس الفها
مابيها تتعود تنام مزهمله بعدين اتغثني
بنت حماتي كبرها ماتنام الا مزهمله

 

[N.o.d]

انا طعمت ولدي بس اول يوم تعب ويصرخ كل ما حرك ريله
اشتريتله مرهم من صيدلبه وابد زين ريحه ثاني يوم قعد اسم الله عليه خاف وايد ،

انا الفه بدون ربط ومو ضروري ينام ملفوف بس ماحب اخليه يتفزز وايد ويتحرك !

الكرسي هم انا شاريته من الاربعين ويقعد عليه يلتههي فيه جدام تلفزيون ويدوخ بسرعه ينام خاصة اذا كنتي مشغوله

 

[زهرة الياسمين2]

مساء الخير بنات


عيدكم مبارك


شلونكم وايش اخباركم
لهينا مع العيد شحالاتة اللة ايعودة علينا بالخير

بنات طهرت ولدي حبيبي فديتة الحمدللة الحين زين

ترى احلى شئ بسمتهم اتهبل ههههههههههههه ياعمري .

 

[Ranoon]

زهرة

توج تطهرينه !! الله يعين
انا طهرته قبل لا اطلع اربعين


ليدي


انا امي تقول مو الحين يقعد يبيله ٣ شهور
مدري عاد رحت شفت كراسي
وشريت بس مفرش اللي فوقه ألعاب
يحوشها !

 

[نرجس 2]

يسعد مساكم يا حلوين
كيفكم وكيف اصغاركم
انا جبت الكرسي لبرهومه الي بنحط بالسياره ودايما اقعده عليه
هو نفسه الي تقصدونه ولا غير

مبروك طهور الولد يا زهره
عقبال برهومه
ههههههههههه

 

[نرجس 2]

بنات شو رائيكم كل وحده تكتب كيف بتقضي يومها مع اعيالهااااا
فكره حلوه
يمكن برنسيسه مره كتبت يومها اعتقد واعجبتي الفكره
وناسه

 

[حبيبي مالكني]

شخباركم يا احلى بنات وحشتوني كلكم واااااااااااااااااااااااااااااااايد

انا الحمدالله يوم الاحد طعمت بنتي واول ماخلصت التطعيم عطيتها بندول وقمت اعطيها لمدة يومين بندول كل 5 ساعات
عشان لا ترتفع الحرارة فجاة وعشان يسكن لها الالم
واول يوم حطيت كمادات باردة وثاني يوم كمادات حارة مكان الابر

انا من يبتها احطها على الكرسي
في مذركير كرسي تقدرون تستخدمونه حق حديثين الولادة
مايعور الظهر ولا شي
ويهتز بروحه يدوخ الياهل ويرقده

نرجس
الكرسي الي تتكلمين عنه زين بس حطيه على اخر مستوى
يعني يكون البيبي مو قاعد عدل يعني نقدر نقول نص قعدة
انا حاطته حق مرامي في سيارة

انا رجعت للدوام
اللحين ابتدى التعب
الله المستعان
الكل يقولي خلي بنتج مع الخدامة
دام خدامتج زينة بس انا مااثق في احد
ايود بناتي غير امي وخواتي

ليدي
انا بعد نفسج قاعدة اعود بنتي على طيور الجنة بيبي
بدت اللحين اتميز الاصوات حبيبتي
صاجة ياحلو حنجهم اذا ضحكوا

 

[حبيبي مالكني]

برنسيس

شخبارج ياقلبي
وشخبار عيالج
ان شاء الله صحتج صارت احسن اللحين

 

[Ranoon]

انا طعمت ولدي وأول ما رجعت عطيته أدول
مثل كلام طبيبة كل ٤ ساعات


واذا ببدل حفاظ أحط كمادات دافيه
اول يوم كله يبكي وقت تبديل حفاظ
وثاني يوم
حمدلله ما بكى وخف تطعيم عنه
ولا حاشته حرارة الحمدلله ،،

 

[زهرة الياسمين2]

رنون حبيبتي كان شوي عندي ظروف اخرت طهور حبيبي
اخوة الي قبلة على اسبوعين كنت امطهرتة
بالنسبة للكرسي الافضل على ثلاث شهور

 

[Ranoon]

اها مشكورة زهرة

انا جتني دورة عقب طلوعي
والحين بآخر أكتوبر جتني دورة مرة ثانية !!!
يعني دورتين في شهر !!!
شنو هذا !!!


اراجع عند دكتورتي او اي دكتورة في أمراض
نساء ؟


اول دورة غزيرة وكانت نفس دورة اللي تنزل علي


والحين ينزل دم خفيف وبطني يعورني !!
من شنو هالدم !!

 

[.:lady bug :.]

واي ام الجازي يومي ممل الحمدلله يارب
اللهم لا اعتراض
احاول اجابلهم وادرس ومن انومهم ادوخ وانام معاهم
ماعندي وقت للدراسه كلش وموادي وايد صعبه

بنات ابي احد ايدل بلندن ضروري

 

[.:lady bug :.]

للحين ماطعمتها.
حبيبتي حايشتها كحه ناشفه فيها بلغم اسسم الله عليها