تجمع مواليدديسمبر2011ومواليديناير2012

[بـسمـه غـلآ]

ام زهور ومس بطوطه ديرو بالكم تقشرونها

هي تروح من نفسها حرام

ونفس ماقالت توحه قبل تسبحونهم دهنوهم ببيبي اويل انا خالتي كانت تقولي دهنيها بزيت زيتون بس ما احبه

احس له ريحه فبيبي اويل كان احسن

 

[بـسمـه غـلآ]

توحه الله يرده لكم بالسلامه وتطلعين بعينه احلى عروس

وان شاء الله تمشي امورج نفس ما انتي مضبطتها

>>> انتي نفسي توحه لازم اسوي لي جدول ولا اضييييييع من كنت بالجامعه جذي احسن اريح وارتب لي

وكل شي اكتبه اسويه اما اذا ما كتبت انساااااه >> زهايمر مو طبيعي

 

[غمـــ ^^ ـــازه]

توحه


سويله امريكان بريك فاست انا سويته حق ريلي واستانس عليه

اخذي صينيه من ايكا خشب وسوي بيض مخلوط بصحن وحطي يمه نقنوقه او مرتديلا

وصحن اصغر سوي بان كيك وصحن نتفه حطي فيه مربى وعسل وزبده ميني وكوب حليب او عصير برتقال

ولفي الشوكه والسجينه بكلنكس احمر وحطي جوريه حمره على جنب شكله بيطلع واااو نفس الفنادق

 

[توحه1]

ان شاء الله بسوه يسمع منج الله

انا مخططه اجهزله بجامه وبخرها وملابس داخليه يمكن ايي يسبح بعد لوية الطياره ومخليه الاقشن وحركات الارعه حق اليل بس ببخر البيت وضبطه بلمساتي الذهبيه للووووول
والله يقدرني واسوي كل الي ببالي

بسوم انا اذا ماحددتلي جدول موبس اضيع انثول مع اليهال فاسوي الي اقدر عليه الحين اشوي شوي على مايوصل ان شاء الله يكون شغلي كامل باذن الله

 

[توحه1]

يسلموا غمازه عاد الصينيه عندي من زمان حق الاوقات العصيبه والمرض الله يكافينا وكافيكم الشر

بس هالفكره ااجلها لثاني يوم يكونون اليهال بالمدارس واضبط حالي وبدعله
ولان مشتاق حق اليهال ماقدر من اول لحظه اقوله تعال اقعد بفراشك وهاك ريوقك
في افكار وايد حلوه بس انا ااقلمها مع حياتي واشوف باي وقت تنفع

 

[توحه1]

بنات ابي افكار ماقصرت ام زوزو وهمن غمازه يالله سدحولي افكاركم وانا ارتبها على حسب نمط حياتي
انا عندي افكار بس مخي واقف موراضي يشتغل

 

[توحه1]

بطوط استقبالج حلو ومرتب وبسيط
بس موايد 4 كيلوا وزود حلو قهوو
انا كيلوين ونصف حق 3 ايام بالضبط

 

[غمـــ ^^ ـــازه]

توحه

لوووووووول لا مو بالفراش حطيه عالطاوله

وصاجه خليه يوم ثاني علشان يشبع من عياله

 

[توحه1]

انا كل مره استخدمها هالصينيه الي فيها رجلين للفراش انا مسنيتها طاولة المراضه اهي مع المطاره الحاره مالت الظهر بكبت واحد خزنتهم

 

[miss_Ba6oOo6a]

توحه مادري اهلنا وايد قلت يزيد ولا ينقص
وعلا طاري الفناتك بنتا منزل مواعين عجيبه حق التقسيمات
وعنده الكوابه الكبيره الي تحتهم صحن تحطين معاه كوكيز وسوالف
سوي فودو ينباع العده مالته وقصقصي فراوله موز كيك ماشميلو وبدعو مع اليهال يحبونه واغراء
غيري كفر السرير وحطيله بجامه يديده يمها عطر انتي اتحبينه
زهبي عدة الشور
بس مادري بعد ملينا كل شي مستهلك وكله بلعه

 

[توحه1]

صاجه بطووووط وانا رجيم بعد وفكرتج انا اسويها مع نافورت الكاكاو عند اياها وحده يابتها لي هدية ولادتي قبل 6 ينوات ضحكت عليها هالهديه والحين مااستغني عنها اهي وماكينت النفيش كانت اغرب هديه ومميزه النافوره وماكينت النفيش

 

[توحه1]

مابي اغير شي الشقه لان اغلبه صارله 20 يوم اوشهر مجدد اوول مارجعت شقتي عشان جذي محتاره

 

[miss_Ba6oOo6a]

او بدال الكاكاو ما عرف الوصفه يصير جبن جيز فوندو
مع خبز مقصص دياي ميني برقر مادري وين كليته لوووول يوعانه

 

[غلا عموري]

الله يرده لك سالم يااارب ويقر عينك بشوووفته تووحـــــــــــه
اهم شي عدلي النيوولووك وفاجئيه بشي غريب
خلك عرووووووس من اول وجديد

 

[توحه1]

الله يسلمج ان شاء الله امس بالحفله الكل يقولي جسمك ترتب ماضعفتي كثر ماانلميتي وزوايد الي كانت طالعه من ظهرج اختفت استانست وان شاء الله املي عين ريلي

 

[توحه1]

حلوه الفكره بطووط مع صحن خضار سوتيه على جنب بس يبيلي الوصفه وابلور الفكره واسويها ليش لا

 

[بـسمـه غـلآ]

بنااااات

تحاميييييل البيتادين متى ابدا استعملهم ؟؟؟؟؟؟؟؟؟؟؟؟؟؟؟؟

وشلون لاحظت وياهم عصا طويله شنو قصتها ؟؟؟؟؟؟؟

وبعدين شكلها غريب مثلثه

واذا جيت احطها لازم اكون منسدحه ولا عادي احطها بالحمام تكرمون وبعدين سيدا على فراشي ؟؟؟؟؟؟؟؟

 

[توحه1]

بسومة عمري ماستخدمت هالسوالف بس اسمع ان يستخدمونهم من يوم35 من النفاس وبعد لاتستخدمين العصى الي معاها والله اعلم

 

[miss_Ba6oOo6a]

العصا لا تستخدمينها
البيتادين طول حمالي اخذها بس يتلفون لازم كوتكس كبيرة بس تنظف
وحطيها عادي بالسرير احسن تظمنين ماكو حركة

 

[بـسمـه غـلآ]

مدري توحه انا سمعت انها تنظف واذا في التهاب تعالجه

قلت اجربها مع ان بنفاسي الاول ما جربتها

بطوطه مشكوره حبيبتي على التوضيح