تجمع مواليدديسمبر2011ومواليديناير2012

[توحه1]

ونعم يام حسن ربي يجعله من الذريه الصالحه المصلحه البار لكم
والله ولج وحشه انت وام فوفو وعسوله وبراون شقر وووو وايد بنات لهم في قلبي مكانه والله لولاكم جان ماتعدت الايام بسهوله كانت احلى واخف حمله بالنسبه لي ومرت الايام بسرعه وان شاء الله ماننسى بعض
احببتكم بالله ومشكورين على كل حرف استفدته من كم في حملي ونفاسي

 

[توحه1]

تصحيح ياام حسين
وربي يكتبلج وتييبين حسن
ورقيه اخت حق فطومه

 

[منـــاي]

الله يسلمج حبيبتي توحه و يسمع منج يا رب

 

[Le chat]

اهلييين بوبو يالقاااطعه شخبارج امبي صج جنه امس توحه تخمن وانا اقول ياريت صج تطلع بنيه واي فديتنا ايام حلوه ولهت عالحمال
توحه لا ماقلبت بس تلوي يمكن بنتي تتاخر ماعليه خل عيالكم يسبقونها ههههههههههههه

 

[منـــاي]

انا بخير دامكم بخير يام جنون والله ايااام و ذكريات حلوه الله يسعدكم و يفتحها عليكم و يحفظكم يا رب لكل وحده مكان في قلبي والله

و بالنسبه للحركه انا ولدي للحين ما قلب بس الايام تركضضضض يالله تصبحون على خير وفي حفظ الرحمن.

 

[توحه1]

انا لي الحين ماقلب بس ناطره عيالكم الاكبر


كل عام وانت افضل مامات وخصوصا الي هذا اول بيبي لها كل عام وانت افضل ام بالدنيا

 

[miss_Ba6oOo6a]

يا عسى عيدج علينا يا يمه يعود
يا قلب من وفا يا أصل كل الوداد
مهما وصفت مهما قلت فيج زود
ابقى بحقج مقصر جدام رب العباد
لولاج يا يمه ما كان لي بالدنيا وجود
وشلون انساج يا يمه باحلى الاعياد

كل عام وكل ام بخييير

 

[توحه1]

بنات بقدم على خادمه خادمتي بتسافر بعد ٤ شهور فبطلب من الحين انا اول عندي هنديه ولمن سافرت يبت فلبينيه ماطولت عندي اكثر من سنه
وبعدين اندونسيه بعدين فلبينيه وبعدين سيلانيه
اش رايكم شنو اطلب كلهم على ٦٥٠ لي٧٠٠ دينار
الفلبينيه والسيلانيه والهنديه وماكوا اندونيسيات من ٥ سنوات صكروا باب الطلب
اي جنسيه ترشحون لي
مسلمه ولا مسيحيه
ابيها تنظيف وكواي وطبخ فقط ماتشيل يويو
وكم عمرها تنصحون ومن اي منطقه(( قرى العاصمه من وين شنواسم المنطقه))
متزوجا ولا لا
انا ابيها مشتغله من قبل وين تنصحون تكون مشتغله قبل ؟؟؟






ناطره اجاباتكم لان الطلب يطول على ماتحيي الخادمه اسرع وحده بعد ٤٥ يوم من تسويت الفيزا

 

[غلا عموري]

توووحه بدررررررري ع القلبه بناتي مايتقلبووون الا بعد خمس شهوور او اكثرررر والابره الي تعلم باليد اسمهاا الدرن توخذ عند الولاده ع طووول. او بعد اسبووع اذا تقصدينهااا
وع سالفه الخدامه استخيررري والله يخووفوون وهالزمن كل شي يخووووف
ماحلاك تقومين بشغلك وتنامين مرتااحه
ومحافظه ع اسررتك




وصبااح الخير ع الكل
*

 

[توحه1]

صباحك عسل
احنا عندنا التطعيممال الدرن بالشهر ٣
وصاجه البنات مايقلبون الا من نصف الرابع لي الشهر الخامس بس الاولاد قبل
شبارج غلوي شمسويه ما دري ليش احس اسمج ليلى اسمك الحقيقي

 

[غلا عموري]

ههههههههه لا مو اسمي ليلى
وين البنااات



انا قاعده ارتب غرفه بناتي والصق لولو كاتي وقلوووب
وبعد كم يوم راح يروح شغلي سداااا
اعرفهم مايخلوون شي

 

[توحه1]

الله يحفظهم ويخليهم لج وشوفينهم عرايس ويرزقج ولد يكون لهم سند وبار لكم

 

[Le chat]

توحه اذا عن طريق مكتب ماييبولج اقل من ٣٠ سنه هذي الهنديه يمكن الباجي نفس الشي انا خدامتي يايبتها من خدامة خالتي ام ريلي هنديه عمرها ٢٣ متزوجه وعندها عيال واي شكثر حنونه على بنتي وقت التطعيم تبجي معاها لاني متعوده ببيت اهلي عالفلبينيات هبابت ريح ماارتحت حق الهنديه بالبدايه ولانها مو مشتغله ببيوت من قبل فماتعرف لا عربي ولا انقلش بس الحين تعلمت شوي انقلش على عربي قمت اعلمها على شغلي ارتحت منها معروفين الهنود طباخين وكافي انج تنتقدينها عادي مو الفلبينيه جنها وزير ماتتحاجا انصحج بالهنديه وتكون صغيره واذا مو متزوجه احسن عشان مو كل شوي تبجي ولهانه على عيالها استخيري والله يكتب الي فيه الخير

 

[غلا عموري]

تسلمين توووحه ويرزقك بتووم بنوتات ياسمين وسديم
ههههههه


ووووووبعد شنووو اخر اخباركم
بنات يصلح اقعد بنتي امي تقوول تعورين ظهرهااا مايصيررررر
شرايج تووحه

 

[توحه1]

انا اقعدهم لمن يكملون ٤ شهور
الاهي امين ياسمين وسدن وسندس وسديم ان شاء الله انا طماعه هههه
لي لي صاجه الهنود حنونات على اليهال

 

[Le chat]

وناسه توحه عاد ياليت اييب جذي وايد يهال احب الصيحه

 

[حنان المحبه]

صباح الخييييير ياامهات احلى تجمع دخلته ...
مشتااقه لكم ولسوالفكم ...
توحه...
اسم الله على وليدچ مايشوف شر ...
ياربي يرزقچ بالذريه الصالحه والبنت اللي تبرد قلبچ وتبطط عيون الناس اللي ماعندها شغله الا مراقبة الناس والتكسر بمجاديفهم...
واعرفي حبيبتي مايعيب او يقط نغزات الا اللي محتر وهذول ناس فاضيه يارب يصبرچ ويفكچ من شرهم ... انا نفسچ مبتليه بناس بس قاعده تطالع عيالي اسم الله عليهم يارب يحفظهم ويبارك فيهم ... من تزوجت وانا اشوف اشياء بشقتي وتأذيني الله يكفيكم الشر ..بس الحمدلله على كل حال ...
لي لي...
حبيبتي شخبارچ واخبار جنونه يارب يبارك لچ فيها ويشفيها وتفرحين فيها امين
حياتي فيها كحه الله يعينهم ولدي تو تجيه الكحه عقب الاربعين وناشفه بس الحمدلله خفيفه وان شاءالله تروح ..بس هالخشم ماذيه جنه مسكر ولا مسكر الله يعينه
غلاوي ... ����������������
ام الورود يارب يبارك لچ فيهم ويصلحهم ويرزقچ بالولد الصالح البار شخبارچ واخبار البنوتات السكر ..
شوشو..
شخبارج واخبار حمودي الله يحفظه لچ ويبارك فيه...
بطوطه ..
ياعمري يابنتچ مع ولدي شهرين صاح صيحه من الابره اللي بالفخذ اليسار شال المستوصف بصياحه كسسسسسر خاطري حبيبي ...
اسم الله عليها بنيتچ ليش چذيه يصير فيها من الابره الله يعينها ... وشلونها الحين مع الحراره ان شاءالله احسن واخبار اختها وياها ...
بولنديه...
حياج الله ... ترى طبيعي الرخاوه بالجهال انا واحد من عيالي چذيه رخوووو حيييل وولد عمي بعد كان چذيه لاتحاتين لاكبر يصك جسمه ان شاءالله ويصير سيد الاسياد ... بس هم تطمني احسن لچ عشان ماتوسوسين وترتاحين ... ياربي يحفظه لچ ويبارك فيه
((((كتبت مقاله شسوي من زمان عنكم بسولف وياكم لاني انسغلت بالتدريس والعيال وماكل قلبي وليدي الله يحفظه هو واخوانه وعيالكم يارب))))

 

[توحه1]

لي لي ربي يكتبلج درزن عيال بنين وبنات. قولي امين بحق هاليوم الفضيل كاملين مكملين ولا كامل الا وجهه

حنون اخبارج حبوبه مشكوره على الدعوه ولج المثل الله يرزقج بالي تتمننينه انت وباجي البنات




جمعه مباركه لكم جميعا

 

[اجمل الذكريات]

السلام عليكم
بنات عفيه متى يتعدل نوم البيبي شوي يعني ينام بليل ٣او ٤ ساعات متواصل
انا عقب باجر يكمل شهر!
وشلون اعلمه ان ينام بليل ..

 

[توحه1]

المفروض انت معلمته ياحلوهاول ٣ ايام راح يتشيطر عليج بس قلبيه لا تستسلمين
سمعي نصيحتي
الصبح اذا قام الساعه ٦ فككيه من المهد وسولفي معاه وبعدين شربيه نصف كمية الحليب وروحي غيريله بامبرز وبعدها كملي جرعته وحتى لو نام غصبيه خل يكملها عشان مايقوملج نصف الفتره وهاكذى مع كل الرضعات ماعدى رضعة الساعه العصر الي اهي الساعه٣ لا حاولي ماينام فيها لاعبيه خليه بدون مهاد سولفي معاه عطيه احد يلاعبه واذا نام لا يطول عن ساعه وخلي اخر رضعه الساعه ١٢ نفس طريقه رضعة الصبح يشرب وبعدين غيريله بعدين لاعبيه وشربيه عدل مدل وطنشيه بمصاصه لي ٥ الصبح وحطيله المخده العجيبه تكلمنا فيها بصفحه ٦ جنه على حسب علمي اول ٣ ايام صعبه بس لاتستسلمين