تجمع مواليدديسمبر2011ومواليديناير2012

[توحه1]

وينكم مالكم حس
الساعه 3 الفجر بماليزايا
توني شاربه قهوه ويويو بحظني اشربه حليب وفيني نووووم

 

[Le chat]

عليكم بالف عافيه توحه يلا اكتشفي المكان ةقوليلنا التفاصيل عشان نرووح

 

[حنان المحبه]

مرحبا بنات
شخباركم
اهلين خوخه
الحمدلله تمام
ياهلا ومرحبا بشوشو
شخبارج واخبار حمودي
وييييه شنو اقول شنو اخلي عن البضاعه .... طبعاً كل مابغى شي قالوا لازم كميات ياعشر جناط نفس الشي ولا ماتاخذ يااقلام الف حبه ولا ماتاخذ بعد
المسكين صور لي جم صوره بس يقول كل ماًطلعت ايفوني جوووو يركضون نوو نوو
المسكين طول الرحله يروح اماكن الجمله طبعاً هذي اول مره يسافر ويروح لها ماكتشف الاماكن الخلوه الا اخر يومين بس هم ماشرى اللا شغلات معدوده مثل ((خواتم بناتيه هالو كاتي+ جم بوك نسائي+ كفرات شخن ايفون + كفرات كشخه (( بس للاسف لاحطيتي جهازج فيها توقف السيرفس ))+ واقلام هالوكاتي + جم ساعه نسائيه....
توحه
الله يعينكم عالرطوبه بس تنسينها وقت الوناسه وان شاءالله تقضونها كلها وناسه وراحه
يالله ننطر تقريرچ عن الرحله والماكن الحلوه عشان ان شاءالله نستفيد اذا رحنا لها ان شاءالله

 

[حنان المحبه]

لي لي ...
الحمدلله الذي تتم بنعمته الصالحات ...
ياربي يفرح قلبچ اكثر واكثر قولي آمين
شخبارچ واخبار جنوي ... يالله متى تردون الكويت ان شاءالله اشتقنا لكم (( چني بقعد وياچ هـهـهـهـهـه)))
مومهم اقعد وياج اهم شي ترجعون لنا بالسلامه التامه ان شاءالله

 

[عسووولــــة]

امهاااات اريد مساعدة << هذي قصتي >>

السلام عليكم امهاااااااات

اقولكم قصتي مع ابني :eh_s(11):
الحمدالله الله رزقني بطفل وااااااايد كنت اتمنى يكون عندي طفل والحمدالله الله عطاني احلى هدية في حياتي:yaaaaaarb:

المهم امهاااااااااااات انا موظفة بعد الولادة جلست 3 شهور مع ابني بعدها تركته مع اهل زوجي <<< علما بأني نعيش في نفس البيت

ما ادري ليش ابني ما ينتبهي لي ابدا حتى اذا اسولف معاة مايشوف علي واذا شافني عاااادي مايضحك معاااااي <<< احسة كانة يطنشي ما ادري ليش احس هالاحساس :eh_s(10):


لكن مع اهل ريلي يضحك وينتبه لهم واااااااايد ويشوف عليهم اما انا لا ينتبه علي ولا يضحك وااااااااايد مع شوي بس واذا قام من نومة يضحك ويلعب معاي بس باااقي الاوقات لا <<< ما اعرف هل انا مزودتها او صح معي حق :eh_s(4):

وااااااااااايد اضايق بسبب ابني ما ينتبه لي اريدة يحبني << اعرف هو صغير بس اغااااار لما اشوفة يضحك مع غيري ومعاااااي لا :eh_s(4):

قولولي امهااااااااااااااات ساعدوني والله مضايقة من هالموضوع وااااااااايد

اية بعد تذكرت شيء حتى مع ابوة يضحك ويلعب ويصرخ ومعاي والله عاااااااادي ليش شذية يسوي معااااااااااي

وااااااااي امهاااات حدي مضايقة

ساعدوني اعطوني حلول

هل هذا بسبب الوظيفة ؟؟؟؟؟؟

 

[توحه1]

لا تصرين حساسه عسوله
عادي حبيبتي عوضي قعدي معاه ايام الاجازات ولازم ظروف الحياه تحتم عليج انج تبتعدين بس حاولي بالفرص الفاضيه تقربين منه والحمدالله دام مافيه الا العافيه يضحك ومستانس الف الحمدالله ويبيج موصاد ويبجي

 

[عسووولــــة]

اعرف والله بس واااااااااايد احصل مضايقات منهم يقولون مايحبج ويحبنا اكثر <<< انقهر واااايد

وااايد وااايد كلام

الله يصبرني والله ان شاءالله ويساعدني

مشكورة توحه ماتقصري

يمكن لانة اول بيبي عشان كذا اتضايق

 

[Le chat]

حنونه حياااجيييييي مادري متى نرد ولهاااانه عالديره واهلي صج اول مره اسافر هالمده
عسوله من صجهم جذي يقولونلج وله يتغشمرون!!! ان شاء الله يتغشمرون ارتفع ضغطي حبيبتي توه عنون مايعرف يحب ويكره بس يمكن لانه يلعبون معاه وايد لي ييتي يكون تعبان لاتصيرين حساسه تعوذي من ابليس عاد الام غييييير حتى لو تكفخينه هم بيحبج هذي الفطره محد يكره امه او يحب احد اكثر منها انتي يمكن مانب ضميرج انا جذي لي كنا طالعين مده احطها بعربانتها ٣ ساعات مرات اكثر يانبني ضميري واشيلها طول الوقت حتى لو ايدي عورتني فعادي هذي غريزه فيننا فدييت الي تغار والله من حقج عوضي بالعطله او اول مايقعد من النوم يكون ارتاح لعبي معاه

 

[عسووولــــة]

لي لي مشكورة حبيبتي

ان شاءالله ما اكون حساسة ،،، الحمدالله على كل حال

امس فيشت خلقي فيهم كل ما يكون في يدي يشيلوه

والي زادني وعصبني زيادة طلعت شوي من غرفة عشان اجيب غرض ولا اشوف ولدي ماموجود <<< انقهرت وعصبت

وانا امس حدي معصبة << اقولهم لا تسرقو الولد وانا ما موجودة على الاقل استئذنوني :eh_s(14):

وقلت خلاص ما اعطية اي احد يكفي يجلس معاكم وقت دوامي:rgewrg:

 

[عسووولــــة]

لي لي شخبارها جنون ؟؟؟


توحة شخبارج وكيف الشباب ان شاءالله مستانسين

كيف الشوبنج هناك ؟؟؟<<<<<<< لاتنسي الهدايا

حنون شخبارج حبيبتي وكيف اليهال ؟؟؟

لولو كيف الحمل ؟؟؟

 

[توحه1]

ههه السوق روعه لليهال
اما لي فلمقاس. ماكوقدي شي ونادر ماحصل
حاطه حيلي بالاكسسوارات والجنط والاسكارفات وكريمات وشغلات للعنايه
بس سوقهم لليهال يسوى لاهو غالي ولا رخيص معقوله اسعاره ومحلاتها متنوعه ماركات ومحلات عمليه
الفال لكم تسافرون بس يويو مقيد حركتي بس اخوانه ماقصروا حبايبي يساعدون
في سخونه مال تغير الجو وصاير يحن بس بشكل عام الكل مستانس

 

[توحه1]

الحلو بماليزيا وين ماتروحين تسوين مساج ورخيص طبعا الي بره الفندق على دينارين تقريبا
اما الي بتلفندق ب10 تقريبا طبعا مساج ساعه بس روعه ويعطونج شراب زنجبيل واعشاب او شاي اخضر او شاي نعناع
وفي مساج خاص الاقدام باحواض السمك روعه
الرحله واناسه وراحه واستجمام بس عيبهم جوهم رطوبه وذا طق مطر مايطول 10 دقايق بس كان كابين عليج سطل ماي
عندهم حدايق وتركبين قواااري
ولا تركبين فيله وتوكلين القرود والعصافير والفيله وتشوفين الاسود
الحلو هناك ان انت كانج ببرنامج عيش سفاري مال الاطفال
تركبين السياره جيب والحيوانات عزكم الله دار مدارج تتمشى انت تدخلين قفصهم بالجيييب وناسه وتوكلين السمك وتصوير مع الحيايه وغير متاحف تحنيط الحيوانات وانت بكرامه
الدوله حلوه للكبار والصغار بس لعمر المراهقه ماتوقع تناسبهم الا اذا يبون سباحه او سوقه فقط

 

[عسووولــــة]

ماشاءالله

الحمدالله اهم حاجة الوناسة حبيبتي

بصراحة مبدعة في الوصف تبارك الرحمن

لاتنسي تصوري اغراضج واغراض عيالج وخاصة يويو

 

[توحه1]

ان شاء الله عسوله خل ارجع بالسلامه واصورلج
كلهم من ملوت دزني لاند وكرتون ورك

 

[Le chat]

عسوله هدي حياتي لاتحرين عمرج فديتوووج
توحه شوقتيني احس وناسه عاد انا اكره الرطوبه ومرتين رحت شرق اسيا مره ترانزيت سنغفورا يوم واحد وبطوله قاعده ابجي بسبت الرطوبه والمره الثانيه المالديف كله بحمام السباحه فماحسيت بالرطوبه وايد لانه مااطلع الا للريوق وارد ادراجي اكره الرطوبه تقتلني

 

[توحه1]

الرطوبه بس بره بس بالمجمعات اشوي في هوه

 

[توحه1]

بس هم رطوبه ماقدر اخفي الحقيقه بس الوناسه والتسوق والمغامرات واللعب تخلي الرطوبه شي لمن يكن
بس ابلغ كل وحده تحب تتتمكيج خل تنسى المكياج لاتحط مايسوى عليها يسيح ولبس لبس خفيف وعملي الحلو طول ماتمشين تاكلين فواكهه مقطعه فرش جدامج وسي فود هبسي وفي مطاعم مااكووولات ارانيه ولبنانيه مانحاتي

 

[Le chat]

شوفي دبي الوحيده الي انسى انها رطبه من كثر مااستانس لي رحتلها يلا عسا طول رحلتكم وناسه وتردون بالسلامه

 

[توحه1]

اجمعين لي لي
الصراحه صج رطوبه بس تسوى العنوه

 

[Le chat]

تبين سوق ورخيص تعالي امريكا تخيلي ب ٥٠٠ دينار شريت حق الكويت كلها تخيلي حتى كفرات ومخاد اخذت حق امي ٨ مخاد وكفرين وشريت حق اخوي ١٠ تيشيرتات كله ماركات رالف لورن وتومي وهولستر وشورتات وترينينقات وعطور حق امي والصبيان وجواتي حق خالاتي ورياييلهم واصباغ اظافر ترس جيس وحق بنت اخوي وولد اخوي وجنوي تارسه ٦ كراتين جنه فليبينيه ب ٥٠٠ دينار لي الحين مو مستوعبه وكواليتي مو بوطقه ايطاليا لما رحت بس اشوف بعيني اخذت تيشيرتين حق اخوي ب ٧٠ ! ونفس الماركات الحين عرفت ليش الناس مطيحه هني بس التذكره الي غاليه حتى فنادقهم رخص التراب السفره اليايه خططي مع بو الشباب ووتعالو امريكا وودو اليهال ديزني ياليت جنوي كبيره وتفهم جان وديتها والشعب اينن حدهم حليوين كبار وصغار مافيهم نفسيه ويهم كله بشوش *