تجمع مواليدديسمبر2011ومواليديناير2012

[توحه1]

تشرطي وتدللي وانت ابخص اشلون انقل لكم الاحداث بالتفصيل الممل وباذن الله ارجع بالسلامه واريح واسدحلج تقرير من 3 صفحات عاد موتملون وماتقروووون
عادصج انا اول واحد من عيالي اخذه بهالعمر كلهم مسفرتهم عمر سنتين لا بامبرز ولا مميات بس هالمره غير بس الحمدالله معاي ايدي عامله هههه 3 يويوات الكبار وابوهم ربي يحفظهم ولا يحرمني منهم ويرزقني برهم باذن الله

 

[عسووولــــة]

توحه حبيبتي لا انا هذا الشهر شاكة اني حامل وموعدها 23/5 المفروض تجي بس لحد يومج ما جااااات

ان شاءالله تاريخ 1/6 بعمل تحليل مرة ثانية

 

[q8ya حتى النخاع]

صباح الخير بنات
توحه اكيد مارح نمل ناطره تفاصيل التفاصيل الله يحفظج ويخليهم حقج يارب
حنونه فديتج بس اقولج مايطلع منج غير الكلام الحلو
قطوه ياحلوه الله يبشرج بالخبر لي يسر قلبج
بنات تدرون امس بالليل قبا لا انام قاع احن على ريلي على موضوع معين واهو معند مو راضي يسوى جان اقله هذا ابسط حقوقي تدرون شنو رد علي قال هم انا ابسط حقوقي تسويلي ريوق بنات حده حبطني مو متعود اصلا يحلطم جذي كل سالفه انه من ولدت اقوم متاخر وكذا مره اقله قعدني ازهبلك ريوق يقولي لا مابي زعج انتي طول ليله سهرانه اكلي اي شي تحت عسريع
لمهم سمعته جذي ماعلقت ولا كلمه جان اقعد ساعه سبع واسويله سفره مو ريوق ورحت قعدته انصدم ههه يقولي ماتوقعت انج حساسه جذي عادي ترى بغيت اطفرج امس بس انا بنات ادري انه ماكان يغشمر.... الله يسخره لي*

 

[عسووولــــة]

حتى النخاع :eh_s(17):ماشاءالله عليج ونعم المرة <<< هذي هي المرة السنعة خلية يعرف انج قدها وراعية واااجب

الله يخلية لج ان شاءالله ويهنيكم ويابعض امييييييييييييين ياااااااارب

وان شاءالله يسويلج الي تبية:yaaaaaarb:

 

[q8ya حتى النخاع]

لج اضعاف لي دعيتيلي عسولتي واذا كنتي تبين تحملين نشالله مايي تاريخ ١/٦ الا وتبشرينا ب+++++*
الله يبشرج بكل لخير
تصدقين عندي احساس انه بالكثير بعد ظهر لمن يرد من دوام رح يسويلي لي طلبته منه ههههه خوش طريقه

 

[عسووولــــة]

ان شاءالله حبيبتي وتستاهلي والله

 

[شوتايم]

حبيباتي والله انا بخير وحمودي يسلم عليكم

صرنا نركب الدراجة ونقحص فالبيت خخخخخخخ :krkrkr:

 

[عسووولــــة]

لي لي ودي اشتري عطور

شرايج في سينما و اي فوريا

واذا عندج عطور حلوة حق المناسبات قوليلي بس جديدة ؟؟؟

 

[عسووولــــة]

شوتايم شخباج حبيبتي << من طول الغيبة جاب الغنايم

واااااااااااااي فديتة حمودي ماشاءالله تبارك الرحمن يركب الدراجة <<< الله يحفظة لج يارب

 

[شوتايم]

عسسسوله

إيه تطورنا والحين ودي يسنن حدي متشوقه أشوف اسنانه هههههه

انتي شخبارج وشخبار حمووزي ماعندكم حركات

 

[Le chat]

والله توحه مادري شصار عليهم وايد بنات مختفين ان شاء الله خير ومرتاحين وعيالهم بخير يارب انا ماتعبت وايد مع جنى بالسفر يمكن لانها هاديه ارضعها 180 واطلع 3 ساعات ماتحن
كويتيه زين تسوين وان شاء الله يصير الي تبينا اذا في خير لج بس ترا مو من حقه انج تسويله ريوق هذا مو من واجبات الزوجه هذا فضل وزود سنع والي يستاهل الدلع ندلعه فديتنا
واااي شوشو ابوووووووس اللذيذ الي قام يقحص بالبييييت ان شاء الله بيسنن واول وحده بيعضها انتي ههههههههههههههه اذكر بنت اخوي يوم سننت قاعده اوكلها كاكاو جان تقرم صبعي بجيت بجي حدها عنيفه
عسوله سينما تينن بس استهلكوها والثانيه مو شامتها الي هابه فيها الحين وتينن صيفيه اهي تاچ اوف بينك من لاكوست واودو سوار من سيسلي بس قوي شتوي او حق المناسبات وعندج الالور من شانيل غطاها حمر عجيييبه وهم چانس شانيل وفي منه اويل حلو حق الجسم ومافي طعم*انا كنت حاطه بالتجمع القديم بالصور خل اطلعلج الصفحه

 

[q8ya حتى النخاع]

عسوله و حنان و لو شا و توحه ما حبيت انام الا بعد ماشاركم فرحتي شكثر كنت شايله هم موضوع بيني و بين زوجي بس لحمدلله رضى ورح يسويلي لي ابيه اثاري ريوق مفعوله سحري هههه
انا ولدي طبعا ايده مايطلعها من حلجه مو بس ايده اي شي قرقاشه كنبل جيس سمالله عليه اي ابوسه على طول يفتح لحلج مايقحص للحين بس يحاول يتقلب احطه سيده في فراشه ارد الاقيه بالنص ههه حبيبي بس اونس شي لما ين بروحه وااااي فديته كله انخش واصوره فيديو لانه اذا شاف تلفون يتنححح لا يضحك ولا يناغي
صج بسالكم تطعيم مال ثلاث شهور مادري شفيه توا عقب شهر صار وارم واحمر وجنه فيه شي داخل كسر خاطري طول هالمده ماكو اثر الابره اصلا ليش لحين جذي انتو نفسي ولا

 

[حنان المحبه]

مرحبا بنات شخباركم
توحه وعسوله ونخنوخه شخباركم
شوشو اهلين ياحلو اللي يقحص من الحين ... ان شاءالله يسنن وتشوفينه راجل اد الدنياااا
توحه اخباركم مع السفره وشلون الجو وياكم ...
عسوله سينما حلو وراقي والثاني ماعرفه ان شاءالله بنزلج صور عطوراتي هديه عطر ديزل بنفسجي ريحته مميزه. والثاني غوتشي وردي ريحته هاديه وحلوه
نخنوخه عسى ربي يبارك في حياتچ وييسر امورچ اللي فيها خير لچ امين واللي سويتيه من طيبچ ولازم النومه معفوسه مع بيبي صغير الله يعينچ انا اقوم من فراشي وانا ماشبعت نوم بس شسوي وراي تدريس العيال للامتحانات وصغار لازم اكون مجابلتهم عسى ربي يبارك في ماعطانا ....
لي لي
شخبارچ مع الحمال حبيبتي ... اخبار الماما وياچ ... واخبار الحلوه جنوي اللي علقتنا فيها وسافرت وخلتنا ... حبيبتي

 

[حنان المحبه]

الحمدلله يانخنوخه ...
صار اللي تبين ... الله يسخرلچ زوجچ .. اذا چذيه مفعوله قوي الريوق من الفجر بريقه ...ههههههههه
عادي حبيبتي هذا تطعيمة الدرن كانوا ياخذونها لادخلوا للروضه چان تذكرون والحين خلوها لعمر ثلاث شهور اهي ماتعور ولايسخن عقبها بس بعد فتره تحسين في داخلها شي اهي چذيه طبيعي ... انا ايما الحين انطر الاعراض هذي بعد يقولون ممكن يسخن بس ان شاءالله مايسخن ... ولدچ چنه ولدي شحلو السوالف والروقان بس لاشغلت الكاميرا تنح وقعد يخزها ساعه بس اهدها شوفي اللعب والسوالف والمناغا فديته سحرني بعيونه ?..

 

[حنان المحبه]

هذي العطورات عسوله ... والاخير حلو مع البخور وبدونه بعد ...

 

[حنان المحبه]

باركولي
كلولولولولوش
عرفت احط صوره رمزيه + وسويت بعد توقيع>>> من اي عصر جايه هههههه

 

[Le chat]

كويتيه الحمدلله والله الطيب مفعوله قوي الرياييل يكرهون العساره
هههههههههههه حنووون مبروك واخيراا  واي سكتي بطني كله يعورني جنه عوار الدوره وميبس

 

[حنان المحبه]

ياحياتي الله يعينچ ... بدات الحين الآلآم والتعب مال الحمال ... الله لايحرمچ الاجر ....
صج شصار على مواعيدچ ومراجعتچ .... ماخلوها عالحكومه... الله ييسر لچ امورچ ويتممها على خير

 

[عسووولــــة]

صباح الخيرااااااات حبيباتي

شوتايم الحمدالله حبيبتي

وحمزة ماشاءالله يدة فمة واي شيء يشوفة يمسكة وعلى طول في الفم :eh_s(4):

لي لي مشكورة ياقلبي <<< الله يسهل عليج حملة ولادتة ان شاءالله

حتى النخاع الحمدالله الله يهنيكم حبيبتي <<< والله رياييلنا طيبين بس يكابرون احيانا

ان شاءالله دوووووم هالفرحة خلاص كل يوم سويلة ريوق<<<هههههههه مفعول سسحري

ولدج سبحان الله نفس حركات ولدي الله يحرسهم من كل عين

حنون فدييتج حبيبتي مشكورة

مبرووووووووووووووووووووك حبيبتي :ggdw:

 

[توحه1]

لي لي ريحي