تجمع مواليدديسمبر2011ومواليديناير2012

[Le chat]

عسوله انا بالاسبوع التاسع موعد الولاده ٢١-١ بس دامني قيصريه شكلي بقولهم يولدوني بيوم ميلادي بحتفل بغرفه الولاده ههههههههههههه
توحه ياحلووو الخدود انتي جم مره توكلينه انا اخاف اوكلها وايد بس مره باليوم احط شويه بماعون وازيده حليب يعني مو مكيال معين ومره قلت بجرب مثلكم احطه بالمميه مع الحليب حطيت شوي بس لما تمص مايطلعلها لانه شوي ثقيل انتو شلون تسوونه؟ انا اوكلها مثل السيريلاك بس نوع ثاني قمح وعيش واحسها تحب العيش اكثر متى ابدي ادخل الخضره والفواكه؟

 

[.. BNT ..]

بعد عمري حنونه والله حاسه فيج .. اتصدقين هذي 3 سنه لي متزوجه عمرهم مايو صوبي
الا هالايام قطيعه تطيرهم بعيد عني ومصيبه تشغلهم بأنفسهم .. مو صج هجوم كاسح وبقوه ..
حتى خلو خالتي تتغير علي 180 درجه .. مطلعين حجي خرابيط لها اول بدون تالي حسبي الله عليهم
والنفسيه صايره مو شي كلللللللللللللللللللللش ,, حاطه حرتي بولدي وريلي ماكو غيرهم هههههه
يبيلها نحشششه لاخر الدنيا عن هالناس التعباااانه .. عاد من زينهم وولدهم خخخخخخ

 

[.. BNT ..]

ويه ياحليلي يبت حاصلي بس مو مني خخخخخخخخخخ

توحه يبيلج تمشين عشا يطيح الوزن .. جربتي رجيم فصيلة الدم

البارح تفاجئت انه الرقي والبرتقال مو زين حق فصيلتي وانا اموووت فيهم خخخ

 

[.. BNT ..]

لي لي

الله يبشرج بالخيرو الله يتمم عليها يارب
عاد تدرين فاقدتج وايد كنتي معاي بالانستقرام
وانا حذفت ملوتي بسبب هالخلق التعبانه

 

[Le chat]

اي توحه نسيت اقولج انتي حاطه بطريقه البقصم زيت بس مو كاتبه شكثر

 

[Le chat]

ويييه بنوته ليش جذي يبا طاااف خيولون مايشوفون شر حسافه حذفتيه

 

[Le chat]

شوشو ماعندج اجازه؟ اذا عندج اخذيها برمضان وريحي نفسج

 

[توحه1]

لي لي. الزيت كوب واحد اهو دهن مال الطباخ

 

[توحه1]

لي لي انا يويو اعطيه بالريوق الساعه ٦ ص
حليب ومذوبه فيه بسكوته فالز القمح
والساعه٩ ونص تقريبا اعطيه حليب٤ ارقام مو قد حاجته عشان يتغدى معانا
الساعه٢ قفشة عيش مع بطاطه كبر صبعي الصغير وكذلك الجزر واذا عندي كوسى مرات
اسلقهم جميعا بالخلاط وحطهم بمميه وبدل الحلمه غي قفشه بلاستك تضغطين على المميه تطلع كميه بالقفشه ووكله(( ان شاء الله اعرف اوصل المعلومه))
والساعه٦ م اعطيه حليب والساعه ٩ ونصف اخر رضعه وهكذى ومرات ١٠ م على حسب

 

[توحه1]

بنت الله يكون بعونج ويفرج عنج

 

[Le chat]

جنه شويه توحه عيل انا كل ٣ لي ٤ ساعات اعطيها حليبه ٦ ارقام و العصر اوكلها ماعون اليهال يكون نصه قمح او عيش نفس السيريلاك يعني عادي بهالعمر ادخل الخضره؟ موعدي مع دكتورتها بعد شهر ودي اوكلها قبل اهي قالتلي وكليها قفشه باليوم الظاهر خايفه تغص انا اوكلها نص ماعون والله احترت بنت اخوي يوم كانت بعمر جنوي كل شي نحط بحلجها بدون لا نخاف وعيالنا غير ههههههههههههه مسكينه كانت فار تجارب

 

[Le chat]

تووووحه حبي شنو مقادير العيش الاحمر اذكر مره سويتيه

 

[توحه1]

العيش الاحمر تحمسين بصله متوسطه مع فص واحد ثوم وتبشرين4طماطات عليه ولمن يبقبق تضيفين ملقه معجون طماط وبعد دقايق تضيفين ماي حار (( مغلي)) يدوبك يغطي العيش وتغطين الجدر وتحطين تحته حديده عشان يستوي على الراحه اي لاتنسين رشة الملح والفلفل اسود ومكعب ماجي
وبعدمايستوي اكليه مع روب بس تكون حامضه او انج انتي تاخذين علبة روب وفرمي عليها بصله وحده خضره ورشة ملح ونصف ليمونه معصوره وبالهنا والعافيه عليج وعلى ولدج عضيد جنى حلات الصبيان

 

[توحه1]

لي لي دخليلها الجزر والبطاط يدوبك كبر صبعج الصغير لازودين وبعد ١٠ ايام زيدي الكميه

 

[توحه1]

وينكم في احد هلواااا

 

[Le chat]

توحه امس سويت تقريبا نفس ماكتبتي بس كليته خالي مع فلفل توباسكو حامل بهندي احب التشلوط وببعدين ليش تقولين صبيييي ترا اصدق كلامج ابي بنيه ادعيلييي

 

[توحه1]

حبوبه صبي وابصم بخمس بعد
ان شاء الله ربي يكتبلج الي فيه الخير والصلاح
سواء بنت او ولد المهم تمام الخلقه والخلق
اها انا اذا ابي فلفل احط مع الطباخ فلفل احمر بودر رشه

 

[توحه1]

لي لي ماحلمتي بشي وشنو اكثر شي مشكله عليه باكلج

 

[توحه1]

لي لي انا مرات اضيف للعيش الاحمر ملعقه او ثنتين ملوت الاكل (( عدس)) وقت الي افوح العيش يمي يمي يطلع

 

[توحه1]

اي شلون البقصم منوا سواه يهبل لذيذ وانا اسويه صغار كبر صبع يويو حلات اصابع ولدي ونهبس فيه انا والرعيه