تجمع مواليدديسمبر2011ومواليديناير2012

[OM ZAHOOR]

سلااااااااااااااااااااام بنات


شخباركم كلكم حنونونة توحة لي لي عسووولة


بنتي كملت 6 اشهر والحين عمرها 6 اشهر وثمانية ايام

انتقلت لمرحلة جديدة بالحليب رقم 2 واعططيها سيريبلك

تجلس الحين بدون مساعدة بس اذا تمت فترة طويلة تطيح وتحاول تزخف



وابشركم تطل من شنطتي الكلينكس وتاكله وتاكل اوراقي






آخر مرة ودتتها تطعيم 6 اشهر اخذو منها دم حق تحليل الغذة الدرقية بسم الله عليها لانها ما طولت وايد

 

[.. BNT ..]

فديتهم خواتي نفره نفره .. الله يخلي لكم ماعطاكم ويتمم نعمته ويبارك لكم يااارب
عاد انا ولدي عمره 6 شهور ويومين لاقلب ولا زحف ولا طلع ضروس ولا عنده ماعند جدتي
واذا اجلسه يطق رووووس وتالي يتعب و يطيج راسه بين جتوووفه .. مدري شعلته

وحده قالت لي من حليبه اس 26 اهو جذي اللي ياخذه كل شي يصير بطيء عنده عاد مدري

الحين حليبه حق المرحله ال 2 بروميل .... ماخليت حليب ما ناسبه لا نان ولاسيميلاك وطيحت ع بروميل
ومابغيت اس 26 لانه فيه دهن واااااااايد وخاايس

وربي يعين ويفرج

 

[توحه1]

ام زوزو كلللوش من وين طالع القمر حبيبتي يوم شفتج طاله علينهت
تذكرت يوم ولادتج وشربج شاي الزعفران والله كانه امس ماشالله الايام تركض ربي يجمعنا مع بعض بكل خير

 

[Le chat]

اوووه ام زوزو يا هلا ويا مرحبا بمن حبا ودبا ههههههههههه انا استخفيت عالبركه بس ان شاء الله ماتخلينها تاكل قراطيس ههههههههااااي ياحلوها النزغه ديري بالج عليها
بنوووته ذبحتيني بولد من الضحك مسكين خليه على راحته وقت مايبي يقعد يقعد بس شوفي سالي الدكتور عن حليبه لاتغيرين من كيفج*

 

[توحه1]

لي لي والبنات الي داخلين الاستغرام في وحده اسمها افنان اطباقها ووصفانها للاكل روعه اختي اطرشي كم وصفه منها لحقوها روعه ولذيذ وسهل

 

[Le chat]

توحه في وحده ضايفتني اسمها توحه هذي انتي؟

 

[توحه1]

لا لي لي

 

[توحه1]

انا ماعرف حق الاستغرام اخذ الوصفات من اختي فقلت افيدكم شي لذيذ شغاها افنان وسهل وسريع واطباقها تكفي ٨ اشخاص تقريبا
رحمه الله والديها قاعده تفيدنا واشياء حلوه حق شهر الخير

 

[Le chat]

اي اسمها افنانيتو تينن

 

[توحه1]

اي ماشالله احب الناس الي يحبون الخير لغيرهم وتعم الفايده للكل جزاها ربي كل خير في ميزان اعمالها ان شاء الله

 

[حنان المحبه]

اهلين وسهلين بالحلوين
توحه وعسوله وخوخه وبنوته ولي لي. وام زوز
المهلي اللي مايولي
شخباركم
وش علومكم
وكيف احوالكم
خلاص توحه بإذن الله. ماقاطع التجمع
چني ضايفتها افنان … وحده ماشاء الله تهبل وتصور طريقتها وماشاءالله الله يبارك لها اتوقع أهي
لي لي شوفي اللي ضايفتهم انتي وبنوته … بصراحه وناسه اشياء وايد مفيده فيه بالذات اللي تبيع كريم الجرجير للشعر تعطي نصايح من ذهب الله يبارك لها فيها رزقها يارب
اما ولدي … يقلب بس مايقعد وبدأ يزحف على ورا(((يريوس)))
وذبحني بالعض بيسنن ان شاءالله … بس اذاني يمص اصبعه السبابه والابهام. قمت اغطي ايديه زعل والله بس يبچي مانام كسر خاطري

 

[حنان المحبه]

لي لي
اسمها جذيه بالعربي ولا بالانقلش اذا انقلش حطيه ماعليچ امر

 

[حنان المحبه]

هذي اهي لي لي اللي اقولكم تعطي نصايح ذهبيه

 

[Le chat]

حنونه اسمها afnaneto انا ضايفتها شوفيها وترا سالفه التمصمص وكل شي يحطه الياهل بحلجه هذا شي زين لاتغطين ايده مالت العلاج الطبيعي تقول اذا بنتج حطت ايدها بحلجها بلغيني هذا واايد زين حق تطور الياهل

 

[توحه1]

حنون شخبارج حطيلي اسمها مالت علاج الشعر ماعليج امر
وخليه وليدج دام بالعمر هذا مافي مضره بس يسنن حاولي تبعدين ايده عشان مايتعود والافضل تعطينه عضاضه تساعده ودوري لينه مثل المفاتيح سياره وحاولي ماتكون الي شكلها فراوله وداخلها ماي واي اي عضاضه الي داخلها ماي

 

[توحه1]

حنون ناطره نك ام جرجير اوكي

 

[حنان المحبه]

ابشري من عيوني توحه

هذي اهي وهذا شغلها

 

[حنان المحبه]

تعالي توحه
مافهمت عن العضاضات شنو تقصدين
ما آخذله اللي فيها ماي اتوقع احسن اثلجها وعقب يعضضها تبرد على لثته
اي نوع آخذ ؟؟

توحه باقي لنا تقريباً اسبوع ان شاءالله وندخل السابع ادخل الفواكه الحين عليه وشنو اعطيه ولي حزه وشكثر اعطيه ياأبله توحه؟؟؟؟

 

[حنان المحبه]

وهذي اللي اقولكم بنات
تبارك الرحمن تطبخ وتبدع بالاكلات والافكار فيها
لاتطوفكم ضيفوها

 

[توحه1]

مشكوره حنونه ماقصرتي بخلي اختي تلحقهم ههههه

دخلي الفواكهه ربع موزه مثلا وحهرسيه ووكليه وبعد يومين ربع تفاحه بشريها وبقفشه عطيه
وبعد يومين عير برتقال رقمين بالمميه وبعد يومين خوخه وهاكذى اي
ولمن تدخلون السابع مرتين بالشهر نعطيهم ريوق بيض اوملت مومستوي عدل موناشف بدون ملح بدون فلفل لاتقولين ويع اهو بياكل مو انت هههه ودام الشهر الفضيل على الابواب يعني بنعطيهم كريم كرمل وجلي اوكي موتنسون وهريس هالله هالله فيهم غذوا عيالكم ماوصيكم لي العيد نبي دبيه


حنون انا ماطعمت ولدي تطعيم ٦ شهور لان مسخن وين يطعمونه بريله ولا ايده ولا وين؟؟؟؟؟