تجمع مواليدديسمبر2011ومواليديناير2012

[Le chat]

توحه ناويه تحملين شلون تفكرين بعمليات حتى رجيم لاتسوين بس خففي واخذي فيتامينات

 

[توحه1]

بسوي رجيم عندي عرس بعد شهر وعقب العرس بقط الحبوب ودي بشهر ٩ احمل موقبل بس لازم اضعف ١٢ كيلو عشان احمل مو اقل اذا اكثر خير ونعمه

 

[توحه1]

ريلي يبي بشهر ٧ وانا مابي لان شهر رمضان

 

[Le chat]

الي بتسوينه نفس العمليه ماراح تاكلين وبتنزلين بسرعه عالاقل لا تقطين الفيتامينات الدكتوره قالتلي الفيتامينات لازم قبل الحمل مو بعد

 

[عسووولــــة]

هلااااااااااا حبايب قلبي اشلونكم

توحة بلا عمليات بلاخرابييط انتي ما شاءالله عليج عندج ارادة سوي رجيييم وان شاءالله تضعفي وتوصلين الوزن الي تريدية

شخباركم باقي الامهات اشلون بيبياتكم


ساعدوني حبايبي الدورة عندي مو منتظمة وشعري كلة يتساقط شنو رايكم اروح حق الدكتورة ولا طبيعي :bbbiu:

 

[توحه1]

عسوله روحي حق الطبيب

 

[miss_Ba6oOo6a]

اهلا بنات
عسووله
انا كلش مانزل علي دم بس اسبوع 10 من النفاس وخفيف
ولا دورة ولا شي وليه يومج ماكو شي شكيت مافيني دم

والشعر مثلج وايد يطيح
سويت تحاليل قلت يمكن ماكو شي كل شي سليم الحديد رقم بس ناقص من الطبيعي ما يسوي كل هذا طيحة الشعر ومافيني دم

 

[توحه1]

شربي ماي وايد

 

[miss_Ba6oOo6a]

الماي مو وايد معاه بس اجرب واشووف

 

[توحه1]

الماي لكل عله يفيد سبحانه الله
بس شربيه مودفعه وحده ومومع الاكل

 

[Le chat]

الي عنده شي لا يكتب بالخاص خل يكتب هني بوضح جم شغله اسامه الصانع مايصيرلي اصلا اهو سعودي ولو يصيرلي اتشرف فيه دكتور والنعم وشهاداته تتحجى مو ناطرني انا اسويله دعايه دشو قناته عاليوتوب وتشوفون الاجانب الي مسويلهم عمليات والذكيه الي تقول بنتي صار فيها هالمرض من العمليه لو هالحجي صج جان الحريم الي بمجاعه الصومال وافريقيا ماايبون كل ياهل راسه شكبره لا اله الا الله وجان انا تاثرت صحتي قبل لا تتاثر صحه بنتي ومو غصب تسووني صلعت وذبلت الحمد لله شعري يهبل وبشرتي منوره والي مو عاجبها بالطقاق خل كرشتها تنفعها ترا موناقصني لسان بس انا حاشمه نفسي واعرفج عدل ماني غشيمه كل ماكتبت شي عن بنتي ثاني يوم القاها منتكسه من هالعيون الي يبيلها بط وماعندها غير تراقب الناس يبا متفتفته وميته حره روحي قصي كرشتج هاللي جنها جدر مو تيين تتبلين علي قطيعه مو نوعي انزل مستواي جذي بس كل شي له حد*

 

[عسووولــــة]

تصدقين توحة انا ما اشرب ماي كثير والله احس عندي نقص في الماي والرضاعة تزيد الجفاف

ان شاءالله بكثر من ماي عشان

ومشكورة حياتي

مس بطوطة انا عملت فحوصات قبل لخبطة الدورة وكان نسبة الدم زينة بس قالت لي طبيبة كثري من الماي كنت واي احس بدوخة


لي لي فديتج لا تعصبين الله الدنيا ماتسوى

 

[miss_Ba6oOo6a]

تسلمين توحه
انتي موسوعه تساعدين الكل

عسوله انا سويت
بس انا عندي ضعف تبويض وبطانة الرحم ضعيفه يمكن ياثر

وليلي
منو كاتبج بالخااص واشمعنه انتي
انا اشكثر كتبت عن هالعميات وبكل موضوع ليه رد محد سواا جذي
شكله ناااس مراقبتج وماتبيلج الزين حقري وطوفي لو ما الواهي ماسوو جذي
قطي وره ضظرج او سوي مثلي اي رد او توقيع ما يعجبي علا طول اراسل الادارة او اي مشرفه ومايقصرون
كل وحده تكلمت عن دكتور سوا كانت مدح او ذم مو شرط احد من اهلها
دكتوري زين معاي بس الي راحو من رفيجاتي او وصيت احد كله ذمووه مو شرط كل وحده وراحتها
غير شغله هذي

 

[عسووولــــة]

مس بطوطة الحين اعمل بكلام توحة الفروحة واشرب ماي كثيييييييييييييييييييييير <<< شرايج باللقب اليديد ياتوحة

عااااااادي اذا مو حلو اغيرة لج

حبوبات متى يصير سيل في سنتر بوينت

 

[عسووولــــة]

لي لي سفهي عفية والله هالناس قلوبهم مليانة غيرة وحسد

الله يكافيج شرهم

 

[Le chat]

والله صج مو صاحيه خبله عندها كل شي بس عين ضيجه تخيلو والله مره كتبت انها ماتبجي ولا تزعجني بالليل قامت كل يوم بس يصير الليل تبجي جنها مقروصه ومره كتبت عن الحليب انه وايد زين وبطنها ماشي الحين ماكو حليب ماشي معاهاواحد ترجع منه نوافير والثاني امساك مسكينه تتعصر جنه طلق ترجف من التعب مليت لاحقيني لي هني عسا الله يبليهم
وبالنسبه حق الدكتور لانه عبالهم اني اجذب لازم اقول شعري يحت وتعبانه والله صحتي تينن تبارك الرحمن لا اله الا الله عسا سيخ بعين الحسود انا وخلاتي وريلي وكل ماشفت احد متين نصحته بالعمليه وعند اسامه وغير اسامه ماارضا ريلي خذا موعد عند محمد العجمي بالعسكري ومجانا مارضيت طز عليها الفلوس وبتم امدح فيه والي موعاجبه ارد اقوله بالطقاق الله ماكثر الا الطوف اقرب طوفه كفخي راسج فيها*

 

[شوتايم]

لي لي

هدي هدي اشفيج اشصاير

اول مره اشوفج تتكلمين جذي اعرفج هاديه فديتج

لاتحرين عمرج ع ناس مريضه ماتخاف الله

عطيهم اكبر طاااااف البسيهم واحقريهم نار تحرقهم

الله يحفظ لج بنتج وتشوفينها عروس يارب

 

[شوتايم]

عسسسوله

اذا لقيتي شي لتساقط الشعر علميني

شعري بكل مكان فالبيت

عالارض عالسرير ع ملابس زوجي خخخخ

شوي واصلع 

 

[miss_Ba6oOo6a]

اخذيها نصيحه
لاتقولين كل شي
وحتا عن بنتج كله قولي اليهال بالعمر هذا نفس الشي
لان جربت نفسج كنت اقولةتمام ومريحيتني وتقلب تنتكس ولا جن احد ذابحها غيرت 3 مرات حليبها و جتا من الصور مو بس كلام الفزن تصير علا اي شي
وحتا العمليه كوني صريحه قولي مو كل شي بالساهل وبدايتها تعب وتاقلمنا عليها حتا لو تقولين حق وحده ثانيه مسويه
نفس العمليه انج تاكلين شغله معينه تشهق وتقوول اشلووووووون انا اموت اذا كليته او مراقبة الاكل
فيه ناااس عينهم ضيجه لهم الظاهر

 

[Le chat]

صاجه بطوط خو هذي شكثر تصير فيني لانه صج اكل وايد وماامتن وكله يستغربون من هالسالفه
عاد انا قلت اوضح هني لانه مثل مايوني عالخاص اكيد بيروحون حق توحه مالي خلق تاليف