تجمع مواليدديسمبر2011ومواليديناير2012

[Le chat]

استغربت لما قالي وراثه لانه ماكو جذي بعايلتنا بس قال المرض متنحي بعايلتكم يعني حاملين المرض مو مصابين فلما اخذ واحد من اهلي نصير اثنينا حاملين فنييب اطفاال مصابين يلا الحمدلله

 

[توحه1]

الحمد الله على كل حال وشو هو المرض؟؟
لا تياسين من رحمة ربج ربك بيده كل شي سبحانه مقسم الارزاق الحمدالله والقادم اجمل ان شاء الله لي لي والله يكون بعونج هذا اختبار لح ولزوجك من رب العباد والحمد الله الف الحمد الله كثري حمد وشكر واستغفار وربي يكتبلج الخير ان شاء الله

 

[توحه1]

باجر باذن الله بوزن ان شاء الله نازله يانصف او٣ كيلوا دعواتكم

 

[miss_Ba6oOo6a]

لي 36 يوم واحس مرات بمغص ناطرة الدورة تشرف
لان نظفت من زمان

وليلي
الله يصبرج انشاللله وصج اني ما اايد زواج الاهل كلش
بس الواحد شيسوي نصيب مايدري الواحد الله شكاتبله

 

[Le chat]

توحه اسمه مايكرو سيفالي شفت صور الرنين مخها ما فيه تعاريج في وحده عاليمين ووحده عاليسار
اي والله الحمدلله على كل حال يمكن تكون سبب ندش فيها الجنه تخلينا نتقرب اكثر من ربنا ونحس بالنعم الي الله معطينا اياها سبحان الله مانحس بنعمه الشي لين نفقده

 

[Le chat]

بطوطه اي والله نصيب كنت ماافكر اخذه خييير شر وتزوج وطلق واخذته نصيب ما منه مفر

 

[بـسمـه غـلآ]

لي لي الحمد لله على كل حال


>>> بنات ويع ويع ويع جسمي لوووووووووووووعه شريت لي نفنوف طلع يلوع الجبد علي

صكت فيني الدنيا انا مو متينه بس هالزوائد وماكو خصر

خصوصا ان جسمي اخترب وما رد مثل قبل من حملتي اللي طافت والحين بعد بيخترب يالهووووي

وين اروح شادبر بعمري اليوم اكلم ريلي اقوله انا داشه نادي داشه نادي >> بالعاده يقولي لا تحلمين

هالمره قال كيفج ضاق خلقي لو قايلي لا تحلمين اهون لووووووووول >> ما يعجبنا شي

بس صج حييييييل تخربط جسمي الله يعين

 

[Le chat]

بسومه شكثر صارلج من ولدتي؟ انا توه يادوب تسنع جسمي وبعد يبيله شوي لا تحاتين ان شاء الله يرد احلى من قبل بس شدي حيلج بالرياضه صج ينحت الجسم انا من عمري ١٥ وانا بالنادي وعلى اني كنت متينه الا انه جسمي منحوت خصري حلو وماكو كرش

 

[حورية الجنه]

الله يبارك فيكم بنات

وااي صج بنات فقدت النومه حيل الله يعينا

ماشاء الله اكثركم طلعتو من الاربعين الفال لنا

 

[بـسمـه غـلآ]

صارلي 35 يوم

والله قاعده افكر بالنادي صج ابي اغير جسمي عقب الاحباط اللي جاني اليوم

 

[.. BNT ..]

بسومه تهقين اروح الطبيبه ،، وااي صج مالي خلق كشف وخرابيط
الحمدلله ماصدقت اخلص ولاده ومراجعه الخيوووط،'
والخيط نطري عليه بيطيح بروحه بس تلهي عنه لا تنشبين فيه
شكله يعاندج خخخخخ .. صج بس تصدين عنه بتلاقينه طاح

 

[.. BNT ..]

ههههههاي بسومه عادي شفيج مسالت وقت ويرد الجسم
انا علي كرشه اليييييييييييييييمه حيل كبيره وطابه هههه
بس عادي شسوي هذا الحمااال يحوس الجسم حوس
ابدي بالرجيم والتمارين شوي شوي بتفشيييين

 

[.. BNT ..]

صباح الصياح والنياح ،،
رقدتي اليمه كل الليل جالسه ع ولدي
متي يكبرررر وارتاااااااح ..
مع ان امي تقول بس يكبر ايي غيره ماكو راحه
دام النيه فيها تفريخ لووووول

 

[بـسمـه غـلآ]

بنت والله مدري انا بروح باشوف شتقولي

في بجري مارحت بس هالمره باروح للدكتوره

وعلى الجسم خليها على الله بس

بنت انتي بجريه ولا لا كني اذكر ان هذا ثاني حمال لج >>مدري ضيعت لوووووول


وتبين تعرفين الصياح والحنه الصجيه عندي والله البنت تبجي وارضعها وولدي يبجي ومتعلق في ظهري ويطقها ويعض ريولها
لوووووووووووووووووول

كله غيره منها واذا قعد بالليل وشافني ماسكتها الله لا يوريج شنو يصير يقعد يبجي واذا نام كل شوي يقعد يشوف

انا ماسكتها ولا لا صرت اوديه عند خواتي ينام عندهم تعبت منه

 

[lolo77]

السلام عليكم بنات شخباركم

انا تقريبا صارلي 37 يوم ومابقى شي واطلع من الاربعين
من غير شر ان شالله

انا تعودت انه مافي نوم بس من اودي العيال المدارس
ارجع انام وما امدى اقعد الا صارت حزت الروضه اروح اييب بنتي
حتى اقول حق زوجي ريوق نفس الناس ما اتريق

بالنسبه للجسم الله يعينا حيل اتعرضت والكرشه كبرت
ورحت شفت النادي اللي يمنا ( معهد الامل) (المنقف)
وايد عجبني وقلت بسجل وزوجي يشجعني يقول يبيلج رجميم ورياضه
بس على اخر شي ترددت متى اروح ومدارس واخاف اكون توني
طالعه من الاربعين اخاف موزينلي الرياضه ؟؟

والله اعلم

 

[Le chat]

لولو ماكو شي اسمه مو زينلي الرياضه بس المشكله من وين نييب وقت الله يعيننا حاولي لعبي بالبيت امس ناقزت شكثر مع بنت اخوي اليوم جسمي كله شاد ناقزي مع عيالج ولعبي معاهم وجربي اشتركي شهر بالنادي اذا قدرتي توفقين اشتركي سنه

 

[Le chat]

وييييييييييي بسومه تو الناس انا جريب ال ٣ اشهر وبنتي كانت نتفه يعني بطني ماصار عود وايد وكاني ياااادوب تعدل جسمي وبعد يبيله انا اقول عطي نفسج من ٣ لي ٦ شهور عشان يرد الجسم ويتسنع

 

[توحه1]

واااي اول نقول كرشتنا ماتبين الحمال مواضح والحين نتمنى اي شي يغطيها

 

[بـسمـه غـلآ]

لي لي

ايه ادري في بجري ما تسنع جسمي الا بعد 6 شهور بس مارد مثل ماكان صرت عريضه شوي

واخترب جسمي والحين كملتها بالحمله الثانيه ضاع الجسم


توحه اي والله صاجه قب اقول كرشتي صغيره ومو مبين اني حامل والحين ابي اي شي يوخر الكرش

 

[بنت امير القلو9]

بنااااااااااااااااااااااات


اللي عندها كفر ولادتها بتبيعه
تدز لي صورته عالخاص
ولا تدز لي رقمها اتواصل معاها عالواتس
ضرووووووووووري مع السعر