تجمع مواليدديسمبر2011ومواليديناير2012

[توحه1]

سلام حبايبي شخباركم وشخبار الكتاكيييت

 

[توحه1]

جمعه مباركه

 

[غلآتي]

شلوونكم بناات

 

[توحه1]

هلا غلاتي بخير كلنا

 

[حنان المحبه]

هلا ياعمري مايامر عليج ظالم توحه
ولدي بسادس ولي يومج هذا يقول ماعنده دروس ولا واجبات واللي يعطونه يحلهم بالمدرسه
وكاني ضاغطه عليه شوي عشان يراجع قدام عيني
اما الصغير لعوزني يبي الشيل وليما الحين يمص اصبعه احاتي يطول وهو عالحاله هذي اخوه اللي اكبر منه رد يمص اصبعه وبقوه بعد ادري ذبحته الغيره حيل معور قلبي
المهم الحين شخباركم وعيالكم
توحه انتي نور التجمع ولا هو قصور بالبلقين بس اسم الله عليج تسالين عنا وتدورينا عساج عالقوه
000000بس الدنيا تلهي باللي فيها
اخبار الحوامل وشلونكم مع الثقل وجم لكم عسى
ربي يهون عليكم يارب

 

[توحه1]

الله يعينج حنون اخذيله من الصيدليه شي حطيه على صبعهً او مره من الحواي ونقعي صبعه فيه انا يويو رد على الشيل وصاله كم يوم حراره
٤٠ درجه وان نزلت صارت٣٨ الله يعينه ياقلبي
والحوامل باذن الله اهم باخرالسادس اونص السابع على ماضن
الله يتمم عليهم ويدخلون شهرهم وتسل عليهم كل عسير ويشوفون بيبياتهم ان شاء الله كاملين مكملين لازياده ولا نقصان

شخباركم جميعا مالكم حس

 

[Le chat]

اهلين بناات اخباركووووم توحه انا بنص السادس بس احس اني بالعاشر وااااااايد ثقيله فوق ما تتصورين وزن البيبي ٩٠٠ وشي مااذكر بالضبط الدكتور يقول زين ماعنده غير زين وزين واخر شي يصدمني يلا هااااااانت ان شاء الله ابي اولد وارتاح ولهانه علييه حبيب قلبي
جنون طلعتلها قذله هههههههههههه هذا التطور مالها فديت القذله الذهبيه يا زينها ووووبس

 

[توحه1]

واي فديتها شقورتنا ام غره عسل والله
وبعدين هالله هالله بالجزر حق حمني وحق مخه وايد زين ولا تنسين الموز مع اللبن عشان يصير مصك بوكرشه لذذذيذ حلات كرشته والله

 

[توحه1]

يويو طلع اول ناب واااي عانه على ماشق حبيبي

 

[حنان المحبه]

ياختي يازين من حطله قذله......
وعسى ربي يهون عليج ان شاءالله
توحه ياحلوه تو تطلع اسنانكم الله يعينه تعب والله عسى ربي يبارك فيهم ويصلحهم
توحه الاكل اللي كاتبته عادي اعطيه لولدي
ماني عارفه شنو اعطيه الحين بالضبط عمره باقي تقريبا 4 ايام ان شاءالله ويتم9 شهور يعني يدخل ان شاءالله 10 شهور

 

[توحه1]

حنونه يويو الحمدالله هذا خامس لولو يطلعه
وبادي يوقف بس بمساعده طبعا
يمسك بطاوله او بالغنفه او بريولي
اما الاكل الي توني كاتبته هذا حق ولد لي لي الي بكرشها
اما عيالنا بالشهر مرتين لحم
بالشهر مرتين دجاج
بالشهر مرتين سمك اوربيان
والباقي خضار ويوميا دخلي فواكهه فرش باكل ولدج
والتمر
انا عن نفسي اعطي من طباخي واهرسه بيدي مو بخلاط
واعطيه بسكوت
وبالبيض بالشهر٣مرات
وعطيه لبنه وخبز
بس الحين صالي ١٢ يوم ماوكله شي
يدوبك حليب وبسكوت وموز وبطاط وخبز ولبنه تكرموون فيه سهال وحرااره عشان الناب وعنده التهاب باللوز
مال تغير الجو

 

[توحه1]

انا اوكله كوسا محشي
هريس
جريش
بطاط
معكرونه
شوربااات
كبب
برد اي شي انا وخوانه ناكله ياكله اسم الله عليه الرحمن بس الحين ولا شي

 

[توحه1]

صباح الجوالحلو بدى البرد وباذن الله العطلها فيها رشة مطر قولوا امين

 

[Le chat]

ليييش توحه مو زين وزنه!! هذا دمتوري مايبرد القلب مايعطيني كلمه كل كلام عايم
عسووله جم وزن بيبيتج؟؟

 

[Le chat]

اللهم امييين ياليييت مشتاقين حق المطر وريحته

 

[عسووولــــة]

هلا فيكم خواتي حبيباتي

توحة ولدي نفس ولدج ماياكل وتغير الجو ماثر علية << تصدقين لا لحم ولا سمك ولا بيض اعطية كلش ناوية من يكمل السنة

ماباقي غير شهرين ويكمل ولدي سنة الله يحفظهم ان شاءالله

توحة ولدج في اي تاريخ يكمل السنة <<< متى عيد ميلادة ؟؟؟

لي لي حبيبتي ما سالت الدكتورة عن وزن بيبي بس سالتها عن صحتها وجنس بيبي ان شاءالله في المرة الجاية

شنو مفكرين ف عيد ميلاد ؟؟؟؟

نتبادل الافكار

 

[Le chat]

ناويه اسويلها اهي وابوها بيوم واحد لانهم نفس الشهر اذا الجو حلو راح نسوي شوي في حوش بيتنا واييب نطاطيات حق اليهال ووبس ماادري شنو اسوي كنت ناويه اسوي شي وشويات بس مالي خلق ثقلت ومفلسييين وراي ولاده

 

[توحه1]

مادري لي لي احس نتوفه تفخيه حبتين
عسول انا يويو ب١٢/١٨ الساعه ولدته بفضل الله ودعاكم لي ربي سهلها علي وكانت اسهل ولاده سبحان الله بس بعدها الضغط شللل صعد واايد بس الحمدلله بس حزتها ربي لك الحمد والشكر
انا مفكره اسويله كيكات لوولي بووب كيك جان تعرفوونهم كيك صغار بعود على اشكال وكووكيز مادري مافكرت انا احب العيدميلاد بعمر سنتين يكون فاهم حزتها يسوى الواحد يخب عمره
كل يويواااتي جذي السنه الثانيه اخب نفسي الاولى شي بسيط رمز للعيدميلاد وبس
رحت عيدميلاد على شخصية ام اند امز عجيييب يصلح للبنات ولاولاد بعدين اقولكم التفصيل اذا شفت المنتدى في احد
هههههه اشوقكم عاد تعرفوني بالشرح والوصف مايحتاي اقول ههههه اعيشكم جو كانكم بالحفله

 

[Le chat]

توحه جم المفروض وزنه ب ٢٦ اسبوووع؟
حلوه فكره البوب كيك وصاجه مايعرفون بعمر سنه الله يحيينا واشوف شسوي الحين انا محتاره بابوها ماادري شييبله اهو يحب الالكترونيات

 

[توحه1]

سويله كيكته على بليس تيشن ولا جهاز من الي يحبه قلبه وشتريله بوك ولاقلم ولا جوتي وانت بكرامه ولا ترينق لان ياينا اشته وورانا بر
والجو مال هالسوالف