تجمع مواليدديسمبر2011ومواليديناير2012

[توحه1]

انا اليوم ببلع حبوب وغسل راسي
ان شاء الله كلها ٤ اوخمس شهور وحمل قولو امين واييب ان شاءالله بيبي كامل لا زياده ولا نقصان

 

[شوتايم]

خوووخه

هلا وغلا حبيبتي

شلونج شخبارج يالقاطعه




دفوووووش

عشان جذي مختفيه هههههه

احمدي ربج ع كل حال

والله يثبته لج ويسهل حمله



توووحه اخبارج يازعيمة


باقي الشله أخباركم ؟؟؟؟

 

[عسووولــــة]

مبرووووووووووووووك دفوشة :eh_s(7):<<< الله يسهل عليج ويقومج بسلامة

ان شاءالله ماتحتاجي لعملية ابدا

لي لي شخبارك حبيبتي وان شاءالله انتي بعد حامل ونفرح فيج << الله يرزقج بولد الصالح البار:yaaaaaarb:

توحة اشلونج حياتي :aha:

اميييييييييييييييييين ان شاءالله << الله يرزقج بالتوووم وان شاءالله بنات

 

[شوتايم]

بنت

حمودي دش الخمس شهور وللحين مايرفع راسه اذا حطيته ع بطنه

يدوب يحاول شوي وينزله بس يفركه عالارض ههههه

ولازلنا الى الان نص قلبه لوووول

مادري متى بيقلب عدل

 

[عسووولــــة]

هلا هلا شوتايم شخبارج حبيبتي

هااا بشري مافية اخبار<<< اقصد الحمال

 

[Le chat]

اووووه شرفت المسعده عاد بس هالشهر ماراح نستعمل مانع وقلت حق ريلي هذي اخر دوره ان شاء الله جربنا انتاج المالديف الحين نشوف انتاج امريكا ههههههههههه
شوشو صبري عليه مسكين خليه على راحته وقت مابغا يقلب يقلب فديته
هلا عسوله انا تمام انتي شخبارج

 

[عسووولــــة]

هلا خوخة شخبارج حبيبتي

ان شاءالله تنحل عقدة شعرنا المشكلة بعد شهرين معانا عرس واريد شعري يكثف << الحمدالله على كل حال

الماسية الله يشفيلج ولدج ان شاءالله

لي لي انا انتطر تحليلج عشان افرحلج حبيبتي ،، وان شاءالله ماتشوفي الدورة الا بعد 9 اشهر

 

[عسووولــــة]

الحمدالله لي لي

واااااااااااااااااااي انصدمت بصراحة ما ادري ليش كنت متحمسة توقعتج حامل << ههههه مو منصدجي
ماعلية ان شاءالله الشهر الياي :yaaaaaarb:

 

[توحه1]

هلا والله بالكل حبايبي انا ويويواتي بخير
لي لي خيره لاحقه تطمني على جنوي وبعدها فتحي باب الحمل وربي يعوضج خير ان شاء الله

 

[توحه1]

شوشو عليج بماي التمر يقوي انااذا حطيته علىبطنه يفرك ويرفع راسه نصف رفعه ويلف يمين ويسار بس بعد معافر مع الارض او الكنبل ههههه
والقلبه لي الحين نصف قلبه ويصرخ هههه حلاته وايد يخاف على عمره
انا جان تذكرون كنت اسميه كوالا الدب الكسول لمن كان بكرشي والحين اتضح انه اكسل واحد بين خوانه التنبل. ههههه
انا لي الحين بس اعطيه بسكوت وماي التمر وماي العيش مادخلت شي جديد ومويومي مالحق من تنظيف ولا امتحانات الكبار
ولا مجابل زوجي الصراحه وايد مدووودهه ومومنظمه هالفتره وايد حياتي لويه ادعولي اتيي خادمه اشوي اتنظم واعطي كل فرد ببيتي حقه

 

[توحه1]

بنات لي الحيني ٨٥ بس خففت اكل وان شاء الله اضعف صالي اليوم تقريبا اسبوعين توني قست وزني هوهو اشوه انه موزايد

 

[lolo77]

صباح الخير بنات

والف مبرووك دفوشه على الحمال
ولي لي انشالله الشهر الياي باذن الله يكتبلج الحمال

انا عن نفسي للحين ما يتني ولادورة من ولدت
لاني ارضع طبيعي مدة 2 شهور بس طبيعي

الحين خففت الرضاعه عشان الدوام
وانا بعيالي كلهم على الشهر الخامس تيلي
بس باذن الله ما حمل الحمدلله سويت تعادل
ولدين الكبار و بنتين الحين صاروا ولله الحمد والمنه

يالله الفالي لكم يا بنات انا راحت علي صرت كبيره
هههههههه

الله يعينا على تربيتهم

 

[حنان المحبه]

اهلين بنات ...
دفوشه ياحياتي عالبركه ... وهذا ربي كاتب لچ فيه الخير وربي يعينچ عالحمال ويهونها عليج يارب ياكريم
لي لي
خيره ان شاءالله .. سبحان الله عشان ماتتعبين بالسفر تعب الحمال وتطمنين على جنوي واطمنينا عليها بعد .. ويارب تجيبين كووووود جهال مبروكين متعافين يفرحون قلبچ ... امين
عسوله شخبارچ وين هالغيبه اشتقنالچ ...
وعلى سالفة الشعر يووووه انا ملافعي وملابسيً وبالذات لاتروشت اخذت دشً ياسلام لازق بالظهر يالله اوصله واشيله تلعوزت فيه ... الحمدلله
توحه
ياقلب التجمع ماغلطوا في اسمچ اي والله الله يسعدج في حياتج دنيا وآخره امين ياحلوه الكوالا ..
بعدين ليش ماتجيبن مؤقته تساعدج عالاقل من التعب .. تشيل عنج شوية شغل ... عسى ربيًيعطيج الصحه والعافيه
انا والله ودي اقيس وزني بانصدم ادري بس لاااازم اقاوم
الماسه
الله لايحرمج الاجر ... ويشفي وليدج ويفرح نظرتج فيه متعافي يارب ياكريم
لي لي
اهلين شخبارج واخبار صغيرينج وشلونج مع الامتحانات ماشين ان شاءالله
عسى ربي يوفق عيالنا ولايخسر تعبهم امين

 

[حنان المحبه]

خوخه
حياالله هالطله الحلوه شخبارج اشتقنا لج
انا الحمدلله لاسدحت وليدي على بطنه يرفع راسه ومع رقصه اماراتيه بعد وشوي ويمل بس استفيد من سدحته على بطنه انه تكرمون يطلع كل اللي بخشمه انا انظف وانا مرتاحه. الحمدلله
ونص قلبه توه بس شويه عصبي اذا طولت عليه بالرضعه يعصب علي ويرفس
صج توحه
شريت له فارليز اعطيه الحين مع الرضعه وشلون كل رضعه احط فيها ولا شلون
حنا الحمدلله ان شاءالله الخميس نتم ٣شهور ونًطعم للدرن

 

[عسووولــــة]

حنون انا حمدالله بخير حبيبتي

تشتاقلج العافية ،،، انتي شخبارج ؟؟

لولو انا بعد ارضع طبيعي ومن كمل 3 اشهر بديت اعطية بسكوت وحليب صناعي

والدورة ماقطعتني ولا بعد واااااااايد متلخبطة معاي مع انة خواتي كلهم يجلسون 6 اشهر مايشوفو الدورة وامي سنة وشيء وانا غير

ماافكر الحين بالحمال ،، ان شاءالله من يكبر حمزة سنة وشيء ابعد عن المباعدة <<<< خخخ والي يقول كاني مامسوية مباعدة

 

[شوتايم]

أهلين عسسسوله

لا شنو حمال خل اعابل باللي عندي بعدين يصير خير

الله يعين بس

 

[شوتايم]

بنات موفاقدين رتوج و أ بيشو و صبوحه وكويتية حتى النخاع و بربيره


وااااايد بنات اختفوا:eh_s(10):

 

[شوتايم]

بجايم غاب لحمودي من موقع ايباي

اشحلاتهم عاللبس حيل مرتبين واهم شي ارخاص خخخخخ

اشرايكم 

 

[توحه1]

حنون هلا والله
حبوبه الفالز تحطين اقل من ربع بسوكوته برضعه وحده ولي مدة اسبوع نفس الحجم تظلين

مثال
انا احطها برضعة الساعه ٦ ص اعتبرها ريوق
ولمدة اسبوع اقل من ربع بسكوته
اي بعد اسبوع زيديها خل تصير ربع ولمدة سبوع وهاكذى لمن يشرب كامله مذوبه بالحليب (( ولمن يوصل لي هالمرحله بلغيني عشان اقولج شتسوين فيها))

ماي التمر انا اشربه بين الرضعات ومرتين بالاسبوع لكي يقوي عظامه
اما ماء العيش الساعه ٦ المغرب ابتدي رقم بالمميه ولمدة اسبوع بعدها زيدي لمن توصلين لي الرقم المناسب لعمره
ولمن توصلين هالمرحله بلغيني عشان تبدين الحطوه الي بعدها وتدخلين خضار
وبس

 

[حنان المحبه]

عسوله .. انا الحمدلله تمام ..مانسأل الا عنكم
شوشو ..
اي والله فاقدين ناس غالين ،.. عسى المانع خير
ياحلات البيجايم وحلات راعيها مابوس العافيه ان شاءالله ..
بجم اسعارهم .. ونفس طريقة الامازون ولا غير
توحه....
الله يجزاچ الجنه قولي امين ... ويحفظ لچ عيالج ...
ان شاءالله ببدأ الصبح بالفارليز ...
بس تعالي انا عندي بالبرتقال عادي اعطيه ولا احسن الساده بدون نكهات ..